73
Qlobal böhranın ən çox təsir etdiyi sektor neft sektorudur. Ölkəmizin iqtisadi
artım tempi neft sektorundan aslıdır.(Cədvəl 3.3;) Böhran ərəfəsində neftin qiymətinin
ucuzlaşması neft istehsalçısı olan digər ölkələr kimi büdcəsini neft gəlirləri əsasında
quran Azərbaycanı da əhəmiyyətli dərəcədə zərərə uğratdı. Böhrana qədər neftin 1
bareli 150 dollara satılırdı. Və birdən-birə neftin qiymətinin düşməsi baş verdi, böhran
sonrası onun qiyməti 30-40 dollara qədər ucuzlaşdı. Neftin ucuzlaşması ixracatının
90%-indən çoxunu neft və neft məhsulları təşkil edən, dövlət büdcəsinin 75%-i neft
sektoru hesabına formalaşan Azərbaycan üçün özü ilə birgə bir çox problemlər də
gətirməkdədir.
Cədvəl 3.3
Ümumi Daxili Məhsulda neft və qeyri-neft sektorunun payı, faizlə(%)
İllər
2005 2006 2007 2008 2009 2010 2011 2012 2013 2014
Neft
gəlirləri
44.1
53.8
56.1
55.4
45.1
48.1
49.6
44.7
40.9
36.9
Qeyri-
neft
gəlirləri
48.4
40.7
37.3
37.9
47.0
45.2
44.5
49.1
52.5
56.0
Vergi
gəlirləri
7.5
5.5
6.6
6.7
7.9
6.7
5.9
6.2
6.6
7.3
Mənbə: Azərbaycan Respublikası Dövlət Statistika Komitəsinin statistik məlumatları əsasında
müəllif tərəfindən tərtib olunmuşdur,
www.stat.gov.az
Enerji daşıyıcılarının qiymətinin azalması təkcə iqtisadi deyil , o cümlədən
sosial problemlər də yaradır. Qlobal maliyyə böhranı sonrası Azərbaycan hökuməti
bir çox irihəcmli infrastruktur layihələrini reallaşdırmağı bir neçə il sonraya təxirə
salmağa məcbur olmuşdu. Xüsusilə yeni metro tikintisi layihələrini, Xəzər dənizi
üstündə körpü və bir sıra qurğuların qurulması layihələri böhranın nəticələrinin
səngiməsindən sonraya təxirə salınmışdı.
Dünya bazarlarında tələbatın aşağı düşməsi Azərbaycanın qeyri-neft sektoru
sahəsində fəaliyyət göstərən şirkətlərin də fəaliyyətinə mənfi təsir göstərmiş və
74
gəlirlərinin azalmasına səbəb olmuşdur. Çünki ölkəmizdə qeyri-neft sektoru da bir
başa və ya dolayısı ilə neftdən aslıdır.
Qlobal maliyyə böhranının təsirinin azaldılmasında və xüsusilə ölkənin ərzaq
təhlükəsizliyinin təmin olunmasında kənd təsərrüfatının rolu əvəz olunmazdır.
Azərbaycanda aqrar sahənin , xüsusilə kənd təsərrüfatının öz maliyyə resursları
hesabına səmərəli fəaliyyət göstərməsi demək olar ki, mümkün deyildir, lakin
tələbatın öz istehsalı hesabına ödənilə bilməsinin təmin edilməsi çox vacibdir. Ölkə
rəhbərinin imzaladığı sərəncam və fərmanlara əsasən, kənd təsərrüfatı məhsulları
istehsalçılarına dövlət büdcəsindən verilən subsidyalar və güzəştlər, təstiq edilmiş
müxtəlif proqramların yerinə yetirilməsi üçün həyata keçirilən silsilə tədbirlər kənd
təsərrüfatı istehsalının maddi və texniki bazasını möhkəmləndirib. Kənd
təsərrüfatında yaranan əlavə dəyərin real artımı 2009-cu ildə 2008-ci ilə nisbətən
3.5% artaraq 2.3 mlrd. manat təşkil edib.[30, səh.6] Maliyyə böhranı bir daha
göstərdi ki, kənd təsərrüfatının inkişafına daha çox diqqət yetirmək lazımdır.
2008-ci ildə başlayan maliyyə iqtisadi böhranı qlobal ticarətə təsir göstərdi.
