37
Müsibət zikri
Müslim və Haninin şəhadət xəbəri imam Hüseynə yolda çatdı. Müslim Kufədə qiyam edən gün imam
Hüseyn (ə) Məkkə torpağından çıxdı. Bu çox maraqlı tarixdir! İmam Hüseyn (ə) Kərbəlaya gəldi və aşura
səhnəsi bərpa oldu. Səhabələr bir-birinin ardınca şəhadətə çatdı. Əli övladları gördülər ki, köməkçilərdən kimsə
qalmayıb, yalnız Əli, Cəfər, Həsən və Hüseynin körpələri sağdır. İmam Hüseyn (ə) və ya Hüseyn oğlu Əlinin
istəyi bu idi ki, Hüseyn övladı əhli-beytdən öncül olsun. Bu səbəbdən də Hüseyn oğlu Əli əmioğlularından öncə
meydana çıxdı.
Əli-Əkbərin şəxsiyyəti
Əgər imam Hüseynin böyük oğlu Əli ibn Hüseynin şəhadəti Allahın hökmü olmasaydı, heç şübhəsiz,
Hüseyndən sonra məhz Əli-Əkbər imamətə çatardı. Bəzi tarixçilər və hədisçilər Əli-Əkbərin on səkkiz, on
doqquz yaşında olduğunu bildirirlər. Amma tarixi diqqətlə araşdırdıqda onun 25-dən çox yaşı olduğu
aşkarlanır. Bu səbəbdən ona “Əli-Əkbər” yəni “böyük Əli” adı verilmişdi. İmam Səccadın (ə), imam Hüseynin
(ə) ortancıl oğlunun Kərbəlada 23 yaşı vardı. Əli-Əkbər isə ondan böyük idi. Bəzi tarixi mənbələrdə Əli-
Əkbərin 27 yaşda olduğu bildirilir. Bu xəbəri bir çox dəlillər təsdiqləyir. Bir gün Müaviyə öz ətrafındakılardan
soruşdu: “Bilirsinizmi bu xilafət və hökumət üçün ən layiqli şəxs kimdir?” Dedilər: “Sən özünsən.” Müaviyə
dedi: “Yox, utanmayın, həqiqəti deyin.” Dedilər: “Bilmirik.” Müaviyə dedi: “Mənim nəzərimcə, həmin şəxs
Hüseyn oğlu Əlidir. Onda Bəni-Haşimin şücaəti, Bəni-Üməyyənin səxavəti və böyüklüyü var...”1
Əli-Əkbər savaş üçün icazə aldı. İmam Hüseyn (ə) öz əli ilə onun başına əmmamə qoydu və onu meydana
hazırladı. Əli-Əkbər meydana doğru hərəkət etdi. Böyük rəvayətçilərdən biri belə nəql edir: İmam Hüseyn (ə)
üzünü göyə tutub dedi: “Pərvərdigara! Sən şahid ol! Mən xilqət, danışıq, rəftar baxımından peyğəmbərə (s) ən
çox oxşayan kəsi bu qövmlə mübarizəyə göndərdim. Pərvərdigara! Biz nə vaxt peyğəmbəri xatırladıqsa, bu
gəncin camalını ziyarət etdik.” Əli Əkbər meydana çıxıb, ardıcıl həmlələr etdi və bəzi rəvayətərə görə yüz
iyirmidən çox düşməni öldürdü. Silahların ağırlığı, döyüşün çətinliyi və susuzluq onu əldən salmışdı. Zirehinin
halqalarından qan süzülürdü. O atasının qarşısında dayanıb dedi: “Ata! Susuzluq məni öldürür. Dəmirin ağırlığı
əziyyətimi və hərarətimi artırıb. Olarmı mənə bir ovuc su verəsən, düşməni məhv etmək üçün daha çox
qüdrətim olsun? Əli-Əkbər bilirdi ki, xeymələrdə su yoxdur. Amma imam arabir onlara möcüzə yolu ilə su
verdiyindən Əli-Əkbər ona ağız açmışdı. Olsun ki, Əli Əkbər tamamilə başqa bir su nəzərdə tutmuşdur. Elə bir
