29
Bir zalım qabağa gəlib qılıncını onun nazənin bədəninə endirdi. Kənarda dayanıb qardaşı oğlundan xəbər
gözləyən imam qəfildən onun səsini eşitdi. Uşaq deyirdi: “Əmican! Məni götür!” Nahiyə ziyarətində imam
Mehdi (ə) Qasimə salam göndərərkən deyir: “Salam olsun sənə, başına gələn böyük bəladan sonra şəhid
oldun.” Böyük bəla dedikdə nə nəzərdə tutulur? İmam Qasimə yaxınlaşan vaxt düşmən onun başını bədənindən
ayırmaq istəyirdi. İmam ona hücum etdi. Meydanın tozu çəkildikdən sonra gördülər ki, imam Hüseyn (ə)
qardaşı oğlunun başı üzərində əyləşib. Onun sözləri insanın iliklərini sızladırdı: “Qardaşoğlu! Əmin Hüseynə
(ə) necə də ağırdır ki, sən çağırasan və o sənə kömək edə bilməyə.” Həmid ibn Müslim deyir: “İmam Hüseyn
ayağa qalxdı, Qasimin cənazəsini götürüb, sinəsini sinəsinə sıxdı. Qasimin ayaqları yerlə sürünə-sürünə onu
xeyməyə apardı.1 Bəs nə üçün Qasimin ayaqları yerlə sürünürdü? Axı on üç yaşlı uşağın boyu yaşlı kişinin
boyu qədər deyil. İki ehtimal var. Ehtimaldan biri budur ki, imam Hüseyn əyilmiş vəziyyətdə imiş. İkinci
ehtimala əsasən, Qasimin bədəni atların nalı altında...
Yeddinci məclis
İmam Həsənin (ə) şəhadətindən sonra İslam ümməti və imamət məsuliyyəti və dinin hifzi imam Hüseynin
(ə) üzərinə düşdü. Müaviyənin 10 illik diktator hakimiyyəti həzrət Hüseynin (ə) imaməti ilə eyni vaxta təsadüf
edirdi. Müaviyənin ölümündən sonra imamın qarşısında yüngül ağıllı, şərabxor, qumarbaz, iffətsiz, xalqın
canına, malına, namusuna hakim olan bir gənc dayanmışdı. İmam Hüseynin (ə) vəzifəsi Allah dinini qorumaq
idi. Yəzid hətta zahirən də dinə sayğı göstərmirdi. Atası Müaviyə böyük siyasətçi, münafiq bir hiyləgər idi. O
zahirən özünü etiqadlı göstərirdi. İmam Müaviyənin dövründə beyət etmədi. Yəzidə beyət etmək istəmədiyi
üçün Məkkəyə yola düşdü. Mərvan Hüseynin (ə) qəlbini ələ ala biləcəyinə ümid edərək dedi: “Mən sənin
xeyirxahın olduğum üçün deyirəm ki, Yəzidlə müxalifətdən fayda götürməyəcəksən. Əksinə, özünü və ailəni
təhlükəyə atırsan. Mən xahiş edirəm ki, Yəzidə beyət et. Söz verirəm ki, Yəzid sənin hörmətini saxlayacaq. Çox
olsun ki, o hakim kimi tanınsa da əsl hakim sən olacaqsan!” (Müaviyə Abdullah ibn Zübeyrə, imam Hüseynə
və Abdullah ibn Ömərə demişdi ki, Yəzid zahirdə hakimdir, əsl hakim sizsiniz. Göstəriş verin, o icra etsin.)
Mərhum Seyyid ibn Tavus yazır ki, imam Hüseyn Mərvana belə cavab verdi: “Əgər müsəlmanların rəhbəri
Yəzid kimisi olacaqsa, İslamla xudahafizləşmək lazımdır.”2 Bu prinsipial bir məsələdir və müsəlmanlar Yəzid
kimi bir şəxsin İslam məmləkətinə rəhbər olmasına imkan verməməlidir. Bu gün də bir çox müsəlmanlar yalnız
maddiyyat haqqında düşünmüşlər. Onlar kimin hakim olmasına əhəmiyyət vermirlər. Bizim də ölkəmiz əsrlər
boyu yəzidlərin hakimiyyəti altında olmuşdur. Nəhayət, Allah-təala Hüseyn övladlarından biri ilə Özünə qarşı
çıxanlara cavab verdi, fəsad nöqtəsi olan şahənşah rejimini hədəfə aldı. Bu şəxs buyurdu: “Nə qədər ki, şah bu
məmləkətdədir, bədbəxtliklər yerində qalasıdır. Fəsadın kökü qazılmalıdır ki, ölkə islah olsun.” Xalq imamın
sözlərini anlayıb şüar səsləndirdi: “Şahın yeri kəfən olsun, vətən əsl vətən olsun.”
