6
qalınlıqla ölçülür. Çökmə süxurlardan təşkil olunmuş açılışı təsvir etdikdə, onun
laylanma xüsusiyyətinə mütləq fikir vermək lazımdır. Əgər dağ süxurları üfüqi
yatmırlarsa, onda dağ kompası vasitəsilə onların yatımını – yəni uzanma
istiqamətini, yatımını və layın yatım bucağını təyin etmək lazımdır. Bundan sonra
müəyyən qalınlığa malik olan laylardan nümunələr götürülür ki, bunlarında
etigetkasında təşkilatın adı, açılışın nömrəsi və yeri, layın hərflərlə işarəsi,
nümunənin adı və nömrəsi (gil, qum, gillicə və s.), geoloji yaşı, tədqiqatçının adı
və ayın tarixi yazılmalıdır
Geoloji tədqiqatlarda çökmə süxurların nisbi yaşını təyinində əsasən
paleontoloji – biostratiqrafik üsul mühüm rol oynayır. Mütləq yaşı hesablama
üsulu isə əsasən maqmatik və metamorfik süxurlara tətbiq olunur ki, burada da
radioaktiv metoddan istifadə edilir. Hazırda ən geniş yayılmış üsul kaliy – arqon
metodudur. Süxurların mütləq yaşını bu üsulla təyin etdikdə, əsasən tərkibində
kalium, kalium şpatı, biotit, amoribol olan minerallardan istifadə olunur. Bu zaman
götürülən nümunənin çəkisi 25 qramdan az olmamalıdır. Dördüncü dövr
çöküntülərinin yaşının təyinində isə radio – uqlerod üsulundan istifadə olunur.
Qeyd etdiyimiz kimi geoloji tədqiqatların üçüncü mərhələsi əldə edilmiş
geoloji müşahidələrin və toplanmış materialların ümumi hesabatını yazmaqdan
ibarətdir. Hesabata aşağıdakı fəsillər daxil olmalıdır: 1.Giriş işin təşkili; 2.Rayonun
coğrafi şəraiti, relyefi, çay şəbəkəsi; 3.Geoloji quruluşu; 4.Yeraltı sular və yaşayış
məntəqələrinin su ilə təchizatı; 5.Faydalı qazıntılar, onların istismarı və işlənilməsi;
6.Geoloji inkişafı və tektonika; 7.Geoloji obyektlərin adları və maraqlı marşrutlar
üzrə ekskursiyaların təşkili; 8.İstifadə olunmuş ədəbiyyatların siyahısı.
Qrafiki materiallara isə faktiki materiallardan tərkib olunmuş xəritə, açılışların
və ən xarakterik yatağın kəsilişi, tam stratiqrafik kəsiliş, sxematik geoloji xəritə,
geoloji – geomorfoloji kəsiliş, litoloji – paleoekoloji kəsiliş daxildir.
behruzmelikov.com
7.GÖLLƏRİN, BATAQLIQ, QAR ÖRTÜYÜNÜN TƏDQİQİ
Çaylardan fərqli olaraq, göllər ən mürəkkəb obyektlərdən biri olub,
özünəməxsus geoloji – geomorfoloji birləşmələrlə, iqlim, hidroloji xüsusiyyətlərlə
və təbiətin digər əlamətləri ilə seçilir. Göllərin öyrənilməsinin böyük elmi və
təcrübi əhəmiyyəti vardır.
Göllərlə ilk tanışlıq ədəbiyyat və xəritə materialları ilə başlanır ki, burada da
göl haqqında ümumi anlayışlar və onun sutoplayıcı hissəsinin coğrafi vəziyyəti,
koordinatları, dərinliyi və digər morfometrik göstəriciləri verilir. Çöl işlərinin
aparılması üçün ilk növbədə gölün sutoplayıcı sahəsinin, sonra isə gölün nisbətən
iri miqyaslı xəritəsi hazırlanır. Gölün dərinliyini təyin etmək üçün exolotlardan,
onun dib hissəsindəki qruntdan nümunə götürmək üçün xüsusi dəmir borulardan,
suyun temperaturasını təyin etmək üçün elektrotermometrdən, su nümunələri üçün
batometrdən və meodolitdən istifadə edilir.
Gölün tədqiqinə onun ətraf sahəsinin geomorfoloji xəritəsinin tərtibi ilə
başlamaq lazımdır ki, həmin xəritə də göl çökəkliyinin bütün elementləri (yamac,
göl terrasları, sahil zonası, göl ətrafı ərazi) öz əksini tapmalıdır. Göl çökəkliyində
isə əsasən yamacın əsas elementləri (yüksəkliyi, meylliyi, parçalanma dərəcəsi,
süxurların litoloji tərkibi), göl terrasları, pillələr, sahil tirələri və bitki örtüyü
öyrənilir. Sahil zonası qruntun tipinə, dalğalanma ilə əlaqədar olaraq sahil
proseslərinin xarakterinə və onun parçalanması nöqteyi -nəzərindən öyrənilir. Göl
çökəkliyində isə görünən sualtı yamacı, onun süxurlarının litoloji tərkibi və
dərinliyi yamacın meylliyi, sualtında mövcud olan bitki aləmi öyrənilir.
