5
fotolar bu maraqlı ayrıntıların ölçüləri və ornamental biçimləri
haqqında aydın təsəvvür yaradır. Mərkəzi səkkizbucaqlı salonu
beş yandan dövrələyən incə sütunlu, şəbəkə məhəccərli və sivri
sıratağlı eyvan Divanxana köşkünə saraylara xas təntənəli və
fəzalı görünüş verirdi. Qeyd edilməlidir ki, Hindistanda kürsülük
üzərinə qaldırılmış saray köşklərində də şəbəkə məhəccərlər
işlədilirdi. Bəzək sistemi altı və səkkizbucaqlılardan ibarət olan
bu məhəccərlər Divanxanada olduğu kimi sütunlar arasında
quraşdırılırdı.
Azərbaycanın da tərkibində olduğu Ön Asiya bölgəsinin
saray memarlığında səkkizbucaqlı salonu olan köşklər zaman
və məkanca geniş yayılmışdır. Bakıdakı Şirvanşahlar sarayı
binasının özəyi XII yüzildə tikilmiş səkkizbucaqlı salondur. Təxti
Süleymanda tikintisi XIII ərə düşən iki səkkiz bucaqlı köşk iri
saray kompleksinin tərkibində olmuşdur. Məşhur Həşt Behişt
sarayının da mərkəzi salonu səkkizbucaqlıdır. Bu gələnəyin
Qacarlar dövrünəcən davam etməsinin ən parlaq örnəyi Tehranın
Qacar Qəsri sarayındakı yay köşküdür. Səkkizbucaqlı planı,
açıq dövrələmə eyvanı və salonunun prizmatik kürsülük üzərinə
qaldırılması baxımından həmin köşk Bakı Divanxana köşkünə
ən yaxın olan abidədir. Belə böyük bənzərlik bölgədə saray
köşkü gələnəcəklərinin nə qədər davamlı və yaşarı olduğunun
göstəricisidir. Hindistanın Aqra şəhərində Divani-xas köşkünün
yanında olan Şah Bürc köşkü (XVII əsr) də altıbucaqlı planı,
beşyanlı sütunlu eyvanı və mərkəzi salonu üzərində ucalan
günbəzi ilə Bakının Divanxana köşkünə çox bənzəyir. Şah Bürcdə
Moğol imperatoru ali əyanlarla, oğulları ilə, eləcə də öz bioqrafı
Qəzvini ilə gizli məsləhətləşmələr keçirirmiş.
Divanxana salonunda divarların alt bölümü yaxşı yonulmuş
daş hörgü kütləsinə görə biraz batıq olub yarımyonulu daşlarla
üzlənmişdir. Bu durum həmin səthlərin vaxtilə kaşı bəzəyi
ilə örtüldüyünün parlaq göstəricisidir. Çox önəmli funksiya
daşıdığından Divanxananın bədii memarlıq həllində qarşıya
qoyulan tələb də saray kömpleksindəki başqa binalara görə daha
yüksək olmuşdur.
6
Şübhə yoxdur ki, Divanxana köşkünün, özəlliklə onun
salonunun interyerləri də çox təntənəli bəzədilmişdi və onların
tərtibatında çoxrəngli kaşı mozaiki önəmli rol oynamışdır.
Şirvanşahlar saray ansabmlının hər baxımdan zirvəsində olan
Divanxana düzgün olaraq orta əsr Azərbaycan memarlığının şah
əsərlərindən biri sayılır. Bədr Şirvani şah imarətini təsvir edərkən
bu sənət möcüzəsini yaradan memarın – bənnanın da əməyini
dəyərləndirməyi unutmamışdır. Şairə görə
Bənna bu binada qoyduğu hər kərpicin, daşın müqabilində
Mükafatdan başqa hədsiz savab da qazanar.
7
Cəfər Qiyasi
AMEA-nın müxbir üzvü,
arxeologiya elmləri doktoru, professor
ŞAH TÜRBƏSİNİN MEDALYON
KİTABƏLƏRİ
Şirvanşahlar sarayı kompleksinin tərkibində olan binaların
memarlıq obrazının bədii ifadəliyində baştağlar önəmli rol oynayır.
Şah türbəsi (1435-ci il) və Divanxananın (XV əsr) baştağları,
eləcə də Ulu Rəcəb (Şərq) qapısı (1585) Şirvan bölgəsində həcm-
məkan kompozisiyası ümumi prinsiplərə dayanan özəl baştağ
tipinin formalaşdığını göstərir. Düzbucaqlı çərçivəyə alınmış bu
baştağların dərin tağçaları yuxarıda sivri və dilimli yarımgünbəzlə
qapalıdır. Türbə və Divanxananın baştağlarının timpanları daşda
böyük ustalıqla işlənmiş incə bitkisəl ornamentlərlə örtülmüşdür.
