37
Dünya iqtisadiyyatının qloballaşması ölkələrin qeyri-bərabər inkişafı arasındakı
fərqi daha da böyüdür. İnkişaf etmiş ölkələrin daha da inkişaf etməsinə, əksinə olaraq isə
inkişaf etməkdə olan ölkələrin sürətinin inkişaf etmiş ölkələrə çatmayaraq dahada
geriləməsinə səbəb olur.
2007-2008- ci illər qlobal maliyyə-iqtisadi böhranı həm inkişaf etmiş, həm də
inkişaf etməkdə olan ölkələrə təsir göstərdi.
ABŞ-da başlayan böhran böyük tezliklə Yaponiya, Avropa İttifaqı kimi digər
inkişaf etmiş ölkələrə yayılmağa başladı. Böhrandan əvvəl 2004-2007-ci illərdə
dünya ticarətinin artım tempi 8,74% təşkil edirdi. Bank keditlərinin həcminin bir anda
çevrilməsi və əmtəə və xidmətlərə tələbin aşağı düşməsi ilə 2008-ci ildə ümumdünya
ticarətinin həcmi cəmi 2.95% həcmində artdı, lakin 2009-cu ildə isə 11.89%
həcmində geriləmə oldu. 2008-ci ildə dünya ÜDM-nin artımı 1.83% təşkil edib,
2009-cu ildə İkinci Dünya Müharibəsindən sonra ilk dəfə olaraq ÜDM 2.3% azalıb.
[39]
2008-cı ilin fevralında infilyasiya rekord həddə yüksəldi. Corc Sorousun qeyd
etdiyinə görə, valyutaya inamsızlıq nəticəsində onları real aktivlərə keçirmək
tendensiyası yarandı. Bu da öncəliklə əmtəə sektoruna təsir etdi və neft və qızılın
qiymətinin qalxması ilə özünü biruzə verdi. 2009-cu ildə problem əks göstərişli
xarakter aldı, iqtisadi proqnoz defilyasiyaya işarə etdi. Bunun da səbəbi kimi Federal
Ehtiyat Fondunun uçot dərəcələrinin sıfıra yaxın bir həddə qədər endirməsi oldu.[95]
Yaponiya iqtisadi inkişafına görə ABŞ-dan sonra ikinci yeri tutur. Onun ÜDM-i
dünya ÜDM-nin 7%-ni tutur. Lakin bu amil belə qlobal iqtisadi böhranının ona təsir
etməməsinin qarşısını ala bilmədi. İndi Yaponiya da digər ölkələr kimi dünya iqtisadi
böhranını yaşayır. [44, səh 6-7] Yaponiya Mərkəzi Banki maliyyə bazarına dəstək
üçün bankın əvvəlcədən ayırdığı 40 mlrd dolların 35.5mlrd dollarını ora yönəltmək
haqqında qərar qəbul etdi. Elə həmin gün Yamato Life İnsurance Co Ltd sığorta
kompaniyası iflasa uğradı. Onun borcu 2.7 mlrd. dollar təşkil edirdi.
Yaponiya ixrac yönümlü ölkədir və ölkədə istehsal olunan yüksək texniki
məhsullar Qərbə ixrac olunur. Hal-hazırda Qərbdə bu ixraca tələb aşağı düşüb. İxrac
38
Yaponiya iqtisadiyyatının inkişafı üçün ən vacib amildir. Onun ixtisarı avtomatik
ÜDM-in azalmasına səbəb olur. 2008-ci ilin III rübündə 1.8% azalma olmuşdu.
Yaponiyanın əsas ixrac məhsulları olan avtomobil və elektronikadır. 2008-ci ilin
ikinci yarısında iqtisadiyyatı böhrana uğradı. 2008-2009-cu il böhranının nəticəsi
olaraq Yaponiyanın avtomobil istehsalı sektorunda ağır dövr başladı. Yaponiya
avtomobil ixracının həcmi aşağı düşdü. İxracın həcmi 50 il əvvəlki səviyyəyə düşdü.
Prinsip etibarı ilə qlobal iqtisadi böhranı Yaponiya avtomobilinə olan tələbi aşağı
saldı. Digər dövlətlərdə olduğu kimi Yaponiyada da işçi personalın ixtisarı başladı və
ilk itkiləri avtomobil istehsalı şirkətləri verdi. [80]
Açıq-aydın şəkildə Yaponiya böhranının səbəbi 2008-ci il dünya maliyyə
böhranıdır. Bundan əlavə digər konkret səbəblərdə vardır: Avro və dollara nəzərən
yenin məzənnəsi böyüdü. Bu səbəbdən xaricdə Yaponiya malları almırdılar. Digər
mövcud amil ölkə daxilində və xaricində tələbin aşağı düşməsidir. 2009-cu ildə
“Bloomberg News” 24 iqtisadçı arasında apardığı sorğuya əsasən, onların əksəriyyəti
ehtimal edilir ki, Yaponiyanın ÜDM-nun 2008-ci ilin III rübündə 11.7% azalmasına
səbəb dünyada tələbin aşağı düşməsidir.
