www.kitabxana.net
Milli Virtual Kitabxananın təqdimatında
2012
“Çağdaş Azərbaycan romanı”
Elçin Hüseynbəyli
Azıx
Roman
Y
E N I
Y
A Z A R L A R V Ə
S
Ə N Ə T Ç I L Ə R
Q
U R U M U
.
E
-
N Ə Ş R
N
0 2
( 5 9
2 0 1 2 )
www.kitabxana.net
– Milli Virtual Kitabxana
2
www.kitabxana.net
Milli Virtual Kitabxananın təqdimatında
Bu elektron nəşr Yeni Yazarlar və Sənətçilər Qurumu ilə
http://www.kitabxana.net
-
Milli Virtual Kitabxananın "Gənc yazarların İnternet resurslarında e-kitabla iştirakı
təlimi" ("Gənc yazarların maarifləndirilməsi. İnformasiya texnologiyaları istifadəsinin
inkişafı" altbölümü) kulturoloji-innovativ layihə çərçivəsində nəşrə hazırlanıb və yayılır.
Elektron Kitab N 02
YYSQ - Milli Virtual Kitabxananın e-nəşri N 02 (59 - 2012)
Kulturoloji layihənin bu hissəsini maliyyələşdirən qurum:
Azərbaycan Respublikasının
Gənclər və İdman Nazirliyi yanında
Azərbaycan Gənclər Fondu
(
http://youthfoundation.az/
)
Elçin Hüseynbəyli
Azıx
Roman
Tanınmış Azərbaycan yazıçı
-dramaturqunun yeni
romanının ilk e
-
variantı
...
YYSQ - Milli Virtual Kitabxananın e-nəşri N 02 (59 - 2012)
Virtual redaktoru və e-nəşrə hazırlayanı: Aydın Xan (Əbilov) - yazar-kulturoloq
YYSQ - Milli
Virtual Kitabxana
Bakı – 2012
www.kitabxana.net
– Milli Virtual Kitabxana
4
Vətənpərvər azərbaycanlılara həsr olunur
Tarix
Azıx mağarası Kiçik Qafqazın cənub-şərqində, Azərbaycanın Qarabağ bölgəsinin
Fizuli rayonunda Quruçayın yaxınlığında, 800 metr yüksəklikdə yerləşir.
Mütəxəssislər onu paleolit dövrünün aşel zamanına aid edirlər. Buradan tapılmış
hominidin alt çənə sümüyünün 350 min il yaşı var...
Rəvayət
Azıxın tapılması haqqında
bir rəvayətdə deyilir ki, mağaranı keçi otaran Xəlil və
Zəlil adında iki qardaş tapıb. Onlardan biri keçilərinin itdiyini görür və onu
axtarmağa başlayır. Birdən eşidir ki, təpəlikdən keçi səsi gəlir. O, təpəyə çıxır,
amma keçini tapmır. Fikir verir ki, keçinin səsi yerin altından gəlir. O, təpəliyin hər
tərəfini axtarır və kol-kos basmış mağara girişini tapır. Mağaraya girir. Səs gələn
tərəfə gedir. Keçi mağaranın o biri başından çıxır. Çoban da onun arxasınca.
Beləliklə, dünyanın ən qədim insan məskənlərindən olan Azıx mağarası tapılır...
Başqa
bir rəvayətdə isə deyilir ki, anatomiya müəllimi Quruçay vadisindəki
kəndlərdən birində dərs deyirmiş. Özü başqa kənddə yaşayırmış və hər səhər
məcbur olub şagirdlərinin yanına tələsirmiş. Bir qarlı günün səhəri çovğuna düşür,
yolu azır və daldalanmaq üçün kahaya girir. Kahada o, təsadüfən kəllə sümüyü
tapır. Fikirləşir ki, növbəti dərsdə uşaqlara insan kəlləsinin quruluşu barədə
məlumat versin.
Kəlləni məktəbə gətirir. Dərs keçməyə başlayır. Kəllə təsadüfən uşaqlardan birinin
əlindən yerə düşür, bir neçə yerə parçalanır. Həmin gecə günahkar uşaq havalanır
və ömründə bir dəfə də görmədiyi kahaya qaçır. Növbəti günü onu kahadan
tapırlar. Müəllim kəllənin müqəddəs olduğunu anlayır, onu yerinə qoyur. Bu
barədə rayon qəzetində bir yazı dərc olunduqdan sonra paytaxt alimləri həmin
bölgəyə axışır və kəllə sümüyünün qədim insana məxsus olduğunu sübut edir...
www.kitabxana.net
– Milli Virtual Kitabxana
5
Ehtimal
Azıx mağarası barədə roman yazdığımı eşidən ziyalı qardaşlarımdan biri mənə
qəribə söz dedi: «Yəqin, romanda
sübut edəcəksən ki, orada tapılmış çənə sümüyü
azərbaycanlıya məxsusdur...»
Təsəvvür edirsiniz!? Eramızdan 350 min il əvvəl... özü də azərbaycanlı?
Start
Səhər o yoxa çıxmışdı...
* * *
Uşaqlıq dostum, hamımızın öyündüyü və gələcəyinə böyük ümid bəslədiyi
İmranbəy Kaliforniyadan vətənə döndükdən sonra yoxa çıxdı və yalnız 15 ildən
sonra onu gördüm, daha doğrusu, o özü məni tapdı. Necə gəlmişdi, niyə gəlmişdi,
niyə, nə zaman yoxa çıxmışdı, heç kim bilmədi...Burası sonranın işi.
İndi isə...
Bəyim hey!!!
Adı da qəribəydi, taleyi də, danışdıqları da...
* * *
Mühafizəçi gəlib dedi ki, məni qəribə bir adam axtarır. Üst-başı elə gündədir ki,
mənim tanışım olmağına şübhə edir. Ona görə də içəri buraxmayıb. Mühafizəçi
həmin adamı elə təsvir
elədi ki, dərhal Kərim Nalə yadıma düşdü, amma o məni
tanımırdı, tanımırdısa, deməli, adım da yadında qalmazdı. Onun özünün sağ olub-
olmaması da çayxana şairlərinin müzakirə mövzusu ola bilərdi. Onlar