15
Musanın mübarizə etdiyi üsyan və basqınlar məsələsini yenidən
nəzərdən keçirək
1
.
Qeyd etmək lazımdır ki, Ç.Dovsett tərəfindən nəşr edilmiş
"Tarix" K.Patkanovun nəşrindən əsaslı surətdə fərqlənir. K.Patkanov
J.Şaxatuniyə məxsus təkcə bir əlyazmasının surətindən köçürülmüş
materialdan istifadə edərək "Tarix"i rus dilinə tərcümə etmişdir.
Ç.Dovsett isə "Tarix"i ingilis dilinə tərcümə edərkən dünyanın kitab
saxlanılan müxtəlif yerlərində və xüsusi kitabxanalarda olan, demək
olar ki, bütün əlyazmalarını (40-a yaxın), həmçinin nəşr olunmuş
mətnləri bir-biri ilə tutuşdurmuşdur. Buna görə də, nə qədər ki,
"Tarix"in tənqidi mətninin rus dilinə tərcüməsi çap olunmayıb, ən
yaxşısı, tədqiqat üçün Ç.Dovsettin nəşrindən istifadə etməkdir.
Tədqiqatımızda istifadə etdiyimiz eyni dərəcədə mühüm
mənbələrdən biri də Sebeosun "İmperator İraklın tarixi"dir
2
. Bu
əsərdə Sebeosun şərhinin əsasını ərəb istilalarının şahidi olmuş
adamların dilindən şərh edilən hadisələr təşkil edir; Sebeos VII əsrin
birinci yarısında baş vermiş hadisələri təsvir edərkən yazır: "Biz
bütün bunları taciklərin (ərəblərin) əsir apardıqları adamlardan
eşitmişik. Bunların hamısını onlar bir şahid kimi özləri danışırdılar"
3
.
Sebeos öz əsərində Sasanilər tarixinin qısa xülasəsini verir.
Sebeos imperator İraklın Azərbaycan ərazisinə hərbi səfərlərinə
xüsusi diqqət yetirmiş, ərəblər tərəfindən istila olunmuş Zaqafqaziya
ölkələrində islam dininin yayılması məsələsinə də çox yer vermişdir.
Sebeos öz "Tarixi"nin eramızın 661-ci ilində, xəlifə Müaviyənin
hakimiyyət başına gəlməsi ilə əlaqədar olan hadisələrin təsviri ilə
qurtarır.
1
Z.M.Bünyadov. Bir daha Moisey Kalankatuklunun "Ağvan tarixi"nin nəşr
olunmamış səhifələri haqqında, səh. 3-9.
2
К.П.Патканов. Библиографический очерк армянской исторической
литературы. СПб., 1880, стр. 36-38.
3
История императора Иракла, стр. 122.
16
Gevondun "Xəlifələr tarixi"
1
əsəri də bizim tədqiqatımız üçün
çox faydalı olmuşdur. Bu əsər müəllifin özünün bilavasitə şahidi və
müasiri olduğu VIII əsrin son rübündəki hadisələrinin şərhi ilə bitir.
Gevondun bütün "Tarix"i təxminən 127 il ərzində: Müaviyənin
xəlifəliyə başlamasından (661) katolikos Stepannosun seçildiyi
ilədək (788) olan dövrdə Zaqafqaziyada baş vermiş hadisələri əhatə
edir. Bu əsərdə Gevond ərəblərin yalnız talan məqsədilə və islamı
yaymaq üçün Azərbaycan və Ermənistana ilk hücumlarından danışır;
daha sonra ərəblərin albanları, erməniləri və Qafqazın digər
xalqlarını özlərinə tabe etmələrindən, onların ermənilər, yunanlar
xəzərlərlə etdikləri müharibələrdən bəhs edir. "Tarix"in bu hissəsində
Gevondun verdiyi məlumat xüsusilə maraqlıdır; çünki burada o,
xəzərlər haqqında başqa mənbələrdən bizə məlum olmayan tarixi
təfsilatlardan xəbər verir
2
.
Gevond öz "Tarixi"ndə Zaqafqaziya xalqları barəsində
ərəblərin yeritdikləri siyasəti izah edir, öz ağalıqlarını
möhkəmləndirmək üçün ərəblərin dağılmış şəhərləri bərpa
etmələrindən, yeni qala divarları tikmələrindən, dayaq məntəqələri
yaratmalarından, yeni şəhərlər salmalarından, ərəblər zamanında
ticarətin tərəqqisindən danışır. Gevondun "Tarix"i VII- VIII əsrlərdə
Zaqafqaziya, Bizans və Xəzər xaqanlığının iqtisadi vəziyyətini
öyrənənlər üçün də maraqlıdır.
