75
Toyçiçəyi (Süleyman möhürü) – Zanbaqçiçəklilər fəsiləsinə aid olan çoxillik bitkidir. Bitki
latın dilində «Polygonatum», rus dilində «Kupeça» adlanır. Dekorativ bitkidir. Lüğəti mənası
polis- çox, qonum- sərhəd deməkdir. Cavan zoğ və kökümsovları suda isladılır, pörtülmüş və ya
yağda qızardılmış halda qidada istifadə olunur. Azərbaycan florasında 3 növü məlumdur. MNB-
da kolleksiyada becərilir.
Tozağacı- Tozağacıçiçəklilər fəsiləsinə aiddir. Bitki latın dilində «Betula», rus dilində
«Bereza» adlanır. Oduncağı inşaat materialı, həmçinin boya, dekorativ və çox qiymətli dərman
əhəmiyyətlidir. Şirəsində 1% şəkər vardır ki, bunlardan da buğa verilməsi yolu ilə qatı meyvə
şərbəti alınır. Əhali tozağacı şirəsindən təzə halda, cörək məmulatlarına şirinlik vermək ücün
şirintəhər içkilər hazırlayır. Tozağacının yarpaqlarından təbabətdə sidikqovucu kimi istifadə
olunur. Qurudulmuş yarpaqlarının tərkibində 250-500 qamma A vitamini vardır. Yarpaqlarında
167,9-312 mq%, tumur-cuqlarında isə 70 mq% C vitamini olur. Yarpaqlarından vitaminli içkilər
hazırlanır. Tozağacının qabığında pirakatexinlər sırasından olan aşı maddə-ləri vardır. Qabıq və
yarpaqları yun parçanın sarı və yaşıl rəngə boyan-masında istifadə olunur. Azərbaycan florasında
3 növü məlumdur. MNB-nın kolleksiya sahəsində becərilir.
Tozbaş səhləb- Səhləbçiçəklilər fəsiləsinə aid olan çoxillik bitkidir. Bitki latın dilində
«Cephalanthera» adlanır. Lüğəti mənası kefale-baş,anthera-tozcuq deməkdir. Rus dilində
«Pılğüeqolovnik» adlanır. Dekorativ və dər-man (qaraciyər xəstəliklərinin müalicəsində istifadə
olunur) bitkiləridir. Azər-baycan florasında 5 növü məlumdur.
Traxikarpus- Palmakimilər fəsiləsinə aiddir. Bitki latın dilində «Trachycarpus», rus dilində
«Traxikarpus» adlanır. Lüğəti mənası traxis-kələ-kötür, karpos-meyvə deməkdir. Bu palmanın
lifləri kənd əhalisi tərəfindən geniş istifadə olunur, bunlardan şlyapa (papaq), yağışdan qorunmaq
üçün çətir (örtük), döşəklər, həsir, diş fırçası hazırlanmasında istifadə olunur. Azərbaycan
florasında Yüksək traxikarpus növü məlum-dur. MNB-da kolleksiyada becərilir.
Tubulqa (Ölməzkol)- Gülçiçəklilər fəsiləsinə aiddir. Bitki latın dilində «Pyracantha»
adlanır. Lüğəti mənası pir-od, akantos-tikan deməkdir. Rus dilində «Pirakanta» adlanır.
Meyvələri quşlar tərəfindən yeyilir. Meyvələrində 11,7-50 mq% C vitamini vardır. Çoxlu nektar
və tozcuğu olan balverən bitkidir. Gözəl bəzək bitkisi olub, qırmızı meyvələri çox yaraşıqlı
görünür. Bitkiyə bağ qayçısı vasitəsilə müxtəlif formalar vermək mümkündür. Azərbaycan
florasında Qırmızı tubulqa (Pyracantha coccinea) növü məlumdur. MNB-da kolleksiyada sarı,
narıncı, qırmızı meyvəli və xırda yarpaqlı növləri becərilir.
