ədalətli görünməsinə baxmayaraq, o, qurban vermək bacarıqsızlığını və hissini təşviq edir, fərqlənmək
istəyənlərə əngəl törədir.
Azad bazar cəmiyyətləri bu gün planetin məhv olacağını düşünən ətraf mühit mühafizəçilərinin atəşi
altındadır. Ancaq qlobal istiləşmə və tullantı və çirklənmənin mənəvi təsirləri haqqında qızğın
müzakirə yalnız siyasi baxımdam azad cəmiyyətlərdə meydana çıxmışdır. Bundan başqa, hökumətlər
qlobal istiləşmənin həqiqətənmi süni şəkildə yaradıldığını müzakirə etdiyinə görə, iqtisadi iştirakçılar
öz fəaliyyətlərində və sərmayə işlərində bu narahatlıqları nəzərə almağa başlayıblar.
Onlar yanacaq sarıdan daha səmərəli maşınlar və alternativ enerji mənbələri təmin edəcək sistemlər
yaratmaq üçün tədbirlər görməyə başlamışlar.
“Sənin yerinə yaşıl” (greener-than-thou) marketinqi istehlakçıların müəyyən sektoru arasında güclü
qüvvədir. Korporasiyalar və firmalar bunu edirlər, çünki onlar rasional iqtisadi iştirakçılardır.
Həqiqətən, ətraf mühit tələblərinə əməl edən şirkətlər ekoloji mənəviyyatı rədd edənlərdən daha çox
gəlir qazanır. Zənginlər həmişə tamahkar olurlarmı?
Amerikada çox varlı, dekadent və bayağı insan var. Ancaq burada həmçinin çox fəal xeyriyyəçilər var
və həqiqətən ölkədə müəyyən ən varlı adamlar sayəsində müxtəlif epidemiyalara qarşı mübarizə üzrə
ictimai məlumatlanmada nəzərəçarpan irəliləyiş var. Məsələn, malyariyanın kökünü kəsmək
məqsədinə dövlətlər və ya BMT bürokratlarındansa, özəl investorlar tərəfindən daha tez nail oluna
bilərdi.
Bu uğurlu insanlar öz töhfələrini kitabxana, konsert, muzey kimi mədəni sahələrə və son zamanlar
daha təmiz planetə sərf etməkdən qürur duyurlar. Amerikanı səciyyələndirən çox fəal fərdi
xeyriyyəçilik vergi kodeksinin funksiyası ola bilər, ancaq o, öz- özlüyündə maraqlıdır: yaxşı qurulan
azad bazar hökumətlər tərəfindən şişirdilən beynəlxalq bürokratiyadansa, ictimai faydanı
yaxşılaşdırmaqda daha effektiv ola bilər.
Mənəvi təkmilləşdirmə və mükəmməl cəmiyyət axtaranlar üçün azad bazar cavab deyildir.
Tarixin gedişində mükəmməl cəmiyyət axtarışı, demək olar, insan natamamlığını etiraf etmək
yanlışlığıdır ki, həmişə teokratiyanın, avtoritarizmin və ya zorakı anarxiyanın bu və ya başqa forması
ilə nəticələnir. Ancaq hər cür insan qüsurları ilə işləməyə, fərdi xoşbəxtliyin ümumi nəticələrini
artırmağa can atanlar üçün siyasi azadlıqla birləşmiş azad bazar ən yaxşı yoldur.
Amerika qeyri-mükəmməl, xaotik, bəzən dekadent və adətən zəifin yanında sərtdir. Ancaq onun
mənəvi standartları tarixdəki başqa böyük hakimiyyətlərdən daha yüksəkdir.
Con C. Boqle
Con C. Boqle “Avanqard” mərkəzinin banisi və keçmiş icraçı direktoru, Boqle Maliyyə bazarları
Tədqiqatı mərkəzinin prezidentidir. Onun bir çox kitabları sırasında “Sağlam fikir kifayət qədər
investisiya qoyur: Pulun həqiqi ölçüləri, Biznes və həyat” kitabçası bu payız nəşr olunmuşdur.
