61
Ekspertlərin proqnozuna görə yeni iqtisadi böhranın 2015-ci ilin yazından
başlanması gözlənilirdi.[71] Əslində dünyada iqtisadi sabitliyi pozan bir çox
problemlər toplanmışdır. Bu problemlərə aiddir :
1. Çoxsaylı etnik münaqişələr . Bunu eyni zamanda Avropa, hakimiyyət
orqanları ilə afro-amerikanlar arasında toqquşmaların bitmədiyi ABŞ üçün də
söyləmək olar.
2. Əvvəlki maliyyə böhranı yalnız iqtisadiyatı geri salmadı , həmçinin siniflər
arası təbəqələşmənin dərinləşməsinə səbəb oldu. İşsiz və yoxsulların sayı artır və
nəticədə müxtəlif əmtəə və xidmətlərə olan tələbin düşməsinə səbəb oldu. Beləliklə
istehsalın azalması baş verdi , bu da öz növbəsində dövlət büdcəsinə ödənilən
vergilərin azalmasına gətirib çıxardı.
3. Ukrayna münaqişəsi, Suriya və İraq hakimiyyət bölüşdürülməsi kimi
geosiyasi məsələlər də iqtisadiyyatın sabitləşməməsinə səbəb olur.
Yuxarıdakı amillər bütövlükdə dünya iqtisadiyyatına təsir göstərən amillərdir.
Bundan başqa dünya ölkələrinə , onların qeyri-bərabər inkişafına təsir göstərən
birbaşa amillər də vardır. Bu amillər aşağıdakılardır :
1. Mülkiyyət. Bir çox ölkələrdə sərfəli ipoteka kreditləri əmlak artımını
stimullaşdırır və nəticədə potensial borcların sayını artırır. Bu kimi ölkələrə Kanada,
Çin, Braziliya aiddir.
2. Fond bazarında kiçik köpüklərin əsassız şəkildə şişirdilməsi. Bir çox
analitiklər fond bazarında qiymətlərin həddən artıq yuxarı olması fikrində razılığa
gəlmişlər. Əgər onları real qiymətlərinə gətirdikdə qiymətlər minimum 35%
enəcəkdir. Bu isə birjanın demək olar ki, dağılması deməkdir.
3. Enerji sektorunda artan böhran ölkələr arasında qeyri-bərabərliyə səbəb olur.
Bu neft istehsalı ölkələrinin neftin qiymətini aşağı salması ilə əlaqədardır.
4. Bir çox ölkələrdə əhalinin kütləvi yoxsullaşması yeni texnologiyaların tətbiqi
imkanını aşağı salır və nəticədə istehsalın həcminin aşağı düşməsinə səbəb olur.
62
Bu dünya ölkələrinin əksəriyyətinə aiddir. İstehsalın azalması öz ardınca
infilyasiya gətirir. Bu zəncirvari reaksiya 2015-ci ildə qlobal iqtisadi böhranı
şərtləndirdi. 2015-ci ildə böhran ABŞ və Avropada gözlənilirdi.
Bu gün bütün dünyada olduğu kimi ABŞ-da da infilyasiya artır və iqtisadi sektor
qeyri-sabitdir. ABŞ üçün ən böyük problem demoqrafik tənəzzüldür. Yerli əhalinin
kütləvi qocalması baş verir. Demoqrafik artım imiqrantların hesabına baş verir. Bu da
ABŞ-da təkrar istehsal üçün işçi qüvvəsi təmin edir. İndi vəziyyət dəyişib. Bu
problem iqtisadi vəziyyətə təsir edir. Qeyd etmək lazımdır ki, ölkədə rəsmi surətdə
qeydə alınmış 25%-ə qədər işsiz vardır. ABŞ-da heç bir yerdə işləməyərək dövlət
büdcəsinin hesabına yaşayan ailələr var. Bundan başqa əvvəlki böhrandan təsirlənən
əhalinin böyük bir hissəsi 2014-2015-ci illərdə pulsuz qida xidmətindən istifadə edir.
Bununla belə ABŞ -da vəziyyət elədə acınacaqlı deyil. İş ondadır ki, ABŞ
əvvəlki böhrandan dərs alaraq bu gün qeyri-sabit vəziyyətdən çıxmaq üçün böyük səy
göstərir.
Avropada siyasi liderlərin hərəkətlərinə qarşı həm yerli, həm də gəlmələrin
narazılığı artır. Söhbət yerli əhali ilə oraya mühacirət edən İslam dünyası
nümayəndələri arasında nifaq halından gedir. Bu amil heç bir şəkildə Avropada
iqtisadiyyatın sabitləşməsinə imkan verə bilməz. Mühacirlərin Avropaya axını büdcə
kəsiri yaşayan ölkələrin sosial yükünü daha da artırır.