Tunq (Yağ ağacı)- Südləyənkimilər fəsiləsinə aiddir. Bitki latın dilində «Aleurites», rus
dilində «Tunq» adlanır. Toxumlarından alınan (60-65%) piyli-yağ əlif yağı istehsalında əvəzsiz
xammal olmaqla, tərkibində 82%-ə qədər eleostearin turşusu vardır. Tunq yağından yüngül və
toxuculuq səna-yesində su keçirməyən parçaların, süni dərilərin, linolium, klyonka, qaloş üçün
lak, emal və s. hazırlanır. Tunq yağı və alüminium oksidindən hazırlanmış tunqatalümin
odadavamlı və su keçirməyən materialdır. Yaponlar tunq yağından his verməyən və parlaq alovla
yanan yanacaq kimi də istifadə edirlər. Yağ alındıqdan sonra qalan cecədən (kütlədən) qara tuş,
mürəkkəb düzəldilir, gübrə və yanacaq kimi istifadə edilir. Azərbaycan florasında 2 növü vardır
ki, bunlar da mədəni şəraitdə becərilir.
Turacotu- Kəpənəkçiçəklilər (Mürəkkəbçiçəklilər) fəsiləsinə aid olan çoxillik bitkidir.
Bitki latın dilində» «Leucanthemum» adlanır. Lüğəti mənası leukos-ağ, anthemos-çiçək
deməkdir. Rus dilində «Nivənik» adlanır. Toxumlarında qatı yağ vardır. Dərman və dekorativ
bitkidir. Azərbaycan florasında Adi turacotu (Leucanthemum vulgare) növü məlumdur.
Turp- Kələmçiçəklilər (Xaççiçəklilər) fəsiləsinə aid olan ikiillik bitkidir. Bitki latın dilində
«Brassica rapa», rus dilində «Repa» adlanır. Turpun bir çox növləri vardır ki, bunlardan biri də
ağ turpdur. Ağ turpun kök meyvələri təzə halda tərəvəz kimi müxtəlif salatların hazırlanmasında
istifadə olunur. Onun kök meyvələrinin tərkibində 88,6% su, 1,9% zülali maddə, 7%
karbohidratlar, o cümlədən 1,5% şəkər, 0,2% efir yağı, 1,5 sellüloza, 1,0% kül elementləri, 11-39
mq% C, 0,03 mq% A provitamini, 0,08 mq% B
1
, 0,03 mq% B
2
, 20 mq% P və 0,25 mq% PP
76
vitaminləri vardır. Turpun müalicəvi əhəmiyyəti də böyükdür. Xalq təbabətində onu şəkərlə
qarışdırıb arteroskleroz, hipertoniya, böyrəkdə daş olduqda sidikqovucu və daşsalıcı kimi istifadə
olunur. Turpun şirəsi sinədə bəlğəmi, bronxial astmanı, göy öskürəyi, həmçinin qaraciyər, öd
xəstəliklərini müalicə etmək üçün istifadə olunur.
Turpca- Kələmçiçəklilər (Xaççiçəklilər) fəsiləsinə aid olan birillik və ikiillik bitkidir. Bitki
latın dilində «Raphanus» adlanır. Lüğəti mənası ra-tez, cəld, sürətlə, görsənmək deməkdir. Rus
dilində «Redğka» adlanır. Kökü yeməlidir, C, B vitaminləri ilə zəngindir. Toxumlarında 40-45%
qatı yağ vardır. Azərbaycan florasında 3 növü məlumdur.
Turpəng- Kələmçiçəklilər (Xaççiçəklilər) fəsiləsinə aid olan birillik bitkidir. Bitki latın
dilində «Rapistrum» adlanır. Lüğəti mənası rapa-şalğam deməkdir. Rus dilində «Repnik» adlanır.
Azərbaycan florasında QarıĢıqlı turpəng növü məlumdur.
Turşərək- Qırxbuğumkimilər fəsiləsinə aid olan çoxillik bitkidir. Bitki latın dilində
«Oxyria» adlanır. Lüğəti mənası oksyus-turş deməkdir. Rus dilində «Kisliçnik» adlanır.
Yarpaqları əvəliyin yarpaqlarına oxşayır, turşməzədir. Qiymətli tərəvəz və dərman bitkisi olub,
müxtəlif yeməklərin hazırlanmasında istifadə olunur. Azərbaycan florasında Hündür turĢərək
növü məlumdur. MNB-da 2 növün kolleksiyası becərilir.
