270
18.8 HƏYAT TƏRZİ SOSİAL LAYİHƏLƏŞDİRMƏNİN OBYEKTİ
KİMİ
Həyat tərzi müəyyən şəraitlə bağlı həyat fəaliyyəti vasitəsi kimi başa
düşülür. Həyat fəaliyyəti – həyat tələbatlarının ödənilməsinə yönəlmiş
fəaliyyətdir (iş, istirahət, yuxu və s.), şəarit isə, xarici amil kimi fəaliyyəti
stimullaşdırır. Həyat tərzinin xüsusiyyətləri insan fəaliyyətinin sosial təbiəti
əsasında müəyyənləşir. Bu və ya digər həyat tərzi bir çox amillərin təsirilə
formalaşır. Bu əsasda həyat tərzinin təsnifatı və tipologiyasını
müəyyənləşdirmək olar. Həyat tərzinin əsas kateqoriyalarının təsnifatı
aşağıdakı kimidir:
1.obyekt – həyat tərzi tədqiqat obyekti kimi. Bu meyar əsasında həyat
tərzinin tədqiqi və qiymətləndirilməsilə bağlı normativ-müqayisəli və
konkrtet-tarixi yanaşmalar fərqləndirilir. Birinci mənada cəmiyyətin aparıcı
sinfinin həyat tərzi ideal həyat tərzi kimi müəyyənləşdirilir. İkinci halda
bütövlükdə cəmiyyətin mürəkkəb konkret-tarixi reallıqla bağlı həyat tərzi
nəzərdə tutulur.
2.subyektiv – həyat tərzi subyektləri. Fərdlər, sosial qruplar və bütövlükdə
cəmiyyət həyat tərzi subyektləri kimi müəyyənləşdirilir.
3.davranış – universal xüsusiyyət daşımayan və yalnız fərdin
və bəzi sosial
qrupların həyat tərzinin təsnifatı ilə bağlıdır. Bu meyarın əsasında insanların
fərqli davranış fomaları (nizamlı-nizamsız, qapalı-açıq, tüfeyli-zəhmətkeş,
oturaq-hərəkətli və s.) durur. Həyat səviyyəsi anlayışı həyat tərzi anlayışından
fərqlənir və həyat tərzinin tərkib hissəsi kimi çıxış edir. Bu sırada sosial
iqtisadi anlayış olan həyat forması xüsusi yer tutur. Həyat forması müəyyən
istehsal münasibətləri sistemi kimi, istehsal, ictimai həyat, mədəniyyət,
məişət, sosial nizamla bağlı həyat tərzini nəzərdə tutur.
«Həyat tərzi» sosial psixoloji kateqoriya kimi insanların davranışının
qiymətləndirilməsinə yönəlir. Həyat tərzinin formalaşması xüsusiyyətlərilə
bağlı aşağıdakılar müəyyənləşdirilib:
1.Bir sıra fərdlər, sosial qruplar, yaxud cəmiyyətlərin oxşar həyat tərzində
fərqli keyfiyyətlər və əksinə fərqli həyat şəraitində eyni keyfiyyətlər ola bilər.
Bununla yanaşı eyni həyat şəraiti və həyat keyfiyyətləri çərçivəsində insanlar
fərqli həyat üslubuna malik olurlar. Bu əsasda insanların davranışlarının
mahiyyəti, strukturu və göstəriciləri müəyyənləşir.
2. İnsanların davranışının obyektiv və subyektiv tərəfləri fərqləndirilir.
Şərait insanları bu və ya digər şəkildə hərəkət etməyə vadar edir. Lakin çox
zaman insanlar öz dəyər yönümləri əsasında müəyyən hərəkətlər edirlər.
Bununla əlaqədar olaraq, həyat tərzi ilə yanaşı həyat şəraiti və düşüncə tərzi
271
də öyrənilməlidir. Bu prosesin tərkib hissələri kimi həyat şəraiti və həyat
fəaliyyətinin tədqiqi əsasında həyat tərzi problemi; davranış və düşüncə
tərzinin öyrənilməsi əsasında həyat üslubu problemi ayrılıqda təhlil
edilməlidir. Çox zaman «həyat standartları» anlayışı «həyat şəraiti» və «həyat
tərzi» anlayışları ilə eyniləşdirilir. Həyat standartları – həyat səviyyəsi,
keyfiyyəti, üslubu, tərzi və üsulu normativləri əsasında müəyyənləşir.
Sistemli analiz metodu əsasında həyat tərzinin aşağıdakı komponentləri
fərqləndirilir:
1.obyektin (əməyin) dəyişməsi;
2.subyektin (təhsil, mədəniyyət) formalaşdırılması;
3.subyektlər arası münasibətlərin (ictimai siyasi fəaliyyət, hüquq qaydalarının
təmin olunması, Milli münasibətlər) təşkili;
4.subyektin təkrar istehsalı (məişət, ailə və nigah) və s.
Bu əsasda həyat tərzinin əsas və alt bölmələri fərqləndirilir.
Proqnozlu sosial layihələşdirmədə insanın həyat vəziyyəti və həyat
təminatı sistemi
Proqnozlu sosial layihələşdirmə hissəli (parsial) insana deyil, hiss edən,
düşünən və qarşılıqlı fəaliyyətdə olan insana ünvanlanmalıdır. Sosial
proseslərin sosial subyektlərin təbiətinin tamlığı əsasında analizi və
layihələşdirilməsi situasion yanaşma adlanır. Sosial tipik olandan fərdiyə
doğru yönələn bu analiz sosial proseslərə konkret-tarixi, sosial və şəxsi
vəziyyətlərdən yanaşır. Vəziyyətlər bir ölçülü və çox ölçülü, sabit və
problemli ola bilər. Məhz problemli vəziyyətlər sosial layihələşdirmə
fəaliyyətinin diqqət mərkəzində olur.
Şəxsiyyətin fərdi meylləri,
məqsədləri və
imkanları (sosial ehtiyatları) əsasında onun həyatının problem və gərginlik
meyarları müəyyənləşdirilir. Şəxsiyyətin dəyər yönümü sistemli yazılmamış
fəaliyyət, davranış, ünsiyyət və insanlarla qarşılıqlı fəaliyyət normaları
əsasında müəyyənləşir. Sosial rabitə prosesində bu normalar başqa insanlara
ötürülür. İnsanın sosial təcrübi varlığı çoxölçülüdür. Bu çoxölçülülük, zaman
və məkan xüsusiyyətləri daşıyır və şəxsiyyət bir tərəfdən, ən azı dörd zaman
çərçivəsində (xronoloji, sosial-tarixi, psixoloji və bioloji zaman), digər
tərəfdən isə, ən azı üç ölçülü məkanda (sosial iqtisadi, sosial ekoloji, sosial
mədəni, yaxud ideoloji) mövcud olur. İnsanın sosial təcrübi varlığı sosial
idarəetmə obyekti olan həyat təminatı sisteminə xüsusi tələblərlə yanaşır.
Həyat təminatı sistemi cəmiyyətin sosial strukturu və sosial infrastrukturu
kimi çoxhəlqəli tamdır. Bu sistem insanın ekoloji vahid və müəyyən sosial
mədəni xüsusiyyətlərə malik olan şəxsiyyət kimi mühafizəsi, istirahəti və
təkrar istehsalına imkan yaradır və onun fiziki, psixi və sosial sağlamlığını,
mənəvi, yaradıcılıq və sosial ehtiyatlarını təmin edir.