Amid Əlioğlu
Yüklə 1,73 Mb. Pdf görüntüsü
|
www.kitabxana.net Amid Əlioğlu 2016 ola bilmiş, bir qismi isə gözünü qatarın istiyə görə tam açılmış pəncərəsindən üfüqə zilləyərək, Allah bilir, nə düşünürdü. Nənəm xəstə olduğundan onunla evdə, tanışlarımla kənddə, dayımla isə hərbi komissarlığın həyətindən avtobusa minəndə sağollaşdığım üçün, qatar hərəkətə başlayanda mənə əl edən yeganə şəxs, -özümdən asılı olmayaraq əlindəki suya həsrətlə baxdığımı və pulumun olmadığını anlayıb təkidlə su uzadan elə həmin qoca satıcı idi... Vətənə, millətə sadiq olacağımız barədə təşkil olunan andiçmə mərasiminin keçiriləcəyi tarixə qədər gənc əsgər kimi sərhəddən xeyli kənarda yerləşən N saylı hərbi hissədə oldum. Min və ya min beş yüz əsgərin tağımlar şəklində tez-tez toplaşması üçün tağım komandirləri tərəfindən verilən kobud tərzdə əmrləri, fərəqət vəziyyətində durduğumuz zaman hərbi xidməti bitirməyinə az qalmış əsgərlərin diqqətimizi yayındırmaq üçün kənardan söz atmaları, əmrini eşidəndə qeyd-şərtsiz icraya hazır vəziyyətə gəldiyimiz çavuşların köhnə əsgərlərlə qeyri-etik zarafatlaşmaları, üstəlik hərbi xidmətə yollanmağımın yay mövsümünə təsadüf etməsi əvvəlcədən nəzərə www.kitabxana.net Amid Əlioğlu 2016 almadığım məqamlar idi. Gün ərzində günəş şualarının ən sərt olduğu iki-üç saat istisna olmaqla, vaxtımız nəzəri təlimlərdə keçir, saatlarla sıra addımları atır, təsirli olsun deyə ayaqlarımızı asfalta daha sərt vurmağımız üçün əmrlər verilirdi. Mahiyyətini dərk etməsəm də, and içəcəyim günü Allaha yalvararaq gözləyirdim. Zaman-zaman xidmətə gəldiyim üçün peşimançılıq son həddə qədər qalxır, hərbiyə nifrət edirdim. Hiddətimin səbəbi təlimlərin çətinliyi, məşqlərin ağırlığı deyil, xidmət müddətinə görə əsgərlərə qoyulan ayrı-seçkilik, vətənə xidmətin, qeyri məsələlərə nisbətən, arxa planda olması idi. Təntənəli andiçmə mərasimindən iki gün sonra mən və başqa altı əsgər tabor komandirinin əmrilə həmin hərbi hissənin sərhəddə yerləşən məntəqəsinə göndərildik. Bizi xidmət aparacağımız postun starşınası müşaiyət edirdi. Təmas xəttinə yaxınlaşdıqca sahələrdə yalnız ara-sıra ağac və kollar olduğu görünürdü. Dağların ətəyi ilə uzanan dar və kələ-kötür yollarda hərəkət etdikcə, daxili orqanlarımın yer dəyişdirdiyini düşünürdüm. Yolun sürücü üçün müəyyən, lakin bizim üçün qeyri- www.kitabxana.net Amid Əlioğlu 2016 müəyyən hissəsində “UAZ” markalı avtomobilin sürətinin azalması ilə starşınanın bizə tərəf çevrildiyini gördüm. - Başınızı aşağı əyin, - xəfif təbəssümlə dilləndi. Hamımız elə bil bu əmri gözləyirdik. Əmri eşidər-eşitməz, özümüzdən asılı olmayaraq, başımızı o qədər aşağı əydik ki, az qala ayağımıza dəyirdi. Avtomobil əvvəlcə demək olar ki, tamamilə dayandı. starşınanın əsgər forması geyinmiş sürücüyə “Bas getsin!” - deməsilə avtomobilin mühərrikindən gələn səs hamımızı diksindirmişdi. Bir anda sürətlənən maşın bizi on-on beş saniyə sağa-sola, aşağı-yuxarı atıb tutandan sonra əvvəlki sürətinə geri döndü. Mən ortada əyləşdiyim üçün ön oturacaqların arasından onu görə bilirdim. O, maşının pəncərəsini çətinliklə aşağı endirdikdən sonra, döş cibindən siqaret çıxararaq sürücüdən alışqan istədi. Siqaretindən bir qullab alıb dərindən köks ötürərək söylədi: - Ayə, nə zibilə düşmüşük e. Bu oğraşların əlindən öz yolumuzla da rahat gedə bilmirik! Siqaretin tüstüsünü daha dərindən içinə çəkib arxaya boylandı. Bu arada biz hələ də başı aşağı vəziyyətdə əmri icra etməkdə idik. Onun arxaya www.kitabxana.net Amid Əlioğlu 2016 çevrildiyini görüb başımı tez aşağı əydim. Öskürəyə qarışıq gülüşlə dillənən starşına: - Ay bala, siz hələ qalxmamısız? - deyəndə sürücünü də gülmək tutdu. Nə baş verdiyini təbii ki, anlamamışdıq. Başımızı qaldıranda, hamıda bel ağrısının göstəriciləri sezilirdi. Uzun və həyəcanlı yoldan sonra xidmət aparacağımız tağımın blindajına çatdıq. Bizi şəxsi heyətlə tanış edən starşına daha sonra postlar və qurğular haqqında ətraflı məlumat verdi. Sərhəd xətti olduğu üçün xidmət apardığımız, yatdığımız, yemək yediyimiz yerləri təlim-tədris bölüyündə olduğu kimi xüsusi təmizləməyə eytiyac olmurdu. Hər tərəf torpaq olduğundan haranısa silmək məsələsi müzakirə mövzusu belə deyildi. Postlarda siqaret çəkilmədiyi üçün (bunun üçün ayrıca yer ayrılmışdı) xidmət aparılan yerlərdə siqaret kötüklərinə rast gəlinmirdi. Bizim tağım, tabeçiliyində olan beş postda layiqincə xidmət aparırdı. Postlarda yatmaq, nizamnamə çərçivəsində qadağan edilsə də, əlavə olaraq, əsgərlər tərəfindən söyüş də “qoyulmuşdu”. Çünki postdakı ani sayıqsızlıq faciə ilə nəticələnə bilərdi. Yüklə 1,73 Mb. Dostları ilə paylaş:
|