73
Yasir Hacıyev
Bakı Humanitar Kollecin müəllimi
ŞİRVANŞAHLAR SARAYI – HƏQİQƏTLƏR
VƏ ƏFSANƏLƏR MƏKANI
Şirvanşahlar sarayı Azərbaycanın və Yaxın Şərqin unikal me-
marlıq abidələrindəndir. Saray kompleksinin tikilməsi haqqında
müəyyən məlumatların qalması. Sarayın məhz Bakı anfiteatrının
zirvəsində tikilməsinin səbəbləri barədə I Xəlilüllahın Şirvan-
şahlar dövlətinin mərkəzi şəhərinin Bakını elan etməsi və yeni
sığınacağın tikintisinin başlanması. Kompleksin vahid memarlıq
ideyasından kənarda qalması və onun səbəbləri.
Şirvanşahlar sarayının Divanxanası - onun memarlıq baxı mın-
dan maraqlı olması. Divanxananın təyinatının müammalı olması.
Divanxana ilə bağlı qeyri - müəyyən fikir və mülahizələrin bu gün
də öz tam təsdiqini tapmaması. Kitabələr və memar Məhəm məd Əli.
Sarayın əsas binası, binanın iki mərtəbədən ibarət olması.
Birinci və ikinci mərtəbələrin quruluşu.
Sarayın sərdabə - türbələr hissəsi. Türbələrin Şirvanşahların
ailə üzvlərinə aid olmasını təsdiq edən materialların mövcudluğu.
Şah məscidi, onun forması və memarlıq üslubu haqqında
fikirlər. məscid minarəsinin tikintisi. Seyid Yəhya Bakuvi türbəsi.
S.Y.Bakuvi bir elm xadimidir. Onun “xəlvəti” təriqətinə mənsub
olduğu bildirilir. Bir sıra əsərlərinin olması məlumdur.
Keyqubad məscidi və onun qalıqları haqqında olan məlu-
matlar. Saray hamamı, onun quruluşu. Hamamın iki böyük binadan
- 26 otaqdan ibarət olması öz təsdiqini tapmışdır. Hamamın
qızdırma sistemi. Səyyahların kompleks və hamam haqqındakı
fikirləri. Kompleksin Şərq portalı. Saray ansamblının sonuncu
hissəsidir. “Murad qapısının tikilməsinin tarixi.
Şirvanşahlar sarayının müxtəlif dövrlərdə, farslar, Səfəvilər,
türklər və ruslar tərəfindən işğalı və qarət olunması.
Şirvanşahlar kompleksinin yerində A.Nevski kilsəsinin
tikilməsi ideyasının boşa çıxması.
Saray ansamblının sovet dövründə istifadəsi. 1964 - cü ildən
muzey – qoruq elan edilməsi və dövlətin mühafizəsinə götürülməsi.
74
Həcər Alxasova
“İçərişəhər” tarixi muzeyi,
baş mütəxəssis
ƏSRLƏRƏ DAYANAN TARİX, ŞİRVAN
ŞAHLARININ ƏZƏMƏTLİ MƏKANI –
ŞİRVANŞAHLAR SARAYI
Bakı şəhəri təşəkkül tapdığı ilk dövrlərdə möhtəşəm tarixi
tikililərə malik olmuşdur. Bu tipli tikililər hər bir xalqın tarixinin,
dövlətçiliyinin nə qədər qədim və dərin köklərə malik olmasının
nişanəsidir.
Bakının ən qədim, əvvəllər bütövlükdə qala divarları ilə
əhatə olunmuş hissəsi- İçərişəhərdir. Hər bir azərbaycanlının
təsəvvüründə İçərişəhər dedikdə onun möhtəşəm, şah əsəri
olan “Şirvanşahlar sarayı kompleksi” və şəhərin rəmzi hesab
edilən, sirli-sehirli Qız qalası, qala divarları canlanır. Onlar, canlı
tarixdi hansı ki, keçmişimizlə əlaqəni saxlamaq üçün ayrılmazlıq
körpüsü rolunu oynayır.