Nə üçün imam Hüseyn (ə) Mədinədə qalmayıb Məkkəyə getdi?
Mədinə imam Hüseynin dövründə məhdud bir şəhər idi. Xalq peyğəmbər (s) məscidinin fəzilətini dərk
etmək və onun qəbrini ziyarət etmək üçün bu şəhərə gələrdi. Bu şəhər Məkkə qədər siyasi deyildi. Bir zümrə
müqəddəs peyğəmbər məscidinin guşəsində ibadətə məşğul olurdu və siyasətə qarışmırdı. Əgər imam bu
məhdud fəzada qalsaydı, haqqı dirçəldib, batili aradan götürə bilməzdi. Burada onun terror ehtimalı da vardı.
İmam ona görə Məkkəni seçdi ki, bu şəhər həcc aylarından əlavə, rəcəb, şəban və ramazan aylarında da
bütün İslam ölkələrindən ziyarətçiləri qəbul edirdi. İmam yaxşılığın əmri və pisliyə qadağa üçün bu fürsətdən
bəhrələnmək fikrində idi. Həzrət şəbanın 3-də Məkkəyə daxil oldu. İmam Məkkəyə daxil olanda, Məkkənin
1
“Məqtəli-müqərrəm”, s. 264-266
2
“Məqtəli-müqərrəm”, s. 132, 133
30
tanınmış adamları onun ətrafında cəmləşdi. Bildilər ki, imam beyət etməyib və etməyəcək. İmam Məscidül-
Həramda, Səfa və Mərvədə idi. İnsanlar onun ətrafında toplaşmışdı. İmam Bəni-Üməyyənin həzrət Əlinin (ə)
şəhadəti vaxtında davam edən fitnə-fəsadından, zülm-sitəmindən danışırdı. Şübhəsiz ki, söhbətlər Bəni-
Üməyyənin ölkənin idarəçiliyində səlahiyyətli olmadığını bildirirdi. Həzrət müsəlmanları müqəddəs qiyama
çağırırdı. Məkkə cəmiyyəti məhdud idi. Təkcə onların hesabına qiyam qaldırmaq olmazdı. Şam isə bütünlüklə
Bəni-Üməyyənin ixtiyarında idi. Şam əhli imam Hüseynə (ə) tabe deyildi. Əmr As Misiri sıxıntıya salmaqla
yerində oturtmuşdu. Şiələrdə qiyam qaldırmaq üçün güc yox idi. Yalnız həzrət Əlinin (ə) hakimiyyəti altında
olan İraqda əksəriyyəti şiələr təşkil edirdi və qiyam üçün zəmin vardı.
Kufə şiələrinin imamı dəvət etməsi
Kufə şiələri Müaviyənin ölümündən və imam Hüseynin ona beyət etməyib etiraz olaraq Məkkəyə
getməsindən xəbər tutduqları vaxt şiə şeyxlərindən olan Süleyman ibn Sərt Xəzainin evində toplaşdılar.
Süleyman ayağa qalxıb xütbə oxudu. Allaha həmd-sənadan sonra dedi: “Biz xəbər tutduq ki, Müaviyə ölüb və
Hüseyn ibn Əli Yəzidə beyət etməyib, etməyəcək. İmam Hüseynə (ə) o qədər məktub yazılmışdı ki, Şəbs ibn
Rəbi, Həcar ibn Bəcr, Yəzid ibn Haris, Ürvə ibn Qeys, Əmr ibn Həccac kimi dünyapərəstlər də başqalarından
geri qalmamaq üçün imama gözəl və ədəbi məktublarla xitab edir, yazırdılar: “Ey imam Hüseyn! Bağça-
bağlarımız yaşıl və xürrəm olub, meyvələrimiz yetişib. Yalnız imamımız yoxdur. Əgər istəsən, yubanmadan
bizə doğru gəl. Hazır və fədakar bir qoşun görəcəksən!” İmam bütün məktubları mütaliə edirdi. Bu məktublar
xüsusi bir xurcunda saxlanılırdı. Bəziləri deyirlər ki, imama on min məktub yazılmışdı. Dəqiq budur ki, imamın
yanında bir kisə məktub yığılmışdı. Həzrət məktubları gətirib Hürrün qabağına tökdü və buyurdu: “Bu
məktubları Kufə əhli yazıb və məni Kufəyə dəvət edib.”
