organizmlerdin’ tirishilik etiwindegi ekologiyalıq tiykarları (azıqlanıwı, dem alıwı, osmoregulyatsiya h’a’m t.b.) alıp
qaraladı.
Suw-jasaw sharayatı sıpatında. Suw basqa ximiyalıq zatlar menen salıstırg’anda, bir qatar o’zgeshe
ayırmashılıqlı qa’siyetlerge iye h’a’m organizmlerdin’ tirishilik etiwinde u’lken a’h’miyetke iye. Birinshi gezekte
suwdın’ jıllılıq qa’siyetlerin aytıwg’a boladı: salıstırmalı joqarı jıllı tartqıshlıg’ı, pa’s jıllılıq o’tkeriwsheligi,
muzlatqanda ken’eyip ketiwi. qa’biletleri. Suwdın’ jıllıq tartqıshlıg’ı 4190 Dj/(kg
.
K) ten’. Joqarı salıstırmalı jıllılıq
tarqıshlıg’ı sebepli suw u’lken mug’darda jıllılıqtı qabıl etip aladı, biraq pa’s jıllılıq o’tkeriwshiligi sebepli qorshap
turg’an aynalag’a jıllılıqtı a’stelik penen beredi. Usınday qa’siyetlerinin’ sebebinde suw basseyindegi
temperaturanın’ turaqlıg’ı menen h’a’m aynalanın’ o’zgeriwinin’ a’steligi h’a’m izbe-izligi menen ajıralıp turadı.
Bul ko’pshiliginde salqın deneli bolıp tabılıwshı gidrobiontlar ushın u’lken a’h’miyetke iye. Muz suwg’a qarag’anda
kishi salıstırmalı salmaqqa iye sonın’ ushın ol suwdın’ betinde boladı h’a’m qalg’an suw bo’legin keyingi
muzlanıwdan saqlaydı.
Suw h’awag’a qarag’anda u’lken tıg’ızlıqqa iye (10
3
kg/m
3
) sonın’ ushın bul gidrobiontlar ushın u’lken
a’h’miyetke iye. Ko’plegen o’simlikler h’a’m h’aywanlar tu’rleri o’miri dawamında aralaspag’an tu’rde jasaydı.
Suwdın’ u’lken tıg’ızlıg’ı gidrobiontlar du’zilisin de belgileydi, olardın’ ko’pshiligi ishki yamasa sırtqı skeletsiz
h’a’m jumsaq deneli bolıp keledi. Suwdın’ h’a’reketleniwi organizmlerdin’ tarqalıwında u’lken rol oynaydı.
Ag’ıslar h’aywanlar ma’yeklerin, uwıldırıqların h’a’m o’simliklerdin’ sporaların alıs aralıqlarg’a jetkeredi.
Qurg’aqlıqqa salıstırg’anda gidrosferadag’ı tirishiilikke basım ta’siri (gidrostatikalıq basım) en’ a’h’miyetli
o’zgeshelik bolıp esaplanadı.
Suwda kislorodtın’ az mug’darda bolıwı sebepli ondag’ı gidrobiontlardın’ ko’pshilik bo’legi salqın deneli
bolıp tabıladı.
Suw orınlarındag’ı biotoplar.
Ha’r bir tu’rdin’ jasawı ushın belgilengen fizikalıq-ximiyalıq h’a’m biologiyalıq sharayat za’ru’r boladı.
Sonın’ ushın tu’rlerdin’ suwdag’ı bo’listiriliwi menen olardın’ jasaw orınları tıg’ız baylanıslı. Jasaw ornı-biotop
(grekshe bios-tirishilik, Topos-orın);
Ko’pshilik jag’dayı birgeliklik penen ajıralıp turıwshı h’a’r qıylı maydanlı yamasa ko’emli rayon-biotop
dep ataladı. Biotop organikalıq yamasa anorganikalıq ta’biyatlı bolıwı mu’mkin. (Mısalı: parazitlerde).
