58
edəcək. Varlılar azdır və onlar daha da varlanacaq. Kasıblaşma demək olar ki, bütün
dövlətlərdə baş verir”.[107]
Artıq 2011-ci ildə inkişaf etmiş ölkələrdə ümumi büdcə-borc böhranı hiss
olunmağa başlandı. Dünya iqtisadiyyatında dəyişiliklər baş verirdi. Stabilləşmə dövrü
birja qeyri-stabillikləri ilə əvəz olundu. ABŞ isə ixracı gücləndirir və idxala təzyiq
edirdi. Aİ -da böhran ümumi xarakter almağa başladı. Çin iqtisadiyyatı isə
yavaşımağa başladı.
Beləliklə, 2011-ci ildən böhranın “ikinci dalğası” başlandı. “İkinci dalğa”
anlayışına da münasibət birmənalı deyildi. Bu baxımdan iqtisadçıların fikirləri də
şaxələnirdi. Bəziləri onu 2008-ci maliyyə-iqtisadi böhranının davamı, bəziləri isə onu
yeni böhran kimi qiymətləndirirdi. Baxmayaraq aparılmış antiböhran tədbirləri
inkişaf etmiş ölkələrdə “birinci dalğa”nın təsirini yumşaltmışdı, lakin böhranın
əlamətləri yenidən hiss olunmağa başladı.
2011-2013-cü illər ölkələrin inkişaf dinamikasına nəzər salsaq görərik ki,
ölkələrin iqtisadi artım sürəti çox aşağıdır. Xüsusilə, ləngimənin əsas səbəbkarı
Avropadır. İnkişaf etməkdə olan ölkələr daha dinamik olaraq qalırdı, baxmayaraq ki,
artım sürəti 2012-2013-cü illərdə yavaşıyıb. Burada da liderlik Asiya ölkələrinin
hesabına əldə olunur. Lakin dünya ÜDM-ində inkişaf etməkdə olan ölkələrin payı
həm Asiyanın inkişaf etməkdə olan ölkələrinin, həm də dinamik inkişaf etməkdə olan
Latın Amerika ölkələri hesabına artırdı.
2011-ci ilin nəticələrini nəzərdən keçirərkən görmək olur ki, 2011-ci il qlobal
iqtisadiyyat üçün bərpaedici rejimdə başlasa da, gözlənilmədən zəif artım və
ehtimadın itirilməsi ilə bitdi. İlin sonuna bir çox inkişaf etmiş iqtisadiyyatları
qapalılaşdı və hətta bəziləri Aİ dağılması ehtimalının olduğunu düşünürdü. 2011-ci
ilin 2009-cu ildən belə bərbad olacağı gözlənilirdi.
2012-ci ildə dünya ÜDM-i cəmi 3.2% artmışdı, dünya ticarəti isə sadəcə 2.5%
həcmində böyümüşdü. Dünyada işsizlik 2009-cu ildə özünün pik həddinə-199 mln.
insana çatmışdır, lakin 2012-ci ildə bu göstərici yenidən 4 mln. artaraq 197 mln.
olmuşdur. Bu göstərici iş qabiliyyətli əhalinin 6%-ni əhatə edir.
59
Akademik Yevgeni Primanov qeyd edirdi ki, dünya böhranının mərkəzindən -
ABŞ-dan gələn böhran haqqında danışmaq əsassızdır. O həmçinin qeyd edirdi ki,
birdən-birə dolların ümumdünya ödəniş vasitəsi missiyasıyla vidalaşacağı nəticəsinə
gəlmək də qeyri-realdır.
Ekspertlərin fikrincə böhranın “ikinci dalğası”nın episentiri BRİCS-Braziliya,
Rusiya, Hindistan, Çin, CAR ölkələridir. Əgər əvvəl böhranın səbəbkarı ABŞ hesab
olunurdusa, indi bu belə deyildi. Böhranın “İkinci dalğası”nı BRİCS ölkələri yaratdı.
Həmin ölkələrdə 2007-2008-ci ildə ABŞ-dakı kimi problemlər yetişdi. Bu ipoteka
böhranı idi və daşınmaz əmlak bazarında və maliyyə sistemində köpükləri
yaranmışdı. Dünya iqtisadi böhranın “ikinci dalğası” 2011-2012-ci illərdə
formalaşmışdır və bu gün bütün gücü ilə inkişaf edir. O, zamanla müxtəlif ölkələrdə
müxtəlif sürətlədə böyüyürdü. Avropa ölkələri haqqında da onu demək olar ki, Avro
da devalvasiya edir. Avropada dayanıqlı valyutayaların olacağını düşünmək lazım
deyildir. Dollar hal-hazırda güclü vəziyyətdə olacaq, bele ki, bu gün o yeganə
valyutadır ki, ona bel bağlamaq olar.