Şirvan ərazisində VIII-XVI əsrlərdə Azərbaycanın ən
mühüm dövlət qurumlarından biri – paytaxtı Şamaxı şəhərində
yerləşən Şirvanşahlar dövləti mövcud olmuşdur. Orta əsrlərin
Şərq tarixində bu, ən uzun müddət mövcud olmuş dövlət idi. IX
əsrin ikinci yarısında Abbasilər xilafətinin zəifləməsi və mərkəzi
hakimiyyətdən uzaqlaşmaq meyllərinin qüvvətlənməsi Xilafətə
tabe ölkələrdə bir sıra müstəqil dövlətlərin yaranmasına səbəb
oldu. Belə dövlətlərdən biri də Şirvanşahlar dövləti idi.
Tarixən
məlumdur ki, XV əsrdə Azərbaycan ərazisində böyük qüdrətə
malik olan Dərbəndi-şirvanşahlar, Qaraqoyunlu və Ağqoyunlu
kimi üç sülalə hökmranlıq etmiş, XVI əsrdən isə Səfəvilərin
hakimiyyəti başlanmışdı. Şirvanşah I İbrahimin hakimiyyətindən
başlayaraq bütün XV əsr boyu Şirvan ―öz iqtisadi və siyasi
çiçəklənmə dövrünü keçirməkdə idi.
Bu dövlətin ərazisi şərqdə Dərbənddən Kür çayı mənsəbinə
qədər Xəzər dənizi sahilərindəki ərazilərdən başlayaraq, Şirvan
tarixi vilayəti ilə yanaşı, qərbdə bəzən Gəncə şəhərinə qədər
75
uzanmış, ayrı-ayrı vaxtlarda Şəki və Qarabağı, o cümlədən
Beyləqanı da əhatə etmişdir. Paytaxtı Şamaxı olmuşdur.Məzyədi
nümayəndəsi Heysam ibn Xalidin rəhbərliyilə 861-ci ildə Şirvan
müstəqillik qazanır, Şirvanşahlar dövləti yaradılır və Heysam
Şirvanşah tütulu qazanır.
Məzyədilər ilk müsəlman Şirvanşahlar
sülaləsi idi.
Şamaxını bərk dağıdan zəlzələdən çoxlu adam, o, cümlədən
Şirvanşahın ailəsi, onun arvadı İsmət əd-Din, oğlu və vəliəhdi
Mənuçöhr, qızı - Əmir Əmiran Ömərin arvadı və digər qızları
həlak oldu. Bu fəlakət nəticəsində Axsitandan sonra Şirvanı onun,
ehtimal ki, əyalət hakimləri olan qardaşları idarə etməyə başladılar.
Ehtimal ki, Şirvanın paytaxtı Şamaxı dağıldıqdan sonra şirvanşah öz
iqamətgahını Xəzər dənizində rahat liman, yaxşı möhkəmləndirilmiş,
iki cərgə qala divarları ilə dövrələnmiş şəhər müdafiə istehkamları
sırasında Qız qalası olan Bakıya köçürmüşdü. Şamaxıda zəlzələ
vaxtı I Axsitanın arvadı və uşaqları həlak olduğundan, şirvanşahın
özü təqribən 1196/7-ci ildə öldükdə varisi qalmadığı üçün taxta
onun qardaşı I Şahənşah ibn III Mənuçöhr çıxdı. Bu şirvanşahın
hakimiyyəti dövründə onun adından zərb edilmiş sikkələrdən başqa
bir abidə qalmamışdır. Şamaxı rayonundakı Altıağac kəndindən iki
dəfinə tapılmışdır: Bir hissəsi Ermitajda saxlanılan birinci dəfinə
XII-XIII əsrlərə aid 346 sikkədən və 8 bilərzikdən, yarıdan çox
hissəsi Bakıda Azərbaycan Tarixi Muzeyində saxlanılan133 ikinci
dəfinə isə 100 sikkədən ibarətdir.
Şirvan şahlarının Şirvanşah 1 Xəlilullahın dövründə
(1417-62) Bakıda mühüm tikinti işləri aparıldı.
Şirvanşahlar
sarayı
kompleksi də bu dövrdə tikilmişdir. Bakıda ticarət,
sənətkarlıq inkişaf edir, iqtisadi və mədəni həyat yüksəlirdi. 15-ci
əsrin 2-ci yarısında Böyük Moskva knyazlığı ilə ticarət daha da
genişləndi və diplomatik əlaqələr yaradıldı Xəlilüllah İsgəndərlə
müharibəni qurtarıb 1435/6-cı ildə Şirvana qayıtdıqdan sonra
Bakıda dinc quruculuq işlərinə başladı. Xəlilüllah sarayın baş
binası (onun əsası, ehtimal ki, İbrahim tərəfindən qoyulmuş,
tikintisini Xəlilüllah başa çatdırmışdır) türbə, minarəli məscid
Seyid Yəhya Bakuvi türbəsi ilə yanaşı, 1436/7-ci ildə saray
hamamına bitişən ovdan tikdirmişdir.