Ulu Rəcəb qapısının üst bölümü biraz sadə işlənmişdir.
Hər üç baştağın timpanında iki medalyon simmetrik
yerləşdirilmişdir. Türbədəki medalyonlar damla şəklində –
badamvarı biçimdə olduğu halda Divanxanada səkkizbucaqlı,
Ulu Rəcəb qapısında isə dairəvi biçimlidir. Səkkizbucaqlı
medalyonlar həndəsi, dairəvi medalyonlar mərkəz simmetriyalı
bitkisəl ornamentlərlə doldurulmuşdur. Türbə timpanındakı
medalyonlarda, onlardan fərqli olaraq epiqrafik ornamentlər
yerləşdirilmişdir.
Şah türbəsinin baştağının memarlıq bəzəyində epiqrafika –
inşaat kitabələri önəmli yer tutur. Giriş qapısının çərçivəsinin sivri
ucu içində kufi xətti ilə altı «Əli» yazılmış altıbucaqlıya çevrilir.
Onun yuxarısında iki sətirli iri düzbucaqlı kitabədə «… bu işıqlı
türbəni öz anası və oğlu üçün tikməyi» hicri 839-cu – miladi
1435-ci ildə Şirvanşah I Xəlilullahın əmr etdiyi bildirilir. Nəsx
elementli süls xətti ilə yazılmış bu kitabənin çox təntənəli ritmi
var. Baştağ kompozisiyasını yuxarıda tamamlayan dini mətnli
8
kitabə daha iri ölçülü və daha təntənəlidir. Biçiminə və işlənmə
tərzinə görə kitabədən daha çox zərgərlik əsərinə – şəbəkəli iri
sırğaya bənzəyən iki medalyon bu böyük kitabədən asılmış kimi
görünür. Badamvarı biçimi olan bu kitabələrin hər ikisinin mətni
eynidir. Ancaq onlardan güneydəki çox az zədəyə uğradığı və
yaxşı qaldığı halda, quzeydəki çox ciddi aşınıb pozulmuşdur.
O biri kitabələrlə müqayisədə ölçü kiçikliyinə baxmayaraq
medalyonlar türbə baştağının ən gözəçarpan ayrıntılarındandır.
Bu qoşa medalyon böyük ölçü uyarlığı olan baştağın simmetrik
quruluşunu da daha qabarıq gözə çarpdırır. Medalyonlar XIX
yüzildən başlayaraq mütəxəssislərin diqqətini çəkməkdədir. Hələ
özünün 1835-1836-cı illərin yol qeydlərində rus P.Zablotski
bu kitabə – naxışı xatırlamış, ancaq yanlış olaraq onun kufi
xəttində yazıldığını bildirmişdir. Halbuki Şirvanşahlar sarayı
kompleksində yalnız Divanxana baştağının yan yelənlərində kufi
xətli yazısı olan altıbucaqlı iki medalyon qoyulmuşdur. Həmin
yüzildə Moskva Lazarev İnstitutunun professoru – şərqşünas
M.Attaya badamvarı medalyonla tanış olmuşdur. Şah türbəsinin
ölçü cizgilərini 1893-cü ildə nəşr etdirmiş memarlıq akademiki
A.M.Pavlinov türbənin baştağından bəhs edərkən yazmışdır:
«Tağçanın yanlarında da bütünlüklə oxuna bilinməyən yazılı iki
medalyon var ki, Attaya onlarda yalnız «Əli» sözünü ayırd edə
bilmişdir».
Şah türbəsi haqqındakı bir yazıda memar adının kitabədə
aşkar edilməsinin daha absurd şərhinə tuş gəlmişəm. Həmin
yazı müəllifinin sayaqlamasına görə, guya bir memar qadın
baştağın naxışlarını yerində öyrənərkən külək saçlarını dağıtmış
və o, güzgüyə baxaraq saçlarını sahmana salmaq istəyəndə «gizli
yazıların» əksini güzgüdə görərək memarın adını kəşf etmişdir.
Yanlış oxunuş hətta L.Bretanitski kimi böyük araşdırıcını
da çaşdırmışdır. Onun aşağıdakı fikrində bu aydın görünür:
«Bakıda XV əsrdə tikilmiş saray ansamblı binalarının heç birində
memarların adı saxlanılmamışdır. Yalnız türbənin inşaatçısının
adı baştağın timpanındakı kitabədə qalmışdır ki, onu da səylə
medalyonların ornamental yazı hörməsində maskalamışdır».
Dostları ilə paylaş: |