16
qatçısını gözləyir. Xüsusən onun bir yaradıcı şəxsiyyət kimi 30 və 40-cı illərdə,
habelə 50-ci illərdə keçirdiyi yaradıcılıq məqamları,
Səməd Vurğunun romantik
motivləri kimi səslənən ən realist poetik sözü, onun atəşin nəfəsi parlaq, aydın, eyni
zamanda mürəkkəbliyi və tragik titrəyişi ilə fərqlənirdi. İndi bu incəlikləri daha
dərindən duymağa, öyrənməyə ehtiyac da var, imkan da yaranmışdır». (10)
Göründüyü kimi, Səməd Vurğun yaradıcılığında öyrənilməmiş problemlərin,
xüsusən millilik və ümumbəşəriliklə bağlı məsələlərin
mövcudluğu çağdaş elmi-
nəzəri tələblərə cavab verən sistemli tədqiqat işinin yazılmasını günün zərurətinə
çevirir.
Araşdırmanın məqsədi müəllifin bədii əsərlərini, çıxış, məqalə və məktublarını
tədqiqata cəlb etməklə şairin yaradıcılığında milli və ümumbəşəri xüsusiyyətləri
çağdaş ədəbiyyatşünaslığın qarşısında duran tələblər baxımından öyrənməkdir.
Bununla əlaqədar tədqiqat işinin qarşısına aşağıdakı vəzifələr qoyulur:
- şairin tarixi mövzuda yazılmış əsərlərində tarixi şəxsiyyət problemini
aydınlaşdırmaq;
- Azərbaycan tarixinin müəyyən səhifələrinin şairin yaradıcılığında inikasını
onun konkret əsərləri əsasında şərh etmək;
- «Vaqif» dramının yarandığı şəraitin əsərə təsirini araşdırmaq, pyesdə insan və
tarix
məsələlərini öyrənmək;
- poetik epos və insan problemini şairin yaradıcılığı əsasında açmaq;
- şairin əsərlərində müharibə və insanın taleyi, müharibənin fəlsəfi dərki
məsələləri üzərində dayanmaq;
- Səməd Vurğunun ədəbiyyatda və sənətdə millilik və ümumbəşərilik barədə
fikir və mülahizələrini ədəbiyyatşünaslığın tarixi inkişafı baxımından açıqlamaq;
- şairin yaradıcılığında Vətən anlayışının ümumbəşəri planda əksini izləmək;
- şairin poeziyasında Azərbaycan dili,
milli adət və ənənələrimiz, xalq həyatı və
məişəti ilə bağlı məsələlər üzərində dayanmaq;
- müəllifin Cənub mövzusunda yazdığı əsərləri işıqlandırmaq;
17
- şairin dünya xalqlarının milli-azadlıq hərəkatını alqışlayan əsərlərini bu günün
baxımından təhlil etmək.
Araşdırmada ilk dəfə olaraq Səməd Vurğun yaradıcılığında millilik və
ümumbəşərilik mövzusu sistemli şəkildə və çağdaş tələblər baxımından öyrənilir. Bu
məqsədlə şairin bədii əsərləri, onların müəyyən səbəblərlə bağlı çap olunmamış və ya
ixtisar edilmiş hissələri, çıxış, məqalə və məktubları araşdırılır, bunların
bəziləri ilk
dəfə tədqiqata cəlb olunur.
Şairin indiyədək tədqiqatçıların diqqətini çəkməmiş bir sıra çıxış və məqalələri,
məktubları da vardır. Bunlar müəllifin kitablarına daxil edilmədiyi, bəziləri isə
ümumiyyətlə heç yerdə çap olunmadığı üçün tədqiqat obyektinə çevrilməmiş, diqqəti
cəlb etməmişdir. Çap olunmamış məqalələrində, habelə məktublarında, müxtəlif
mətbuat orqanlarının
səhifələrində, iclas protokollarında və stenoqramlarda mühafizə
olunan çıxışlarında onun ədəbiyyatda millilik və ümumbəşərilik, vətənpərvərlik, ana
dili, ayrı-ayrı hadisələr və şəxsiyyətlər barədə maraqlı mülahizələri vardır.
