85
və “AzəriLayt” markalı neftin qiymətində ucuzlaşma müşahidə olunur. Bu azalmalar
isə mənzil bazarında durğunluğun qalacağını göstərir.
Onuda qeyd edim ki, mənzillərin qiymətinin düşməsi 2014-cü ilin
sentyrabrından başlayaraq müşahidə edilir. Ölkəmizin əmlak bazarını əsas alıcıları
əsas 3 tipə ayrılır: I) Azərbaycandan kənarda bizneslə məşğul olanlar; II) Mənzilə
investisiya vasitəsi kimi baxan imkanlı adamlar; Onlar hələ tam tikilməmiş ,
tikilməkdə olan binalardan mənzilləri ucuz qiymətə alıb daha sonra baha qiymətə
satırlar; III) Yerdə qalan əhali isə köhnə evlərini satanlar və ya onların uçurulması
nəticəsində yaxşı kompensasiya alan insanlar idi.
Böhran nəticəsində tikinti sektoru zəifləməyə başladı. Nəticədə regionlardan
gələn bu sektorda çalışanlar iş yerlərini itirdilər, mənzillər üçün aksesuar təklif edən
ticarət obyektlərinin dövriyyəsi aşağı düşdü, mebel salonları boşaldı.
2015-ci ilin artıq sonlarıdır və dünya bazarında neftin qiymətinin düsməsinin
davam etməsi ilə əlaqədar mənzil bazarlarında qiymətlərin düşməsi hələdə davam
edir. Bu bazarda ipoteka kreditlərinin rolu böyükdür. İpoteka kreditlərinin həcminin
azalması daşınmaz əmlak bazarında qiymətlərin daha da düşməsinə səbəb olacaq.
Avropa Oyunlarından sonra bazarda qiymətlər donub. Bu böhrandan çıxış hələ də
uzaqdadır.
Ümumilikdə 2015-ci ilin ilk 6 ayında daşınmaz əmlak bazarında təqribən 30%
azalma olub. Mövcud vəziyyətlə əlaqədar gələcəklə bağlı ekspertlərdə fikir
söyləməkdə çətinlik çəkir. Əgər neft bazarında qiymətlər psixoloji qiymət həddi 70
dollardan yuxarı qalxmasa, onda mənzil bazrında baş verən durğunluğunda sona
çatmayacağı gözlənilir.
Neftin qiymətinin 1 dollar aşağı düşməsi Azərbaycan Respubliksının büdcəsinə
26 milyon manat təsir göstərməsi deməkdir. Əgər 10 dollar düşərsə, bu 260 milyon
manat, 20 dollar düşərsə, 520 milyon manat təsir göstərməsi deməkdir. Artıq ilin
sonudur və bu cür aşağı düşmə hələdə davam edir. Bu cür təsirlər büdcənin azlmasına
gətirib çıxarır. Milli valyutanın məzənnəsinin sabit saxlanılması da ciddi valyuta
ehtiyatlarının itirilməsinə səbəb olub. Artıq ikinci devalvasiya qaçılmaz idi.
86
2015-ci il dekabrın 21-ində manatın bu il üçün ikinci devalvasiyası oldu.
Əvvəldə qeyd etdiyimiz kimi 2015-ci ilin fevral ayında da manatın devalvasiyası
həyata keçirilmişdi. Devalvasiyanın səbəbi dünya enerji daşıyıcıları bazarlarında
təklifin artması, əsas neft istehlakçısı olan ölkələrdə iqtisadi artımın zəifləməsi və
digər səbəblərdən irəli gələrək neftin qiymətinin 2014-cü ildən bəri 3 dəfəyə qədər
enməsi idi. Nəticədə ticarət balansının müsbət saldosu və valyuta daxilolmalarının
digər mənbələri azalmışdı. Ölkənin milli valyutasının məzənnəsinə təzyiq artmışdır.
Buna görə də carı ilin fevralında manatın devalvasiyası həyata keçirildi. Lakin 2015-
ci ilin iyul ayından başlayaraq qiymətlər yenidən enməyə və məzənnəyə təzyiq
yenidən artmağa başladı. Əgər 2014-cü ilin sentyabrın 1-də Mərkəzi Bankın valyuta
ehtiyatları 15.3 mlrd. manat idisə, 2015-ci ilin dekabrın 1-də Mərkəzi Bankın valyuta
ehtiyatları 6.2 mlrd. manata enmişdi. Manatın məzənnəsini qoruyub saxlamaq
çətinləşmişdir. Eyni zamanda tərəfdaş ölkələrdə davam edən devalvasiyalar milli
iqtisadiyyatın beynəlxalq rəqabət qabiliyyətinə mənfi təsir etməyə başlayıbdır.
