3
tədqiqatlar geomorfoloji tədqiqatlarla sıx əlaqədə aparılır. Belə ki, relyefin
müxtəlif formalarının xarakteristikasını verdikdə, mütləq onun əmələgəlməsində
geoloji faktorların rolunu aşkar etmək lazımdır.
Geoloji xəritəalma bir neçə üsul ilə aparılır ki, bunlardan ən geniş yayılanları
aşağıdakılardır:
1.Marşrut üzrə xəritəalma – Bu zaman tədqiq olunan ərazi bir sıra
marşrutlarla süxurların uzanma istiqamətinə perpendikulyar kəsilir və marşrut
vaxtı aparılan müşahidələr topoqrafik xəritədə qeyd olunur.
2.Sahəvi xəritəalma - Bu üsul faydalı qazıntı yataqlarına malik olan
rayonlarda yerinə yetirilir və bir qayda olaraq 1:20 000 – 1: 25 000 miqyaslarda
aparılır.
3.İnstrumental geoloji xəritəalma daha iri miqyasda aparılır. (1:25 000, 1:10
000, 1:5 000). İnstrumental geoloji xəritəalma topoqrafın iştirakı ilə keçir və bu işi
topoqraf menzula və kiprigel vasitəsilə aparılır.
Çöl praktikası zamanı hər bir tədqiqatçı geoloji vəsaitlərdən istifadə
qaydalarını, geoloji kəsimlərin yazılmasını və nümunələr götürməyi, gündəlik
yazmağı, müxtəlif geoloji – geomorfoloji obyektlərin foto şəklini çəkməyi,
ölkəmizin geoloji və mineral ehtiyatlarını göstərən kolleksiyalar təşkil etməyi
bacarmalıdır. Eyni zamanda geoloji planalma işlərinin metodikasını çöl
materiallarının elmi surətdə işlənib hazırlanmasını və həmin işlərin Yerin geoloji
inkişaf tarixinin və orqanik aləminin gələcəkdə kompleks öyrənilməsinə tətbiq
etməyi bacarmalıdır. Çöl müşahidələrinə aşağıdakılar aiddir: rayonun fiziki-
geoloji xüsusiyyətlərinin yazılması; kəsilişlərin öyrənilməsi və qrafikin tərtibi; dağ
süxurlarının geoloji yaşının təyini; fasiyal dəyişmələr yolu ilə kəsilişlərin tərtibi və
korrelyasiyası; paleoekoloji müşahidə, sxematik geoloji xəritələr və profillərin
tərtibi.
Geoloji tədqiqatlara üç mərhələ daxildir: hazılıq, çöl və kameral işləri.
Hazırlıq mərhələsində təşkilat məsələləri ilə yanaşı, geoloji dəstənin rəhbəri
tədqiqatçıları çöl ləvazimatları, rayonun geoloji quruluşu və qarşıda duran
məsələləri həll etmək üçün lazım olan ədəbiyyat materialları ilə tanış edir. Bundan
behruzmelikov.com
4
başqa rəhbər ilk növbədə iş icraçıları ilə birlikdə həmin rayonda bir neçə xüsusi
marşrutlar keçirir və hər bir icraçının vəzifəsini qeyd edir. Çöl tədqiqatlarının
hazırlıq mərhələsi üçün aşağıdakı ləvazimatlar lazımdır: tədqiqat aparılan rayonun
xəritəsi, dağ kompası, lupa, geoloji çəkic, barometr – aneroid, su termometri,
ruletka, fotoaparat, qeyd kitabçası, etiket kitabçası, xəritələr üçün sumka, adi və
rəngli karandaşlar, rezik, nümunələr götürmək üçün kağız və kiçik meşoçkolar,
süxurların karbonatlığını yoxlamaq üçün xüsusi turşu, nümunələri səliqəli
bağlamaq üçün nazik ip və s.
Qeyd etmək lazımdır ki, xəritələrin miqyası nə qədər böyük olsa, bir o qədər
də çöl müşahidələrinin nəticələrini həmin xəritələrdə göstərmək asandır.
Adi kompasdan cəhətləri, dağ kompasından isə dağ süxurlarının yatım
elementlərini, uzanma və düşmə istiqamətini, meyl bucağını, həmçinin də dərə
yamaclarının meylliyini təyin etmək mümkündür.
Bu kompaslardan həmçinin mineralların maqnitlik xüsusiyyətini də təyin
etmək olur. Belə ki tərkibində dəmir birləşmələri olan minerallara (maqnetit, dəmir
kolçedanı və s.) kompasa yaxınlaşdırdıqda, onun əqrəblərinin ilkin vəziyyəti
pozulur. Ona görə də kompasla işlədikdə onun yaxınlığındakı dəmir əşyalar
müəyyən məsafədə (2 metrdən az olmamaqla) qoyulmalıdır.