su ki, bütün vücudunu sirab etsin. İmam Əli-Əkbərə işarə ilə ağzını açdı. Əli-Əkbər atasının ağzını daha da
quru olduğunu gördü. Həzrət buyurdu: “Oğlum! Meydana çıx, vuruş. Mən ümidvaram ki, günorta olmamış
baban peyğəmbərin əlindən sirab olarsan.” Əli-Əkbər meydana getdi. Vuruşdu və düşmənləri yerə sərdi. Bir
xəbis onun arxa tərəfinə keçib nizə ilə kürəyindən vurdu. Başqaları da Əli-Əkbərin bədənini qılıncla tikə-tikə
doğradılar. Əli-Əkbər “Atacan, mən də getdim” deyə atası ilə xudahafizləşdi. Sonra imam onun “Vallah babam
peyğəmbər məni sirab etdi” sözlərini eşitdi. Sürətlə ona yaxınlaşdı. Əli-Əkbərin ömrünün son anları idi. İmam
bu nazənin vücuda baxıb buyurdu: “Oğlum, səni öldürənləri Allah öldürsün. Səndən sonra kül olsun dünya və
dünya həyatına!”2
1
“Bihar”, c. 45, s. 45
2
“Bihar”, c. 45, s. 42-44
38
Doqquzuncu məclis
İmam Hüseyn (ə) şəban ayının üçündə Məkkəyə daxil olduğu gündən zilhiccə ayının əvvəllərinədək dörd
aydan çox müddətdə qiyam və hədəfi ilə bağlı söhbətlər apardı.
Bəni-Üməyyənin gizli təşkilatları xəbər verdi ki, Hüseyn ibn Əli Məkkədə Bəni-Üməyyə hökumətinə
hücuma hazırlaşır. Çünki Məkkədən qayıdan ziyarətçilər imamın bəyanat və xütbələrinin təsiri altında Bəni-
Üməyyəyə mənfi münasibət bəsləyirdilər.
Keçmişdə həcc aylarında xəlifə Məkkəyə “əmirul-həcc”, yəni həcc mərasiminə başçı göndərirdi. Bu şəxs
həcc mərasimini idarə edirdi. Amma bu dəfə Yəzid əməvi bir komandanın başçılığı altında Şamdan Məkkəyə
böyük bir qoşun göndərdi. Bu qoşun Məkkəyə çatdıqdan sonra şəhər hərbi görkəm aldı. Qoşundan əlavə şəhərə
imam Hüseyni (ə) şəhadətə çatdırmaq tapşırığı almış məmurlar daxil olmuşdu.
İmam Hüseyn (ə) bu qrupdan xəbərsiz deyildi. O müqəddəs şəhərdə qan axıdılmaması üçün bu şəhərdən
çıxmaq qərarına gəldi. Digər bir tərəfdən, zil-hiccənin ilk günlərində Müslimin yazdığı məktub Abəs ibn Əbu-
Şəbib tərəfindən imama çatdırıldı. Məktubda imam Kufəyə dəvət olunurdu. İmam həcc ehramı bağlasa da,
Bəni-Üməyyənin sui-qəsd xəbərini eşidib zil-hiccənin səkkizinci günü ehram halından çıxdı. İmamın həcc
əməllərinə gəlməməsi hamını təəccübləndirdi. Bu xəbər həmin vaxt kiçik bir şəhər olan Məkkədə bir anda
yayıldı. Hamı bildi ki, imam həcci fərdi ümrə əməlləri ilə əvəz edib və ehram halından çıxıb. Bu işin səbəbini
soruşduqda imam belə cavab verdi: “Biz Məkkədə qalası olmadıq.” Daha yaxın adamlara isə imam bu gedişin
səbəbini belə açıqladı: “Bəni-Üməyyə mənim qanımı hərəmdə axıtmaq istəyir. Mən hərəmin hörmətinin
pozulmasına səbəb olmaq istəmirəm.
