______________________________________________________ Poetika.izm
16
kommunist partiyasının rəhbərlik rolunu danmaqda – “...proletar ölkə-
sində olan azadlıq və xoş günlərə inanmamaqda, şeirlərindən hicran və
bədbinlik qoxusu gəlməkdə, yalnız özünün daxili xırda burjua varlığı ilə
məşğul olaraq, irəli yürüyə bilməməkdə, öz keçmiş məfkurəsindən uzaq-
laşa bilməyərək, əski bataqlıqdan çıxa bilməməkdə, ən qüvvətli şeirlə-
rində hələ də Sanılı mahnılarını çalmaqda” [4, s. 68]; “...xırda burjua dün-
yagörüşünün şiddətli təsirinə məruz qalmaqda, qarşısına qoyduğu mə-
sələlərin heç birini proletar sinfi nöqteyi-nəzəri ilə həll edə bilməməkdə”
[5, M.Cəlal, 1932]; “...proletariatın arxasınca gedən kommunist firqəsi
rəhbərliyi altında sosializm quran kəndlilərin, kolxozçuların əhval-ruhiy-
yəsini təsvir və ifadə etməməkdə, hadisələri uzaqdan təsvir edərək, öz
fikrini bildirmədən, öz sinfi borcunu vermədən keçməkdə, kəndi təsvir
edərkən ondan bir qolçomaq ləzzəti almaqda” [7, A.Faruq, Ə.Dəmir-
çizadə, 1931]; “...inqilabi axın qarşısında bir an duraraq yıxılana qarşı bir
“həsrət” çəkməkdə və bununla da əfvolunmaz bir günah işlətməkdə” [6,
M.K.Ələkbərli, 1935]; “...yaşadığı kəndin ibtidailiyinə, “idiotizminə” göz
yumaraq onu “vətən” deyə sevmək və sinif xaricində bir aləm kimi mə-
nimsəməkdə, köhnə patriarxal həyatı təsvir edərkən ruhlanmaqda, coş-
maqda, yeni dünyanın yeni insanlarına gəldikdə isə səsi və rənginin zəif-
ləməsində, Lenin-Stalin dünyagörüşünü bir çox şeirlərində göstərə bilmə-
məkdə, şeiri, sənəti sosializm quruluşunun praktiki işlərindən, siyasətdən,
partiya tarixindən ayırmaqda” [8, M.Arif, 1937] ittiham edilir. Hətta,
1950-ci illərdə belə S.Vurğunun yazdığı əsərləri bəzi tənqidçilər eyni
müstəvidə tənqid atəşinə tuturdular. M.Quluzadə, S.Vurğunun “Aygün”
poemasında, “bolşevik partiyalılığı prinsipindən, sosializm realizmindən,
sovet varlığının, sovet adamlarının simasını təhrif edən müvəffəqiyyətsiz,
bədii cəhətdən, sönük, zəif əsər yaratdığı qənaətinə gəlir və bildirir ki,
“Bu əsər partiyamızın sovet ədəbiyyatı qarşısında qoyduğu məfkurə –
bədii tələblərə cavab vermir”” [9, s. 1952].
Şübhəsiz, adətən, yaradıcılıq mübahisələri kimi qəbul edilən və
dövrünə görə bu haqlı tənqidlər, üstəlik şairin həm özünün millətçilikdə
ittiham edilməsi və Yİ-nin o vaxtkı (1937) rəhbərlərindən biri kimi “mil-
lətçi ünsürləri qanadı altına almaqda” günahlandırılması, özünün dediyi
kimi, “saçlarını ağardıb, ömrünü gödəltməklə” yanaşı, yaşadığı ağrılı mə-
qamlar, sarsıntılar əsərlərinə də keçmiş, izlərini onlarda da qoymuşdur.