Geoloji çəkic, geoloqun əsas çöl ləvazimatı olub, nümunələrin götürülməsində
və açılışların təmizlənməsində istifadə olunur.
İkinci mərhələ, yəni çöl müşahidələri zamanı geoloji tədqiqatlar çay
şəbəkələrinin inkişaf etdiyi rayonlarda, daha doğrusu çay və yarğanların
sahillərində açılmış ana süxurlarda, həmçinin də suayrıcıda və denudasiya
prosesləri nəticəsində dərə yamaclarında açılmış dağ süxurlarında aparılır. Bütün
bu toplanmış materiallar tədqiqat aparılan rayonun sutoplayıcı sahəsi üçün geoloji
xəritə tərtib etməyə, həmçinin relyeflə geoloji quruluşun əlaqəsini öyrənməyə
imkan verir.
Bildiyiniz kimi, endogen amillər dağ əmələgəlmə hərəkətləri, vulkanizm,
yeraltı təkanlar yer səthinin relyefini əmələ gətirir; ekzogen amillər isə (yəni dəniz,
çay, buzlaqların fəaliyyəti) tektonik relyefi hamarlayır. Ona görə də çöl
behruzmelikov.com
5
müşahidələri zamanı geoloji quruluşun və süxurların metoloji tərkibinin relyefə
təmirini nəzərə almaq lazımdır. Ona görə də müasir relyefin inkişaf
xüsusiyyətlərini ayırd etmək üçün, geoloji – geomorfoloji tədqiqatları birlikdə
aparmaq məqsədə uyğundur.
Çöl müşahidələri zamanı yazılmış çöl sənədlərinin düzgünlüyü geoloji işlərin
keyfiyyətli aparılmasını təyin edir ki, bunlardan da əsasları aşağıdakılardır: çöl
kitabçasında, yaxud da çöl gündəliyində aparılan qeydlər, sxemlərin tərtibi,
xəritələr, kəsilişlər və dağ süxurlarından, minerallardan götürülmüş nümunələr.
Faktiki materiallardan tərtib edilmiş xəritədə bütün müşahidə nöqtələri,
marşrutların istiqaməti, faydalı qazıntıların yeri və sxematik geoloji xəritənin ilkin
konturu göstərilir.
Tədqiq olunan ərazinin geoloji quruluşunu aydınlaşdırmaq üçün, həmin
ərazidə mövcud olan geoloji kəsimlərin və onlardan götürülən süxur
nümunələrinin, fauna qalıqlarının hər tərəfli analiz əsas rol oynayır. Geoloji
açılışlara yer səthində çıxışı olan bütün dağ süxurlarını aid etmək olar.
Ümumiyyətlə geoloji açılışlar iki cürdür: təbii və süni.
Təbii açılışlar əsasən dəniz, çay, yarğan sahillərində və dağ silsilələrinin
suayrıcı hissəsində, yamaclarda müşahidə edilir. Süni açılışlara isə müxtəlif dağ –
qazma işləri aiddir ki, bunlara daiqurf, kanava, ştolnya, karyer və s. daxildir.
Açılışların təsvirinə başlamazdan əvvəl, ilk növbədə onun relyeflə əlaqəsini,
onun köklü süxurların yatımına uyğunluğunu, həmin açılışın tektonikanın nəticəsi
yaxud da sürüşmə, uçqunların nəticəsi olduğunu aydınlaşdırmaq lazımdır. Əgər
açılışların üzəri uçqun və gətirmə materialları ilə örtülmüşdürsə, həmin materialları
mütləq təmizləmək lazımdır. Bundan sonra açılışın təsvirini yazmaq mümkündür.
Sonra həmin açılışın yeri xəritədə qeyd olunmaqla yanaşı, onun ardıcıl nömrəsi,
açılışın dəniz səviyyəsinə görə mütləq hündürlüyü və onu əhatə edən relyefə görə
nisbi yüksəkliyi, açılışın həqiqi və görünən qalınlığı təyin olunmalıdır. Çöl
şəraitində açılışın təsviri aşağıdan üst qata doğru, kameral şəraitdə isə onun təsviri
üst laydan aşağı qata doğru yazılmalıdır. Layların həqiqi qalınlığı, onun tavanından
dabanına qədər olan məsafə ilə, görünən qalınlığı isə açılışda müşahidə olunan
behruzmelikov.com
Dostları ilə paylaş: |