Bu "Tarix"də bütün hadisələr xəlifələrdən Əbu Bəkr, Ömər və
Osmanın fəaliyyəti ilə əlaqədar surətdə şərh olunur. Azərbaycanda
baş vermiş tarixi hadisələrin izahı Gevondun vəzifəsinə bilavasitə aid
olmasa da, Gevond həmin hadisələrdən kənarda qalmır. "Tarix"də
Azərbaycan ərazisinə xəzərlərin dağıdıcı qəfıl hücumlarından parlaq
səhnələr təsvir edilir.
Katolikos VI İohan Drasxanakertlinin (897-925) "Ermənistan
tarixi"ndə Ermənistanda Sacilər sülaləsi nümayəndələrinin fəaliyyəti
1
K.П.Патканов. Библиографический очерк армянской исторической
литературы. СПб., 1880, стр. 33-34.
2
К.П.Патканов. Предисловие к "Истории халифов вардапета Гевонда”.
СПб., 1882, стр. VII; yenə onun: Библиографический очерк…, стр. 34
17
haqqında geniş məlumat vardır. Təsvir etdiyi hadisələrin demək olar
ki, hamısının iştirakçısı olan katolikos VI İohan Sacilərin Ermənistan
səfərlərindən, yerli hakimlərlə, xüsusilə Baqratilərlə onların siyasi
əlaqələrindən ətraflı danışır
1
.
X əsr müəllifi Foma Artsruninin "Artsruni xanədanının tarixi”
2
əsərində bizi "Sanarlar arasında nələr baş verdiyi haqqında" 10-cu
fəsil maraqlandırır.
Sanar tayfaları hələ IX əsrdə Arranın şimal hissəsində qəbilə
icmaları şəklində yaşayırdılar: heç bir yadelli hakimiyyət tanımır,
Buğanın komandası altında olan ərəb qoşunlarına qarşı rəşadətlə
vuruşurdular. Adı çəkilən fəsildə Beyləqan hakimi knyaz Yesai Əbu
Musa ilə xilafətdən ayrılmış Azərbaycan və Gürcüstanı itaət altına
almağa cəhd edən Buğa arasında baş vermiş saysız-hesabsız
vuruşmalar təsvir olunur.
Sacilər dövlətinin tarixini və onlann Ermənistanda yeritdiyi
siyasəti öyrənmək üçün Stepannos Taronskinin (Asogikin) "Ümumi
tarix"
3
əsərinin üçüncü hissəsində verilən məlumat maraqlıdır. Bu
əsərdə Baqratilər xanədanının 885-ci ildən 1004-cü ilədək 119 illik
tarixi, daha doğrusu, bu sülalənin yeddi nümayəndəsinin hakimiyyət
dövrü təsvir olunur. Yusif ibn Əbu Sacın Ermənistan səfərləri,
Ermənistan, Gürcüstan və Arran ərazilərində müxtəlif sülalələrə qarşı
onun mübarizəsi ətraflı şərh edilir.
Bu göstərilən mənbələrdən əlavə, Babəkin rəhbərliyi ilə
Azərbaycan xürrəmilərinin üsyanına aid məsələlərin, habelə Şimali
Azərbaycana aid bəzi sosial-iqtisadi məlumatın tədqiqində Vardanın
1
Histoire d'Armenie par le patriarche Jean VI dit Jean Catholios..., Paris,
1841; К.П.Патканов. Библиографический очерк армянской исторической
литературы. СПб., 1880, стр. 35; M.X.Şərifli. Sacilər dövləti, səh. 23.
2
Th. Ardzrouni. X-e S. Histoire des Ardzrouni, tr. par M.Brosset Collection
Historiens Armeniens, t. I, St.-P., 1874 (sonrakı səhifələrdə bu mənbə
Arstruni göstəriləcəkdir). K.P.Patkanov. Sitat gətirilən əsəri, səh. 35-36.
3
Степаннос Таронский (Acoruk). Всеобщая история. Ermənicədən
N.Emin tərcümə etmişdir. M., 1864; К.П.Патканов. Sitat gətirilən əsəri, səh. 37-
38.
Dostları ilə paylaş: |