3
Höccətül-İslam vəl-müslimin hacı Əliəsğər Səffar Hərəndi, Allahın bu saleh bəndəsi beyin iflicindən sonra
altı il evdə oturaraq bu xəstəliyin çətinliklərini çəkmiş, nəhayət, şəmsi 80-ci il, mübarək ramazan ayının 17-ci
günü səhər öz məhbubunun görüşünə nail olmuşdur (vəfat etmişdir).
Şəksiz, o mürşid və arif insanı tanıyıb hüzurundan azca da olsa faydalananlar üçün bu kitabın mütaliəsi
ustadla bağlı şirin xatirələrin oyanmasına səbəb olacaq.
Məhəmməd Hüseyn Səffar Hərəndi
BİRİNCİ MƏCLİS
KƏRBƏLA HADİSƏSİ PEYĞƏMBƏRİN DİLİNDƏN
Siddiqeyi-Kubra (həzrət Fatimə (s)) imam Hüseynə (ə) hamilə olduğu vaxt imamın şəhadəti və Kərbəla
hadisəsi bilinirdi. Milad gecəsi imam Hüseynin (ə) pak vücudu həzrət Peyğəmbərə (s) veriləndə o həzrət ilk
öncə bu uşağın Kərbəlada şəhadətindən və aşura hadisəsindən danışdı. Peyğəmbər (s) öz həyatı gedişində
Kərbəla hadisəsini tez-tez xatırlamışdır. Bu rəvayətlər bəzən Ümmü-Sələmədən, bəzən Ayişə də daxil olmaqla
Peyğəmbərin (s) digər zövcələrindən nəql olunmuşdur.
Nəql edirlər ki, həzrət Peyğəmbər (s) Hüseyni (ə) öpən vaxt buyurdu: “İndi Cəbrail mənim yanımdadır və
deyir ki, bu övladın şəhadətə çatar; belə bir qətl bəşər tarixində görünməmişdir və onun köməkçiləri də şəhid
olar. Cəbrail hətta Hüseynin (ə) şəhid olacağı yerin torpağını mənə göstərdi.” Rəvayətlərdə nəql olunur ki,
həzrət Peyğəmbər (s) zövcəsi Ümmü-Sələməyə bu torpaqdan bir ovuc verib buyurdu: “Nə vaxt bu torpaq qana
dönsə, bil ki, Hüseyn şəhid olmuşdur.”
Peyğəmbərdən (s) soruşurlar ki, bu körpənin nə üçün boğazından və sinəsindən öpürsən? Həzrət (s) buyurur:
“Mən qılınc yerlərini öpürəm.”1 Bu nöqtələr sünnə əhli tərəfindən də nəql olunmuşdur.
Bu sözlərin arxasında hansı sirr dayanır? Peyğəmbəri (s) bu xəbərin təkrarına vadar edən onun sevgisi idimi?
Əgər Peyğəmbəri (s) bu təkrarlara sövq edən yalnız daxili hisslər idisə, nə üçün daha fəzilətli Əmirəlmömininin
(ə) mehrabda şəhadəti haqqında danışılmırdı? Nə üçün Peyğəmbər (s) tez-tez Əlinin (ə) şəhadətini yada
salmırdı?!
Əmirəlmömininin (ə) şəhadət xəbəri həzrət Peyğəmbərdən (s) iki dəfə nəql olunmuşdur.2 Bu xəbərlərdən
biri şəban ayının sonundakı cümə xütbəsinə təsadüf edir. Bu xütbədə ramazan ayı vəsf olunur. Həmin məclisdə
həzrət Əli (ə) ayağa qalxıb Peyğəmbərdən (s) soruşur: “Bu ayda hansı əməl daha fəzilətlidir?” Həzrət
Peyğəmbər (s) buyurur: “Günahdan pəhriz.” Sonra Peyğəmbər (s) sözünə belə davam edir: “Sanki bu ayda
səcdə halında ikən başının qanının saqqalını boyayacağını görürəm.”
