www.kitabxana.net
– Milli Virtual Kitabxana
76
Kahanın qabağına tərəf getdi. Tayfa qoruyucusu burdaydı, onu aradan
götürməsəydi, istədiyinə çata bilməzdi. Az da bunu bilirdi, ona görə də bir söz
demədən Qorçatanın arxasınca düşdü.
Kaha qoruyucusu həmişəki kimi yatmamışdı, ulduzlara baxırdı, əlçatmaz sirli
ocaqları seyr eləyirdi. Həmin sirli ocaqlardan düşən çınqılar tayfaya fəlakətlə birgə
od da gətirirdi. Oddan istifadə edirdilər, amma onu saxlaya bilmirdilər. Çoxdandır
ki, tayfa üzvləri oda həsrət qalmışdılar. Bu yerlərdə nə şimşək çaxırdı, nə də
ildırım düşürdü. İndi od daşıyan, odun dilini bilən tapılmışdı, onu yaxşı-yaxşı
qorumaq gərək idi...
Qorçatan qoruyucunun arxasına keçdi və onun başına toppuzla güclü zərbə endirdi.
Qoruyucu səsini belə çıxara bilmədi və yerə yıxıldı.
Əroğlu qarşıdakı dağa tərəf götürüldü. Az onun qolundan tutdu, təlaşla və
Qorçatan anlayacaq jestlərlə onu belə başa salmaq istədi:
- Biz burdan qaçmalıyıq, səni öldürə bilərlər, - dedi və Qorçatanı düşərgənin
kənarına tərəf çəkdi.
Qorçatan yerindən tərpənmədi:
- Mən müqəddəs sümükləri aparmalıyam. Onları burda gizlədiblər. Mən bunu hiss
eləyirəm, - deyə dirəşdi və havanı iyləməyə başladı.
Müqəddəs sümüklərin ruhu onu çağırırdı. Əroğlu istiqaməti düz seçmişdi.
Sümüklər dağın döşündəki kahada gizlədilmişdi. Bura Torpaq tayfasının gizlinləri
saxlanılan yer idi, bir növ, onların xəzinəsiydi. Həmin xəzinədə müqəddəs ruhlar,
kölgələr, sümüklər, odu sönmüş kösövlər saxlanılırdı.
Az Qorçatanla dabanbasma gedirdi. Əroğlu kahaya çatdı. Güdükçülər kahanı
unudub bir müddətə şeytana qonaq getmişdilər, indi bizon sümüyü üstündə
dalaşırdılar. Qorçatan oğrun-oğrun kahaya girdi, bura zil qaranlığıydı, amma
Qorçatanın gözündəki qığılcımlar hər tərəfi işıqlandırırdı, sümüklər hardasa,
kahanın küncündə olmalıydı. Bir az gedəndən sonra Əroğlu sümükləri gördü.
Sümüklər iki kəllədən ibarət idi. Bu, öncənin (qadının) və axırın (kişinin)
qalıqlarıydı. Onlardan işıq süzülürdü. Qorçatan kəllələri götürüb qoynunda gizlətdi
və xəlvətcə kahadan çıxdı...
Az bir dəqiqə də olsa Əroğlunu tək buraxmamışdı, onun hər addımını izləyirdi.
Qorçatan gəldiyi yollarla geri qayıtmaq istədi, amma buralara yaxşı bələd olan Az
sağdakı meşəni göstərdi. Ora təhlükəsiz idi.
www.kitabxana.net
– Milli Virtual Kitabxana
77
Azın burada qalması ölümə bərabər idi. Tayfanı satdığına görə cəzalandırılacaqdı.
Ona görə də Qorçatanla getməyə qərar verdi...
* * *
İmranbəy söhbəti burada kəsdi, narahat-narahat ətrafa baxdı və:
- Hiss eləyirəm ki, nəsə qaydasında deyil, - dedi, gözləri yol çəkdi, - mən ona baş
çəkməliyəm.
- O hardadır ki? - deyə xəbər aldım.
- Köhnə neft quyularının birində. Ürəyinə quyuya düşmək keçirdi, mən də mane
olmadım. Deyir ki, neft quyularında tədqiqat aparmaq istəyir. Bilmək istəyir ki,
əcnəbilər neftimizin hamısını sümürüblər, yoxsa, yerində nəsə qalıb...Çox
qeyrətlidir, təpərlidir... - Sonra nə fikirləşdisə: - Görən, ordan qaçmaz ki? - deyə
suallı nəzərlərini üzümə zillədi.
- Sənin yetirməndir, mən hardan bilim? - deyə onu sancdım.