Qeyd edək ki, 15-ci
əsrin əvvəllərindən Şirvanşahlar dövlətinin təqribən 100 il
76
davam edən müstəqillik və inkişaf dövrü başlanır. 50 ilə yaxın
hökmdarlıq etmiş Şirvanşah 1-ci Xəlilullah möhkəm idarəçilik
qanunlarına əsaslanan güclü dövlət aparatı, inzibati-amirlik və
vergi sistemi yaratmağa müvəffəq olur. Şah ölkəsinin abadlığı
və çiçəklənməsi üçün qalalar, qəsrlər, qala divarları, saraylar,
karvansaralar, körpülər tikdirir. Qüdrətli Xəlilullah ən mühüm
qərarlarını da məhz bu sarayda verirdi. Ömrünün ən xoşbəxt
anları da elə bu sarayla bağlıdır. İkimərtəbəli saray binası
kompleksin ən qədim tikilisidir. Birinci mərtəbədə 27 otaq, ikinci
mərtəbədə 25 otaq yerləşir. Bina öz lakonik forması, daşların
düzülüşündəki işıq oynaqlığı, portalının möhtəşəmliyi, birinci
və ikinci mərtəbənin pəncərə və mazğallarındakı şəbəkə ilə
diqqəti cəlb edir. Bu möhtəşəm sarayın divarları Şirvanşahların
şanlı tarixini günümüzə qədər gətirib çıxarıb. Sarayın 1-ci
mərtəbəsinə yalnız gözləmə zalı adlanan girişin sağ tərəfindən
aşağıya doğru pilləkənlərlə düşmək olur. 27 otaqlı bu mərtəbə
şahın qulluqçuları və kənizlərin yaşaması üçün istifadə olunub.
şah isə öz ailə üzvlərilə birlikdə ikinci mərtəbədə yaşayib. Əvvəllər
sarayın bu hissəsində 25 otaq olsa da, indi onların sayı cəmi
16-dır. Çünki 10 fevral 1828-ci il Türkmənçay müqaviləsindən
sonra bütün saray kompleksi rus hərbi qərargahına verildiyindən
burada hərbi sursatların saxlanması üçün bir sıra təmir işləri
aparılır, divarların araları götürülür və cəmi 16 otaq qalır. Sarayın
gözləmə zalı adlanan və sarayın girişində yerləşən 8 guşəli zal isə
ilkin görünüşünü olduğu kimi saxlayıb. Zalın divarları arasında
olan bir çox yarıqlar diqqətdən yayınmır. Bu yarıqlar vaxtilə
birinci mərtəbə ilə ikinci mərtəbə arasında olan əlaqəni təmin
edib. Dəftərxananın daş şəbəkələrlə bəzədilmiş pəncərələri Bakı
buxtasının gözəl mənzərəsinə açılır. Sarayın digər hissələrində
şahın taxt-tac salonu, ziyafət salonu və yaşayış otaqları yerləşir.
799-cu ildən 1538-ci ilədək Şirvanşahlar paytaxtı Şamaxıda
yerləşən müstəqil dövlət kimi mövcud olmuşdur. XVI əsrdə
Şirvan Səfəvilər dövlətinin tərkibinə daxil edilmiş və XVIII
əsrdə bir xanlıq kimi fəaliyyət göstərmişdir. Nəhayət, 1813-cü
ildə Şirvan ərazisi Gülüstan müqaviləsinin nəticəsində Rusiya
İmperiyasının tərkibinə daxil edilmişdir.
77
Nərmin Alıyeva
Elmi-Mədəni Mərkəz
tarix üzrə elmi işçi
ŞİRVANŞAHLAR SARAYI:
MƏDƏNİ İRSİMİZİN
BEYNƏLXALQ ƏHƏMİYYƏTLİ NÜMUNƏSİ
Abidələr tarixin daş yaddaşıdır. Hər bir daş abidə mənsub
olduğu xalqın tarixinin əvəzolunmaz salnaməsidir. Daş
yaddaşımızı nə dərəcədə qoruya, gələcək nəsillərə ötürə biliriksə,
bir o qədər tariximizin zənginliyinə və dəqiqliyinə zəmanət
veririk. Çünki bu abidələr bizə keçmişdən çox şey deyir, sirli
qalmış hadisələri açmağa kömək edir. Tarixi irsimizə sahib
çıxmaq və onu təhlükələrdən qorumaq bir Azərbaycan vətəndaşı
kimi mənəvi haqqımız və vətəndaşlıq borcumuzdur.
