41
Qeys ibn Müsəhhərin Kufəyə ezam olunması
İmam Kufə əhlinə məktub yazıb həmin məktubu Qeys ibn Müsəhhər Seydabi vasitəsi ilə onlara göndərdi.
Məktubda yazılırdı: Müslim mənə xəbər verdi ki, ona beyət olunub. Allah-təala sizə əcr versin. Mən zil-hiccə
ayının 8-ci günü çərşənbə axşamı günü Məkkədən çıxıb sizə doğru hərəkətə başladım. Ciddi olun, mən tezliklə
sizin yanınızda olacağam.”1 Qeys Kufəyə çatmamış İbn Ziyadın məmurları Kufə ətrafında ona hücum etdilər.
Qeys məktubu tikə-tikə doğradı və uddu. Onu tutduqdan sonra İbn Ziyadın yanına apardılar. İbn Ziyad soruşdu:
“Məktub haradadır?” Qeys dedi: “Məktub imam Hüseyndən idi.” İbn Ziyad dedi: “Orada yazılanları bizə
deməlisən.” Qeys dedi: “Məktubu məhv etmişəm ki, onda yazılanlardan xəbərdar olmayasan.” İbn Ziyad dedi:
“Ya məktubda yazılanları və imam Hüseynin (ə) müraciət etdiyi adamların adını de, ya da minbərə qalx Hüseyn
və onun ata-babasına lənət oxu!” Qeys dedi: “Mən ikinci yolu seçirəm.” Xalq bir yerə toplandı. Qeys minbərə
qalxdı. O dedi: Mən Hüseyn ibn Əlinin elçisiyəm. Gəlmişəm ki, Hüseynin sizə doğru gəldiyini xəbər verəm.
Onun gəlişinə hazır olun. Lənət olsun Yəzidə, Müaviyəyə, Ziyada və İbn Ziyada. Allahın rəhmət, lütf və
salavatı olsun Əlinin (ə) müqəddəs vücuduna, onun övladları Həsən və Hüseynə.” İbn Ziyad dedi: “Onu qəsrin
damından yerə atın. Bu yolla Qeys ibn Musəhhər şəhadətə yetirildi. O Müslim və Hanidən sonra Kufədə qanına
qəltan edilmiş üçüncü şəhid oldu.
Hürrün qoşunu ilə görüş
İmam Hüseyn (ə) Zəbalə adlı mənzilə çatdığı vaxt göstəriş verdi ki, su götürsünlər. Səhabələr dedilər ki,
növbəti mənzildə də su ola bilər. İmam buyurdu: “Siz su götürün. Çünki suya ehtiyacımız olacaq.” Həmin
günün səhəri günəş çıxdıqdan sonra hərəkət etdilər. Günorta vaxtı karvandakılardan biri təkbir dedi və digərləri
onun səsinə səs verdi. Həzrət dedi: “Nə baş verib?” Dedilər: “Biz bu yerdə heç vaxt xurma bağı görməmişik.
Amma indi qarşımızda xurma bağı görünür!” İmam buyurdu: “Diqqət edin!” İmamın səhabələrindən biri dedi:
“Bu xurma bağı deyil. Görünən atlı dəstəsidir. Onlar bir qədər yaxınlaşdıqda onlarla üz-üzə qoşun gəldiyini
gördülər. Bu qoşun imamı İbn Ziyadın yanına aparmaq göstərişi almış Hürrün qoşunu idi.
Günortaya yaxın iki dəstə üzbəüz dayandı. İmam Hüseyn (ə) buyurdu: “Təpə və dağın ətrafını tutun. Çətinlik
yaransa mövqeyimiz yaxşı olsun.” Hürr qabağa çıxdı. Həzrət ondan soruşdu: “Bizimlə bir işin varmı?” Hürr
dedi: “Bəli.” Həzrət buyurdu: “Nə işin var?” Hürr dedi: “Bizə əmr olunub ki, sizi Kufəyə, İbn Ziyadın yanına
aparaq. Həzrət buyurdu: “Belə bir iş görməyiniz mümkün olmayacaq.” Günorta oldu. Həzrət buyurdu: “Get öz
qoşununla namaz qıl, biz də namaz qılırıq.” Hürr dedi: “Yox, biz sizinlə namaz qılacağıq.” (Hürr imamı məsum
imam kimi qəbul etməsə də, onun üstün namaz qılanlardan olduğunu təsdiqləyirdi.)
