Pelagial h’a’m bentaldag’ı jasaw sharayatlarına
suw organizmlerinin’ beyimlesiwleri.
Plankton
Qalqıp ju’riw jag’dayında suw qalın’lıg’ında tirishilik etiwi plankton organizmlerinde h’a’r
qıylı beyimlesiwlerge alıp kelgen. Plankton organizmleri suwda ju’ziwde h’a’m qalqıp ju’riwde
fizikalıq nızamlarg’a bag’ınadı. Shu’mdirilgen denenin’ massası iyterilip shıg’arılg’an suyıqlıq
massasına ten’ bolsa, ol o’zinin’ massasın joytadı h’a’m suw astında qalqıp ju’redi. Eger
denenin’ massası iyterilip shıg’arılg’an suw massasınan ko’p bolsa, ol batıp ketedi. Egerde
denenin’ massası iyterilip shıg’arılg’an suyıqlıq massasınan az bolsa, onın’ denesinin’ bir
bo’legi suw betine qalqıp shıg’adı.
Ko’plegen plankton wa’killerinin’ salıstırmalı salmag’ı suwdikine jaqın, biraq azmaz
onnan joqarı (1,01-1,06 g/sm
3
). Suw astına shu’n’iw tezligi denenin’ tik protektsiyasına,
salıstırmalı ko’lemine baylanıslı. Bul eki mug’dar-denenin’ salıstırmalı beti h’a’m tik
proektsiyası V.Ostvald ta’repinen formanın’ qarsılıg’ı dep atalg’an. Denenin’ suwg’a batıw
tezligi Q suwdın’ uymaqlıg’ına da baylanıslı boladı. Suwdın’ uymaqlıg’ı temperaturag’a h’a’m
minerallasıwg’a baylanıslı. Mısalı O°S suwdın’ uymaqlıg’ı 25°S qarag’anda eki ese ko’p boladı.
Al distillyatsiyalang’an suwdın’ uymaqlıg’ı duzlang’an suwg’a qarag’anda eki ese pa’s boladı.
Qalqıwlıq formulaları:
V.Ostvaldtın’ joqarıda aytılg’an faktorlardı esapqa alıp denenin’ shu’miw tezligi formulası:
qaldırılg’an salmaq
Shu’miw tezligi = ---------------------------------------------------
forma qarsılıg’ı x ishki u’ykelensiw
Ostvald formulasın pa’lpellew formulası dep ataydı. Bul formula organizmlerdin’
salıstırmalı salmag’ı suwdıkine ten’ bolg’an jag’dayda tuwrı keledi.
Biraq ko’plegen planktonlar aktiv ju’ziwshiler suwdıkinen joqarı. Onda Z. Voltterek
formulası tuwrı keledi:
qalg’an salmaq x to’menge h’a’reketleniw
Shu’miw tezligi = ----------------------------------------------------------------
u’ykelenisiw qarsılıg’ı x joqarıg’a h’a’reketleniw
Bul jerde u’ykelenisiw qarsılıg’ı degende formanın’ qarsılıg’ı h’a’m qorshag’an aynalanın’
uymaqlıg’ı tu’siniledi. Volterek boyınsha pa’lpellew zoolanktonnın’ h’a’reketleniw organlarının’
jumısına baylanıslı.
Salıstırmalı salmaqtı kemeytiwge beyimlesiw. Ko’plegen formalardın’ tirishilik etiwi ushın
salıstırmalı salmaqtın’ a’h’miyeti, mug’darı u’lken rol oynaydı. Salıstırmalı salmaq qaldırılg’an
salmaq mug’darı menen baylanıslı. Organizmlerdin’ salıstırmalı salmag’ı-turaqsız mug’dar bolıp
esaplanadı. Olar temperaturanın’, o’siwinin’, zat almasıw protsesslerinin’ o’zgeriwi menen
o’zgeredi. Mısalı: pelagikalıq balıqlardın’ ma’yekleri o’siwi menen awırlasadı. Gidrobiontlardın’
salıstırmalı salmag’ının’ o’zgeriwi h’a’r tu’rli jollar menen o’tedi.
Plankton organizmlerinin’ quramında suw u’lken mug’darda boladı 97-99,5 %
(meduzalar). Sol sebepli olar tınıq mo’ldir bolıp keledi h’a’m 90 % jaqtılıqtı denesi arqalı o’tkere
aladı.
Mısalı: Calanoida, Leptodora, Choborus.
Ko’plegen gidrobiontlarda salıstırmalı salmaq tsitoplazmadan awır ionlardı shıg’arıp
taslawı h’a’m jen’il ionlar kontsentratsiyası joqarı bolg’anlıg’ı na’tiyjesinde kemeyedi.
ko’plegen gidrobiontlardın’ denesi gilkildekler menen o’zinin’ razmerlerinen de u’lken bolıp
keledi.
Salıstırmalı salmaqtı kemeytiriw organizm denelerinde jen’il zatlardın’ toplanıwı arqalı da
erisiledi, mısalı: may h’a’m gaz. Bir qatar planktonlar gaz vakuolların payda etedi, al basqaları
kraxmal ornına maylardı jıynaydı.
Salıstırmalı salmaqtın’ kemeyiwi denedegi payda bolg’an o’siwlerdin’ reduktsiyalanıwı
na’tiyjesinde de bolıp o’tedi.