Bu səbəbdən də, yazımızın əvvəlində qeyd etdiyimiz kimi, şairin yaradı-
cılığının şəxsiyyəti və mühiti ilə paralel araşdırılması vurğunşünaslığın
qarşısında dayanan başlıca vəzifədir. Yalnız bu halda mühit-müəllif-mətn
əlaqələrini üzə çıxarar, nəticədə isə həm Vurğunu daha yaxından, olduğu
kimi tanıyar, yaradıcılığındakı bəzi mürəkkəb məqamlara aydınlıq gətirər,
həm də dövrün özünün ziddiyyətlərini üzə çıxarmış olarıq.
______________________________________________________ Poetika.izm
17
ƏDƏBİYYAT
1.
Adalis A. Səməd ilə işləmək səadətdir. X.Rza. Bir odlu gözləri, bir də xoş səsi.
Bakı, “Çinar-Çap”, 2007.
2.
Vahabzadə B. Səməd Vurğun. Bakı, Azərnəşr, 1968.
3.
Vurğun S. Əsərləri, 6 cilddə, VI c. Bakı, 1972.
4.
Zəngili. Şairin andı. “İnqilab və mədəniyyət” jurnalı, 1931, № 3-4.
5.
Mir Cəlal. Özünü yenidən qurma yollarında. “Hücum” jurnalı, 1932, № 5-6.
6.
Ələkbərli M.K. Səmədin “Həsrət”i. “Ədəbiyyat qəzeti”, 9 yanvar 1935.
7.
Faruq A. Dəmirçizadə Ə. Şairin andı. “Kommunist” qəzeti, 8 may 1931.
8.
Məmməd A. Səməd Vurğun haqqında. “Ədəbiyyat qəzeti”, 20 sentyabr 1937.
9.
Quluzadə M. Səməd Vurğunun “Aygün” poeması haqqında. “Kommunist” qə-
zeti, 13 mart 1952.
Aslan Salmanov
MÜHİT-MÜƏLLİF-MƏTN ƏLAQƏLƏRİ
VƏ MƏTNİN ANLAŞILMASI PROBLEMİ
(Səməd Vurğunun əsərləri əsasında)
XÜLASƏ
Ədəbi mətnlərin yaranma prosesinə həsr edilən bu məqalədə S.Vurğunun bir neçə
əsəri mühit-müəllif-mətn əlaqələri kontekstində araşdırılır.
Məqsəd mühit və müəllifin, “unikal mədəniyyət hadisəsi” hesab edilən mətnin
yaranmasında iştirakına, eləcə də mətndə “müəllif obrazı”nın hansı səviyyədə yer alma-
sına – mətnin müəllifinə yaradıcılıq aktında “oxşayıb-oxşamaması” səbəblərinə aydınlıq
gətirilir.
Araşdırma zamanı tekstoloji və komparativ metodlardan istifadə edilmiş, tədqi-
qata cəlb edilən mətnlərin tarixçəsinin öyrənilməsi problematikası əsas vəzifə kimi
müəyyənləşdirilmişdir. Mətnlərin anlaşılmasında mühit-müəllif-mətn əlaqələrinin üzə
çıxarılmasının əhəmiyyəti ədəbi-elmi materialların köməkliyi ilə əsaslandırılır.
Məqalədə irəli sürülən elmi mülahizə və mühakimələrdən S.Vurğunun qalan əsər-
lərinin də mühit-müəllif-mətn əlaqələri kontekstində araşdırılması zamanı istifadə edilə
bilər.
Aslan Salmanov
ENVIRONMENT, AUTHOR AND TEXT RELATIONS
AND THE PROBLEM OF UNDERSTANDING OF THE TEXT
(on the basis of works by Samad Vurgun)
SUMMARY
In this article devoted to the process of formation of literary texts is investigated
the several works by Samad Vurgun in the context of the environment, the author and
the text relations.
The goal is to shed light on the reasons of participation of the environment and
author in formation of a text considered “uncial event of culture”, as well as
Dostları ilə paylaş: |