Bütün bunlar asılıdır…
Cavab tamamilə bizim haqqında danışdığımız bazarın tipindən və “mənəvi xarakter” dedikdə, nə
düşündüyümüzdən asılıdır. Bugünkü “azad bazar” düşüncəsi “buxovlanan” bazar kimi daha dəqiq
təsvir edilə bilər. Bizim maliyyə və korporativ rejimlər mükəmməl strukturun, mükəmməl rəqabətin və
mükəmməl informasiyanın klassik ehtimallarının qüsurlarını gözəl dağıdır.
Mənim 1948-ci ildə Prinstonda ikinci kurs tələbəsi olduğum zaman oxuduğum “İqtisadiyyat: Təqdimat
analizi” dərsliyinin ilk nəşrində Nobel mükafatı laureatı Pol Samuelson problemi dəqiq belə
ümumiləşdirmişdi: “mükəmməl rəqabət problemi, Corc Bernard Şounun xristianlıq haqqında dediyi
kimidir: “Onunla bağlı tək narahatlıq odur ki, o heç vaxt sınaqdan keşirilməyib“.
Başqa Nobel mükafatı laureatı Cozef E. Stiqlitz azad bazarın ən son uğursuzluqları barədə daha sərt
mövqedə olmuşdur. Dünya Bankının keçmiş baş iqtisadçısı Stiqlitz qeyd edir ki, keçən bir neçə ilin
korporativ qalmaqalları faktiki olaraq bizim bütün mühasibat firmalarını, əsas banklarımızın, qarşılıqlı
fondlarımızın çoxunu və nəhəng korporasiyalarımızın böyük hissəsini əhatə etdi”.
Onun nəticəsi: “Sosial ədalətə uyğun gələn nəticələri kənara qoysaq, bazarlar effektiv nəticələrə
gətirmir”. Mən israr edərdim ki, effektin səbəbləri nəticədən daha azdır. Axının tükənməz maliyyə
böhranının, bizim maliyyə və kapital qurumlarının xarakterindəki struktur dəyişikliklərinə nisbətdə
bazarların və ya insanların əsas xarakteri ilə daha az münasibəti var.
Biz yarım yüzildən bir qədər çox ədalətli hesab edilə bilən mülkiyyət cəmiyyətində yaşadıq, korporativ
payların xeyli dərəcədə fərdi investorlara aid olduğu mülkiyyət cəmiyyətində. Bu cəmiyyətdə
18-ci əsrdə Adam Smit tərəfindən təsvir edilən “görünməz əl” vacib faktor olaraq qaldı.
Bu sistem yalnız cəmiyyətin qabaqcıl maraqlarını deyil, həm də göstərilmiş sayıqlıq, təşəbbüs və
özünə arxayınlıq kimi belə müsbət xarakter xüsusiyyətləri ilə öz şəxsi maraqlarını yürüdən fərdi
investorların hakimiyyəti altındadır.
Ancaq son onilliklərdə biz korporasiya menecerlərinin əhəmiyyətli mülkiyyət paylarına malik
olmadan bizim ictimai yönümlü biznes müəssisələrinə nəzarəti ələ keçirdiyi agentlik cəmiyyətləri
olmuşuq. Bunu menecerlərin kapitalizmi adlandıraq. Bənzər şəkildə, indi Amerika korporasiyalarına
nəzarət üzərində həlledici səsə malik maliyyə vasitəçiləri fərdi investorların böyük əksəriyyəti üçün
agentlərdir. 1950-ci illərin əvvəllərində bütünlükdə ABŞ səhmlərinin 92 faizi fərdlərə, sadəcə 8 faizi
müəssisələrə aid idi.