Amma Peyğəmbər (s) imam Hüseynin (ə) şəhadəti haqqında hətta ömrünün son saatlarında da danışır. O
buyurur: “Uşaqları gətirin, onlarla vidalaşım.” İmam Hüseyni (ə) Peyğəmbərin (s) sinəsi üstünə qoyurlar.
Həzrət Peyğəmbər (s) buyurur: “Ya Əba Əbdillah, Əzizun-Ələyy.” Sonra isə ağlayır3. İbn Abbasdan nəql
olunan digər bir rəvayətdə deyilir. Həmin vaxt Peyğəmbər (s) buyurdu: “Allah Yəzidə lənət etsin.” Sonra
Peyğəmbər (s) huşunu itirir. Özünə gəldikdə gözü yaşlı halda Hüseyni öpüb buyurur: “Ey Əba-Əbdillah, mənim
üçün çətindir! Bizim Bəni-üməyyə, Yezid ibn Müaviyə ilə nə işimiz var?!”4
Bəzi rəvayətlərdə imam Hüseynin Peyğəmbərin (s) çiynində, bəzi rəvayətlərdə isə dizi üstündə oturduğu
bildirilir.5 Digər bir rəvayətdə nəql olunur ki, Hüseyn (ə) Peyğəmbərin (s) başı üstündən keçirdi və Peyğəmbər
(s) onu öpürdü.6 Peyğəmbər (s) buyurur: “Cəbrail mənə xəbər verdi ki, mənim bu övladım şəhid olar. O dedi
ki, əgər istəsəm, Hüseynin (ə) şəhid olacağı yeri mənə göstərər.” Ümmü-Sələmə deyir: “Sonra Peyğəmbər (s)
mənə bir ovuc qırmızı torpaq verib buyurdu: “Bu Kərbəla torpağıdır. Onu saxla. Bu torpağın qana çevriləcəyi
gün bil ki, övladım şəhid olmuşdur.”
1
“Bihar”, c. 44, s. 261
2
“Əmaliyi-Səduq”, s. 93: “Əl-məclisul-Əşrun”
3
“Bihar”, c. 44, s. 251
4
“Bihar”, c. 44, s. 266
5
“Bihar”, c. 44, s. 229
6
“Bihar”, c. 44, s. 234
4
Bu sayaq həqiqətlər Qurani-Kərimdə də zikr olunmuşdur. Yusif öz qardaşlarına deyir: “Bu köynəyi aparın
və atamın üzünə sürtün... Onun gözləri açılar.”1
Bu xəbər təbabət qanunları ilə uyğun gəlirmi? Amma bunu inkar edən kafirdir. Çünki bu həqiqəti Quran
bəyan etmişdir. Biz hər sözü təcrübi elmlər prizmasından dəyərləndirə bilmərik. Bir çox məsələlər qeyb və
batin aləminə aiddir. Bu həqiqətlər maddi meyarlarla təsdiqlənməsə də, bir həqiqətdir.
Həzrət Zəhra haqqında qeyd etdim ki, məsələ ata və övlad hisslərindən qaynaqlanır. Burada da məsələ
Siddiqeyi-Kübrada olduğu kimi, səmavi bir məsələdir. İslam cəmiyyətinə bildirilməlidir ki, qarşıda Hüseynin
başına gələcək hadisə mühüm bir hadisədir və müsəlmanlar ona biganə qalmamalıdır.
Aşura hadisəsi həzrət Əlinin (ə) dilindən
İbn Abbas deyir: Siffeynə gedərkən Neynəvaya çatdığımız vaxt Fərat çayı kənarında dayandıq.
