51
On birinci məclis
İmam Rizanın (ə) hərəmində partlayış
Bu il imam Hüseynə (ə) aşura əzadarlığında yəzidlər imam Rizanın (ə) müqəddəs barigahında böyük bir
cinayət törətdilər. İndi Yəzid qoşunun Kərbəladakı cinayətini daha asanlıqla dərk edərik. Dövrümüzü
mədəniyyət əsri adlandırırlar. Dünya bəşər hüququndan dəm vurur. Amma imam Rizanın müqəddəs hərəmində
aşura günü bu sayaq cinayət törədilir! Hələ ki, şəhidlərin sayı məlum deyil. Məlum olan budur ki, çox böyük
faciə baş vermişdir. Bu mənim aşura günlərində daim təkrarladığım bir nöqtədir: “Haqq və batil cəbhələrinin
savaşı ilk günündən indiyədək davam etməkdədir. Hətta İmam Zamanın hakimiyyəti dövründə də bu mübarizə
davam edəsidir. Çünki həzrət Mehdi (ə) şəhadətə yetiriləcək. Bu mövzuda söhbəti uzatmağa ehtiyac yoxdur.
Çünki siz cinayətkarları tanıyırsınız və bilirsiniz ki, müqəddəs inqilabımız dövründə düşmən hansı cinayətlərə
əl atıb.
Aşura sübhü imam Hüseynin (ə) yuxusu
Hicri 61-ci il aşura gecəsi imam Hüseyn (ə) və onun yoldaşları ibadətə məşğul olub, sübh namazını həzrətin
imaməti ilə qıldılar. İmam Hüseynin (ə) ilk sözü bu oldu: “Mən bu sübh bir yuxu gördüm. (İmamın yuxusu
həqiqətdir. Bu səfərdə imam bəzi yuxular görmüşdü. Hətta ata süvar ikən bir anlıq yüngül yuxuya getmiş və
sonra yuxusunu danışmışdır. Onun iki ardıcıl yuxusu aşura gününə təsadüf edir.)
“Röyada gördüm ki, itlər mənə hücum edib. Amma daha çox cuman it rəngarəng idi. Belə görünür ki,
mənim qatilim ala tökmüş bir şəxsdir.” Sonra buyurdu: “Sonra cəddim peyğəmbəri gördüm. Mənə belə bir
müjdə verdi: “Əziz oğlum! Sən Ali-Məhəmmədin şəhidisən, bu müjdə ərş əhli arasında yazılmışdır. Bu gecə
mənim yanımda olacaqsan. Tələs və təxirə salma. (Sonra peyğəmbər (s) imama bir mələk göstərib sözünə
davam etdi:) Bu mələkdir. Ərş aləmindən enib ki, qanını götürüb bu yaşıl şüşəyə yığsın.” Sonra imam buyurdu:
“Bu yuxunun mənası odur ki, iş başa çatıb, dünyadan köç vaxtımız yaxınlaşıb. Buna heç bir şəkk yoxdur.”1
Bu səhabələrin hazırlıqı üçün imamın ilk sözü idi. Əlbəttə ki, səhabələr hazır idilər. İmam onların nəzərinə
çatdırırdı ki, “bəda” (təqdir dəyişikliyi) baş verməyib və onların şəhadəti labüddür.
Dəfələrlə qeyd etmişik ki, imamın Kərbəladakı səhabələrinin 72 nəfər olduğu məşhur bir xəbərdir. Amma
Kərbəla şəhidlərinin nəql olunmuş adlarının sayı 72-dən çoxdur! Olsun ki, Kərbəlada Bəni-Haşimdən əlavə 72
nəfər varmış . Amma Bəni-Haşim də o sayda olmamışdır ki, 72 nəfərlə birlikdə say 100-ə çatmış olsun. Bunu
deyə bilərik ki, aşura gecəsi növbəti 30 nəfər imamın dəstəsinə qatılmamış onların sayı 72 olub. Aşura sübhü
isə Hürr imama qoşulmuşdur. Beləcə, mərhum Əllamə Məclisi və başqa tarixçilərin yazdığına əsasən Kərbəlada
102 nəfər olmuşdur. İstənilən bir halda düşmən qoşunu Hüseynin dəstəsindən 300 qat artıq idi. Nəzərə aldıqda
ki, düşmən qoşununa qarşı imamın yoldaşları bir-bir meydana çıxmışdır, bu nisbət 30 mində birə çatır. İmam
bu azsaylı dəstəni nizamlayırdı. İmam sağ cinahı Züheyrə, sol cinahı Həbib ibn Məzahirə tapşırıb özü mərkəzdə
qərar tutdu. Qardaşı Abbas bayraqdar (ələmdar) təyin olundu. Müslim ibn Ovsəcəyə, Səid ibn Abdullah, Abəsə
də müəyyən məsuliyyətlər tapşırıldı. Dəstə nizamlandıqdan sonra imam buyurdu: “Allah mənim üçün və sizin
üçün şəhid olmağı qərar verib. Səbirli və dözümlü olun!” (Burada səbr dedikdə möhkəm dayanmaq nəzərdə
tutulur).