Günorta namazı qılındı. İmam günorta və əsr namazından sonra buyurdu: “Ey xalq! Əgər təqva yolunu
seçsəniz və haqqı onun əhlinə versəniz, Allahın razılığı sizə yetişər. Biz peyğəmbər əhli-beyti din işlərinə
rəhbərlik üçün daha layiqik. Onlar isə sizə zülm-sitəm edənlərdir. Əgər bizim rəhbərliyimiz altında din uğrunda
qiyam qaldırmaq istəmirsinizsə, haqqımızdan xəbərsizsinizsə, elçilərinizin gətirdiyi ilə razı deyilsinizsə, biz
dönüb gedirik.” Hürr dedi: “Mən bilmirəm ki, bu məktub nədir.” Həzrət öz ətrafındakılara buyurdu: “O xurcunu
gətirin!” Xurcunu gətirdilər. İmam məktub dolu xurcunu Hürrün qabağına boşaltdı və dedi: “Bu məktubların
bəzisində iki, bəzisin də on, bəzisində iyirmi, bəzisində isə daha çox imza var. Bu məktublarda mən Kufəyə
dəvət olunuram. Əgər istəmirsinizsə, əgər fikrinizi dəyişmisinizsə mən dönüb gedirəm.” Hürr dedi: “Mənim bu
məktublarda imzam yoxdur.” Həzrət hərəkət üçün göstəriş verdi. Onlar Hicaz yoluna üz tutdular. Hürr öz
qoşununa əmr etdi ki, imamın qarşısını kəssinlər.” Həzrət buyurdu: “Anan matəmində otursun!” Hürr dedi:
“Əgər səndən başqası anamın adını çəksəydi, mən də onun anasının adını çəkərdim. Amma nə edim ki, sənin
anan Fatimədir və onun adını hörmətsiz çəkmək olmur.” Həzrət buyurdu: “Nə istəyirsən?” Hürr dedi: “Mən sizi
Kufəyə aparmalıyam.” Həzrət buyurdu: “Belə bir iş mümkün deyil. Biz Mədinəyə qayıtmaq istəyirik.” Hürr
dedi: “Yox, insafla hərəkət edin. Siz nə Kufə, nə də Mədinə yolunu seçin. Üçüncü bir yola üz tutun.” Həzrət
1
“Məqtəli-müqərrəm”, s. 175, 176
42
qəbul etdi və Qadisiyyə yoluna üz tutdu. Hürr yol boyu öz düşüncəsinə əsasən imama nəsihətə başladı. O
imama dedi: “Bəni-Üməyyə güclüdür. Onlar çoxlu pulla xalqın qarnını doldurur. Nə olsun ki, xalqın qəlbində
sizə məhəbbət var?! Amma qılınclar onların əlindədir. Yaxşı olar ki, işi sülhlə başa çatdırasınız.” Həzrət ona
belə cavab verdi: “Mən gedirəm. Niyyət haqq, cihad, İslam uğrunda olduqda şücaətli insan üçün ölüm ar deyil.”
Hürr anladı ki, imam Hüseynin planı onun təsəvvür etdiyi kimi deyil.
Beyzə dayanacağında imamın xütbəsi
Karvan Beyzə adlı məntəqəyə çatdı. Burada imam xütbə oxudu. O həzrət buyurdu: “Ey xalq! Peyğəmbər (s)
buyurmuşdur: “Hər kəs zalım hakimin halalı haram etdiyini, peyğəmbər sünnəsinə müxalif olduğunu, bəndələr
arasında günahkarlıq və azğınlıq etdiyini görüb, öz əməl və danışığı ilə ona qarşı çıxmasa, Allah-təalanın haqqı
var ki, bu şəxsi həmin zalım hakimi daxil etdiyi yerə daxil etsin. (İnqilabımızda da Hüseyn davamçıları bu
kəlama istinad edirdilər.)