Problem BRİCS-də böyüməyə başladı bə onların təsərrüfatın tənzimlənməsi
siyasəti öz etibarsızlığını göstərdi.
2012-2013-cü illərdə ikinci dalğanın təsiri ölkələri iqtisadi siyasətlərini
dəyişməyə məcbur etdi. BRİCS-in digər dövlətləri kimi Rusiya da daxili tələbin
stimullaşdırılması və onun rəqiblərindən qorunması tədbirinə ehtiyac duydu. Lakin
protoksionist siyasət böhrana qarşı tam tədbir deyildi.
2013-cü ilin aprelində BVF qeyd etdi ki, 2 ildir geriləmə nümayiş etdirən
Avropa iqtisadiyyatı dünya iqtisadiyyatından geri qalır. Fondun baş iqtisadçısı
Olivyer Blanşard vurğulayır ki, “riskin ən böyük faktoru” Avropa olaraq qalır.
Avropa Komisiyasının nəşr etdirdiyi “Qısa iqtisadi proqnozlar”a görə Avropa
iqtisadiyyatı 2013-cü ildən tənəzzüldən çıxdı və daha sonra qalan ardıcıl 3 rübdə
“səssiz bərpa” ilə məşğul oldular. [108]
2013-cü ildə ümumdünya ÜDM-nin artım tempi 2.3-2.4% təşkil etmişdir.
Həmin ildə işsizlərin sayı əvvəlki illə müqayisədə 5 mln. daha artaraq demək olar ki,
60
202 mln. nəfər oldu. Beləliklə rəsmi surətdə qeydə alınmış 202 mln. nəfərlik işsizlər
ordusu vardı. Bu haqda 2014-cü ilin yanvar ayında Beynəlxalq Əmək Təşkilatının
(BƏT) hesabatında məlumat verilir. Bu hesabatda həmçinin qlobal maliyyə
böhranının başlanmasından illər keçməsinə baxmayaraq 2014-cü ildə də əmək
bazarında və yeni iş yerlərinin açılmasında zəiflik hökm sürüldüyü açıqlanmışdır.
2014-cü ilin yanvar ayında BVF-nın proqnozlarına görə ABŞ, Aİ və Yaponiya
kimi ölkələrin ÜDM-nin artım tempinin sürətlənməsi gözlənilirdi. Fondun ekspertləri
qeyd edirdi ki, qlobal iqtisadiyyatın əsas mühərrikləri böhranın başlanğıcında olduğu
kimi inkişaf etməkdə olan ölkələr deyil inkişaf etmiş ölkələr oldu.
Dünya iqtisadiyyatı bərpa olunmaqdan çox uzaqdır və dünya böhranının təsiri
ilə iqtisadi göstəricilər hələ də enməkdə idi.
2014-cü ilin iyununda Dünya Bankı dünya iqtisadiyyatının artım göstəriciləri
haqqında pronozunu aşağı saldı. Bunun səbəbi ilin birinci yarısında Ukraynadakı
böhranla ABŞ-da olan “soyuq hava”ların artım tempinin sürətinə təsir göstərməsi idi.
2014-cü ilin I rübündə ABŞ ÜDM-i “2007-2009” böhranından bəri ən pis
göstərici idi. Həmin ilin yayında dünya fond bazarlarının kapitallaşması avqust
ayında öz tarixi boyunca ən maksimum - 66 trln dollara çatdı. Bu göstərici 2007-ci
ildəki 63 trln dollar göstəricisini üstələdi. BVF-nin hesablamalarına görə 2014-cü ildə
dünya iqtisadiyyatının artımı 3.4% olmuşdur.
Narahatlıq doğuran məsələ Çin iqtisadiyyatının zəif sürətlə inkişaf etməsidir,
çünki o, dünya iqtisadi artımının 1/3-dən çox hissəsini təşkil edir. İqtisadi
Əməkdaşlıq və İnkişaf Təskilatının (İƏİT) ekspertlərinin fikrincə Çin hadisələri
ABŞ-ın vəziyyətinin yaxşılaşmasına təsir edir. Çinin iqtisadi artım sürətinin
zəifləməsi ümumilikdə dünya iqtisadiyyatı üçün böyük və əsas risk faktorudur.
2015-ci ilin əvvəlində beynəlxalq iqtisadi təşkilatların çoxu: Dünya Bankı, BVF,
İqtisadi Əməkdaşlıq və İnkişaf Təskilatı(İƏİT) qlobal iqtisadi prosesləri araşdırmaları
əsasında belə qərara gəldilər ki, qlobal iqtisadi böhran daha da dərinləşəcək.
Dostları ilə paylaş: |