Səid ibn Abdullah Hənəfi, Abdullah ibn Val, Abəs ibn Şəbib kimi elçilər, imama deyirdilər: “Xalq səni
istəyir və Yəzidin xilafəti ilə razılaşmır.”
Bu insanlar səhvə yol verirdimi? Əlbəttə ki, yox! Bilin ki, Kufə əhlinin əksəri imamət dostu idi və Hüseyn
ibn Əlinin hakimliyini istəyirdi. Amma hansı qiymətə? Onlar imam Hüseyni (ə) Kufəyə gəlib hakimiyyəti ələ
almasını arzulayırdılar. İmam Kufədə beytül-mal sandıqlarını açmalı və kufəlilər öz haqlarını götürməli idilər.
Bu işin qarşısını almaq istəyənləri əsgərlər və mücahidlər yerində oturtmalı idi. Amma bütün bunları qan
bahasına istəyənlər az idi. Necə ki, həzrət Əli (ə) Əmr ibn Həməqə buyurdu: “Ey kaş, sənin kimi yüz adamım
olaydı!”Adətən, əksər insanlar hazır yağlı tikə sorağındadır. Zəhmət çəkmək lazım gəldikdə isə şikayətlənməyə
başlayırlar. (Bəzən imam Rahil buyurdu: “Bizdə tarixdə görünməmiş bir möcüzə baş vermişdir. İlahi
hökumətin qurulması üçün şəhadət hazırlığı bu ölkədə mədəniyyətə çevrilmişdir. Xalqımızın əksəri belə
düşünür ki, ya şərafətlə yaşamalıyıq, ya da ölüm rəzil həyatdan üstündür. Bu imam Hüseynin (ə) şüarı idi!)
Görəsən imam Hüseyn (ə) bu məktubların arxasında uyğun həqiqətlərin dayandığını bilirdimi? Şübhə
etməməliyik ki, imam bütün bunları çox gözəl bilirdi. Əgər belə idisə, nə üçün Müslimi Kufəyə göndərirdi? Nə
üçün Müslimin şəhadətindən sonra özü Kufəyə doğru hərəkət edirdi? Bu sualları bir çox tədqiqatçılar
araşdırmışlar. Bəziləri qəti şəkildə bildirirlər ki, imam Hüseyn (ə) Kufə xalqının yalanına aldandı. Amma biz bu
sayaq fikirləri küfr sayırıq. Bizim fikrimizcə Hüseyn (ə) imamdır, zülmə düşmüş xalq ondan yardım istədikdə
imam həqiqəti bildiyi halda onlara müsbət cavab verməsə, qiyamət məhkəməsində onun qarşısını kəsib, Allaha
şikayət edərlər. Deyərlər ki, Müaviyə öldü, bu imamdan bizə rəhbər olmasını istədik, bu yolda canımızdan
keçməyə hazır idik, amma o gəlmədi və bizə dedi ki, siz yalan danışırsınız! Bizim yalan danışmağımıza nə
ehtiyac vardı?! Bəli, imam vəzifəsinə əməl edərək Kufə əhlinə müsbət cavab verdi. Necə ola bilərdi ki, imam
Hüseyn (ə) ibn Abbas, Məhəmməd ibn Hənəfiyyə, Abdullah ibn Ömər qədər məsələnin mahiyyətini
anlamaya?! Bu üç şəxs imamı Kufə əhlinin vəfasızlığından həzər qılmağa çağırmışdılar. Amma həzrət onların
cavabında belə buyurmuşdu: “Mən getməliyəm və Allah nə istəyirsə, o da olacaq!”
İmam Hüseynin səfiri Müslim