2015-ci ildə Avropada 2008-ci il hadisələrinin yenidən yaşanır. Bu gün heç bir
Avropa ölkəsi baş verən hadisələrdən kənarda qala bilməz. Sadəcə hansı ölkənin daha
çox zərər görməsi dövlətin balanslı siyasətindən aslıdır.
İkinci dalğanı birinci dalğadan daha təhlükəli edən cəhət ikinci dalğanın Çində
böyük sənaye köpüklərinin meydana gətirməsidir. Çin buna görə də öz istehsalını
azaltmalı olacaq və bu da onun üçün sosial təhlükə deməkdir. Çində 2015-ci ilin 1-ci
yarısında Rusiya ilə olan mal dövriyyəsi 1/4 qədər azaldı. Yaponiya ilə 10%, Latın
Amerika və Afrika ölkələri ilə də mal dövriyyəsinin aşağı düşməsi vermişdir. Aİ
ölkələri ilə mal dövriysində isə rəsmi şəkildə çox az eniş qeydə alınıb.
63
Çin öz məhsullarına tələbin aşağı düşməsi ilə bağlı ciddi problemlər yaşayır.
Burda söhbət 2-3%-lik göstəricidən getmir, söhbət daha ciddi problemlərdən-satışın
sürətlə aşağı düşməsindən gedir. Məsələ ondadır ki, Pekin son illərdə istehsal
güclərini artıraraq sənaye köpüklərini şişirtmişdir. Belə ki, o xarici tələbin yüksək
olacağını planlaşdırmışdı, lakin tələb aşağı düşdü.
Fond indeksinin və xammalların qiymətlərinin aşağı düşməsi çoxları üçün şok
hadisə oldu. Amma bu əvvəl axır baş verəsi idi, beləki, inkişaf etmiş ölkələrin
mərkəzi bankları 2008-ci il qlobal maliyyə böhranından sonra real iqtisadiyyatda
investisiyaya çevrilə bilməyən trilyon dollarları bazara buraxdılar. İndi məsələ
ondadır ki, ABŞ və Çin hökuməti dünyanı yeni böhrandan saxlaya biləcəkmi.
Dünya fond bazarında qiymətlər 2015-ci ildə də aşağı düşməyə davam edir.
Fond qiymətlərinin aşağı düşməsi bu ilin avqust ayında da baş vermişdir. İnvestorlar
Çin hökumətindən tənzimləmə istiqamətində tədbirlər gözləyir , lakin yaxınlarda
başlayan yuanın devalvasiyası sadəcə sualları artırır və yeni qorxular böyüdür. Bu
dəfə Pekinin ABŞ-a qarşı valyuta müharibəsi başlaması ehtimal olunurdu. Bu
maliyyə bazarlarının və dünya ticarətinin möhkəmlənməsinə təhlükə yaradır.
ABŞ-ın FES-nin fonunda baş verən bütün bu hadisələr faiz dərəcəsini qaldırır.
Əgər faiz dərəcələri qalxmağa davam edərsə, bu dolların bahalaşmasına və onun
fonunda digər valyutaların düşməsinə səbəb olacaq. Hələki Çin və ABŞ hökumətləri
öz hərəkətlərində qeyri-müəyyənliyi saxlayırlar. Bazarda fırtına öncəsi sakitlikdir.
Fırtına baş verərsə, onun bulnıq sularında qazanacaq treyderlər olacaq, ümumilikdə
isə vəziyyət qeyri-sabit olur və yeni tənəzzül hər an baş verə bilər.
Qlobal iqtisadiyyat böhrandan çıxa bilmir. İnkişaf etmiş ölkələrin iqtisadiyyatı
staqnasiya yaşayır, valyutaların çoxu güclü devalvasıya edir. Çin iqtisadiyyatı qeyd
olunduğu kimi yavaşıyır. İxrac və idxal aşağı düşür və fond bazarında köpüklər şişir.
Aİ bütünlükdə tənəzzül vəziyyətindədir və iqtisadiyyatın artımı çox zəif sürətlə
baş verir. Üstəlikdə Avropa liderləri Yunanıstan probleminə bir çarə tapa bilmirlər.
Bu azmış kimi indisə minlərlə qeyri-qanuni miqrantlarla məşğul olmalıdırlar.
Dostları ilə paylaş: |