3
bakterioloji və kimyəvi keyfiyyəti, yağışdan sonra quyu suyunun səviyyəsinin
qalxmasının çay səviyyəsinin qalxması ilə əlaqəsi, yay və qış fəsillərinin quru
aylarında suyun səviyyəsinin dəyişmə xüsusiyyətləri göstərilir.
Quyu sularının temperaturası xüsusi su termometrləri vasitəsilə ölçülür ki, bu
zamanda termometr suda 5 dəqiqədən az olmayaraq saxlanılmalıdır. Təbii yeraltı
suların çıxışlarını tapmaq üçün çay dərələrində yarğanlarda, qobularda və
yamacların ətəklərində ki su çıxıntılarının yerlərini xəritədə qeyd edərək, onların
hər tərəfli təsvirini yazmaq lazımdır.
Qrunt sularının axım istiqamətini, sürətini təyin etmək üçün bir-birindən xeyli
məsafədə yerləşmiş və su səviyyələri müxtəlif olan bir neçə quyudan istifadə
edirlər. Bunun üçün yuxarıda yerləşmiş quyuya bir qədər duz töküb onun
kəmiyyətini aşağı quyuda yoxlayırlar. Bunun üçün aşağı quyudan götürülmüş suya
bir qədər gümüşlü azot turşusu əlavə edirlər. Əgər bu zaman suda ağ çöküntü
yaranırsa, deməli üst quyudan tökülmüş duzun bir hissəsi aşağı quyuya çatıb.
İkinci quyuya duzun çatması vaxtı, bizə imkan verir ki, su qorizontunda suyun
təmizləmə sürətini təyin edək.
Qrunt sularının bu cür tədqiqinin nəticəsi hesabat şəklində təqdim edilir ki,
onun da forması belədir:
1.Quyular yerləşdiyi sahənin coğrafi vəziyyəti və onun çay şəbəkəsinin
tərkibi.
2.Sahənin qısa geoloji və geomorfoloji səciyyəsi.
3.Quyularda qrunt sularının və bulaqların vəziyyəti, xarakteristikası.
4.Suyun keyfiyyəti, su təchizatı şəraiti, suya olan tələbat.
5.Quyuların sanitariya cəhətdən vəziyyəti.
6.Qrunt sularının mühafizəsi üçün məsləhətlər.
Bütün bunlarla yanaşı hesabata, quyuların, mineral bulaqların yerləşdiyi
xəritə, quyuların kəsilişi və həmin kəsilişlər üzrə su saxlayan qatların nömrəsidə
əlavə edilir.
behruzmelikov.com
2.GEOLOJİ ÇÖL TƏDQİQAT ÜSULU
Təbii mineral ehtiyatları ilə zəngin olan ölkəmizin çox hissəsi geoloji
quruluşunun müxtəlifliyi ilə kəskin fərqlənir. Sənayenin, kənd təsərrüfatının və
hərbi texnikanın inkişafı üçün filiz və qeyri filiz yataqlarının ehtiyatlarını aşkar
etmək üçün geoloji çöl tədqiqat işləri aparılmalıdır. Geoloji tədqiqatlardan
həmçinin su elektrik stansiyalarının, mülki və hərbi obyektlərin tikintisində, su
təchizatında, torpaq eroziyasında, sürüşmə sahələrində, yarğan eroziyasında və
digər təbii fəlakətlərə qarşı mübarizədə istifadə edilir.
Geoloji məlumatlardan istifadə olunan bütün işlərin əsasını, çöl tədqiqat
materiallarının kompleks təhlili üzrə tərtib edilmiş dəqiq geoloji xəritələr təşkil
edir.
İnqilaba qədər Rusiyada geoloji planalma işləri marşrut xarakterli olub, heç
bir axtarış məqsədi ilə müşayiət olunmurdu. Ölkənin böyük ərazisinin geoloji
cəhətdən tam öyrənilməməsinə baxmayaraq, bu axtarış işləri faydalı qazıntıların
aşkar edilməsində heç bir elmi əhəmiyyət kəsb etmirdi.
Hal – hazırda ölkəmizin ərazisində geoloji cəhətdən öyrənilməmiş elə bir sahə
qalmamışdı. İldən – ilə artan geoloji xəritələşdirmə işləri əsasında geoloji –
kəşfiyyat işlərinin inkişafı üçün geoloji əsas tərtib olunmuşdur ki, bunun da
əsasında 1:1 000 000 miqyasında geoloji – planalma işləri başa çatdırılmışdır.
