64
ABŞ formal olaraq 2009-cu ildə tənəzzüldən çıxdı, lakin iqtisadiyyatının artım
sürəti yüksək deyildi. Dünya iqtisadiyyatının real şəkli geniş tamaşaçı kütləsindən
gizlədilirdi. 2015-ci ilin iyulunda ABŞ-ın Ticarət Departamentinin İqtisadi
Araşdırmalar Bürosu etiraf etmişdir ki, 2011-ci ildən etibarən ÜDM-in həqiqi rüblük
göstəriciləri yalan şəkildə artırılmışdır. Bəzi hallarda bu artım dəfələrlə böyük
göstərilmişdir. Məsələn, 2013-cü ilin III rübündə artım dərc olunduğu kimi 2.5%
deyil , 0.5% olmuşdur. Elə bu formada da işsizliyi də “həll edirdilər”.
Qeyd etmək lazımdır ki, həm Aİ-nın , həm də ABŞ-ın istehlakda qənaət dövrü
bitmişdir. Nəhəng Amerika pərakəndə satış bazarı artıq 8 ildir ki, fəaliyyət göstərmir.
Dünyanı uçurumdan çıxarmaq üçün ABŞ və Ai-nın ÜDM-nin artım sürəti kifayət
qədər deyildir.
Ölkələrinin iqtisadiyyatını tənəzzüldən çıxarmaq istəyən hökumət rəhbərlərinin
bir az artıq ucuz pul buraxması sadəcə müvəqqəti olaraq real sektora xeyirli oldu,
lakin maliyyə bazarlarında və daşınmaz əmlak bazarlarında köpüklərin yaranmasına
səbəb oldular.
Dünyanın heç bir inkişaf etmiş ölkəsinin iqtisadiyyatının artım sürəti qalxmır,
hətta yavaşımağa başladığı üçün xammalların qiyməti düşür. İndiki dünya
iqtisadiyyatının həcminin artmasına nə metal, nə də enerji daşıyıcıları lazım deyildir.
Neft bazarında problemlərdən biri də Səudiyyə Ərəbistanın və digər Yaxın Şərq
ölkələrinin həddindən artıq lazımsız neft hasil etməsidir. Onların əsas məqsədi çox
neft hasil edərək neftin qiymətini aşağı tutaraq ABŞ-la rəqabəti saxlaya bilməkdir.
Nəticə isə acınacaqlıdır-devalvasiya və yüksək artım sürətinə nail ola bilməmək. ABŞ
neft-qaz sektorunda çalışan işçilərini ixtisar edir və götürülmüş kreditləri qaytara
bilməməsi təhlükəsi ilə üzləşib.
Neft qiymətlərinin kəskin aşağı düşməsi xüsusilə büdcəsi ondan asılı olan
inkişaf etməkdə olan ölkələrə mənfi təsir edib. Bu ölkələr sırasında Qazaxıstan,
Rusiya, Azərbaycan və digər ölkələrdə vardır.
Baxmayaraq ki, 2009-cu ildə Qazaxıstanın Mərkəzi Bankı bir daha devalvasiya
olmayacağını söyləmişdi, 2014-cü ildə milli valyuta yenidən devalvasiya edildi. Neft
65
qiymətlərinin dayanmadan enməsi 2015-ci ilin avqustanda Qazaxıstan hökumətini
üzən məzənnə rejiminə keçməyə sövq etdi. Bu hadisədən sonra təngə sürətlə dollara
nəzərən ucuzlaşdı və cari ilin sentyabrında 50%-dən çox, dekabrında isə 85%-lik
devalvasiyaya uğradı.
Beləliklə böhranın “ikinci dalğası” “birinci dalğanın” sadəcə zədələdiyi ölkə
iqtisadiyyatlarını iflic etdi. Bu mərhələdə inkişaf etmiş ölkələr daha dayanıqlılıq
göstərdilər. Bununda səbəbi böhranın birinci mərhələsindən sonra aparılan anti-
böhran tədbirləri və ölkələrin təcrübə qazanması idi. İkinci dalğa bu dəfə daha çox
inkişaf etməkdə olan ölkələrə təsir etdi. İnkişaf etməkdə olan ölkələrə böhranın
təsirinin yumşaltmaqdan ötrü aşağıdakı tədbirlər planını həyata keçirmək tövsiyyə
olunur:
1. İlk öncə qonşu dövlətlər ilə proteksionist tədbirlərin və problemin “ixracı”
siyasətinin həyata keçirilməsindən qaçmaq lazımdır. Burada söhbət sadəcə klassik
proteksionist siyasətdən getmir, yəni söhbət məsələn, idxal rüsumlarının artırılması
və ya idxal müdafiəsi üçün qeyri-tarif tədbirlərindən getmir. Söhbət həm də
valyutaların devalvasiyası yarışından, iş qüvvəsinin idxalına məhdudiyyətlərin
qoyulmasından,
yerli
istehsalçılara
xarici
subsidyaların
tədbiqində
məhdudiyyətlərdən və s. gedir.