Bu gün fərdlər yalnız 25 faizə sahibkən, müəssisələr- böyük səviyyəli qarşılıqlı fondlar və pensiya
fondlarının payı 75 faizdir. Ancaq bu yeni agentlər agent kimi davranmamışlar. Lap tez-tez
korporasiyalar, təqaüd menecerləri və investisiya fondu menecerləri öz maliyyə maraqlarını rəhbər
şəxslərin maraqlarından önə çıxarmışlar. O rəhbər şəxslərin ki, onlar bizim investisiya fondlarının
sahibi olan 100 milyon ailəni və pensiya proqramı fondlarının benefisiarları olan şəxsləri təmsil
etməyə borcludurlar.
Bu müvəffəqiyyətsizlik çətin ki, təəccüb doğursun. Adam Smitin müdrikliklə qeyd etdiyi kimi,
“başqa insanlara məxsus pulun menecerləri(nadir hallarda) onu özlərinə məxsus pulu qoruduqları kimi
eyni sayıqlıqla qoruyurlar… Onlar çox asanlıqla özlərinə bölüşdürmə imkanı yaradırlar. Etinasızlıq və
bolluq həmişə üstünlük təşkil edir”.
Bundan əlavə, azad bazar sistemi alt-üst olmuşdur, çünki bizim yeni institusional agentlərimiz yalnız
öz investor rəhbərlərinin maraqlarını rədd etməyi düşünmür, onlar həmçinin öz investisiya
prinsiplərini rədd etməyi düşünürlər. 20-ci əsrin sonlarında institusional sərmayə strategiyası üzərinə
yönəlmiş diqqət uzunmüddətli sərmayə qoyma müdrikliyindən qısamüddətli fərziyyə ağılsızlığına
çevrildi.
Səhmlərin uzunmüddətli sahibləri səhmlərin qısamüddətli icarədarları olanda və səhmin ani qiyməti
korporasiyanın özünün zəruri dəyəri üzərində üstünlük təşkil edəndə, korporativ idarəetmə haqqında
narahatlıq ilk zərərdir. Korporasiya direktorunun yeganə ən önəmli işi idarəetmənin səhmdarlar üçün
dəyər yaradacağına təminat verməsidir; hələ o məqsəd bizim yeni agent/ investorlarımız üçün ikinci
dərəcəlidir.
Mənəvi xarakterə gəldikdə, bu mütləq anlayışdır. Bu, birində var, o birində yoxdur. Beləliklə, əgər bu
gün bizim cəmiyyətdə mənəvi xarakter dağılırsa (mən güman edirəm ki, bu belədir), o yalnız ondan
irəli gələ bilər ki, bizim az sayda insanımız möhkəm xarakterə malikdir, çox sayda insanımız isə yox.
Azad bazardan “buxovlanan” bazara olan dəyişiklik bu inkişafa yardım etmişdirmi? Əlbəttə. Bizim
maliyyə və korporasiya rəhbərlərimizin dəyərləri pisləşmişdir. Yaxın onilliklər bundan əvvəl,
idarəetmə elə görünürdü ki, “bəzi şeylər var, o sadəcə işləmir”.
Gəlin bunu mənəvi mütləqiyyət adlandıraq. Bu gün ümumi qayda “əgər hər kəs bunu edirsə, mən də
edə bilərəm” formuluna əsaslanır. Bu baxışın mənəvi relyativizmdən(nisbilik) başqa adı ola bilməz.
Bu dəyişiklik azad bazarda bəzi son azmaları izah etməyə kömək göstərir. Biz satdığımız malların və
xidmətlərin qiymətlərini idarə etmək cəhdlərini görmüşük; rəhbər heyətin maaş fondunda düşüncəsiz
artım (30 il əvvəl orta korporasiyanın baş icraçı direktoru orta işçinin maaşından 40 dəfə artıq
qazanırdı; bu gün həmin rəqəm 500 dəfəyə daha yaxındır); davamlı gəlirlərin artımı barədə plan
təqdim etmək məqsədilə firmaların təftiş edilən hesabatlarında maliyyə işlənməsi; zənginlərin və
güclülərin xeyrinə qanun fomalaşdırmaq üçün tutulan lobbiçilərə ödənən qalmaqallı pul məbləğləri;
bizim bank sistemimiz tərəfindən artıq risk götürülməsi və bahalı maliyyə innovasiyası.