ABŞ-dakı böhran qısa zamanda Avropaya da sıçradı. İslandiyanın 3 böyük
bankı iflas etdi. 2008-ci ildə İslandiya kronası Avroya qarşı 40% dəyər itirdi və
İslandiyadakı inflyasiya nisbəti 15%-ə çatdı. Birləşmiş Krallıqdakı daşınmaz əmlak
bazarı da eynilə ABŞ kimi böyük bir enişə keçdi.
Bütün dünyanı təsiri altına alan qlobal iqtisadi böhran maliyyə, daxili tələb və
qlobal ticarət vasitəsi ilə sürətlə Avropa ölkələrinə yayılmağa başladı.
Böhranın yüksək sürətlə yayılması bank iflaslarına gətirib çıxarmışdı. Bankların
kredit limitlərini məhdudlaşdırması və xüsusilə inkişaf edən Avropa ölkələrində
azalan maliyyə imkanları, böhranın artmasına gətirib çıxarmış və iqtisadi tənəzzüllər
artaraq ABŞ-dakı iqtisadi itkiləri ötüb keçmişdir. [46, səh 82-86]
Ev təsərüfatlarının qənaətlərini yüksəltməsinə bağlı olaraq dayanıqlı istehlak
mallarına olan tələbin və mənzil kapitalının azalması məcmu tələbin azalmasına
səbəb olmuş, və qiymətlər düşməyə başlamışdır. Digər tərəfdən kapital əsaslı mallara
39
olan tələbin azalması, ticarətdəki maliyyə sıxıntıları və yavaşlayan iqtisadi fəaliyyətin
çox daha sürətli olması səbəbiylə xarici tələb azalmış, bu da Aİ-nın ixracatına mənfi
təsir göstərmişdir. [47] İxracat əvvəlki ilə görə azalmış, və 2009-cu ildə Aİ-nın artım
sürəti sıfıra yaxınlaşmışdır. 2008-ci ildə 0.8 %-dən 2009-cu ildə mənfi 2.5 %
nisbətinə qədər düşmüşdür. 2007-ci ildə bu nisbət 2.9 %, 2010-cu ildə isə 0.7 %
olmuşdur. Artım nisbətindəki azalma 2008 etibarilə ən çox İtaliyada -1.3 % ən az isə
Polşada +5 % olmuşdur.
İqtisadiyyatın durğunluğa girməsi səbəbiylə işsizlik faizləri yüksəlmişdir. 2007-
ci ildə AB-27 daxildə 7.5% olan işsizlik nisbəti, 2009-cu ildə 18.8% olaraq
reallaşmışdır. Yaşanan qlobal böhran, Aİ ölkələrində büdcə kəsirlərini və borc
miqdarını böyük ölçüdə artırmış və bir çox üzv ölkələrdə dövlət maliyyəsinin
davamlılığının təhlükəyə girməsinə səbəb olmuşdur. Necə ki, 2006-cı ildə 7,1 trilyon
Avro olan Aİ dövlətlərinin borc miqdarı 2009-cu ilin sonunda xilasetmə maliyyə
paket proqramlarının icra edilməsi ilə 8,6 trilyon Avroya yüksəlmişdir.
Yunanıstan Avropa İttifaqı ölkələri arasında iqtisadi böhrandan ən çox təsirlənən
ölkədir. Yunanıstan hökuməti büdcə kəsrini ödəmək üçün böyük məbləğdə borc
götürmüşdü. 2010-cu ilin əvvəllərində xarici dövlət borcu təhlükəli həddə
yüksəlmişdi. Dövlət borcu ödəyə bilməməsi səbəbindən dövlət sektorunun xərclərini
kəsməyə məcbur oldu. Bu da böhranın başlanğıcında iğtişaşlara və nümayişlərə səbəb
oldu. Yunanıstan Aİ-dan borclarının bağlanması üçün ilkin tədbir olaraq kredit istədi.
Bununlada o, maliyyə iqtisadi böhranı ilə mübarizədə Aİ ölkələrindən maliyyə
yardımı istəyən ilk ölkə oldu. Daha sonra bu sıraya Portuqaliya və İrlandiya da
qoşuldu. 23 oktyabr 2010-cu ildə BVF və Aİ Yunanıstana böhrandan çıxmaq üçün
110 mlrd. Avro məbləğində kredit xətti açdı. 2011-ci ilin yayında Yunanıstan ikinci
dəfə kredit üçün müraciət etdi. Borcunu azaltmaq cəhdlərinə baxmayaraq
Yunanıstanın dövlət borcu 350mlrd. Avroya yaxınlaşırdı. Aİ-nın liderləri və BVF
Yunanıstana kömək məqsədi ilə daha 109 mlrd. Avro kredit ayırmağa razı oldular.
Saziş 21 iyul 2011-ci ildə Brüsseldə təcili təşkil olunmuş sammitdə əldə olundu.[102]
Əlavə olaraq da 50 mlrd. Avroya yaxın məbləği də xüsusu investorlar təmin etməli
Dostları ilə paylaş: |