Suw orınlarında tiykarg’ı eki biotop ajıratıladı:
1) tu’p, ultan-bental (benthas- teren’lik) h’a’m 2) suw qalın’lıg’ı-pelagial (pelagos-ten’iz). Teren’lesken
sayın suwdag’ı jasaw, sharayatı keskin o’zgeredi. Sol menen birge jasawshılardın’ quramı, sanlı rawajlanıw
da’rejesi h’a’m bir qatar biologiyalıq o’zgeshelikleri de (mısalı: azıqlanıw usılı, morfologiya, ko’beyiwi, xarakteri
h’a’m t.b.) o’zgeredi. Teren’lik boyınsha bunday ayırmashılıqlar izbe-iz jaylasqan h’a’m tigine bir-birin almastırıp
barıwshı tirishilik zonalardın’ payda bolıwına alıp keledi.
Ten’izler h’a’m okeanlar bentalı.
Ha’zirgi waqıtqa shekem ten’iz ultanının’ biologiyalıq bo’liniwinin’ ko’pshilik qabıl etken birden-bir
sxeması joq.
Materiklik sayızlıqta bir-birin izbe-izlikte 3 zona almastıradı: supralitoral, litoral, sublitoral. Materiklik
sayızlıqtın’ to’mengi shegaraları ja’h’a’n okeanının’ h’a’r qıyın rayonlarında h’a’r tu’rli bolıp keledi: onın’ ortasha
teren’ligi 200 m o’tedi, biraq 500-800 m shekem jetiwi mu’mkin (mısalı: Arqa ten’izlerinde h’a’m Arktika
ten’izlerinde), ortasha ken’ligi-70 km shekem, en’ u’lken ken’lik Arqa Muz okean ten’izlerinde 1200 km jetedi.
Supralitoral zona (supra-u’stinen, joqarı)-ten’iz benen qurg’aqlıqtın’ shegarasındag’ı ayrıqsha oblast. Ol
maksimal tasqınnın’ qa’ddisinen joqarı jaylasqan. Supralitoral tolıg’ı menen samallar waqtında suw menen
qaplanadı, al basqa waqıtları jag’a tolqınları ta’sirinde boladı. Bul zonada jasawshılar sapalı qatnasıqta jarlı az bolıp
keledi, biraq ayırım wa’killerinin’ sanı ju’da’ joqarı.
Litoral (Litus-jag’alıqlıq) yamasa tasqınlıq-qaytıwlıq zona. Qa’ddinin’ tasqınlıq-qaytıwlıq o’zgerisler
amplitudası ortasha 0,5-2,0 m quraydı. Ja’h’a’n okeanının’ ayırım rayonlarında tasqınlıqlar ba’lentligi 12-16 m.
jetedi; maksimal ko’rsetkish Kanadadag’ı Ptikodnak da’ryasının’ quyar jerinde belgilengen-18,5 metr. Qurg’aqlıq
zonasının’ ken’ligi 10-15 metrden aspaydı, biraq ayırım ten’izlerde ol bir neshe kilometrdi quraydı. Litoral ushın
aynalanın’ barlıq fizikalıq -ximiyalıq faktorlarının’ turaqsızlıg’ı menen xarakterlengen. Sonın’ ushın da ondag’ı
jasawshılar periodikalıq o’zgerislerge jaqsı u’yrenisken: ko’plegen litoral balıqları h’a’m omırtqasızları amfibiyalıq
bolıp esaplanadı, olar uzaq mu’ddette de suwdan tısqarıda da jasay aladı. Mısalı Blenniidae-ten’iz iytleri
semyasının’ ayırım balıq tu’rleri. Tropikalıq balıqlar-perpoortalmuslar h’awa aynalasında 37 saatqa shekem bolıwı
mu’mkin.
