addım-addım, bəziləri iməkləyə-iməkləyə keçəcək, digərləri isə sürünə-sürünə gələcək
və yaxalanıb Cəhənnəmə düşəcəkdir. Körpünün üzərində qarmaqlar var və onlar
insanları əməllərinə görə tutacaqlar. Kim Siratı keçsə, Cənnətə daxil olar. Siratı
keçənlər Cənnətlə Cəhənnəm arasında Qantarada dayandırılacaqlar ki, öz aralarında
bir-birinə haqları ödəndiriləcəkdir. Orada təmizləndikdən sonra onlara Cənnətə
girməyə icazə veriləcəkdir.
Cənnətin qapılarının açılmasını istəyən ilk şəxs Muhəmməd (ona Allahın
salavatı və salamı olsun!) olacaqdır. Ümmətlər arasında isə ilk olaraq Cənnətə girən
Onun (ona Allahın salavatı və salamı olsun!) ümməti olacaqdır.
Qiyamət günü Peyğəmbərin (ona Allahın salavatı və salamı olsun!) üç şəfaəti
olacaqdır:
Birinci şəfaət: peyğəmbərlər - Adəm, Nuh, Đbrahim, Musa və Məryəm oğlu Đsa
(onlara salam olsun!) şəfaət etməkdən boyun qaçırdıqlarından sonra növbə
Muhəmməd Peyğəmbərə (ona Allahın salavatı və salamı olsun!) çatdıqda, o, məhşərə
toplananlara şəfaət edəcəkdir.
Ikinci şəfaət: Cənnətə əlinin Cənnətə daxil olması üçün edəcəyi şəfaətdir. Bu
iki şəfaət ancaq ona məxsusdur.
Üçüncü şəfaət isə Cəhənnəmə atılmağa layiq olanlar üçün olacaqdır. Şəfaətin
bu növü Peyğəmbərimizə (ona Allahın salavatı və salamı olsun!) və eləcə də digər
peyğəmbərlərə, həmçinin siddiqlərə və başqalarına aiddir. Onlar bəzi Cəhənnəmə
atılmağa layiq olan kəslərin oraya düşməməsi üçün, həmçinin Cəhənnəmə atılmış bəzi
insanların oradan çıxarılması üçün şəfaət edəcəklər. Həmçinin Uca Allah Öz lütfü və
rəhmətiylə bir çox adamları Cəhənnəmdən şəfaətsiz çıxaracaqdır. Dünya əhlindən
Cənnətə daxil olacaqlar daxil olduqdan sonra orada boş yerlər qalacaqdır. Buna görə,
Allah Cənnət üçün insanlar yaradacaq, sonra onları Cənnətə daxil edəcəkdir.
Axirət həyatında olacaq şeylər: haq-hesab, mükafat, cəza, Cənnət, Cəhənnəm
və s. bunlar hamısı səmadan nazil edilmiş (səmavi) kitablarda, peyğəmbərlərdən
rəvayət edilmiş və Muhəmmədən (ona Allahın salavatı və salamı olsun!) miras qalmış
biliklərdə müfəssəl surətdə və kifayət edəcək qədər öz əksini tapmışdır. Hər kim
(öyrənmək) istəsə bunu açıq-aşkar görə bilərlər.
Nicat tapmış firqə - Sünnə və camaat əhli Qədərin xeyrinə və şərinə iman
gətirir. Qədərə iman iki dərəcədən, hər bir dərəcənin özü isə iki hissədən ibarətdir.
Birinci dərəcə - Uca Allahın elmi ilə məxluqatları əhatə etməsinə və onların da
Allahın qədim elminə uyğun olaraq hərəkət (əməl) etmələrinə iman gətirməkdir. O,
əzəli və əbədi olaraq bu sifətlərlə vəsf olunmuşdur. O bütün yaratdıqlarının itaətkar və
ya asi olacağını, onların ruzilərinin miqdarını və nə zaman öləcəklərini bilir. Sonra
Allah Lövhi məhfuzda məxluqatların qədərini yazmışdır.
“Allah öncə qələmi yaratmış, sonra ona buyurmuşdur: "Yaz!" Qələm
soruşmuşdur: nə yazım? Allah buyurmuşdur: “Qiyamət gününə qədər nə baş
verəcəyini yaz!” Đnsanın başına gələcəklər heç vaxt ondan yan keçməyəcək və
ondan yan keçəcəklər isə, heç vaxt ona toxunmayacaqdır. Qələmlər (mürəkkəb)
qurumuş və səhifələr isə bükülmüşdür." Uca Allah buyurur:
“(Ya Rəsulum!) Məgər bilmirsənmi ki, Allah göydə və yerdə nə varsa
(hamısını) bilir? Həqiqətən, bu, (Lövhi-məhfuzdadir) Kitabdadır. Şübhəsiz ki, bu
Allah üçün asandır!” (Həcc, 22/70).
