www.kitabxana.net Amid Əlioğlu
2016
Mənə zəng gələndə xəbər tutdum məsələdən.
Yaşadığı evə getsəm də, onu orada tapa bilmədim.
Telefonunu da söndürmüşdü.
-
Çox güman ki, dəniz qırağına gedib. – Qoca
əminliklə söylədi.
-
Bəli, dayı. Elə mən də beləcə düşünüb çox
vaxt söhbət etdiyimiz qayalıqlara tərəf tələsdim. Ora
çatanda Yalçına aid bir-iki şəxsi əşyadan başqa heç
nə yox idi. Atmışdı özünü heç kimə fərq qoymayan
dalğaların qoynuna. Özümdən asılı olmayaraq,
əzəməti ilə qürrələnən dalğalara etirazımı qışqırmaqla
bildirməyə çalışdım.
-
Təbiətin qarşısını almaq mümkün olan iş deyil.
Onun etdiklərinə mane ola bilməzsən. Sən ona
hiddətləndinsə, daha da sərt üzünü göstərər.
-
Həmin vaxt nə etdiyimi bilmirdim, Tahir dayı.
Dost itirmək, mənim üçün əsl bədbəxtçiliyə
çevrilmişdi. O anlarda dənizə olan kinimi büruzə
verməyə bilməzdim. Elə o vaxtdan dənizlərə nifrət
edirəm.
-
Haqlısan təbii ki. Səni tam başa düşürəm.
Amma unutma, heç bir kin əbədi deyil!. Həyatın hər
anı ilə barışmaq lazım gəlir. Elə vaxt olur ki,
www.kitabxana.net Amid Əlioğlu
2016
düşməninlə dost olmağa məcbursan. “Onu heç vaxt
sevmərəm!” – dediyin şəxsə aşiq olursan. Yeri
gəlmişkən, dostum, – deyə, qoca gülümsədi.
Həmsöhbət olduğumuz müddətdə ilk olaraq, mənə
dostum deyirdi: – sevdiyin qızdan nə üçün ayrıldığını
demədin axı...
Bununla ikinci dəfə idi ki, qoca mənim canıma
qorxu salırdı. Mən ona o qızdan nəinki ayrılmağım,
heç sevgilimin olması barədə də deməmişdim. O,
sanki mənim haqqımda çox şeyi bilirdi. Amma
heyrətləndiyimi büruzə vermədən sualına cavab
verməyə başladım:
-
Sevdiyim qız dostlarım qədər anlamadı məni.
Onlar qədər hörmət etmədi fikirlərimə. Hiss edirdim
ki, get-gedə mənim yanımda sıxılmağa başlayırdı.
Mənim var-dövlətə həvəsimin azlığı eyni zamanda
onun da mənə meylinin azalmasına təsir edirdi. Ona
təzəcə vurulduğum ilk vaxtlar tez-tez görüşsək də, bir
müddət sonra görüşlərin sayı azaldı. Ardıyca da
yalnız mobil telefonla zəngləşməyə başladıq, daha
sonra sosial şəbəkələrin sürətli mesaj sistemləri ilə
yazışmağa başladıq. Sonra da ki... Heç bilmirəm necə
bitdi...
www.kitabxana.net Amid Əlioğlu
2016
-
Mobil rabitəylə əlaqə ucuzlaşdıqca, insanlarla
ünsiyyət bahalaşır, dostum. Telefonlar maddi
məsafələri
qısaltsa
da,
mənəvi
məsafələri
kilometrlərlə uzaqlaşdırır.
-
Elədir, Tahir dayı! Mən ümumiyyətlə sevginin
sevgilidən ayrı yaşandığını kəşf etdim özüm üçün.
Qoca, diqqətlə qulaq asırdı mənə. Bu fikrimi
eşidən kimi, sağ qaşının qalxdığını gördüm. Bir qədər
fikrə gedəndən sonra dedi:
-
Düz deyirsən, tamamilə razıyam səninlə.