Plankton organizmlerinin’ razmer gruppaları: Denesinin’ razmeri kishi bolg’an sayın onın’
salıstırma denesi de u’lken bolıp keledi. Razmeri u’lken bolg’an sayın salıstırma beti pa’seyedi.
Plankton organizmlardın’ ko’pshiligi kishi mayda h’a’m mikroskopik bolg’anlıg’ı sebepli, olar
pa’lpellewshi tirishilik etiwge beyimlesken. Razmerlerine qaray plankton organizmleri to’mengi
gruppalarg’a bo’linedi:
-megaloplankton (megalos-u’lken). Onın’ razmeri 1 m aslam, mısalı: meduza Cyanea
arctica~
-makroplankton (makros-iri) razmeri 1-100 sm. mısalı: meduzalar, shayanlar h’a’m t.b.;
-mezoplankton (mesos-ortasha) razmerleri 1-10 mm, mısalı: fitoplankton, kolovratkalar;
-mikroplankton (razmeri 0,05-1 mm.
-panoplankton (nannos -irgejeyli) 0,05mm to’men mısalı: bakteriyalar,shalan’lar t.b.
Planktonnın’ ekologiyalıq gruppaları: Tirishilik etiw tsikllerine baylanıslı goloplakton
(golos-turaqlı) h’a’m meroplakton (meros-bo’lim) bolıp bo’linedi. Birinshi gruppag’a o’zinin’
aktiv jasaw da’wirinde suw qalın’lıg’ında tirishilik etiwshiler kiredi. Ekinshi gruppag’a
o’mirinin’ tek g’ana bir periodlarında suw qalın’lıg’ına shıg’ıwshı organizmlar kiredi.
Neyston
Neyston ondag’ı wa’killerdin’ jasaw usılı boyınsha epineystong’a h’a’m giponeystong’a
bo’linedi. Epineyston wa’killerine suw beti plenkasının’ h’awa ta’repinde jasawshılar kiredi.
Olardın’ deneleri suwlanbaydı mısalı: pite, qandalalar ten’izdegi h’a’m okeandag’ı (Halobates,
Ephydra shıbınları) h’a’m t.b.
Giponeystong’a qalın’lıg’ı 5 sm bolg’an suw betinin’ en’ joqarg’ı qatlamında jasawshılar
kiredi.
Quramı boyınsha bul mayda uwıldırıqlar, qurtlar. Jası boyınsha ten’izdegi en’ jas forma.
Epineyston h’a’m giponeyston jasawshı orınlar esaplang’an suw beti ku’n radiatsiyasının’
ku’shli ta’sirinde boladı, suw massasının’ u’lken qozg’alıslıg’ında boladı h’a’m bul jerde
biologiyalıq aktiv organizmler jasaydı. Bul jerde aktiv biologiyalıq nurlar boladı. Suw beti
plenkasında u’lken mug’darda organikalıq zatlar jıynaladı. Organikalıq zatlardın’ bul jerde
toplanıwı teren’ qatlamlarg’a salıstırg’anda ju’z-mın’ ese ko’p.
Organikalıq zatlardın’ toplanıw derekleri: qurg’aqlıqta jasaytug’ın qurt-qumırsqa o’lileri,
suw astı plankton o’lileri (olardın’ o’liminen son’ suw betine qalqıp shıg’ıwı anıqlang’an);
qurg’aqlıqtan h’a’r tu’rli organikalıq zatlardın’ keliwi.
Suwda eriwshi fraktsiyalardın’ ko’beyiwine gaz ko’bikleri u’lken ta’sir jasaydı.
Ko’bikleniw protsessi u’zliksiz dawam etedi. Ko’bikleniw shalan’lardın’ h’a’m h’a’r qıylı
h’aywanlardın’ qurtlarının’ rawajlanıwına h’a’m o’siwine sharayat jaratadı.
Gidrobiologiyanın’ ulıwma printsipleri h’a’m tu’sinikleri
Tiri materiyanın’ h’a’r qıylı du’zilis da’rejesin o’zinde ko’rsetiwshi organizmler,
populyatsiyalar, tu’rler h’a’m biotsenozlar h’a’r qıylı rangtegi biologiyalıq sistema bolıp
esaplanadı.
Basqa sistemalar sıyaqlı, olar bir -biri menen baylanısta bolatug’ın elementlerdin’
jıynag’ı bolıp esaplanadı.
Biosistema h’a’m sırtqı ortalıq bir pu’tin retinde bir-biri menen baylanısta boladı, bunda
sırtqı h’a’m ishki jag’daydın’ o’zgeriwinde de ulıwma elementlerdin’ bir-biri menen baylanıs
strukturasın saqlaydı. Barlıq biosistemalar o’zin-o’zi sho’lkemlestiriwshilerge kiredi. Barlıq
biologiyalıq sistemalar jeke bo’leklengen tu’rde bolmaydı, al sırtqı ortalıqtın’ h’a’r qıylı
elementleri menen tıg’ız baylanısta jasaydı.
Ortalıq-bul sırtqı du’nyanın’ barlıq elementi emes, al tek biologiyalıq sistema menen
baylanısta bolatug’ın h’a’m onın’ ta’sirine iykemlesken bo’limi. ms: grunt-suw astındag’ı jeri-
suw tu’binde jasawshı organizmler ushın ortalıq elementi, al suw qabatında jasawshılar ushın
emes, biraq qosımsha ta’sir etiwi mu’mkin. Organizmlerdin’ jasawı ushın ta’sir etiwshi ortalıq
Dostları ilə paylaş: |