46
2008-ci il oktyabr-noyabr aylarında iqtisadiyyatın real sektoruna təsir göstərdi.
[52,səh.14] Belə ki, sənaye istehsalı kəskin azaldı, işçilərin ixtisarının birinci dalğası
başladı. 9 oktyabr 2008-ci ildə Rusiya hökuməti ilk dəfə xalqa “böhrana giriş
edildi”yi barədə xəbər verdi. 2008-ci il 12 dekabrında Rusiya İqtisadi İnkişaf
Nazirinin müavini Andrey Klepaç Rusiya iqtisadiyyatının 2008-ci ilin IV rübündə
durğunluq yaşadığını etiraf edib.[99]
Rusiyada zəif inkişaf etmiş maliyyə sistemi, əlverişsiz investisiya şəraitində
olduğu kimi , pulların artıqlığı istehlak bumu və maliyyə şıltaqlığının formalşmasına
gətirib çıxardı. İnkişafın qabağını, həmçinin, kredit resurslarının o qədərdə əlçatan
olmaması alırdı. [60, səh.62-69]
Hökumətin rus rublunun məzənnəsinin düşməsinin qarşısını almaq cəhdləri
Rusiya Federasiyasının qızıl-valyuta ehtiyatlarının ¼ itirməsinə səbəb oldu. 2008-ci
ilin noyabrın sonlarında maliyyə orqanları rublun “yumşaq devalvasiyasi” siyasətini
keçirməyə başladı. “Nezavisimoy qazeta” qəzetində dərc olunmuş məqalədə qeyd
edilir ki, bu siyasət 2008-ci ilin dekabrında sənayedə geriləməyə səbəb oldu.[100]
Dünya Bankının 2010-cu il hesabatına görə böhranın əvvəllərində Rusiyanın
itkiləri gözləniləndən az oldu. Dünya Bankının fikrinə görə bu qismən Rusiya
hökumətinin həyat keçirdiyi anti-böhran tədbirləri ilə bağlıdır.[101]
Ukrayna böhrandan ən çox təsirlənən ölkələrdən biri olmuşdur. Böhranın
əvvəllərində Ukraynanın iqtisadiyyatı götürülmüş kreditlər hesabına inkişaf edirdi.
Qərbdə ucuz kredit verən mənbələrin itirilməsi bank sisteminin iflas həddinə
gəlməsinə səbəb oldu. Ölkədən ixrac olunan malların qiymətinin aşağı düşməsi baş
verdi. Qara metallar, mineral yanacaqlar, neft və neft məhsulları, maşın və
avadanlıqlar kimi məhsullara tələb düşdüyünə görə qiymətlər endi. Ukrayna
iqtisadiyyatının bu cür güclü tənəzzülə uğramasının səbəbi səmərəsiz və rəqabət
qabiliyyəti zəif olan iqtisadiyyat, iri xarici borclar, səmərəsiz idarəetmə, bank
sisteminin zəifliyi idi.
2007-ci ilə kimi Çin iqtisadiyyatı ardıcıl olaraq ÜDM-i 10% artırdı. 2007-ci ildə
son 13 ildə Çin iqtisadiyyatının inkişaf tempi özünün ən yüksək səviyyəsinə çatdı və
47
ÜDM 11.4% artdı. Lakin 2007-ci ilin son aylarında ÜDM-də azalmalar müşahidə
olunmağa başladı. İqtisadçıların fikrinə görə bu ABŞ-ın avqust ayında “subprime”
böhranı ilə əlaqədar olub və həcmi ilə iqtisadiyyatın ən böyük tənəzzül zolağı idi.
2008-ci ilin ilk III rübü ərzində Çinin valyuta ehtiyatlarının həcmi təxminən 2
trln dollar təşkil edirdisə, IV rübündə bu ehtiyatların azalması başladı və 1.9 trln
dollar oldu. Çin hökuməti kənd təsərrüfatını və infrastrukturunun yenilənməsinə 586
mlrd. dollar investisiya qoyulması planını hazırladı. Dünya konyukturasının
pisləşməsi Çinin sənayesinin tələbi azalmasına gətirdi, bu da öz növbəsində
metalurgiya sənayesinin məhsullarının dünya qiymətlərinin enməsinə səbəb oldu. 7
yanvar 2009-cu ildə Xinhua agentliyi Henri Paulson və Ben Bernankenin bəyanətına
şərh edərək dünya böhranında ABŞ hakimiyyətini “nəzarət şöbələrinin səhlənkarlığı
ilə həddindən artıq dolların enməsində” günahlandırdı.[103]
ÇXR üçün ən çətin dövr 2008-ci ilin noyabrı oldu. Göstəricilər ən aşağı həddi
2009-cu ilin I rübündə müşahidə olundu. Çin ÜDM-i cəmi 6.1% artdı. 2009-cu ilin I
rübündə ixracın həcmi 30.9%-ə qədər ixtisar olundu.