Araşdırmada bu mənbələr ilk dəfə təhlil obyektinə çevrilmişdir.
Səməd Vurğunun 1942-ci il fevralın 12-də Moskva radiosu ilə «Koroğlu nəsillə-
rinə bizim salamımız», həmin il noyabrın 29-da Moskvada ədəbiyyat və incəsənət
xadimlərinin antifaşist mitinqində «Qafqazın mədəniyyəti ölməzdir» adlı çıxışlarının,
1954-cü il oktyabrın 30-da Kiyevdə Ukrayna yazıçılarının III qurultayında və digər
çıxışlarının mətnləri, bir sıra məktubları ilk dəfə dissertant tərəfindən üzə çıxarılmış
və çap edilmişdir. Araşdırmada ilk dəfə olaraq:
- 1930-cu və 1950-ci illərdə şairə qarşı təşkil olunmuş qərəzli hücumlar araşdırıl-
mış, bu hücumlarla bağlı onun yaradıcı şəxsiyyət kimi keçirdiyi yaradıcılıq
məqamları və bütün bunların onun əsərlərinə təsiri göstərilmişdir.
- «Aslan qayası» poeması indiyədək tədqiqatçılara məlum olmayan parçaları
əsasında yeni baxımda və daha obyektiv təhlil edilmişdir.
- «Vaqif» dramının vaxtilə şair tərəfindən ixtisar olunmuş parçaları araşdırılmış,
əsər yazılarkən müəllifə qarşı yönəlmiş ak-
18
siyaların öz əksini bu və ya digər şəkildə burada tapdığı əsaslandırılmışdır.
- 1950-ci illərdə şairin «Böyük sənət məsələləri» və «Şairin hüquqları»
məqalə-
ləri barədə, habelə «Aygün» poeması ilə bağlı yazılan məqalələrin qərəzli olduğu,
müəllifi ləkələmək, hətta onu aradan götürmək məqsədilə təşkil olunduğu
müəyyənləşdirilmişdir.
19
I FƏSİL
SƏMƏD VURĞUN VƏ TARİXİ
ŞƏXSİYYƏT PROBLEMİ
Azərbaycan tarixinin poetikləşdirilməsi.
Vurğun şerinin folklor əsası
Azərbaycan xalqının tarixinin öyrənilməsi bir problem kimi həmişə Səməd
Vurğunu narahat etmiş, şair bu işin gerçəkləşməsi naminə çalışmışdır. O, 1940-cı ildə
«Bakinski raboçi» qəzetində dərc olunmuş məqaləsinə belə ad seçmişdi:
«Azərbaycanın elmi tarixini yaradaq!» Əsasən tarixçilərə ünvanlanmış bu yazıda şair
xatırladırdı ki, tarixi bilmədən xalqın bütün əzəmətini
və onun əməllərini
müəyyənləşdirmək çətindir. Məhz buna görə də Azərbaycan xalqının keçdiyi yol
dərindən araşdırılmalı və xalqın özünə çatdırılmalıdır. Şair Azərbaycan xalqının
şərəfli bir keçmişə, qədim dövlətçilik ənənələrinə, tarixin ayrı-ayrı mərhələlərində
bütün Şərqdə qabaqcıl və mütərəqqi mədəniyyətə malik ən qədim, ən mədəni xalqlar
sırasına
daxil olduğunu, bəşəriyyətə Nizami və Nəsimi kimi dühalar bəxş etdiyini,
Babək və Koroğlu kimi qəhrəmanlar yetirdiyini xüsusi qeyd etmişdir. O yazmışdır:
«Bu prinsipial yüksəklikdən alim və tarixçilərimizin əzəmətli xalqımız haqqında,
onun çoxəsrlik mədəniyyəti və qəhrəmanlıq tarixi haqqında gur səslə danışmalarının
vaxtı çatmışdır. Vətənin məhəbbəti ilə alovlanmayan, onun tarixini bilməyən alim və
ya tarixçi, yazıçı və ya rəssam öz xalqına layiq heç bir şey yarada bilməz»(135,149)