Tut- Tutkimilər fəsiləsinə aiddir. Bitki latın dilində
«Morus», rus dilində «Şelkoviüa»,
«Tut» adlanır. Xartutun meyvələri qidada təzə və quru-dulmuş halda istifadə olunur.
Meyvələrindən şirə, sirkə hazırlayırlar və mü-rəbbə bişirirlər. Yarpaqlarında 240-370 mq% C
vitamini vardır. Yarpaq-larından sarı boya alınır. Ağ tut meyvələrində 25%-ə qədər şəkərlər, 2,7-
2,8% üzvi turşular, 0,08% aşılayıcı maddələr, 1,46% azotlu maddələr və müxtəlif vitaminlər
vardır. Təzə və qurudulmuş meyvələri ürək-damar, qanazlığı, qaraciyər xəstəliklərinin
müalicəsində çox faydalıdır. Meyvələrdən hazırlanmış bəhməz (doşab) qaraciyər, xroniki mədə
xəstəliklərinin müalicəsində və ürək zəifliyi zamanı əvəzsiz təbii müalicə vasitəsidir.
Yarpaqlarından hazırlanmış dəmləmə ürək ağrılarını götürür. Budaqların qabığı qurudulduqdan
sonra həvəngdəstədə döyülərək toz halına salınır və ondan hazırlanan dəmləmə qarın ağrıları
zamanı istifadə edilir. Azərbaycan florasında 2 növü məlumdur. MNB-da kolleksiyada becə-rilir.
Tuya (Səlb)- Sərvkimilər fəsiləsinə aiddir. Bitki latın dilində «Thuja», rus dilində «Tuə»,
«Biota» adlanır. Qiymətli dekorativ bitkidir. Toxumlarla və vegetativ çoxaldılır. Həmişəyaşıl
bitki kimi yaşıllaşdırmada canlı çəpər kimi, müxtəlif formalı (şar, kvadrat, burğu və s.) yaşıllıq
düzəltmək üçün istifadə olunur. MNB-da kolleksiyada becərilir.
Tüklücə- Cilçiçəklilər fəsiləsinə aid olan çoxillik bitkidir. Bitki latın dilində
«Eriophorum»
adlanır. Lüğəti mənası erioforos-narın tük daşıyan deməkdir. Rus dilində «Puşiüa» adlanır.
Azərbaycan florasında 2 növü məlumdur.
Tülküquyruğu- Qırtıckimilər (Taxıllar) fəsiləsinə aiddir. Bitki latın dilində «Alopecurus»
adlanır. Lüğəti mənası alopeks-tülkü, ura-quyruq deməkdir. Rus dilində «Lisoxvost», «Batlaçik»
adlanır. Yem bitkisidir. Azərbaycan florasında 11 növü məlumdur.
Tütəkotu- Kərəvüzkimilər (Çətirçiçəklilər) fəsiləsinə aid olan çoxillik bitkidir. Bitki latın
dilində «Angelica» adlanır. Lüğəti mənası angelus-mələk deməkdir. Rus dilində isə «Dudnik»
adlanır. Azərbaycan florasında Tat-yana tütəkotu (Angelica tatianae) növü məlumdur.
Tütün (bax: Tənbəki)
Ulaxqanqalı (Sarıçiçək, yalançı zəfəran)- Kəpənəkçiçəklilər (Mürək-
kəbçiçəklilər) fəsiləsinə aid olan birillik bitkidir. Bitki latın dilində «Cart-hamus» adlanır. Lüğəti
mənası katairo-təmizləmə deməkdir. Rus dilində «Saflor» adlanır. Ərzaq (yalançı zəfəran kimi
istifadə edilir), boya (sarı və qırmızı boya kimi xalçaçılıqda və ərzaq məhsulları istehsalında),
yem (yaşıl yem, saman, silos), bəzək bitkisidir, ondan yağ (əlif) alınır. Azərbaycan florasında 5
növü məlumdur.
Ulduzmeyvə- Süsənbərçiçəklilər fəsiləsinə aiddir. Bitki latın dilində
«Damasonium», rus
dilində «Zvezdoplodnik» adlanır. Azərbaycan florasında Baqəvərkimilər ulduzmeyvəsi
(Damasonium alisma) növü vardır.