Çinin ali lideri Hu Jentao qeyd etmişdir ki, 2010-cu il ərzində biz iqtisadi
böhranın
zərbələrinin
təsirindən
daha
da
inkişaf
edərək
uğurlarımızı
möhkəmləndirdik və artırdıq.[104]
Böhran ərəfəsində dünyada iqtisadi artımın aşağı düşməsi inkişaf etməkdə olan
ölkələrin, xüsusilə də “iqtisadi möcüzə” gözlənən ölkələrin artım perspektivləri
haqqında suallar meydana çıxardı.[66] Qeyd edək ki, BRİCS-ə daxil olan ölkələr
haqqında fərziyyələrin özü buna sövq edirdi. Onların inkişafına çoxlu ümidlər
bağlanmışdı. Əvvəlcə bazar təsərrüfatı formalaşan ölkələrin sürətli inkişafı, inkişaf
etmiş və inkişaf etməkdə olan ölkələr arasında yaxınlaşma olacağı fikrini
formalaşdırdı, beləki iqtisadi siyasətdə daha az inkişaf etmiş ölkələr birmənalı şəkildə
daha sürətlə inkişaf etməlidir.
Beləliklə, yuxarıda deyilənlərdən aydın olur ki, qlobal maliyyə-iqtisadi böhranı
bütün dünya ölkələrinə həm inkişaf, həm də inkişaf etməkdə olan ölkələrə fərqli
nisbətdə təsir etmişdir. Böhranın inkişaf etmiş ölkələrə daha erkən təsir etdi və
48
onların iqtisadi artımı zəiflədi. Böhranın əvvəlində onun inkişaf etməkdə olan
ölkələrə təsiri nisbətən zəif olmuşdu. Bununda səbəbi ümumdünya maliyyə
münasibətlərinə inkişaf etməkdə olan ölkələrin tam inteqrasiya etməməsi idi. Buna
baxmayaraq qlobal maliyyə-böhranı inkişaf etmiş və etməkdə olan ölkələr arasında
uçurumu daha da dərinləşdirdi.
2.2. Qlobal maliyyə-iqtisadi böhranının “birinci dalğası” və ona qarşı
anti-böhran tədbirləri
2007-ci ildə ABŞ-da başlayan böhran böyük sürətlə bütün dünya ölkələrinə yayıldı.
Böhranın “birinci dalğası”nın dünya ölkələrinə təsir dərəcəsi isə həmin ölkənin və ya
ölkələr qrupunun milli iqtisadiyyatlarının dünya iqtisadiyyatına inteqrasiya dərəcəsindən
aslı idi. Dünya iqtisadiyyatına daha çox inteqrasiya etmiş ölkələrə böhran daha tez təsir
göstərdi.
Qlobal maliyyə-iqtisadi böhranının beynəlxalq münasibətlər və dünya təsərrüfatı
əlaqələri üçün bir test olduğunu desək şişirtmiş olmarıq. Qlobal maliyyə-iqtisadi
böhranı kontekstində beynəlxalq müqavilələrin fəaliyyətinin səmərəliliyi dünya
təsərrüfatının tənzimlənməsinə bir-biri ilə qarşılıqlı əlaqədə olan iki nəzər nöqtəsi
kimi baxmaq olar. Bu halda söhbət böhranın dünya ictimaiyyətinin mövcud
problemin həllində birgə fəaliyyət göstərməsinə məcbur etməkdən gedir. Qeyd etmək
lazımdır ki, bu vaxta kimi baza yanaşmaların koordinasiyasının əsas mexanizmi və
böhrana qarşı konkret mübarizəni Avropa İttifaqı və G7 müxtəlif formatda həyata
keçirirdi.
Qlobal maliyyə iqtisadi böhranının misilsizlik xarakteri genişmiqyaslı və
intensiv antiböhran tədbirlərini həyata keçirilməsini , həmçinin, milli antiböhran
siyasətlərinin birləşməsini tələb edir. Bu funksiyanı bu gün Beynəlxalq Valyuta
Fondu, Dünya Bankı və Avropa Bankı həyata keçirə bilir. Bu institutlara bu gün
antiböhran tədbirlərini hazırlayan, müxtəlif ölkələri maliyyələşdirə bilən və
problemləri həll edə bilən bir vasitə kimi baxırlar.
Dostları ilə paylaş: |