İndi o maliyyə böhranı bizim üzərimizdədir, lakin, yük əsasən onu yaradan bir neçə məsuliyyətsizin
üzərinə düşmür, həm də ənənəvi ehtiyatlılığın və sayıqlığın məsləhətinə qarşı olan, ona aldanan
çoxlarının, yəni, yüksək qiymətləndirilən girova əsaslanan istiqrazlarda olan investorların və rekord
səviyyələrdə evinin istifadə hüququndan məhrum olan borc alanların üzərinə düşür.
“Buxovlanan” kapitalizm bazarın qazancını özəlləşdirməklə və onun risklərini ictimailəşdirməklə
bizim mənəvi xarakterimizi həqiqətən korlamışdır (federal xilasetmə formasında). Hər ikisi azad bazar
və onun spesifik məziyyətlərinin əlamətləridir. Bizim cəmiyyətimizin daha az buxovlanan bazar
sistemində daha yüksək mənəvi dəyərlər tələb etməkdə böyük payı var.
Rik Santorum
Rik Santorum 1991-ci ildən 2007-ci ilə qədər ABŞ (Pensilvaniya ştatı) senatoru, 1991-1995-ci
illərdə ABŞ Nümayəndələr palatasının üzvü olub. O, ayda iki dəfə Filadelfiya “Inquirer” nəşrində
köşə yazır. Vaşinqtondakı Etika və Dövlət Siyasəti Mərkəzinin aparıcı əməkdaşıdır.
Yox…
Əslində, əgər onlar həqiqətən azad və azad bazar olmalıdırsa, bazarlar mənəvi xarakter tələb edir və öz
növbəsində də, mənəvi xarakteri təşviq edir. Ancaq azad bazarlar heç də mənəvi xarakterin təminatı
deyildir. Bugünkü mədəni ətraf mühit nümayişləri kimi, azad bazar müəyyən mənəvi riskləri
artırmağa meyllidir
Siyasətçi kimi, bu suala cavab vermək üçün mən iqtisadçıdan səriştəsiz görünə bilərəm.
Ancaq siyasətçi kimi, mən uzun illər minlərlə Amerikalı ilə azadlıq, mənəviyyat və iqtisadiyyat
haqqında apardığım müzakirələrdə çox şey öyrənmişəm. Bu təcrübələr məni öyrətmişdir ki, “azad
bazarda” ən vacib söz “azad” sözüdür və azad bazar iqtisadi olmaqdan daha çox siyasi və mənəvi
reallıqdır.
Azad bazar asılıdır və bir çox insan məziyyətlərini dəyərləndirir. Məsələn, bazar
iştirakçıları xüsusi vəziyyətdə ümumi qaydanı tətbiq etmək üçün ən yaxşı yol haqqında
sayıqlıq, qayğıkeşlik, ehtiyatlılıq və yaxşı mühakimə məziyyətlərini inkişaf etdirməlidirlər.
Bazar iştirakçıları vədlər verməli və ona əməl etməlidirlər, hətta mühakimə anlamında yanlış sayılan
xüsusi vədə əməl etmək sərfəli olmasa belə. Bu vərdişlər azad bazar mexanizmi üçün ən yaxşı sürtkü
materialı olan sosial kapitalın artması ilə nəticələnir.
Azad bazarda uğur sənayedən və çalışqanlıqdan asılıdır. Tənbəl və diqqətsiz iştirakçılar biznesdə uzun
müddət davam edə bilməz. Bundan başqa, azad bazar iqtisadiyyatında birbaşa iştirak özünə güvənmək
hissini və sağlam fərdiyyətçiliyi təşviq edir.
