Maykl Valzer
Maykl Valzer Prinstonda, Nyu Cersi ştatında Müasir Elmlər İnstitutunda Sosial elmlər məktəbinin
fəxri professorudur.
O, “Yeni Respublika” nəşrinin yardımçı redaktoru, “Dissent” nəşrinin həmredaktoru və son
zamanlarda çıxmış “Siyasi düşünərək” kitabının müəllifidir.
Əlbəttə, korlayır...
Bazarda rəqabət sadə müsbət davranış qaydalarını pozmaq və sonra davam etməyə ciddi əsaslar
yaratmaq üçün insanları böyük təzyiq altında qoyur. Bu səmərələşdirmələr- yekun nəticəyə nail omaq
üçün zəruri olan sonsuz özünü aldatma və yenə də bunun normal olduğunu düşünmək mənəvi xarakteri
korlayır.
Ancaq bu özlüyündə azad bazara qarşı arqument deyil. Demokratik siyasət yolları haqqında düşünmək
də mənəvi xarakteri korlayır. Siyasi hakimiyyət üçün rəqabət insanları böyük təzyiq altında qoyur.
İctimai görüşlərdə yalanlar qışqırmaq, yerinə yetirilə bilməyən vədlər vermək, kölgə xarakterlərdən pul
götürmək, prinsipləri güzəştə getmək bağışlana bilməz. Bütün bunlar hansı yollasa müdafiə
edilməlidir. Mənəvi xarakter isə müdafiə üçün çıxış yolu deyil, ən azı o, bunu tam şəkildə edə bilməz.
Amma bu açıq çatışmazlıqlar demokratiyaya qarşı arqument hesab olunmamalıdır. Şübhəsiz, iqtisadi
və siyasi rəqabət də müxtəlif cür əməkdaşlıq layihələri yaradır-tərəfdaşlıq, şirkətlər, partiyalar,
ittifaqlar.
Bu layihələr çərçivəsində qayğıkeşlik, qarşılıqlı hörmət, dostluq və həmrəylik inkişaf etmiş və
möhkəmlənmişdir. İnsanlar kollektiv müzakirə alış-verişini öyrənir. Onlar mövqelərini qurban verir,
riskə gedir və ittifaqlarını möhkəmləndirirlər. Bütün bu proseslər xarakteri formalaşdırır.
Amma ortaya qoyulan pullar böyük olduğuna görə, iştirakçılar bu fəaliyyətlərdə müşahidə etməyi və
bir-birinə inamsız yanaşmağı, öz planlarını gizlətməyi, dostlarına
xəyanət etməyi və bizim
Vaterqeytdən Enrona qədər bildiyimiz başqa şeyləri də öyrənirlər.
Onlar korporativ korrupsiya, siyasi qalmaqal, aldadılan səhmdarlar və yanılan seçicilərdən bəhs edən
tanış hekayələrdə “xarakterlər”ə çevrilirlər. Alıcıya xilas olmaq imkanı verin! Seçiciyə xilas olmaq
imkanı verin!
Mənəvi dəyərlərə malik insanlar üçün siyasi və iqtisadi rəqabəti təhlükəsiz etməyin yolu varmı?
Şübhəsiz, tam təhlükəsizlik təmin edilə bilməz. Azad bazarlar və azad seçkilər bütün iştirakçılar üçün
xüsusi olaraq təhlükəlidir. Yalnız ona görə yox ki, yanlış adamlar, məhsullar və siyasətlər qalib gələ
bilərlər, həm də ona görə ki, qələbənin qiyməti düzgün insanlar, məhsullar və siyasətlər üçün
həddindən artıq yüksək ola bilər.
Buna baxmayaraq, biz bazar və seçki təhlükələri ilə eyni cür davranmırıq. Biz siyasi rəqabətdə hədləri
təyin etmək və siyasəti çox və ya az mənəvi itkiyə məhkum olanların üzünə açmaq üçün
gərgin
işləyirik.
Bu gün siyasətçilər geniş miqyasda mənəvi örnəklər kimi tanınmırlar, müəyyən mənada ona görə ki,
onlar daha çox medianın gözü önündə yaşayır, dünyaya da hər cür günah və nöqsan sahibləri kimi
tanıdılırlar. Hər halda, konstitusional demokratiyalar siyasi korrupsiyanın ən pis formalarını
dayandırmağa müvəffəq olmuşdur.
Biz tiranların şıltaqlıqlarından, aristokratik lovğalıqdan, repressiyadan, əsassız həbsdən, senzuradan,
dəyişməz məhkəmə zallarından və şou məhkəmələrdən azadıq. Elə azad deyilik ki, öz azadlığımızı
sayıqlıqla müdafiə etməyə ehtiyac duymayaq, elə azadıq ki, müdafiəni kifayət səviyyədə təşkil edə
bilək.
Tez-tez yalan danışan və ya vədlərinin çoxunu pozan siyasətçilər seçkilərdə uduzmağa meylli olur.
Xeyr, bizim ictimai həyatımızın ən pis korrupsiyaları siyasətdən deyil, iqtisadiyyatdan gəlir və ona
görə gəlir ki, bizim bazar davranışımızda bənzər konstitusiya limitlərimiz yoxdur. Bəlkə də,
konstitusional demokratiyanın ən vacib nailiyyəti siyasətdən ümidsizliyi kənarlaşdırmaq olmuşdur.