İmam Hüseyn (ə) cəddi peyğəmbərin (s) buyuruğundan belə bir nəticə çıxarır: “Bilin! Bunlar (Bəni-Üməyyə
və əlaltıları) bağışlayan Allaha itaəti tərk edib, şeytana itaətə uyublar, fəsadı hakim edib, ilahi hədləri
boşlayıblar; İslam məmləkətinin beytül-malını (büdcəsini) öz inhisarlarına alıblar, Allahın halalını haram,
haramını halal sayıblar. Bu vəziyyəti aradan qaldırmaq üçün mən ən layiqli kəsəm. Siz də mənə yazdınız,
elçiləriniz beyət etdiyinizi mənə bildirdilər. Dedilər ki, məni təslim etməyəcəyinizi, tənha qoymayacağınızı əhd
etmisiniz. Əgər beyətinizə vəfalısınızsa, həqiqi təkamülə çatmısınız. Mən Əli və Fatimənin oğlu Hüseynəm.
Özüm sizinlə, ailəm ailənizlədir. Siz mənə iqtida etməlisiniz. Əgər əhdinizi pozub, etdiyiniz beyəti kənara
qoysanız, bu təzə şey olmayacaq. Çünki atam, qardaşım və əmioğlum Müslimlə də belə rəftar etmisiniz. Sizin
yalanınıza uyan aldanmış kəsdir. Mən isə vəzifəmə uyğun olaraq qiyam etdim. Siz isə özünüzə zülm etdiniz və
öz qismətinizi puça çıxardınız. Əhdi pozan kəs öz zərərinə iş görüb. Allah-təala sizdən ehtiyacsızdır. Bu xütbə
imam Hüseyndən (ə) 14 əsr sonra bizim inqilabımızın proqramı oldu. Dini olan hər bir kəs bu xütbəni
oxuduqdan sonra anlayır ki, vəzifəsi nədir.
Müsibət zikri
Tasua axşamıdır. Tasua əhli-beytin müsibət günlərindəndir. Bu gün Əbül-Fəzl Abbasın adı ilə
zinətlənmişdir. Bütün şəhidlər aşura günü şəhadətə çatmışdır. Əbül-Fəzl sonuncu şəhidlərdəndir. Əbül-Fəzlin
adının bu günlə bərabər çəkilməsinin səbəbi onun rəşadətli ələmdar, imam Hüseynin (ə) bayraqdarı olmasıdır.
İmam Sadiq (ə) buyurur: “Əmimiz Abbasın ali və dəqiq baxışı, möhkəm imanı vardı.”1 İmam Hüseyn Aşura
günü bayrağı ona tapşırdı. Bəli, Kərbəla səhrasında imam Hüseyndən (ə) sonra ən böyük şəxsiyyət Əbül-Fəzl
(ə) idi. O, Həbib, Zübeyr, Büreyr, hətta Əli Əkbər, Qasim və imam Həsən, Hüseyn və Əlinin (ə) digər
övladlarından üstün idi. Bu aydın məsələdir və imam Səccad bu həqiqəti təsdiqləyir: “Aşura günü qardaşının
hüzurunda ən böyük fədakarlıqları göstərən əmim Abbasa Allahın xüsusi rəhməti olsun. Şəhadətindən öncə iki
qolu vuruldu. Allah-təala əmimiz Cəfər Təyyar kimi ona iki qanad verdi ki, behiştdə pərvaz etsin. Allah-təala
əmimiz Abbasa elə bir məqam verdi ki, bütün şəhidlər bu məqama qibtə edər.”2
Bir anadan (Ümmül Bənindən) olan dörd qardaş – Abbas, Cəfər, Abdullah və Osman Kərbəlada idilər.
(Həzrət Əli (ə) qardaşı Əqildən onun üçün şücaətli övladlar doğa biləcək, ata-babası şücaətli olmuş bir qadın
istədi.) Əbül-Fəzl üç qardaşını çağırıb dedi: “Əzizlərim! Görürsünüzmü qardaşımız tənha qalıb?! Əli, Qasim,
Əqilin övladları şəhid olub. Fədakarlığa hazır olun.” Onlar bir səslə dedilər: “Bəli, qardaş! Biz hazırıq.” Onlar
bir-bir imam Hüseynin (ə) hüzuruna gedib, meydana çıxmaq üçün icazə istədilər. İmamdan icazə aldıqdan
sonra meydana çıxdılar, vuruşdular və şəhid oldular. Əbül-Fəzl öz qardaşlarının pak cənazələrini götürüb
xeyməyə gətirdi. O sonuncu qardaşı şəhid olduqdan sonra imam Hüseynin (ə) qarşısında dayanıb dedi: “Ey
1
“Əl Əbbasi Müqərrəm.”
2
“Xisali Səduq”, s. 68