Qlobal ticarətin tərkib hissəsi olan Azərbaycanın ticarət sektoru da bundan “payını”
aldı. Böhranın ticarət sektoruna göstərdiyi təsiri aşağıdakı kimi ifadə etmək olar. Belə
ki, 2008-ci il ərzində respublikanın rezident və qeyri-rezidentləri tərəfindən 141 ölkə
ilə aparılmış ticarət əməliyyatlarının həcmi 54.9 milyard dollar olmuşdur. Bu müddət
ərzində 47.8 milyard dollar dəyərində 2127 adda mal ixrac, 7.2 milyard dollar
dəyərində 5893 adda mal isə idxal olunmuş, ixracidxal əməliyyatları üzrə müsbət
saldo 40.6 milyard dollar təşkil etmişdir. Növbəti ildə yəni 2009-cu ildə bu göstərici
demək olar yarıbayarı azalmışdır. Xüsusilə ixracın həcmində azalma müşahidə
olunmuşdur.
Qlobal maliyyə iqtisadi böhranı öz təsirini ölkənin xarici dövlət borclarının
həcmində də göstərmişdir. Böhran dövründə Azərbaycanın xarici dövlət borcunun
həcmi 2008-ci il ərzində 22.9% artaraq 2009-cu ilin yanvar ayının 1-nə 3 mlrd.
dollara çatmışdı. Xarici borcun ÜDM-ə qarşı nisbəti növbəti ildə yəni, 2009-cu ildə
8.2%-dən 6.4 %-ə düşüb. Qeyd edək ki, borcun ödənilməsinə dövlət büdcəsindən
75
117.9 mln. dollar vəsait xərclənib. Xarici borcların sürətli artım tendensiyasının
müşahidə olunması narahatçılıq doğurur. Belə ki, xarici borcun ÜDM-də payının
yüksəlməsi ciddi siqnaldır. Əlavə olaraq bu cür kəskin artım tempi Azərbaycanın
maliyyə imkanlarının əvvəlki illərlə müqayisədə kifayət qədər daraldığı bir vaxta
təsadüf edir.
Qlobal böhranın Azərbaycanda ən çox təsirinin hiss edildiyi sektor tikinti
sektoru olmuşdur. Əvvəlki illərdə çiçəklənən tikinti sektoru müştəri və kapital
qıtlığından əziyyət çəkmişdir. Onun tənəzzülü gözlə görüləcək qədər olmuşdur. Belə
ki, 2008-ci ilə nisbətdə 2009-cu ildə tikinti müəssisələri tərəfindən yerinə yetirilmiş
inşaat işlərinin həcmi 12.2% azalmışdı.
Azərbaycanın daşınmaz əmlak bazarı da qlobal maliyyə böhranından müəyyən
qədər ziyan çəkib. Əmlakın dövlət qeydiyyatı xidmətinin məlumatlarına görə, 2008-
ci il ərzində əmlakın bütün növlərinin qiymətləri orta hesabla 10-15% aşağı düşüb.
2008-ci ilin sonuna ikinci mənzil bazarında qiymətlər 2007-ci ilin səviyyəsinə enib.
Qiymətlərin aşağı düşməyə başlaması dünya maliyyə böhranının təsiri altında
daşınmaz əmlak bazarında fəallığın azalması ilə əlaqədardır. Nəticədə daşınmaz
əmlak bazarında şərtlərin ağırlığına dözə bilməyən şirkətlər bazarı tərk etməkdədir.
Digər şirkətlər isə maliyyə problemlərini həll etməkdən ötrü mənzillərin qiymətlərini
aşağı salmaq və s. təşviqedici üsullardan istifadə edirlər.
Qlobal maliyyə böhranı birinci mərhələsində Azərbaycan iqtisadiyyatının daha
çox bank və maliyyə sektoruna təsir etməyə başlamışdı. Bu hadisə əvvəlcədən
proqnozlaşdırılırdı, onun da başlıca səbəbi ölkənin qeyri-neft sahəsində ən çox bank
sektorunun inkişaf etməsidir. Dövlət Statistika Komitəsinin məlumatlarına görə,
Azərbaycanda qeyri-neft iqtisadiyyatının 70 faizi məhz maliyyə sektorunun, əsasən
də bank sektorunun payına düşür. Bu baxımdan qlobal maliyyə böhranının bank
sektoruna təsirləri qaçılmaz idi. Eyni zamanda unutmamalıyıq ki, bu gün dünyanın
maliyyə sistemi qloballaşıb. Azərbaycan iqtisadiyyatı dünya iqtisadiyyatına
inteqrasiya olunub və unun bir parçasıdır. Azərbaycan maliyyə sektoru da dünya
maliyyə sektoruna bu və ya digər dərəcədə inteqrasiya edib. Bu gün Azərbaycan
Dostları ilə paylaş: |