13
Əbdür-Rəhman dedi: “Məscidə gedək.” “Əssəlat” nidası ətrafa yayıldı və xalq məscidə toplandı. Əbdür-
Rəhman şuranın qərarını xalqa oxudu və dedi: “Bilin ki, mən Əlini (ə) xilafətə ən layiqli şəxs sayıram. Amma o
mənim üç şərtimi qəbul etməlidir...” Avam xalq üzünü həzrətə tutub onu bu şərtləri qəbul etməyə çağırdı.
Həzrət buyurdu: “Mən yalnız Allahın kitabı və peyğəmbər (s) sünnəsinə əməl edəcəyəm. Həmin iki nəfərin
yolu ilə işim yoxdur. Kitab və sünnədən nə anlayıramsa, ona da əməl edəsiyəm.” Əbdür-Rəhman Osman dedi:
“Səndə Əlinin ləyaqəti olmasa da, mən sənə beyət edirəm! “Bəni-Üməyyə şadlandı və irəli gedib Osmanın əlini
öpdülər. Əmirəlmöminin buyurdu: “Bu birinci dəfə deyil ki, bizi haqqımızdan məhrum edirlər.”1
Osman Bəni-Üməyyədən idi. Onun xəlifə seçilməsi Bəni-Üməyyənin çoxdankı planlarının gerçəkləşməsi
idi. Bəni-Üməyyə ikrahla İslamı qəbul etdiyi vaxtdan hakimiyyəti ələ keçirmək barədə düşünürdü. (Bu qurğuda
Ömərin də əli vardı. Çünki özündən sonra Əlinin (ə) hakim olmasını istəmirdi. Hətta Ömərin oğlu Əlinin (ə)
xəlifəliyə layiq olduğunu atasının nəzərinə çatdırdıqda, Ömər Əlinin (ə) gənc olduğunu bəhanə gətirmişdi.)
Xalq Osmana beyət etdikdən sonra Əbu-Süfyan nə dedi?
Bəni-Üməyyə şad və xürrəm halda Osmanın evində toplanmışdı. Bu məclisdə Əməvi olmayan yox idi.
Həmin vaxt gözü zəif görən Əbu-Süfyan dedi: “Burada Əməvi olmayan varmı? Cavab verdilər ki, xeyr, hamı
Bəni-Üməyyə övladıdır. Əbu-Süfyan dedi: “Uzun illər pul, qılınc və yalanla əldə etmək istədiyimizi bu gün
əldə etdik. Ayıq olun, hakimiyyət topunu öz aranızda fırladın və başqalarının əlinə düşməyə qoymayın. And
olsun Əbu-Süfyanın and içdiyi kəsə, nə behişt var, nə də cəhənnəm.” Həmin vaxt Osman dedi: “Bu axmağı
rədd edin.” Qohumları Əbu-Süfyanı məclisdən çıxardıqdan sonra o öz qulamına dedi: “Məni Ühüdə apar.”
Əbu-Süfyan həzrət Həmzənin qəbrinə çatdıqda ayağı ilə qəbri döyəcləyib onun torpağını qatışdırdı və dedi: “Ey
Əba-Əmarə, uğrunda savaşdığımız və yolunda canını verdiyin şey bu gün bizim əlimizə düşdü. Onun ikinci
dəfə Bəni-Haşimin əlinə düşməsinə yol verməyimiz mümkünsüzdür!” 2 Bəni-Üməyyənin peyğəmbər (s)
dövründə və onun vəfatından sonra hakimiyyəti ələ keçirmək istəməsi ilə bağlı iddiamızın aşkar tarixi dəlilləri
var.
Müsəlmanlar tərəfindən fəth olunmuş ən üstün və varlı yer Şamat (Suriya və Fələstin) idi. Məkkə və Mədinə
qədim vaxtdan Şamdan gətirilən mallarla dolanırdı. Fəthin başlanğıcında bu bərəkətli məntəqə bütünlüklə
Yezid ibn Əbu-Süfyanın hakimiyyəti altında idi. Qısa bir müddətdən sonra Yezid öldü və qardaşı Müaviyə
onun canişini oldu. Maraqlıdır ki, Ömərin on illik xilafəti dövründə Bəni-Üməyyə Şam sərvətlərinə sahib idi.
Xəlifə bir dəfə olsun belə onlardan hesab istəməmişdi. Bəhreyn valisi olan Əbu-Hüreyrənin mülkünü xəzinədən
sui-istifadə etdiyi üçün müsadirə edən Ömər nə üçün Şam hakimindən hesab istəmirdi?