Azərbaycan Respublikası müstəqillik əldə etdikdən sonra
ölkəmizin mədəni dəyərlərinin qorunması və mədəni həyatın
inkişafı üçün ölkə daxilində mühüm tədbirlər görülmüş və bu
sahədə bir çox beynəlxalq qurumlarla əməkdaşlıq edilməyə
başlanılmışdır. Azərbaycan Respublikasının Milli Məclisi
tərəfindən mədəniyyət sahəsində bu günə qədər bir sıra mühüm
qanunvericilik aktları qəbul edilmişdir. Bunlara aşağıdakıları
misal göstərmək olar:
– “Azərbaycan Respublikasının Müəllif Hüquqları üzrə
Agentliyi haqqında” 10 sentyabr 1993-cü il tarixli qanun;
– “Müəllif hüquqları və qarışıq hüquqlar haqqında” 5 iyun
1996-cı il tarixli qanun;
– “Mədəniyyət haqqında” 6 fevral 1998-ci il tarixli qanun;
– “Tarixi və mədəni abidələrin qorunması haqqında” 10 aprel
1998-ci il tarixli qanun;
– “Turizm haqqında” 4 iyul 1999-cu il tarixli qanun;
– “Şəhərsalmanın əsasları haqqında” 11 iyun 1999-cu il
tarixli qanun;
78
– “Muzeylər haqqında” 24 mart 2000-ci il tarixli qanun və s. [4]
Qeyd etmək lazımdır ki, Azərbaycan Respublikasında
mədəniyyət məsələlərinin, xüsusilə də, tarixi və mədəni abidələrin
qorunmasının hüquqi bazasını təkcə yerli qanunvericilik aktları
deyil, həm də beynəlxalq sənədlər təşkil edir. Bu sənədlərdən
“Hərbi münaqişələr zamanı mədəni abidələrin qorunması
haqqında” 1954-cü il Haaqa Konvensiyası, “Ümumdünya mədəni
irsinin qorunması haqqında” 1970-ci il Paris Konvensiyası,
“Mədəni dəyərlərin qeyri-qanuni yolla gətirilməsinin, aparıl-
masının və mülkiyyət hüququnun verilməsinin qadağan edilməsi
və qarşısının alınmasına yönəlmiş tədbirlər haqqında” 1970-ci il
Paris Konvensiyası, “Oğurlanmış və qeyri-qanuni yolla ölkədən
çıxarılmış mədəni dəyərlər haqqında” 1995-ci il Konvensiyası,
“Arxeoloji irsin qorunması haqqında” 1992-ci il Avropa
Konvensiyasını və digərlərini göstərmək olar.
Hazırda Azərbaycanın mədəni və təbii irsinin qorunması
məsələsi YUNESKO ilə əməkdaşlığın əsas istiqamətlərindən
biridir. Məlum olduğu kimi, BMT-nin ixtisaslaşmış təşkilatı
olan YUNESKO dünyada təhsil, elm və mədəniyyət məsələləri
sahəsindəki əməkdaşlığın ən böyük forumudur.Azərbaycan
Respublikası 1992-ci il iyulun 3-də bu təşkilata daxil olmuş və
bu təşkilat ilə əməkdaşlığının inkişafı üçün böyük əmək sərf
etmişdir.
Beləliklə, milli mədəni və təbii irsimiz bizim tariximizdir.
Buna görə də dünya mədəniyyətinə əvəzsiz töhfələr vermiş
Azərbaycan xalqının mədəni və təbii irsinin qorunub saxlanılması
və beynəlxalq aləmdə lazımınca təqdim edilməsi son dərəcə önəmli
əhəmiyyət kəsb edən bir məsələdir. Bu mənada, Şirvanşahlar
sarayının və keçmişimizlə bağlı olan digər tarixi abidələrimizin
qorunması və gələcək nəsillərə layiqli səviyyədə çatdırılması hər
zaman dövlətimizin məqsədyönlü siyasətinin tərkib hissələrindən
olmuşdur və bu iş indi də davam etdirilməkdədir.