Sublitoral (sub-astında) litoraldan to’menirek jaylasqan, onın’ ken’ligi sayızlıqtın’ ken’ligi menen baylanıslı
bolıp bir neshe kilometrdan bir neshe ju’z kilometrge jetedi. Sublitoraldı joqarg’ı h’a’m to’mengi astı zonalarg’a
bo’ledi. Joqarg’ı zonada jaqtılıqtın’ ta’siri ku’shli, temperaturanın’ ma’wsimlik o’zgeriwleri ju’da’ ta’siri. Bular orta
oblastlarda ayrıqsha bilinedi. 50-60 m aslam teren’likte to’mengi astı zona jaylasqan. Sublitoraldın’ bul rayonlarında
suwdın’ temperaturasına ma’wsimlik o’zgeriwlerdin’ ta’siri sezilmeydi, jaqtılıq keskin pa’seyedi. Eger joqarg’ı astı
zonada ultan to’gindileri h’a’r qıylı bolıp kelse, to’mengi zonada ultan balshıqlı.
Batial (bathus-teren’) 1700 m teren’likke shekem barg’an materiklik tu’serlikte jaylasqan.
Maksimal
teren’ligi 2500-3000 m. jetedi. Ja’h’a’n okeanının’ ulıwma maydanının’ 14,5 % shamalas batialg’a tuwrı keledi.
Ultannın’ bul bo’legi quramalı relefı menen ajıralıp turadı: tikke tu’siwshi jarlar tegis biyiklikler h’a’m oyıqlar
menen almasıp turadı. Bul jerlerde jumsaq sho’gindiler jıynaladı. Batial shen’berindegi suw massaları turaqlı
temperaturag’a, duzlanıwg’a kislorod penen toyıng’anlıqqa iye.
Abissal (abyssos-tu’psiz). Batial h’a’m abissal aralıg’ında 2500-3500 m teren’likte anıq belgilengen o’tiw
oblastı bar. Bul jerde faunanın’ sekirmeli almasıwı bolıp o’tedi. Ondag’ı tu’r quramının’ keskin o’zgeriwi ortasha
3000 m shamalas teren’likte bolıp o’tedi. Usı jerden abissaldın’ joqarg’ı shegarası o’tedi. Biraq tropiklerge jaqın
onın’ shen’berleri teren’lesip baradı, al ekvator rayonında 4800 m teren’likte jaylasqan. Abissal zonası okean
sayının’ u’lken ken’isliklerin iyeleydi. Ol ja’h’a’n okeanının’ 82 O’ aslam maydanın iyeleydi. Abissal jasaw
sharayatının’ bir qıylılıg’ı menen ajıralıp turadı. Suwdın’ temperaturası 1,2-3,6 °S shen’berinde o’zgeredi, azıqlanıw
resursları ju’da’ az kislorodtın’ mug’darı joqarı, gidrostatikalıq basım teren’likte 600 Pa jetedi.
Ultraabissal. 6000 m teren’likte faunanın’ tu’r quramının’ zonasın ajıratıwg’a tiykar saldı. Onın’ teren’ligi
okeannın’ maksimal teren’ligi menen sa’ykes keledi-11022 m. Nawalardın’ ko’ldenen’ kesigi U formalı bolıp
keledi. Tu’bi gorizontal jag’dayda boladı h’a’m ken’ligi bir neshe kilometrden aspaydı, en’ ken’ jerleri 20-40 km
boladı, 27 belgili nawalardan 21 Tınısh okeanında jaylasqan. Ultraabissal zonanın’ o’zgesheligi onın’ joqarı
gidrostatikalıq basımı-1100 Pa.
Ten’izlerdegi h’a’m okeanlardag’ı pelagial.
Okean suwının’ qalın’lıg’ı gorizontal bag’darda, eki zonag’a bo’linedi: jag’alawdag’ı yamasa neritikalıq
(nerites-jag’alıq) h’a’m okeanlıq. Neritikalıq zona sayızlıqtın’ u’stinde jaylasqan. Onın’ suwları materikten
tu’setug’ın ag’ımlar arqalı h’a’m intensiv tik tsirkulyatsiya arqalı biogenlik elementler h’a’m organikalıq zatlar
menen turaqlı tu’rde toyınıp turadı. Jasawshıları sanalı h’a’m sapalı tu’rde salıstırg’anda okeanlıq zonag’a