Həmçinin ölkəmizin 75-80% sahəsinin 1:200 000 və daha iri miqyaslı geoloji
xəritələr tərtib edilmişdir.
Qeyd etmək lazımdır ki, geoloq və coğrafiyaçı üçün çöl müşahidələri çox
böyük əhəmiyyət kəsb edir. A.A.Borzov göstərmişdir ki, coğrafiyaçı üçün ilkin və
əsas laboratoriya təbiətdir.
Çarlz Darvin ümumi elmi fikirlərə əsaslanaraq geoloji çöl müşahidələrini
yüksək qiymətləndirmişdir. Müəllifin fikrincə, geoloji çöl tədqiqat müşahidələri
hər hansı bir geoloji prosesin araşdırılmasında və yaxud bu proseslə əlaqədar olan
başqa təbiət hadisələrinin öyrənilməsində mühüm rol oynaya bilər. Ona görə də,
geoloji çöl tədqiqat müşahidələrinin aparılma üsullarını bilmək həm geoloqlar üçün
behruzmelikov.com
2
və həm də coğrafiyaçılar, diyarşünaslıq, turistlər üçün, bir çözlə təbiəti öyrənən
bütün şəxslər üçün ən vacib üsullardan biridir.
Aparılmış geoloji çöl müşahidələri nəticəsində mürəkkəb fiziki – coğrafi
amillərin qarşılıqlı təsirini və əlaqəsinin analizi, onların müşahidə olunma
qabiliyyətini aşkar etmək mümkün olur. Geoloji çöl müşahidələri hər hansı bir
sahənin fiziki – coğrafi xüsusiyyətlərinin kompleks öyrənilməsi üçün əsas olub,
relyefin genezisi, onun evolyusiyası, inkişaf tarixi, geoloji proseslərin təbiətin
digər amilləri ilə qarşılıqlı əlaqəsinin qanunauyğunluqlarını aşkar etməyə imkan
verir. Geoloji əsas üzərində faydalı qazıntıların qanunauyğun yerləşməsi aşkar
olunur, onların ehtiyatı və səmərəli istifadə olunması aydınlaşdırılır.
Geoloji çöl tədqiqatları zamanı əsas diqqət orqanik aləmin qarşılıqlı əlaqəsinin
aydınlaşdırılmasına, daha doğrusu Yer qabığının biosfer qatının atmosfer, litosfer
və hidrosfer qatları ilə qarşılıqlı təsirinin öyrənilməsinə yönəldilir. Bu müşahidələr
zamanı sadəcə olaraq müxtəlif geoloji hadisələri yazmaqla yanaşı, onun təbii
genezisini, qədim və müasir geoloji proseslərin bir – birilə əlaqəsini açmaq
lazımdır. Geoloji çöl tədqiqatları zamanı ərazinin mineraloji, paleontoloji, faydalı
qazıntısı haqqında tələbənin ümumi məlumatı olmaqla bərabər, həmin ərazidə
yayılmış vulkanik, metamorfik və çökmə süxurlardan təşkil olunmuş kəsilişlərdən
nümunələr götürülməsi də vacibdir. Bu baxımdan çay və yarğan sahillərindəki
açılışlarda mövcud olan heyvan və bitki qalıqlarının öyrənilməsinin böyük
əhəmiyyəti vardır. Bu tapıntılar geoloji keçmişdə quru və dənizin sərhədlərində baş
verən dəyişiklərin öyrənilməsinə imkan verir.
Çöl müşahidələrinin spesifikası yerli fiziki – geoloji şəraitin xarakteri ilə təyin
olunur. Burada ümumi tədqiqatlarla yanaşı, ərazinin müxtəlif geoloji əlamətləri də
aşkar edilir ki, buda öyrənilən rayonun xüsusiyyətlərini təyin etməyə imkan verir.
Misal üçün, dəniz sahili rayonlarda qədim dəniz hövzələrinin paleocoğrafiyası,
abrazion terrasların xarakteri, dənizin dağıdıcı fəaliyyəti, dyunlar və s. öyrənilir.
Qədim buzlaqların inkişaf etdiyi oblastlarda buzlaq relyefinin xüsusiyyətləri,
(ozlar, kamlar, drumliklər) qaymaların xarakteri, morenlərin tərkibi, flyuviolyasial
qumlar və lentvari gillərə xüsusi diqqət yetirilir. Bununla əlaqədar olaraq, geoloji
behruzmelikov.com
Dostları ilə paylaş: |