Məkkədən çıxmaq ərəfəsində imamın xütbəsi
Xəbər gəldi ki, imam xalqla danışmaq istəyir. Həzrət vəziyyəti xalqa çatdırmaq fikrində idi. Şiə və sünni
böyükləri hicri 60-cı il, zil-hiccə ayının 8-ci günündə bəyan olmuş bu xütbəni nəql etmişlər. Xütbənin mətni
belədir: “Ölüm Adəm övladının boynunda asılmışdır. Necə ki, gənc qızların boynundan boyunbağı asılır. Öz
ata-babamla görüşə necə də müştaqam! Necə ki, Yaqub Yusifə iştiyaqlı idi! Mənim üçün seçilmiş şəhadət
məhəllinə çatacağam. Nəvavis və Kərbəla arasında canavarların məni tikə-tikə parçaladığını görürəm. Onlar
mənim vücudumla öz qarınlarını doldururlar. Təqdir olmuş gündən qurtuluş yoxdur. Allahın razılığı biz əhli-
beytin razılığıdır. Allah-təalanın bəla və sınağına səbr edirik. Allah-təala biz səbirlilərin mükafatını əta edəcək.
Allahın rəsulunun tənparəsi Allahın müqəddəs dərgahında (behiştdə) ondan ayrılmayacaq və onun gözünün
işıqlanmasına səbəb olacaq. Allah-təala Öz vədini gerçəkləşdirəcək. Bizim yolumuzda canından keçməyə hazır
olan və Allahla görüşə hazırlaşmış kəs bizimlə birlikdədir. Mən sabah sübh hərəkətə başlayacağam.
Bu xütbə Məkkədəki bütün insanları imamın qiyamından xəbərdar etdi.
İmamı bu işdən çəkindirmək istəyən ilk şəxs İbn-Abbas oldu.1 O dedi: “Nə üçün gedirsiniz?” Həzrət
buyurdu: “Bəni-Üməyyə mənim qanımı axıtmaq istəyir. Mən hərəmin hörmətini saxlamaq üçün burada
qalmamalıyam.” İbn Abbas dedi: “Hara getmək istəyirsiniz?” İmam buyurdu: “Nümayəndəm və əmim oğlu
Müslim Kufədən yazır ki, Kufə xalqı beyət edib və məni gözləyir. Buna görə də İraqa gedirəm.” İbn Abbas
dedi: “Yoxsa İraq və Kufəni tanımırsan?! Yoxsa yadında deyil ki, atan orada olanda, güclü bir qoşuna malik
olanda ona nə qədər əziyyət verdilər?! Qardaşınla nə etdiklərini unutmusanmı?! Kufədə nə işin var?” Həzrət
buyurdu: “Sənin dediklərini mən də bilirəm. Amma Allahın hökm etdiyi gerçəkləşir.” Sonralar İbn Abbas
deyirdi: “Hüseyn ibn Əlinin Məkkədən çıxdığı sübhdən öncəki axşam yuxuda gördüm ki, Cəbrail Kəbənin
üstündə Hüseynin (ə) əlindən tutub fəryad çəkir: “Allah-təala beyətə tələsin, Hüseynin (ə) əli Allahın əlidir.”
Bu isə Quranda əks olunmuş bir həqiqətdir. Allah beyətlə bağlı buyurur: “Ağac altında sənə beyət edənlər
əslində Allaha beyət etdi.”2 Zahirən beyət üçün onun əli uzansa da, Allahın əli onun əli üstündə idi. Bu beyət
Allaha beyət idi. Biz şiə müsəlmanlar bilməliyik ki, Əlinin, Hüseynin, Cəfər ibn Məhəmmədin, həzrət
1
“Mürəvvicul-zəhəb”, c. 3, s. 54, 55
2
“Fəth”, 10