Digər bir tərəfdən Ömər özündən sonra üçün xəlifə seçimini elə şəkildə proqramlaşdırdı ki, Osman xəlifə
seçilsin. Sünni yazıçısı Əbdül-Fəttah Əbdül-Məqsud “İmam Əli” kitabında yazır: “Ömər elə bir şura yaratdı ki,
Əli (ə) bu şurada xəlifə seçilməsin və Osman hakim olsun. Əgər hakimiyyət Ömərdən yaxşısının əlinə
düşsəydi, Ömərin adı itib-batardı. Bu səbəbdən də Ömər elə bir şəxs üçün şərait yaratdı ki, onun pis
əməllərindən cana yığılmış xalq Ömərə Allahdan rəhmət diləsin!”
Şəxsi mənafeyini düşünən insan belə əməl edir. Bu münasibətin həzrət Əlinin (ə) münasibəti ilə yerlə göy
arası fərqi var. Həzrət buyurdu: “Əgər bütün dünyanın hakimiyyəti mənə verilsə və əvəzində qarışqanın
ağzından bir dən almaq tələb olunsa, heç vaxt bu hökuməti qəbul etmərəm.”3 Bir gün ibn-Abbas həzrət Əliyə
(ə) dedi: “Sən bütün İslam məmləkətinin hakimisən, amma ayaqqabını özün yamayırsan? Həzrət buyurdu: “Ey
Abbas oğlu! Bu nəleyinin (ayaqqabının) qiyməti nə qədərdir?” Abbas bildirdi ki, heç nə! Həzrət buyurdu: “And
olsun Allaha, haqqında danışdığın hakimiyyət mənim üçün bu ayaqqabı qədər dəyərə malik deyil. Məqsədim
yalnız haqqı bərpa edib batili aradan qaldırmaqdır.”4 Həzrət Əli (ə) hakimiyyəti ədalət, tövhid və insani
kəramət prinsiplərini dirçəltmək üçün istəyirdi. Əlini (ə) bəşər tarixində misilsiz edən ondan sonra özü kimi bir
şəxsin hakim olmamasıdır.
1
“Füruği-vilayət”, s. 255-257
2
“Əl-istiab”, c. s. 290
3
“Nəhcül-bəlağə”, x. 224
4
“Nəhcül-bəlağənin şərhi”, ibn Əbül-Hədid, c. 2, s. 158
14
Həzrət Əlini (ə) 25 il hakimiyyətə yaxın buraxmadılar.
Əlbəttə ki, Osmanın xilafət dövrünün Əbu-Bəkr və Ömərin xilafət dövrləri ilə fərqi vardı. Osmandan əvvəlki
iki xəlifə həzrət Əlinin (ə) tövsiyələrini qəbul edirdilər. Amma Osmanın dövründə Bəni-Üməyyə
müsəlmanların müqəddəratını öz əlinə aldı, bir çox hallarda imamın məsləhətlərinə etinasızlıq göstərildi. Ömər
adətən qohumlarını işə götürmür, hətta oğluna hökumət işi tapşırmırdı. Amma Osman peyğəmbər (s)
səhabələrini işdən kənarlaşdırdı və onların yerinə Bəni-Üməyyədən olanları təyin etdi. Məsələn, Səd ibn Əbu-
Vəqqas Kufə valiliyindən uzaqlaşdırıldı və onun yerinə Osmanın süd qardaşı Vəlid ibn Üqbə təyin edildi. Vəlid
ömrünü şərabxorluq və zinakarlıqla keçirmişdi. Hakimiyyətin imkanlarından istifadə edən Vəlid öz tüğyanını
daha da artırdı. O heç nədən çəkinmədən öz iqamətgahında gecədən sübhədək eyş-işrətə məşğul olurdu.