Hakimiyyəti itirmək güllələnmək anlamına gəlmir. Uduşsuz tərəfin tərəfdarları kölə və ya sürgün
edilmir.
Hakimiyyət uğrunda mübarizədə ortaya qoyulan pullar sərf olunandan azdır, hansı ki, bu, mənəvi
davranış üçün seçimləri xeyli yaxşılaşdırır. Müasir rifah dövləti iqtisadiyyat üçün eyni şeyi etmək
məqsədi güdür: o, itirilə bilən şeylər üzrə limitlər müəyyən etməklə bazarı konstitusionallaşdırır.
Ancaq əslində, ən azı Birləşmiş Ştatlarda bizim konstitusiyalı idarəetmə sisteminə malik bazar yolunda
olanlar çox deyil. Çox insan üçün rəqabətə davamlı mübarizə ümidsizliyə kifayət qədər yaxındır.
Təhlükədə olan şey ailənin xilası, uşaqlar üçün səhiyyə qayğısı, ədəbli təhsil, qocalıqda ləyaqət
məsələsidir.
Və onlar kimi risklər də mənəviyyat üçün çox yer qoymur. Əxlaqlı insanlar ləyaqətlə hərəkət edəcək
və çox insan da mümkün olduğu zaman əxlaqlıdır. Hələ də mübarizə effektləri sarsılmaz korroziya
gücünə malikdir. İdarəetmənin konstitusiya sisteminin başqa nailiyyəti güclü insanların siyasi
hakimiyyətində limitləri müəyyən etmək məqsədinə xidmət etmişdir. Onlar kompensasiya olunan
hakimiyyətlər, müxalifət partiyaları, hərəkatlar, vaxtaşırı seçkilər, azad və bəzən tənqidçi mətbuatla
yaşamalıdırlar.
Bu məhdudiyyətlərin əsas nöqtəsi artıq korlanmış xarakterlərin vura bilcəyi zərəri minimuma
endirməkdir. Ancaq bizim siyasətçilərimizin bəziləri faktiki olaraq məhdudiyyətləri mənimsəyir ki, bu,
vacib xarakter formalaşdırma prosesidir. Konstitusiyalı idarəetmə sisteminə malik bazar ən varlı
adamların iqtisadi hakimiyyətində oxşar limitləri müəyyən etdi.
Ancaq yenə də, açıq-aşkar bizim çoxumuzun bazar konstitusiyamız yoxdur. İqtisadi sistemdə
məhdudiyyətlərin gücü çox zəifdir; həmkarlar ittifaqlarının kompensasiya gücü xeyli azaldılmışdır;
vergi sistemi getdikcə daha çox geriləyir; bank işinin, sərmayənin, qiymət siyasətinin və pensiya
fondlarının tənzimləmələri faktik olaraq mövcud deyil. İqtisadi elitanın lovğalığı bu keçən bir neçə
onillik ərzində heyrətləndirici dərəcədə olmuşdur. Və bu onların istədikləri hər şeyi edə biləcəkləri
haqqında gözüaçıq baxışlarından irəli gəlir.
Bu cür güc, Lord Aktonun uzun illər öncə yazdığı kimi, dərin korrupsiyaya uğramaqdır.
Korrupsiya siyasətə qədər uzanır, burada məhdudiyyətsiz bazarda məhdudiyyət olmadan qazanılan
pulun təsiri siyasi konstitusiyanı dağıdır. Deyək ki, siz siyasi kampaniya aparmaq üçün (yaxşı namizəd
və ya yaxşı tərəf olmaq üçün) pula ehtiyac duyursunuz və burada hər hansı çoxlu pulu olan və onu öz
bazar mövqeyini yaxşılaşdıracaq qiymət, siyasət və ya qanunvericilik üçün təklif edən bir bankir, bir
korporativ güc var.
Başqa tərəf buna bənzər vəziyyətdə bacardığı qədər pul götürür. İndi kimin xarakteri korroziyaya
dözümlüdür?
Bəziləri mübahisə edə bilər: bu xarakteri yoxlamaq üsulu deyilmi? Əgər bazarın konstitusiyalı
idarəetmə sistemi sərvətin gücünü məhdudlaşdırırsa və rifah dövləti yoxsulluq qorxusunu azaldırsa, biz
daha asanlıqla xeyirxahlıq etmiş olmuruqmu? Daha asan olanı etmək, ola bilsin, heç vaxt çox asan
olmaya da bilər. Siyasi analogiyanı yenidən nəzərdən keçirək: biz Prezidentlərin tiran hakimiyyətindən
imtina edən və gücsüzləri təqibdən qoruyan zaman, çox asanlıqla xeyirxahlıq edə bilərikmi? Seçki
rəqabətinin dağıdıcı təzyiqləri bitib tükənmir. Biz insan zəifliyinə münasibətdə o təzyiqlərə limitlər
qoyuruq. Və əgər biz hökumətlərə münasibətdə bunu etməyə ehtiyac duyuruqsa, şübhəsiz, bazarlara
münasibətdə də etməyə ehtiyac duyuruq.