İştirakçılar problemləri imkanlar kimi görmək və onları öz səyləri ilə həll etmək vərdişini inkişaf
etdirir.
Ancaq burada biz birinci yoxlamamız ilə rastlaşırıq. Tənqidçilər tez-tez ittiham irəli sürürlər ki, azad
bazarlar və gəlir motivləri qeyri-sağlam, eqoist fərdiyyətçiliyi təşviq edir ki, bu, hər şeydən öncə şəxsi
marağı artırır və sosial öhdəliklərə etinasızlıq yaradır. Ancaq fərdiyyətçilik başqalarına münasibətdə
sosial həmrəylik və mərhəmət hissi ilə mükəmməl uyğunlaşandır.
Əslində, sağlam fərdiyyətçilik, bir fərdin özünü və öz ailəsini təmin etmək, ehtiyac duyulan sosial
dəyişikliyə gətirib çıxarmaq üçün öz gücünə olan inamı, başqalarının ehtiyacları istiqamətində
həmkarları və xeyriyyəçilərlə həmrəyliyin ilkin zəruri şərtidir. Həqiqətən, Corc Gilderin məharətlə
ifadə etdiyi kimi, bazar iqtisadiyyatında iştirakçılar məxsusi olaraq başqalarına xidmət istiqamətində
yönləndirilmişlər: onlar digər uyğun ehtiyacları aşkar edir və onları faydalı mallar və xidmətlərlə təmin
edirlər.
Baxmayaraq ki, bazar iqtisadiyyatı bir çox məziyyəti təşviq etmək və dəyərləndirməyə meyllidir, biz
azad bazar iqtisadiyyatını ləyaqət və mənəviyyatla bərabərləşdirməməliyik. Birincisi, bazarlar mənəvi
normalar, hüquqlar və şəxsi mülkiyyət və dinc mübadilə kimi öhdəliklərə əsaslanmadan mövcud ola
bilməz. Bir çox iqtisadçılar mülkiyyət, oğurluğun və hətta köləliyin qanunsuzluğu kimi, belə
normaların güman edilən "effektivliyi" baxımından əsas mənəvi sualları izah edir.
Onlar bunu alqışlayırlar. Ancaq azad bazar prinsiplərinin özlərindən azad bazarları mümkün edən əsas
normaları müəyyənləşdirmək qeyri-mümkündür.
Səbəb: "effektivlik" analizi könüllü və dinc mübadilədən, o da sosial və ya əvvəldən mövcud olan
mənəvi qaydanın hüquqi tətbiqindən asılıdır. İkincisi, azad bazarlar ləyaqət və mənəviyyata öz
töhfəsini versə də, qətiyyən onların təminatçısı deyildir.
Gəlir motivi kimi, bazar faktorları tamahkarlığa və eqoizmə aparan balanslaşdırılmamış və yüksək
prioritetləşdirilmiş səviyyədə ola bilər.
Həll yolu bazar iqtisadiyyatını ittiham etmək deyildir, əksinə onun iştirakçılarını diqqəti daxildə
başqalarına xidmətə, xaricdə iqtisadi mübadilələrə diqqət yönəltməyi öyrətmək və ailə,
cəmiyyətin ehtiyacları, inam və başqa sosial məhsullar ilə balansda gəliri və şəxsi marağı saxlamaqdır.
Həmçinin mənfəət gətirən əsas bazar prinsipi başqalarının ehtiyaclarına xidmət etməklə problemlərə
gətirə bilər, əgər bu "ehtiyaclar" qarşılanan çatışmazlıqlardırsa. Baxmayaraq ki, bazar iştirakçıları öz
müştərilərinə və sifarişçilərinə dar Puritanizmi qəbul etdirməkdə ehtiyatlı olmalıdırlar, orada gəlir
güdmənin də aydın mənəvi sərhədləri keçə bildiyi nöqtələr var.