79
Kitabın içindəkilər
Cəfər Qiyasi – Divanxana – şirvanşahların saray köşkü ........... 3
Cəfər Qiyasi – Şah türbəsinin medalyon kitabələri .................. 7
Şahin Fərzəliyev – Bir əsrin üç şirvanşahı haqqında
bəzi qeydlər ............................................................................... 10
Tarix Dostiyev – İslam dövrü mülki monumental memarlığı
Azərbaycanın arxeoloji irsində ................................................ 13
İdris Əliyev – Некоторые документы по истории
охраны памятников баку ........................................................ 16
Əli Rəcəbli – Abbasi canişinləri dönəmində şirvanda sikkə
zərbi tarixindən... ...................................................................... 18
Mehmet Rıhtım – Seyid Yəhya Şirvaninin xanəgahı
və türbəsi.... ............................................................................... 25
Nərgiz Quliyeva – Şirvan feodal dövlətinin tarixi
iqamətgahı olmuş şirvanşahlar sarayına dair ............................ 29
Vəfa Quliyeva – Şirvanşahlar sarayı –
Azərbaycan dövlətçiliyinin rəmzi ............................................. 32
Kamil İbrahimov – Şirvanşahlar sarayı ərazisində aparılan
arxeoloji tədqiqatlar tarixindən ................................................. 35
Rayihə Əmənzadə – Конструктивные особенности строений
дворца ширваншахов .............................................................. 38
Qafar Cəbiyev – Orta əsr Şıxməzid xanəgahı ......................... 41
Xeyirbəy Qasımov – Şirvanda memarlığın inkişafina dair
(XV-XV əsrlər) .......................................................................... 43
Aytən Səlimova, Sabir Orucov – Ханский сад в нардаране 46
Məmmədhüseyn Hüseynov – Şirvanşahlar sarayı memarlığında
kodlaşmış elementlər və “quyu” kultu ...................................... 49
Samir Məmmədov – Azərbaycan Şirvanşahlar dövlətində hərb
sənətinin bəzi̇ xüsusiyyətləri (IX-XI əsrlər) .............................. 53
Dilavər Əzimli – Şirvan ərazilərində dini həyat tarixinə dair .. 56
Fəxrəddin Miralay – Şirvanşahlar sarayı kompleksinin
memarlığında humanizm elementləri ..................................... 59
Rahibə Əliyeva – Şirvanşahlar sarayında bərpa və
konservasiya işləri .................................................................... 61
80
Qənirə Pirquliyeva – Şirvanşahların bakı sarayı –
külliyyat, yoxsa xanəgah? ........................................................ 63
Rəna Rzayeva – Şirvanşahların bayraqlarına dair
araşdırmalar ............................................................................... 65
Sevil Məmmədova – Şirvanşahların sarayları – orta əsrlərin
tarixi reallıqları və onları təsdiqləyən mənbələr ....................... 67
Səadət Ələkbərova – Şirvanşahlar sarayı: saray varidatının
izi ilə... ....................................................................................... 70
Yasir Hacıyev – Şirvanşahlar sarayı – həqiqətlər və
əfsanələr məkanı ....................................................................... 73
Həcər Alxasova – Əsrlərə dayanan tarix, şirvan
şahlarının əzəmətli məkanı – şirvanşahlar sarayı ...................... 74
Nərmin Alıyeva – Şirvanşahlar sarayı: Mədəni
irsimizin beynəlxalq əhəmiyyətli nümunəsi
.................................... 77
«Elm və təhsil» nəşriyyatının direktoru:
professor Nadir MƏMMƏDLİ
Dizayn: Zahid Məmmədov
Texniki redaktor: Tünzalə Tağıyeva
Çapa imzalanmış 02.10.2015
Şərti çap vərəqi 5 Sifariş № 302
Kağız formatı 60x84 1/16. Tiraj 100
Kitab «Elm və təhsil» nəşriyyat-poliqrafiya
müəssisəsində səhifələnib çap olunmuşdur.
E-mail: nurlan1959@gmail.com
Tel: 497-16-32; 050-311-41-89
Ünvan: Bakı, İçərişəhər, 3-cü Maqomayev döngəsi 8/4.
Dostları ilə paylaş: |