İmam öz şux ruhiyyəsini ətrafına anlatmaq üçün buyurdu: “Ölüm sizi çətinliklərdən daimi nemətlərə aparan
körpüdən başqa şey deyil. Bu körpü sizi Allahın sizin üçün hazırladığı geniş cənnətlərə aparır.” İmam Hüseyn
1
“Bihar”, c. 45, s. 3
52
(ə) demək istəyirdi ki, qəlb gözünüzü açın, “Ey arxayın nəfs” nidasının intizarında olun. Əlbəttə ki, imamın
Həbib, Büreyr, Müslim, Abəs kilmi əksər səhabəsi heç bir qorxu duymurdu. Onlar möhkəm dayanmışdılar. Bu
insanlar şərafətlə şəhid oldular. Amma bu dəstə arasında səadətə çatmayanlar da oldu. Aşuradan bir gün öncə
Kərbəlanı tərk etmək istəməyənlərin bir qismi aşura günü getmək qərarına gəldilər. Onlar gedərkən bəzilərini
də özləri ilə aparırdı. Kərbəla şəhidi Əbdür-Rəhman ibn Əbd Rəbəhin bir qulamı vardı. Bu qulam nəql edir ki,
savaş başladıqdan və ağam şəhid olduqdan sonra qaçdım. Həyatın yemək və yatmaqdan ibarət olduğunu
düşünən iman yüksək iman dərəcəsinə çatmış türk qulam və ya Cundan çox fərqlənirdi.
Mərcə ibn Səmamə imam Hüseynin səhabəsi və mahir oxatan idi. Aşura günü xeyli ox yağdırdıqdan sonra
onun oxu qurtardı. Hücum etmək istədikdə qohumları onu əhatəyə aldı və “sən amandasan, qılıncını qınına
qoy” dedilər. Sonra onu savaş meydanından çıxardılar. Mərcə ibn Səmamə əsir kimi Kufəyə aparıldı. Onun
bağışlanması üçün İbn Ziyada müraciət etdilər. İbn Ziyad onu ağır şəraitli Fəzarə adlı yerə sürgün etdi. Bu şəxs
də şəhadət səadətinə çata bilmədi. Əqəbə ibn Səman Əli Əsğər və Səkinənin anası Rübabın qulamı idi. Bu şəxs
aşura günü döyüşmədi. Düşmən qarət üçün xeymələrə hücum etdiyi vaxt ondan kim olduğunu soruşdular. Dedi
ki, mən Rübabın qulamıyam, bu savaşa aidiyyətim yoxdur. Onu azad etdilər. O əsirlərin arasında Mədinəyədək
peyğəmbər ailəsinə xidmət etdi. (Bu qulam Kərbəla hadisəsinin rəvayətçilərindəndir. Ömər Sədin
məktubundakı iddiaları təkzib edən bu qulam olmuşdur.)
Rəvayətlərə görə Kərbəlada Bəni-Haşimdən də bir nəfər sağ qalmışdır. Bu şəxs Həsən ibn Həsəndir. Onun
haqqında söhbətimizin əvvəlində danışmışdıq.
Kərbəlada olub vuruşan, amma şəhadətə yetişməyənlərdən biri də Zöhhak ibn Əbdüllah Məşriqi olmuşdur.
Savaş meydanından qaçan bu şəxsin bağışlanmayacağını düşünmürəm. Bu şəxs öz dostu ilə imamın xidmətinə
gəldiyi vaxt dostu imamdan getmək icazəsi istəmişdi. Amma Zöhhak belə demişdi: “Mənim ailə-uşağım və
çətinliklərim var. Amma sənə kömək etmək istəyindəyəm. Məndən elə bir beyət qəbul et ki, sənin müdafiəçin
və yardımçın olum. Amma öldürülüb-öldürülməyəcəyimin, vuruşub-vuruşmayacağımın sənə faydası
olmayacaq bir vaxt üçün beyəti üzərimdən götür!” Həzrət buyurdu: “Həmin şərtlə beyət et.” Bu şəxs imama
beyət etdi və aşura günü günortayadək imamın xidmətində oldu. Bəni-Haşim qəhrəmanları döyüşüb şəhadətə
yetdiyi vaxt imamın xidmətinə gəlib dedi: “Yadındadırmı necə beyət etmişdim?” İmam buyurdu: “Bəli. Amma
bu mərəkədən necə xilas olacaqsan?” Dedi: “Bu barədə düşünmüşəm.” Həzrət buyurdu: “Beyətimi öhdəndən
götürdüm.” Bu şəxs mühasirənin sıx olmayan hissəsindən keçərək, Kufəyə üz tutdu. Düşmən onu təqibə
başladı. Təqib edənlərin başçısı Kəsir ibn Abdullah onun qohumu olduğundan təqibi dayandırdılar. Doğurdan
da, bu şəxs böyük bir səadətdən məhrum olmuşdur! Həmin hadisədən sonra o bir neçə il yaşadı, yedi, yatdı və
nəhayət dünya ilə vidalaşdı. Kərbəla şəhidləri hara, Zöhhak hara?! Amma mən şəxsən bu şəxsi məmnunluqla
xatırlayıram. Çünki o Kərbəla ilə bağlı xeyli dəqiq məlumat nəql etmişdir. O yalançı olmamışdır və gözü ilə
gördüklərini danışmışdır. Çox güman ki, imam Hüseyn lütf və inayəti ilə ona şəfaət verəsidir. Bəli, imam
Hüseyn o qədər böyük lütf və inayət sahibidir ki, bir şəxs ona belə and verir: “Səni anan Fatiməyə and verirəm,
qiyamət günü Şimrə, Ömər Sədə və Yəzidə şəfaət vermə!”
Kərbəla yaxşılığa əmr (əmr be məruf) meydanıdır!
Aşura günü əmr be məruf günü idi. İmamın səhabələri yaranış günündən indiyədək görünməmiş şəkildə
höccəti tamamladılar, bəhanəyə yer qalmadı. İmam Hüseyn (ə) bir neçə dəfə xütbə oxudu. İmamdan əlavə
Züheyr, Büreyr, Hürr, Həbib, Abəs düşməni haqqa dəvət etdi. Onların hətta rəcəzləri də nəsihət, əmr be məruf
və nəhy əz münkərdən ibarət idi. Hansı ki, rəcəzdə nəsihətə yer yoxdur!