Bu gərginlik azad bazarlardan kənar daha geniş bir sual qoyur: azadlıq özü mənəvi xarakteri
korlayırmı? Müasir Amerikan mədəniyyətinin sıxıcı vəziyyətinə baxan biri "bəli" cavab verməyi
həvəslənə bilər.
Biz daima mənəvi tənəzzül vəziyyəti haqqında tutqun statistika ilə bombardman edilirik, bu
fəaliyyətlər pornoqrafiyadan və nigah sədaqətsizliyindən tutmuş narkotikdən istifadəni və cinayəti
əhatə edir.
Bu tənəzzül müstəqillikdə məsuliyyət azadlığı kimi ən yaxşı şəkildə müəyyən edilmiş azadlığın
ötürülməsi nəticəsində baş vermişdir, o azadlıq ki, siz onu başqalarına təsirindən asılı olmayaraq
istəyirsiniz.
Amerikan banilərinin özündən daha çox mühüm olan şeyə istiqamətlənmiş aydın məqsədli azadlıq
konsepsiyası, azadlığın bugünkü pop-mədəniyyət baxışından, şəxsi istəklər və arzular üzərində hər
hansı məhdudiyyət azadlığı kimi kəskin şəkildə kənara çıxır.
Roma papası II İohan Pavel sizin fərqli situasiya və bacarıqlarınızla nə etməli olduğunuz həqiqi
azadlıqla, vasitələr azadlığı- sizin istədiyinizi etmək kimi, məqsəd və arzunun əsası olan saxta azadlıq-
nəticələr azadlığı arasında ədalətli fərq qoyurdu.
Bizə təbiətimizlə verilən insan nəticələri və məhsulları bizim sərbəst şəkildə müəyyən etdiyimiz və
təkrar müəyyən edəcəyimiz şeylər deyildir.
Biz anında ixtiyari olanı edəndə deyil, yaxşı malları və uzunmüddətli məqsədləri seçəndə inkişaf
edirik. Bu cür insan inkişafı şəxsi intizam və yaradıcılıq potensialı tələb edir. Son nəticədə, bizim bu
gün Birləşmiş Ştatlarda tez-tez gördüyümüz kimi, azadlığın pozğun təsviri mənəvi və qanuni
etinasızlığa gətirir.
Bu tendensiya faktiki olaraq məhdud azadlığa aparıb çıxarır, çünki insanlar öz ehtiraslarına kölə edilir,
hüquqlara hörmətlə yanaşmaya son qoyur və başqalarının azadlığına zərbə vurur. Azadlığın bu pozğun
anlamı azad bazarların ədalət, inam, məsuliyyət, özünə arxalanmadan asılı olan, uzunmüddətli
məqsədlərə müəyyənləşmiş və təsbit olunmuş müvafiq funksiyasını dağıdır.
Azad bazarlar mənəvi xarakteri korlamır, baxmayaraq ki, onlar müəyyən növ mənəvi problemlərin
riskini artıra bilərlər. Və azad bazarlar ləyaqəti, güclü ailələri və cəmiyyətləri təşviq etməkdə şübhəsiz
rol oynadığı halda, fərdi ləyaqətin və bu ləyaqətə imkan yaradan azadlığın inkişafına kömək
göstərilməsini tələb edir. Azad və ədalətli cəmiyyətin başqa aspektləri kimi, azad bazarlar da fərdi
mənəviyyatdan –bizim ram edilən eqoist ehtiras və impulslarımızdan, təbiət və Təbiətin Sahibi
tərəfindən bizə bəxş edilən məqsəd seçimindən asılıdır.
Rick Santorum
300 Conshohocken State Road, Suite 500
West Conshohocken, PA 19428
Telefon: 610.941.2828| Faks: 610.825.1730
www.templeton.org
Dostları ilə paylaş: |