O yenə buyurur:
“Yer üzündə baş verən və sizin öz başınıza gələn elə bir müsibət yoxdur
ki, Biz onu yaratmamışdan əvvəl o, bir kitabda (lövhi-məhfuzda) yazılmamış
olsun. Bu, Allah üçün çox asandır!” (Hədid, 57/22).
Qədərin bu növü Allaha Öz elmi ilə məlumdur. O (yəni, bu elm), bəzən
ümumi, bəzən də müfəssəldir. Allah Lövhi məhfuzda istədiyini yazmışdır: O, ana
bətnindəki uşağı yaratdıqda, ona ruh verməmişdən əvvəl, onun yanına mələk göndərir
və ona dörd kəliməni: yəni, ruzisini, əcəlini, əməlini, xoşbəxt və ya bədbəxt olacağını
yazmağı əmr edir. Keçmişdə qədərin bu növünü Qədərilərin ifrata varan tərəfdarları
inkar edirdilər. Zəmanəmizdə isə bunun inkar edən çox azdır.
Đkinci dərəcə isə Allahın həyata keçən istəyinə (iradəsinə) və hər şeyi əhatə
edən qüdrətinə iman gətirməkdir. Bu, Allahın istədiyinin baş verib, istəmədiyinin isə
həyata keçmədiyinə iman gətirməkdir. Şübhəsiz ki, göylərdə və yerdə baş verən
hərəkət və ya sükunət yalnız nöqsansız Allahın istəyi və iradəsilədir. Onun
səltənətində istəmədiyi bir şey baş verməz. Mövcud olan və mövcud olmayan hər nə
varsa Allah ona qadirdir.
Nə yerdə və nə də göylərdə elə bir varlıq yoxdur ki, onun Allahdan başqa
yaradıcısı olsun. Ondan başqa yaradan və Ondan başqa Rəbb yoxdur.
Bütün bunlarla yanaşı O, xəlq etdiyi varlıqlarına Özünə və elçilərinə itaət
etmələrini əmr etmiş, asi olmağı isə qadağan etmişdir.
Allah müttəqiləri, mühsinləri (əməli salehləri), ədalətliləri sevir və iman
gətirənlərdən, yaxşı işlər görənlərdən razıdır.
Allah kafirləri sevmir, fasiq insanlardan da razı deyildir. O, fahiş işləri
(əxlaqsızlığı) buyurmur. Bəndələrinə küfrü arzulamır və fəsadı sevmir.
Bəndələr öz əməllərinin həqiqi icraçısı, Allah isə onların əməllərinin xaliqidir.
Mömin də, kafir də, saleh də, pis əməl sahibi də, namaz qılan da, oruc tutan da
bəndədir. Bəndə öz əməllərini qüdrəti və iradəsi ilə edir. Lakin Allah onun da, onun
qüdrətinin də, iradəsinin də yaradıcısıdır. Uca Allah buyurur:
“Eləcə də sizdən doğru yolda olmaq istəyənlər doğru yolla da gedirlər.
Lakin aləmlərin Rəbbi olan Allah istəməsə, siz istəyə bilməzsiniz!” (Təkvir, 81/28-
29).
Qədərin bu dərəcəsini, Peyğəmbərin (ona Allahın salavatı və salamı olsun!)
"Bu ümmətin məcusiləri" adlandırdığı qədərilərin əksəryəti inkar edilir. Bu məsələni
təsdiq edənlərdən bəziləri (yəni, Cəbrilər təriqəti) isə ifrata vararaq insanın gücü və
ixtiyarı (seçimi) olmadığını iddia edirlər. Bu da Allahın etdiyi əməllərin və verdiyi
hökmlərin hikmətsiz və faydasız olması mənasını verir.
Əhli sünnə və camaat tərəfdarlarının əsas prinsiplərinə görə din və iman, söz
və əməldir; söz dedikdə: qəlbin və dilin sözü, əməl dedikdə: qəlblə, dillə və bədən
üzvləri ilə əməl nəzərdə tutulur. Iman itaət göstərməklə artır və asilik etməklə azalır.