Bizim dövrümüzə xas olmasa da, mən həyat
yoldaşımla sevərək ailə qurmuşdum. Özü də
valideynlərimizin on dörd il boyunca etirazına
baxmayaraq.
-
On dörd il? – təəccübümü saxlaya bilmədim.
-
Bəli, dostum, on dörd il. Hər kəsin imkansız
dediyini mümkün etmişdik sevgimiz sayəsində. Lakin
zaman keçdikcə bir-birimizə olan sevgimiz əsəbimizi
üstələyə bilmədi. On dörd il ərzində fikrimizin hər
sahədə üst-üstə düşməsinə baxmayaraq, evləndikdən
bir müddət sonra aramızda oxşar söz işlədilmədi.
Getdikcə sevgimizə bais olan ehtirasımız da gücünü
itirdi. Daha sonra evin içində bir-birimizdən kənar
www.kitabxana.net Amid Əlioğlu
2016
gəzməyə başladıq. Sevgili vaxtı sarılıb saatlarla bir-
birimizi qoxladığımız halda, evləndikdən sonra, sən
demə, məndən onu qıcıqlandıran kəskin, xoşagəlməz
qoxu gəlirmiş... – başını sağa-sola yellətməklə
gülümsədi.
-
Mən də elə onu təxmin etdiyimə görə ailə
qurmaq fikrindən daşındım, Tahir dayı. Məhz ətrafda
baş verənləri müşahidə edə-edə sevgimi itirdim.
-
Azər, sevgi həyatın enerjisidir. O əslində itmir.
Sadəcə, bir haldan başqa hala keçir. Sevgi tamam
itdiyi
zaman
insanlar
intihar
edir.
Sevgini
formalaşdıran dəyərlər var, oğul. Məsələn, əks-cinsə
qarşı sevgini ehtiras, Allaha qarşı sevgini etiqad,
valideynə qarşı sevgini əqidə, dosta qarşı sevgini
həyat formalaşdırır.
-
Həyat...Məni dostlarımla qarşılaşdıran həyat.
Həm də onlardan ayıran həyat... – Gözümü tavandakı
işığa zilləyərək dedim.
-
Həyat, əslində, heç nəyə təsir etməz, dostum.
O, insan üçün zaman və məkanın birləşməsindən
yaranan uzun bir ipdir. Müəyyən müddətdən sonra
ömür sandığının açarını öz əlində saxlaya bilən adam
ipin üzərində rahat yeriyə bilir. Yox, əgər o açar
www.kitabxana.net Amid Əlioğlu
2016
başqa insanlarda olacaqsa, həmin adam hər addımda
müvazinətini itirərək ipdən düşəcək. Zaman-zaman
əvvələ qayıdıb yenidən hərəkət etmək istəsə də, açar
öz əlində olmadıqca, o sandığın olmasının önəmi
yoxdur.
Tahir kişinin söhbətləri mənə Ələmdarı
xatırlatdığı üçün:
-
Lap mənim dostum kimi danışdız, – bildirdim.
-
Mən dostun deyiləm məgər? – ironiyayla
gülümsədi.
Mən
də
gülümsədim.
Amma
fikrini
təsdiqləmədim. Çünki üç gün idi onu tanıyırdım.
Lakin elə zənn edirdim ki, illərdir tanıyıram bu qəribə
qocanı. Məni dinləməsi, fikirlərimə əlavələr etsə də,
ümumilikdə, razılaşması yaxınlaşmağımıza səbəb
olmuşdu. Xəstəxanadan çıxandan sonra ən yaxın
dostum o olacaqdı. Çünki dostlarımdan sonra
həyatımla bağlı hər şeyi danışdığım yeganə insan o
idi.
-
Müdir işləyirdi Ələmdar. Aramızda on yaş fərq
olmasına baxmayaraq, möhkəm dost idik. O sizin
qədər də olmasa, dostlarımın içində dilindən ən çox
fəlsəfi fikirlər eşitdiyim şəxs idi. İnsan, həyat,
Dostları ilə paylaş: |