Amid Əlioğlu
Yüklə 1,73 Mb. Pdf görüntüsü
|
- Bu səhifədəki naviqasiya:
- 2016 NAŞİRİN QEYDLƏRİ...
www.kitabxana.net Amid Əlioğlu 2016 davam edəcək sadəcə. Yəni qadir olduğu gücü heç vaxt anlamayacaq. Unutmaq olmaz ki, hər problemin həlli də, çıxış yolu da var. Çarənin olmadığı düşünülən an, ən az üç variant vardır. Yetər ki, insan özünü həqiqətən dərk etsin. - Axı mənim hansı yolum qaldı? İndi sizdən başqa heç kimim yoxdur artıq bu həyatda. Varsa, mənə də göstərin o yolu. - Öz yolunu özün tapmalısan, dost. Sənə göstərəcəyim yolla mənim müşaiyət edəcəyim qədər gedə bilərsən. Sonra yenə azacaqsan. Mən indi varam, lakin bir dəqiqədən sonra olmaya bilərəm... Nəfəsimi almadan dinləyirdim onu. Gözlərimə tuşlanan gözlərindən işıq saçırdı sanki. Lakin son cümləsi yenidən həyəcanlandırmışdı məni. Yoxsa o da digər dostlarım kimi məni tərk edəcək? Yox, buna tab gətirməzdim... - Eşidirsən? - deyərək məni düşüncələrimdən ayırdı. - Odur ki, öz yolunu tap! Həyata yenidən gəldiyini fərz et! Dünyada səndən başqa yaşayan bir nəfər belə insan varsa, demək tənha deyilsən! Yolun mütləq kiminsə yoluyla yaxınlaşacaq. Bax, o zaman www.kitabxana.net Amid Əlioğlu 2016 yeni dostluqlar, yeni tanışlıqlar baş tutacaq. Yeni həyat səni ağuşuna alacaq... Tahir kişinin fikirləri mənə digər dostlarımı xatırladırdı. Eynilə onlar kimi beynimdə var-gəl edən intihar cəhdinə mane olmaq istəyirdi. Lakin sözünü onlar kimi ölümlərindən sonra yuxuma girərək yox, birbaşa özümə deyirdi. Tərəddüdlərim bağrımı dəlirdi. Yaşamaq üçün bir səbəb görmədiyim vaxtda, özləri lənətə gəlmiş dünyanı tərk etdikləri halda məni bu fikirdən daşındırırdılar. Axı niyə? Elə bu fikirlər məngənəsində tavandakı işığı seyr edərək Tahir kişinin fikirlərinə münasibət bildirdim: - Bəlkə də dediyiniz kimidir, dostum, – ilk dəfə idi mən ona belə xitab etdirdim. – Amma daha dözə bilmirəm. - Dözməlisən! – O, sözümü kəsərək sərt tonda dilləndi: – Mənə söz ver ki, dözəcəksən. Özümü qəribə hiss etməyə başladım. Nə üçün söz verməyimi istəyirdi? Gərginliyi azaltmaq üçün gülümsəyərək: - Dostum... www.kitabxana.net Amid Əlioğlu 2016 - Azər, mənə söz ver! –yenidən sözümü kəsdi. – Söz ver ki, həyatdan zövq alacaqsan, bu dünyada hələ çox yaşayacaqsan... Üzümü ona çevirərək baxanda Tahir kişinin gözlərindəki işığın getdikcə daha da artdığının şahidi oldum. Baxışlarımı yenidən tavana zilləyərək düşünməyə başladım. Söz vermək olardı, çünki, ən azından, yeni dost tapmışdım özümə. - Yaxşı, dost, söz verirəm. Amma səz də...- fikrimi tamamlamamış qulağıma gələn səs susmağıma səbəb oldu. Ürək tempini müvafiq intervallarla müşaiyət edən səs siqnalı kəsintisiz eşidilməyə başladı. Nəzərlərimi tavandan çəkib ona yönləndirəndə, bədəninə birləşən bütün naqilləri qopartdığını gördüm. Özümə gələndən bu yana, bir dəfə də olsun cəhd etməməyimə baxmayaraq, tələsik ayağa qalxdım. Qolumdakı və bədənimdəki şlanqların hərəkətimə mane olduğu üçün hamısını qırdım. Həkimləri səsləmək üçün dəhlizə çıxdım. Bütün müşahidə kameralarının önündə diqqətlərini cəlb etmək üçün əl-qol hərəkətləri etdim. Əksər palataların qapısını açdım. Xəstəxanada bizdən başqa xəstə yox imiş. Dəhlizdə bizim palatadakı uzun siqnaldan başqa www.kitabxana.net Amid Əlioğlu 2016 heç nə eşidilmirdi. Və həmin siqnal hələ də qulağımdadır... Dostlarım və yaşadıqlarım haqqında xatirələrim məhz həmin andan sonra bitir. Sonra nələr olduğunu, niyə həbs edildiyimi xatırlamıram. Bütün dostlarıma verdiyim sözü tuta bilmirəm artıq. Belə bədbəxtçiliklə daha çox yaşamağın mümkünsüz olduğunu anladım. Dostlarımdan sonra yeganə xoşbəxtliyim onlar haqqında yazmağım idi. Fəqət qələmə aldığım bu yazı bitdiyinə görə mənim üçün də hər şey bitdi... Bir dəqiqə... burda kimlərsə var... səslər eşidirəm... Aman Allah, Cavidan, Əhməd, Mətləb, İslam, Yaşar, Yalçın, Ələmdar və Tahir kişi... Nəhayət ki, onları tanış edə biləcəm. Nəhayət ki, mən yenidən xoşbəxtəm... www.kitabxana.net Amid Əlioğlu 2016 NAŞİRİN QEYDLƏRİ... Köməkçim mənə xəbər verər-verməz hadisə yerinə yollandım. Deyilən ünvana çatanda Fövqəladə Hallar Nazirliyinin xilasetmə dəstəsi mənzilin qapısını xüsusi qurğu ilə yenicə açmışdı. Çətinlik çəkmələrinin səbəbi iri dəmir qapının bütün kilidlərinin bağlı olması imiş. Mənzili ağuşuna alan üfunət qoxusu çox keçmədi ki, bütün binanı ələ keçirdi. Qalstukum işə yaramadığı üçün sağ əlimlə pencəyimin ətəyini burnuma sıxdım. Qaranlıq dəhlizə çıxışı olan hər iki otağın qapısı bağlı, divarlarda qan izləri var idi. Dağınıqlıq qapının ağzından otaqlara qədər davam edirdi. Mənzilin bütün pəncərələri zərrə qədər işığın keçməyəcəyi şəkildə qapadılmış, hər yerdə qaranlıq hökm sürürdü. Xilasedicilər mənzildə qaz sızmasının olub-olmamasını dəqiqləşdirdikdən sonra elektrik lampalarını sıra ilə işlək vəziyyətə gətirdilər. Otaqlar işıqlandıqca insanı vahimə bürüyür, həyəcan artırdı. Yüklə 1,73 Mb. Dostları ilə paylaş:
|