Yaranmış vəziyyət manatın məzənnəsini neftin yeni qiymətinə uyğun müəyyən
olunmasını tələb edir. Beləliklə, milli iqtisadiyyatın rəqabət qabiliyyətinin qorunması,
tədiyyə balansının tarazlığının saxlanılması, ölkənin ölduqca azalmış valyuta
ehtiyatlarının qorunması məqsədilə Azərbaycan Respublikasının Mərkəzi Bankın
İdarə Heyəti 21 dekabr 2015-ci il tarixində üzən məzənnə rejiminə keçilməsi barədə
qərar qəbul etdi.[6]
Milli valyutanın ikinci devalvasiyası fevral devalvasiyasında olduğu kimi
qısamüddətli dövr üçün bir çox iqtisadi və sosial problemlər doğurdu. Devalvasiya
xüsusilə bank sektoruna təsir etdi. Xarici valyuta ilə götürülən kreditlərin
qaytarılmasında borcun yükü artır. Kredit istehlakçılarının borclarını geri
qaytarmasında problemlər yaranır. Bu da öz nüvbəsində bankların özünə də mənfi
təsir göstərir, riskli kreditlərin artmasına, onların aktivlərinin aşağı düşməsinə gətirib
çıxarır. Bankların manatda olan aktivlərinin qiyməti qalxır və müvafiq olaraq bütün
bankların kapitalının kifayətlilik normativi aşağı düşür. Bütün bunlar Bank
sektorunda ciddi islahatlar aparmağı tələb edir. Eyni zamanda banklarda əhalinin
87
əmanətlərinin və digər depozitlərin təhlükəsizliyinin təmin edilməsi məqsədilə
bankların maliyyə dayanıqlılığının, kapital və likvidlik mövqeyinin gücləndirilməsi,
əmanətlərin sığortalanması sisteminin təkmilləşdirilməsi məqsədilə kompleks
tədbirlər görülməlidir.
2015-ci ildə iqtisadi siyasətin prioritet istiqamətləri olan makroiqtisadi sabitliyin
möhkəmləndirilməsi, qeyri-neft sektorunun inkişafının sürətləndirilməsi, regionların
tarazlı inkişafı, əlverişli biznes və investisiya mühitinin formalaşdırılması və digər
sahələrdə əhəmiyyətli irəliləyişlərə nail olunmuş, əhalinin rifah halının daha da
yüksəldilməsi təmin edilmişdir. Dünyada neftin qiymətinin kəskin aşağı düşməsi
çətinliklər yaratsa da, iqtisadiyyatın şaxələndirilməsi istiqamətində aparılan uğurlu
islahatlar ölkəmizin dayanıqlı inkişafını təmin etmişdir. Bu da ölkəmizdə həyata
keçirilən iqtisadi siyasətin kifayət qədər praqmatik olduğunu və reallıqlara
əsaslandığını, detallarına qədər uzaqgörənliklə düşünüldüyünü bir daha təsdiq edir.
Müstəqil Azərbaycanın son illər inkişaf yolunda olması ilk növbədə onun
dövlət büdcəsində yer alan makroiqtisadi göstəricilərində real əksini tapır. 2016-ci
ilin dövlət büdcəsi deməyə əsas verir ki, qarşıdakı ildə də respublikamızda
makroiqtisadi sabitlik qorunub saxlanılacaqdır. 2016-cı ildə də qarşıya qoyulan əsas
məqsədlər maliyyə təminatı rolunu oynayan dövlət və icmal büdcələrdə risklərin
qarşısının alınması, onların potensial gəlirlərinin neft konyunkturasından asılılığının
azaldılması, qeyri-neft sektorundan daxilolmaların artırılması istiqamətində səmərəli
işlərin görülməsidir. Dövlət başçısının müəyyənləşdirdiyi prioritet istiqamətlərə
adekvat olaraq iqtisadi diversifikasiya və qeyri-neft sektorunun dövlət büdcəsindəki
payının artırılması əsas hədəflərdəndir.
Dövlət büdcəsinin hazırlanması zamanı dünyada gedən bütün iqtisadi
proseslərin təsiri nəzərə alınmışdır. 2016-cı ildə dövlət büdcəsinin gəlirləri ümumi
daxili məhsulun 25,2%-i həcmində olmaqla, nominal ifadədə 14 mlrd. 566 mln.
manat, dövlət büdcəsinin xərcləri isə ümumi daxili məhsulun 28,2%-ni təşkil etməklə
16,264 mlrd. manat həcmində nəzərdə tutulur. Dövlət büdcəsi gəlirlərinin 6 milyard
Dostları ilə paylaş: |