Sübhlər sərxoş halda məscidə gələr, bəzən sübh namazını dörd rəkət qılardı. Bir dəfə namazın son səcdəsində
zikr əvəzinə “mənə şərab verin” demişdi. Sonra xalqa üz tutub “Əgər istəyirsinizsə, sizin üçün yenidən namaz
qılım” demişdi. Bu şəxs sərxoş olub məscidin mehrabında qusmuşdu. Xalq ondan xəlifəyə şikayət etdikdə
Osman demişdi: “Əmr edərəm sizə şallaq vurarlar. Çünki siz mənim qardaşıma həsəd aparırsınız.” Şikayətçilər
demişdilər: “Biz müsəlmanıq, ədalətli şahidik və öz gözlərimizlə görmüşük.” Nəhayət, həmin məqamda Əli (ə)
Osmana buyurmuşdu: “Nə üçün Allahın hədlərini təxirə salırsan?” Osman demişdi: “Bəs nə edim?” İmam
buyurmuşdu: “Onu işdən kənarlaşdır, Mədinəyə çağır, qoy şahidlər gördüklərini desin.”1
Nəhayət, hakimlərin zülm və cinayəti müsəlmanları boğaza yığdı və Bəsrə, Kufə kimi şəhərlərdən, Yəmən
və Misirdən Mədinəyə şikayətə gəldilər. Onlar Osmana dedilər: “Sənin xəlifəliyə ləyaqətin yoxdur. Sən Bəni-
Üməyyənin rəzil və avara adamlarını, Mərvan və peyğəmbər (s) tərəfindən rədd olunmuş kəsi xalqa hakim
etmisən. Kənara çəkil, qoy xalq özü bir şəxsiyyəti xəlifə seçsin.” Osmanın ətrafındakılar dedilər: “Əgər belə
etsən, hörmətdən düşərsən.” Osman onların sözünü qəbul edib, xalqa dedi: “Allahın mənə geyindirdiyi libası
çıxarmaram!” Müsəlmanlar qəzəblənib Osmanın evini mühasirəyə aldılar və evinə daxil olub onu öldürdülər.
Bu şəxsə o qədər nifrət vardı ki, hətta onu müsəlman saymırdılar. Onu dəfn etməyə kimsə cürət etmirdi. Bəni-
Üməyyə gecə məxfi şəkildə Osmanın cənazəsini yəhudilərin bağında dəfn etdilər. Müaviyənin hakimiyyəti
dövründə bağçanın divarı söküldü və bu yer Bəqi qəbristanlığına qatıldı. Buna görə də Osmanın qəbri Bəqi
qəbristanlığının qurtaracağındadır.2
İmam Əliyə beyət
Əziyyət görmüş müsəlman xalq bilirdi ki, haqq iyirmi beş il sahibinin əlində olmamışdır. Gələnlərin önündə
Təlhə və Zübeyr, səhabələrdən olan böyük şəxsiyyətlər, Bəsrə, Kufə və Misir böyükləri dayanmışdı. Onlar
həzrət Əliyə elə beyət etdilər ki, İslamda belə bir beyət olmamışdır. Əvvəllər Əbu-Bəkrin namizədliyi ortaya
atılan vaxt xalq Əbu-Bəkrə beyət etməmişdi. Ömər Ənsara dedi: “Sizin xilafətdə payınız yoxdur. Çünki
Peyğəmbər (s) buyurmuşdur ki, mənim xəlifələrim qüreyşdəndir. Sizin isə heç biriniz qüreyşi deyilsiniz. Buna
görə də Peyğəmbərin (s) canişini onun mağara yoldaşıdır və mən ona beyət edirəm. Ous qəbiləsi beyət etsə də,
onlarla rəqabətdə olan Xəzrəc qəbiləsi beyətdən boyun qaçırdı. Ömərə isə Əbu-Bəkrin Osmana diktəsi ilə
yazılmış vəsiyyəti əsasında beyət edildi. Osmana beyət Əbdür-Rəhman ibn Ouf tərəfindən xalqa qəbul etdirildi.
Yalnız həzrət Əliyə (ə) xalq bütünlüklə beyət etdi. Peyğəmbər səhabələri, kufəlilər, bəsrəlilər, misirlilər,
mədinəlilər və məkkəlilər Əliyə (ə) beyət əli uzatdılar. Amma həzrət Əli (ə) onların bu istiqbalı qarşısında belə
buyurdu: “Məni rahat buraxın, bir başqasının sorağınca gedin. Sizə məşvərətçi olmağım əmir olmağımdan
yaxşıdır.”3 Çünki Əli (ə) məmləkətin vəziyyətindən xəbərdar idi. O bilirdi ki, bu şəraitdə Quran və ədaləti
hakim etmək mümkünsüzdür. Amma gələnlər əl çəkməyib israr etdilər: “Bizim qarşımızda bir yol var. O budur
ki, sən ədalət və İslamı hakim edəsən.” Həzrət nəhayət onların təklifini qəbul etdi. İmam Əli (ə) xalqa rəhbərliyi
qəbul edərkən buyurdu: “Mənim üçün höccət tamamlandı. (Başqa çıxış yolu qalmadı). Xalq mənə yardım üçün
hazırlığını bildirdi. Digər bir tərəfdən, Allah bizdən əhd alıb ki, zalımların zülmü, məzlumların aclığı qarşısında
sakit dayanmayaq.”4
1
“Mürucuz-zəhəb”, c. 2, s. 335, 336
2
“Əl-imamət vəs-siyasət”, s. 44-46
3
“Nəhcül-bəlağə”, x. 92
4
“Nəhcül-bəlağə”, x. 3