2. Hökumətlər özəl müəssisələrin milliləşdirilməsinə, həmçinin dövlət
sektorunun genişləndirilməsinə tələsməməlidir. Bu istehsalın həcmini aşağı salır,
sahibkarlıq fəaliyyətini zəiflədir və korrupsiyaya yol açır. Milliləşdirmə yalnız qısa
müddətə olmalıdır.
3. Ölkələrdə böhranın təsirini azaltmaqdan və iqtisadi artımı sürətləndirməkdən
ötrü inkişaf dövründə unudulmuş struktur və institutsional islahatlara başlanılmalıdır.
Həmçinin islahatlar zamanı hər dövlətin mövcud vəziyyəti nəzərə alınmalıdır və bu
islahatlar əmək bazarının elastikliyinin artırılmasına cəhd etməlidir, iş mühiti
yaxşılaşdırılmalıdır,korrupsiya
ilə
mübarizə
aparılmalıdır,
sosial
sfera
gücləndirilməlidir.
4. Maliyyə sisteminə həm milli, həmdə fövqəlmilli nəzarət gücləndirilməlidir.
66
5. BVF və Dünya Bankında islahatlar aparılmalı və inkşaf etməkdə olan
ölkələrin səs vermə hüququ təmin olunmalıdır.
Cari böhranın dünya iqtisadiyyatı üçün ağır dövr olduğunu nəzərə almaq və
yalnız onun səbəblərini müəyyən etmək lazım deyildir, eyni zamanda onun dünya
təsərrüfatı üçün nəticələri haqqında düşünmək və onun gələcək möhkəmliyi
barəsində düşünmək lazımdır. Qeyd edək ki, böhran sözünün mənalarından biri
“dönüş nöqtəsi” deməkdir. Bu səbəbdəndir ki, cari böhranın dünya iqtisadiyyatının
simasının yenilənməsində necə bir dönüş nöqtəsi olacağı çox maraqlıdır. [73, səh.3]
İqtisadçılar artıq böhranın o biri tərəfinə baxır və onun necə bitəcəyi və dünya
iqtisadiyyatına necə təsir edəcəyini müzakirə edir. Dünya İqtisadi Forumu (DİF) bu
problemə həsr olunmuş “Dünya maliyyə sisteminin gələcəyi” adlı məlumat
buraxdılar. Orada böhran haqqında 4 ssenari təklif olunmuşdu. Onlar bir-birindən çox
fərqlənirdilər və onlardan hansı daha realdır söyləmək çox çətindir.
DİF qeyd edir ki, son iki onillikdir davam edən güclü inkişaf dövrü artıq sona
çatır. İndi maliyyə institutları kreditlərin ixtisarı, iqtisadi inkişafın zəifləməsi və
dövlətlərin müdaxiləsinin güclənməsi şəaitində işləməyi öyrənir. 2008-ci ildən 2020-
ci ilə kimi maliyyə sistemlərinin inkişafı 4 ssenaridən biri ilə gedə bilər.
Birincisi, “Maliyyənin regionlaşdırılması” adlanır. Bu ssenariyə əsasən ABŞ və
Avropa kimi ölkələrin inkişafı ləngiməyə davam edir. ÜDM-in artımı ildə 1.2%-dən
yuxarı olmayacaq. Buna paralel olaraq inkişaf etməkdə olan ölkələrin inkişaf sürəti
artacaq. Onların ÜDM-ində ildə 9% artım olacaq. Onlar özlərini inkişaf etmiş
ölkələrdən, onların fikirlərindən qorumaq üçün onlarla əlaqələrini kəsib öz bloklarını
yaradacaqlar. ABŞ təcrid olunacaq. Onların dünya ölkələri ilə iqtisadi əlaqələri
sadəcə turizm və enerji resurslarının ticarəti ilə əlaqədar olacaq. Enerji təhlükəsizliyi
ən vacib məsələ olacaq.
Artıq dollar və Avro yeganə ehtiyat valyuta olmayacaq. İqtisadiyyatın mərkəzi
Şərq olacaq və Asiyada Çin liderlik kürsüsünə sahib olacaq. Bununla dünyanı 3 gücə
böləcəklər: ABŞ-ın rəhbərliyi ilə Demokratik Ticarət Alyansı; Avropa İttifaqı; Çinin
lider olduğu Şərqi Beynəlxalq İqtisadi Təşkilat.
Dostları ilə paylaş: |