Əmirəlmöminin (ə) buyurdu: “Ey İbn-Abbas, bu yeri tanıyırsanmı?” Ərz etdim ki, tanımıram. Həzrət buyurdu:
“Əgər buranı mənim kimi tanısaydın, mənim kimi ağlamamış ötüşməzdin!” Sonra həzrət elə ağladı ki, saqqalı
islandı, göz yaşları sinəsinə töküldü. Dəstəmaz alıb namaz qıldı, azca istirahət etdi. Oyandıqdan sonra yenidən
göz yaşı axıtdı. O buyurdu: “Sənə gördüyüm yuxunu danışımmı? Röya aləmində gördüm ki, əlində ağ bayraq
tutmuş, qılıncları bəyazlıqdan parlayan şəxslər səmadan endilər və bu yeri əhatəyə aldılar. Sonra bu xurma
ağaclarının öz budaqlarını yerə döydüyünü gördüm. Yerdən qan fəvvarələnirdi. Oğlum Hüseynin qan
dəryasında qərq olduğunu gördüm. O, köməyə çağırırdı və kimsə ona yardım etmirdi. Həmin ağ libaslı kişilər
səmadan enib onlara dedilər: “Ey peyğəmbər ailəsi, dözümlü olun. Siz günahkar insanların əli ilə
öldürülərsiniz. (Ey Əba-Əbdillah) Behişt səninlə görüş şövqündədir.” Sonra mənə başsağlığı verib dedilər ki, ey
Əbəl-Həsən, qiyamət günü Allah sənin gözünü Hüseynlə işıqlandıracaq.” Sonra yuxudan oyandım.”2
Nəql olunur ki, Əmirəlmöminin (ə) buyurmuşdur: “Bu yer aşiqlər misrası və dinə yardım üçün peyğəmbər
və Fatimə övladlarının qiyam məhəllidir.”
Bəni-Üməyyə Siffeyndə suyun qarşısını kəsmişdi. Həzrət Əlinin (ə) qoşunu suya gedən yolu açmaq üçün
düşmənlə vuruşsa da, müvəffəq olmamışdı. Həmin vaxt həzrət Əli (ə) imam Hüseynə (ə) buyurdu: “Get, su
gətir.” İmam Hüseyn (ə) meydana çıxıb vuruşdu, suyun yolunu açdı. Bu zaman Əmirəlmöminin (ə) ağlayıb
buyurdu: “Bu gün Hüseyn Kufə əhlini susuzluqdan qurtardı. Sanki həmin camaatın suyun yolunu bağlayıb,
Hüseyn (ə) və onun yoldaşlarını şəhid edəcəyi günü görürəm.
Araşdırma aparıb bu rəvayətçilər məcmusuna diqqət yetirən kəs anlayır ki, bu məsələ sadəcə mərhəmət
məsələsi yox, risalət kimi mühüm bir işdir. Necə ki, həzrət Mehdinin (ə) qeyb və qiyamı Peyğəmbər (s)
dövründən bu günədək və onun təşrif gətirəcəyi vaxtadək aktualdır.
Əhli-beyt (ə) Kərbəla inqilabının keşikçisidir
İmam Hüseynin (ə) şəhadətindən sonra, yəni məhərrəmin on birinci günündən başlayaraq Əhli-beyt, xüsusi
ilə dövrün məsum imamı Zeynəl-Abidin çalışmışdır ki, bu parlaq məşəl sönməsin. Onun 32 illik imamətindən
sonra imam Baqir (ə) 20 il, imam Sadiq (ə) 35 il bu inqilab məşəlini sönməyə qoymamışlar. Əksinə, bəni-
Üməyyə daim səy göstərmişdir ki, bu çıraqı söndürsün. Onlar imam Hüseyn (ə) və onun yoldaşlarını şəhadətə
yetirdikdən sonra təsəvvür etdilər ki, artıq iş başa çatıb. Amma qəfildən bunun belə olmadığını anladılar!
Bəni-Üməyyənin öz məqsədini həyata keçirə bilməməsi
1
“Yusuf”, 93
2
“Bihar”, c. 44, s. 252, 253