Gölün dərinliyini ölçmək üçün, ilk növbədə gölün sahil xətti üzrə bir- birilə
bağlanan stvorlar götürülməlidir ki, bunlarda sahil zonanın xəritəsi üzərində öz
əksini tapmalıdır. Bundan sonra isə qrunt götürmək üçün stansiyaların yeri və digər
müşahidə nöqtələri qeyd edilməlidir. Çox böyük dərinliklərdən qrunt nümunələri
götürmək üçün Voronkovun dərinlik ölçən cihazından istifadə edilir. Dib
çöküntüləri daxilində iri daşlı, qayalı, çaqıl daşlı, qumlu və gilli süxurlar ayrılır.
Çöl işləri zamanı ölçülər aparıldıqdan sonra gölün planı üzərində izobatlar
göstərilir. Bundan sonra batimetrik xəritə tərtib edilir və gölün suyunun həcmi
behruzmelikov.com
2
hesablanır. Bunun üçün planimetrdən istifadə edilir. Gölün tədqiqatı zamanı onun
su rejiminin öyrənilməsi də vacibdir ki, buraya da il boyu səviyyənin dəyişməsi, ən
yüksək və aşağı səviyyələrin yaranma müddəti, onların təkrarı, qış dövründə
səviyyənin dəyişməsi, gölün qida mənbəyi və su sərfi daxildir ki, bunun üçün də
daimi fəaliyyətdə olan stansiyaların, postların məlumatlarından istifadə edilir.
Bununla yanaşı göl suyu səthinin temperaturasının aylar üzrə dəyişməsini, suyun
temperaturasının şaquli paylanmasını, onun dərinliyini də təyin etmək lazımdır.
Suyun kimyəvi tərkibi və onun qaz rejimi xüsusi laboratoriyalarda təyin edilir.
Gölün suyunu həmçinin onun içmək üçün nə qədər yararlı olması nöqteyi –
nəzərdən də öyrənirlər. Bunun üçün suyun şəffaflığı, rəngi, dadı, çirklənmə
dərəcəsi təyin edilir və nəticədə gölün təsərrüfat əhəmiyyəti göstərilir ki, bunlara
da suyun keyfiyyəti, gölün sənaye əhəmiyyəti, qış və yay fəsillərində göldən enerji
mənbəyi kimi istifadə edilməsit kimi məsələlər aiddir.
Çöl işləri zamanı tərtib edilmiş xəritə və kəsilişlər, analiz materialları üzrə
hesabat verilir ki, onun məzmunu bu cürdür: 1.Çay sistemləri hövzəsində gölün
coğrafi vəziyyəti; 2.Relyef və geoloji quruluşun əsas xüsusiyyətləri; 3.Göl
çökəkliyinin morfometrik göstəriciləri; 4.Gölün hidroloji rejimi; 5.Gölün
əmələgəlməsi; 6.Gölün təsərrüfat əhəmiyyəti və onun mühafizəsi.
Qar örtüyünün öyrənilməsi.
Qar örtüyü təbiətin formalaşmasında ən vacib amillərdən biridir. Qar
örtüyünün öyrənilməsi həm elmi nöqteyi nəzərdən və həmdə praktiki cəhətdən
böyük əhəmiyyətə malikdir. Qar örtüyünün vəziyyəti, onun toplanması ilə əlaqədar
olan məsələlərin öyrənilməsi, onun müxtəlif tipli sahələrə təsirinin
aydınlaşdırılması fiziki – coğrafi tədqiqatlarda əsas yer tutur.
Qar üzrə müşahidələr reyka, qar ölçən və termometr vasitəsilə aparılır. Qar
ölçən cihaz vasitəsilə müəyyən xətt üzrə qar götürülür və onun miqdarı təyin edilir.
Qar ölçənin əsas hissəsi sahəsi 50 sm
2
olan dəmir silindrdən ibarətdir ki, onun da
aşağı hissəsində qalın qar qatına kəsmək üçün kəsici material yerləşdirilmişdir.
Qarölçmə işlərini müxtəlif tip yerlərdə aparmaq olar: meşədə, bataqlıqda,
çəmənlikdə və s. Hər bir yerdə qarölçmə sahəsi 20 x 20m olur ki, burada da daimi
behruzmelikov.com
Dostları ilə paylaş: |