Amid Əlioğlu
Yüklə 1,73 Mb. Pdf görüntüsü
|
www.kitabxana.net Amid Əlioğlu 2016 qonaqlar üçün səslənirsə, niyə Azərbaycanca? Bəs yaxşı, xaricilərə yox, elə özümüzə aiddirsə, bu, ayrı- seçkilik deyilmi? Olmazdımı ki, “Hörmətli sərnişinlər!” - deyə xitab ediləydi? Qatarlar arasındakı fasilənin çoxluğu vaqonlarda sərnişin izdihamı ilə müşaiyət olunurdu. Belə ki, kimlərsə mobil telefonunda qurdalanır, kimsə qulaqcıqla dinlədiyi musiqinin təsirinə qapılaraq qaş- gözünü oynadır, kimlərsə növbəti stansiyaya qədər vaqonun divarlarını “bəzəyən” reklamları oxumaqla vaxt öldürür, kimsə kənardan necə göründüyünü düşündüyü üçün, əlindəki kitabın hansısa səhifəsini təkrar-təkrar oxumalı olur, kimlərsə də bütün bunları eynən mənim kimi müşahidə etməklə məşğul idi. Bu tündlüyün içində bir də, dilənməyi seçməyib qələmin on ədədini bir manata satmaq üçün vaqonun bir başından o biri başına sərbəst hərəkət edən yaşlı qadını görməmək mümkün deyildi. Biz isə müvazinətimizi saxlamaqdan ötrü nəinki hərəkət etmirdik, hətta yıxılmamaq üçün hərəmiz bir yerdən yapışmışdıq. Düşündüm ki, həyata qarşı müvazinətini saxlayan həmin o yaşlı qadın üçün metro vaqonu nədir ki... www.kitabxana.net Amid Əlioğlu 2016 Dənizkənarı parka yaxın yerləşən metro stansiyasından çıxanda güclü yağış yağdığı üçün avtobusa minməli olduq. Burada da vəziyyət ürəkaçan deyildi. Sürücü istədiyi yolla sürür, istədiyi yerdə saxlayır və istədiyi manevri edirdi. Fərdi minik maşınlarını idarə edənlərin çoxunun avtobus sürücüsünə olan söyüşlərini rahatlıqla eşitmək olurdu. Xoşbəxtlikdən sürücü özü bu söyüşləri “eşitmirdi”. Xalqımızın milli-mənəvi dəyərlərinin diqtəsi sayəsində formalaşan bir məsələ var: qadınlar ayaq üstə duran zaman cavan oğlanların əyləşməsinə pis baxılır. Nə dərəcədə təqdirəlayiq bir dəyər olduğunu deyə bilməyəcəm. Hərçənd mən özüm də avtobusdan istifadə etdiyim dövrdə əyləşdiyimi xatırlamıram. Odur ki, həmin gün ayaq üstə durmaq üçün özümüzə yer edəndə qəribə mənzərə ilə qarşılaşdıq. Başının üstündə yaşlı bir xanımın dayanmasına baxmayaraq, üzünü pəncərəyə çevirib telefonla yaylana-yaylana danışan cavan oğlan hamının diqqət mərkəzində idi. Bu diqqət iki dayanacaq sonra bir qızın tələm-tələsik avtobusa daxil olmasına qədər davam etdi. Yağış suyu ilə islanan qızın saçları və üz-gözü salonun işığından parıldayırdı. Dəri gödəkçənin altından www.kitabxana.net Amid Əlioğlu 2016 geyindiyi nazik idman stilindəki köynəyi döşlərini yarıya kimi örtə bilirdi. Qız, başını astaca sağa-sola fırlada-fırlada, yaşlı xanımın yanında qərar tutdu. “Qəhrəman”ımızın da gözü həmin qızda idi. Onu aşağıdan yuxarı yaxşıca süzdükdən sonra ayağa qalxaraq əyləşməyi təklif edəndə, prosesi izləyən hər kəsin reaksiyası üzündən oxuna bilirdi. Görünür, o qıza yuxarıdan aşağı baxmaq daha da zövq verəcəkdi azğına... Həmin gün yağış “hakimiyyətini əldən vermədiyinə” görə çayxanada söhbət etməli olduq. Həmişəki kimi, yenə də söhbətimizin əvvəli sıxıntılı olsa da, sonu maraqlı alınmışdı. Sonuncu imtahanla bağlı narahatçılığı hər halından sezilirdi. Tələbə yoldaşlarının atmacalarına dözə bilmədiyini israrla söyləyir, utandığından universitetin həyətinə yaxın durmadığını vurğulayırdı. Qiymət üçün müəllimə avtomobil alınması lazım olan son imtahanda onu nələr gözlədiyini ağlına belə gətirə bilmirdi. İki gün sonranı xətasız-bəlasız yola verib kəndə getməyi planlaşdırırdı. Yağışdan sonra havanın müəyyən qədər təmizləndiyini gördüyümüz üçün yataqxanaya piyada www.kitabxana.net Amid Əlioğlu 2016 getməyi qərara aldıq. Tozu-dumanı ram etməsi, həmişəyaşıl kollara, dekorativ ağaclara canlılıq verməsi, təbiətin əsl qoxusunu yaşatması və bütövlükdə romantik mənzərə yaratması mənim üçün yağışı sevdirən amillərdəndir. Avtomobillərin piyadaları nəzərə almadan şütüdüyünü istisna etsək, piyada yol getmək adama xüsusi zövq verirdi. Lakin bir hadisəylə bağlı müşahidəmiz hər ikimizin bikef olmağına gətirib çıxartdı. Möhtəşəm örtük daşları və yaşıllıqla bəzədilən parklardan birinin insan sıxlığı ilə müşaiyət olunan hissəsindən keçərkən Mətləb anidən ayaq saxladı. Bir-birindən azca aralıda, ayaq üstə dilənən iki yaşlı qadına qısa müddətdə diqqətlə baxdıqdan sonra üzünü mənə çevirəndə onun gözlərinin necə dolduğunu – qəhərləndiyini gördüm. Nə baş verdiyini əvvəlcə ağlımın ucundan belə keçirə bilmədim. Çaşqınlıq içində idim. Yenidən qadınlara sarı döndüm. Ani olaraq hanısınınsa Mətləbin yaxın qohumu olduğunu fikirləşdim. Biri, sadəcə, əlini açaraq sakitcə dayanmış, digəri isə hər iki qolunu aşağı-yuxarı qaldıraraq, ətrafa cahillərin inandığı dualardan səpirdi. Geri çevriləndə Mətləbi oturacaqda Yüklə 1,73 Mb. Dostları ilə paylaş:
|