- Son zamanlar yaman sayıqlayırdı, Azdan və onun taleyindən narahat olduğunu
deyirdi. O, hələ də anlamır ki, onu mən diriltmişəm və Az deyilən bir adam yer
üzündə mövcud deyil.
- Azı diriltsəydin, ondan yaxşı olardı. Hər halda, ilk insanı qadın doğub.
- Yox, səhvin var, insanı, özü də ilkini Allah yaradıb, onun qabırğasından isə
qadını, deməli, mən qadını yox, kişini diriltməliydim.
Bu sözlərdən sonra İmranbəy ayağa qalxdı. Mən də yerimdən durdum. Getməyin
vaxtıydı. Yorulmuşdum.
- Mən gedim, - dedim, - sabah gələrəm.
- Hə, sən get, - deyə İmranbəy fikirli-fikirli dedi. Onun xəyalları Azıxantropun
yanındaydı.
- Ona hələ ad qoymamısan? - deyə qəfil ağlıma gələn sualı verdim.
- Adı Bəşərdi, - dedi, - Bəşər, - təkrar elədi. - Bəşəriyyətin ilk övladı olduğuna görə
belə ad vermişəm. Amma sən heç kimə demə! Bilsələr, tovlayıb yoldan çıxara
bilərlər, vibrodalğalar vasitəsilə çağırarlar...
www.kitabxana.net
– Milli Virtual Kitabxana
78
- Yaxşı addır, - dedim və cavab gözləmədən çıxdım...
Bəşər! Nə gözəl demiş, bəyim, nə gözəl!!!
* * *
Külək başlamışdı, İmranbəyin damının üstündə eşələnirdi. Mənə elə gəldi ki, bu
saat şifer və çadırlar göyə uçacaq. Maraq üçün dayanıb küləyin oyununa baxdım.
Onun rəngini təsəvvür eləmək istədim, amma bir şey alınmadı. Küləyin rəngi yox
idi. Burda ağ yel də, qara yel də bir rəngdəydi. Xəzri də, gilavar da bir bezin
qırağıydı. Daltoniklər üçün yaxşı təsəllidir.
Şəhərə gəldim. Paytaxt gah sökülür, gah tikilirdi. Memarlar xam dərzilərə
bənzəyirdilər. Don əvəzinə şalvar tikirdilər, sonra şalvardan don dikməyə
çalışırdılar. Yeniləşmə adı altında köhnə binalar sökülür, xatirələr məhv edilir,
yerində isə heç kimin tanımadığı, yaddaşına dəxli olmayan əyri-üyrü binalar
ucaldılırdı. Bütün bunlar hamıya təsir eləyirdi. Bu yeniləşmədə bir pis aura vardı.
Adamlar yuxularını qarışdırırdılar. Ağıllarına cürbəcür fikirlər gəlirdi.
Bütün bu dəyişmələr içində sabit qalan İmranbəylə mən idim. Biz ruhən
yenilməziydik. Bizi heç kim yolumuzdan döndərə bilməzdi. Mən buna tam əmin
idim. Özümə özüm kimi inanırdım. Bəndənizi və onun sinif yoldaşını tamam başqa
məsələlər düşündürürdü. Yuxularımız da bu istiqamətdə inkişaf edirdi. Əhsən bizə!
İmranbəy demiş, «ekzellənt!»
Hər şey yadımnan çıxmışdı: iş, ailə, sərsəm ideallar. Yata da bilmirdim. Hərdən
beynimə şəhərimizin bərbad küçələri, uşaqlarımın ac qarnı, ayaqqabı, kitab dərdi
düşsə də, onları zorla özümdən uzaqlaşdırırdım. Bu cür xırda məsələlər mənlik,
daha doğrusu, bizlik deyildi.
Səhərə kimi yatmadım, yalnız səhər uşaqlar dərsə gedəndən sonra yuxuladım və
günortaüstü qara-qura vaqiyələrdən canımı qurtardım. Arvadağa da evdə yox idi.
Yəqin ki, uşaqları məktəbdən gətirməyə getmişdi.
Hamama keçib yuyunmaq istədim. Suyumuz gəlmirdi. İncəvardan vedrədə ehtiyat
su vardı. Üzümə su vuranda güzgüyə baxdım, gördüm ki, oradan mənə üzütüklü
meymunabənzər bir adam baxır. Bu, şəksiz mən idim, çünki əksolunma haqqında
fizikadan dərs keçmişəm. Güzgüyə mən baxıramsa, deməli, ordakı da özüməm.
Sevindim və tamam inandım ki, İmranbəy haqlıdır, biz hamımız ordan, yəni
Dostları ilə paylaş: |