29
bilavasitə yaxud dolayı yollarla bağlıdır. Təsadüfi deyildir
ki, müxtəlif ölkələrin keçdikləri iqtisadi-sosial inkişaf yo-
lunun nəticəsi sayılan əhalinin həyat səviyyəsi göstəriciləri
biri-birindən kəskin surətdə fərqlənir. Planetin əhalisinin
hər nəfərinə hazırda orta hesabla təxminən 10.000 dollar
həcmində məhsullar istehsal olunur və müxtəlif təyinatlı
xidmətlər göstərilirsə, bu rəqəm ayrı-ayrı ölkələrdə bir
neçə yüz dollardan 50-60 min dollara qədər fərqlənir.
Azərbaycan Respublikasında isə bu ümumiləşdirici göstə-
rici 6.000 dollardır.
Ölkə əhalisinin real həyat səviyyəsinin tədricən və
davamlı surətdə yüksəldilməsinin ən sınanmış yolu - əmək
məhsuldarlığını, yəni hər bir işçinin müəyyən vaxt (saat,
gün) ərzində məhsul-xidmətlər istehsalını artırmasından,
yaxud həmin məhsul-xidmətlər istehsalına sərf olunmuş
vaxtın (başqa şərtlər dəyişməz qalmaqla) azaldılmasından
ibarətdir. Əmək məhsuldarlığının yüksəldilməsi ilə əhali-
nin həyat səviyyəsi arasındakı qarşılıqlı əlaqə, hər bir döv-
lətin daxili və xarici, xüsusilə də sosial siyasəti üçün mü-
hüm rol oynadığından, elm və texnikanın, qabaqcıl texno-
logiyaların istehsal-xidmət sferalarında tətbiqinə, işçilərin
peşə-ixtisaslarının təkmilləşdirilməsinə, yeni yaradılacaq
elmtutumlu sahələrin hazırlıqlı gənc kadrlarla təmin olun-
masına ciddi diqqət yetirilməsi zəruridir.
Doqquzuncu prinsip izah edir ki, dövlət həddən ar-
tıq pul çap edib dövriyəyə buraxdıqda ölkədə qiymətlər
qalxır və inflyasiya baş verir. Ölkədə qiymətlərin ümumi
səviyyəsinin artımı ilə bağlı olan inflyasiya hadisəsi kağız
pulların öz qızıl tərkibindən ayrılması, bank-kredit şəbəkə-
sinin çoxşaxəli fəaliyyəti, ölkələr arasındakı iqtisadi-tica-
30
rət əlaqələrinin durmadan genişlənməsi, beynəlxalq turiz-
min sürətlə inkişafı və dövlətlərin iqtisadi-sosial siyasət
xəttindəki obyektiv-subyektiv əyintilərlə bağlıdır. Ötən əs-
rin əvvəllərindən başlayaraq dünyanın Almaniya, Meksi-
ka, Fransa, ABŞ, Italiya, Cənubi Amerika ölkələri vaxt-
aşırı olaraq bu problemlərlə rastlaşmışlar. Keçmiş Sovet
İttifaqı dağıldıqdan sonra onun ərazisində formalaşmış
müstəqil dövlətlərdə, o cümlədən Azərbaycan Respublika-
sında da inflyasiya, habelə onun tənzimlənməsi məsələsi
aktual bir əhəmiyyət kəsb edir.
Mütəxəssislərin və iqtisadçıların fikrincə, ölkə iqtisa-
diyyatında illik inflyasiya səviyyəsinin 3-5% hüdudlarında
olması mümkün, hətta təsərrüfat həyatının canlanmasına
bir təkan amili kimi lazımdır. Bəzi hallarda ölkənin iqtisa-
di-sosial inkişaf xüsusiyyətləri və həll etdiyi problemlərin
xarakterindən asılı olaraq, inflyasiyanın təkrəqəmli (8-9%)
səviyyədə saxlanmasına haqq qazandırılır. Lakin tədricən
bu səviyyənin artması iqtisadiyyatın strukturunda, onun
sahələrdaxili və sahələrarası nisbətlərində, xarici ticarətin
quruluşunda, dövlət büdcəsinin formalaşmasında, tədiyyə
balansında, nəhayət ölkənin iqtisadi siyasətinin strategiya-
sı, habelə taktikasındakı müəyyən nöqsanlar, düzgün nəzə-
rə alınmamış cəhətlərlə əlaqədardır. Ona görə də müasir
mərhələdə dünyanın müxtəlif ölkələrinin iqtisadi siyasə-
tində, inflyasiya prosesinin tənzimlənməsi tədbirlərinə
ciddi diqqət yetirilir.
Onuncu prinsip cəmiyyət həyatında inflyasiya ilə
işsizlik (əhalinin məşğulluq səviyyəsi) arasındakı qısa
müddətli və uzunmüddətli dövrdə (perspektivdə) olan se-
çim əlaqəsini özündə əks etdirir. İnflyasiya ilə işsizlik
31
səviyyəsi arasındakı qarşılıqlı əlaqəni 1958-ci ildə iqtisad-
çı Artur Fillips tədqiq edərək, Fillips əyrisi adlanan qrafik
sxemdə əks etdirmişdir. Həmin sxemə görə inflyasiya art-
dıqda, işsizlik azalmağa doğru meyl edir və əksinə, inflya-
siya azaldıqda isə cəmiyyətdə iş qüvvəsinə olan tələb aşa-
ğı düşdüyündən, əhalinin məşğulluq səviyyəsi azalır, işsiz-
lərin sayı çoxalır. Bu mənada inflyasiya və işsizlik təsərrü-
fat həyatının əks prosesləri kimi fəaliyyət göstərir.
Lakin ötən əsrin 70-ci illərindən başlayaraq dünya
ölkələrində və xüsusilə keçid mərhələsində olan dövlətlər-
də baş verən proseslər göstərdi ki, inflyasiya ilə işsizlik
arasındakı qarşılıqlı təsir əlaqəsi nisbətən “qısamüddətli”
dövr üçün düzgün sayılsa da, lakin “uzunmüddətli” dövr
üçün özünü doğrultmur. Müxtəlif ölkələrin təsərrüfat hə-
yatında staqflyasiya dövrü həm inflyasiya, həm də işsizlik
hadisələrinin eyni bir vaxtda baş verməsi ilə səciyyələnir.
Deməli, Fillips əyrisi qısa müddətdə inflyasiya ilə işsizlik
arasındakı əlaqəni düzgün əks etdirdiyindən, dövlət öz iq-
tisadi siyasətində, büdcə xərclərində, vergilərdə, bank
faizlərində, gömrük rüsumlarında müəyyən dəyişiklər et-
məklə, həmin prosesləri tənzimləyə bilər.
Şübhəsiz, yuxarıda qeyd etdiyimiz 10 prinsipin kon-
kret şəraitdən asılı olaraq, seçilib təsərrüfat həyatında isti-
fadə olunması ilk mərhələdə müsbət nəticələr versə də,
lakin onların son səmərəliliyi birgə, kompleksli surətdə
hərtərəfli düşünülüb tətbiq edilməsi ilə bağlıdır. Unudul-
mamalıdır ki, cəmiyyət həyatının ən mürəkkəb iqtisadi--
sosial problemlərinin təhlili və onların optimal həlli yol-
ları, məhz bu prinsiplərə əsaslanır.
Dostları ilə paylaş: |