40
ş
iddətli dərəcədə eroziya uğramış növlərlə müqayisə etdikdə aydın olur ki,
eroziya prosesi nəticəsində torpaqların mexaniki tərkibi xeyli yüngülləşmişdir.
Yumşaq çimli dağ-çəmən torpaqlarının fiziki-kimyəvi xassələri eroziya
prosesi nəticəsində xeyli pisləşmişdir. Təbii şəraitdə yumşaq çimli dağ-çəmən
torpaqlarının səthi yuyulmaya məruz qalmış, lakin antropogen amilin təsiri
ilə, əsasən otlaqların nizamsız və intensiv otarma nəticəsində bitki örtüyünün
pozulmasına,eroziya prosesinin asanlıqla getməsinə şərait yaradır.
Bozqır dağ-çəmən torpaqları. Bu torpaqların ayrıca torpaq tipi kimi
ayrılması müxtəlif ədəbiyyatlarda öz əksini tapmışdır. Eyni adlı torpaqlar “
qəhvəyi dağ-çəmən “ adı altında cənubi Qırğızıstanda, şimali Qafqazda qeyd
olunmuşdur. Bu torpaqların həmin ərazilərdə geniş sahədə yayılıb inkişaf
etdiyi qeyd olunurdu.
Bozqır dağ-çəmən torpaqlarının Kiçik Qafqazın subalp qurşağında
inkişaf edib yayılması zəif öyrənildiyindən 1943-cü ildə tərtib edilmiş
Azərbaycanın ilk torpaq xəritəsində və 1953-cü ildə nəşr edilmiş
“Azərbaycan torpaqları”monoqrafiyasında öz əksini tapmamışdır. Eyni
zamanda Cənubi Qafqazın digər ərazilərində, o cümlədən Gürcüstan və
Azərbaycanda bozqır dağ-çəmən torpaqlarının öyrənilib, tədqiq edilməsi arxa
plana keçmişdir. Bu torpaqlar dağ-çəmən, dağ-meşə torpaqları arasında keçid
zonasında inkişaf etdiyinə görə, uzun müddət onların öyrənilməsinə fikir
verilməmişdir.
Azərbaycan ərazisində bozqır dağ-çəmən torpaqları Kiçik Qafqazda
Gədəbəy və Laçın rayonları ərazisində və Naxçıvan MR-in əsasən cənub-şərq
hissəsində yayılmışdır.
Bu torpaqların Muxtar Respublika ərazisində yayılması zona səciyyəsi
daşımaqla dəniz səviyyəsindən 2000-2900 m yüksəklikdə şimal-qərbdən
cənub-şərq istiqamətində əksərən cənub yamaclarında inkişaf etmişdir. Bozqır
dağ-çəmən torpaqları relyef və iqlim şəraiti ilə əlaqədar zonanın qərb
hissəsində daha az sahəni tutur. Muxtar Respublikanın yüksək dağlıq
hissəsində mərkəzdən fərqli olaraq qərb və şərqdə kontinentallıq artmaqla
41
yanaşı yağıntıların miqdarı tədricən azalır. Bu xüsusilə dağlıq yaylasından
gələn quru hava kütlələrinin təsirinə daha çox məruz qalan şimal-qərb
hissədə kəskin şəkildə hiss olunur. Göründüyü kimi, bozqır dağ-çəmən
torpaqlarının yayıldığı ərazilər üçün əksər hallarda buxarlanmanın yağıntıdan
üstün olması və rütubət çatışmamazlığı səciyyəvidir. Bozqır dağ-çəmən
torpaqları belə bir şəraitdə inkişaf etdiyindən bitki örtüyü əsasən quraqlığa
davamlı gəvən, qatırquyruğu, kəklikotu, və digər paxlalı dənli bitkilərdən
ibarətdir.
Bozqır dağ-çəmən torpaqlarının formalaşması ərazinin yüksək dərəcədə
drenləşməsi, kontinental iqlim və mövcud bozqır-çəmən bitki örtüyü şəraitində
gedir. Torpaq əmələgəlmə prosesi quru kontinental iqlim şəraitində
getdiyindən üzvi maddələrin parçalanması prosesi çox zəif getdiyi halda,
minerallaşma prosesi çox sürətlidir. Bununla əlaqədar torpaqda üzvi
maddələrin toplanması üçün şərait Kiçik Qafqazın digər yüksək dağlıq zonası
torpaqlarından fərqli olaraq o qədər də əlverişli deyildir.
Bozqır dağ-çəmən torpaqları əsrlər boyu yay otlağı və örüş kimi
istifadə olunduğundan, səthində çoxlu miqdarda cığırlar əmələ gəlmiş,
tapdalanmış, bitki örtüyü pozulmuş, torpağın strukturu tozlanmışdır. Ona görə
də belə torpaqlar asanlıqla suyun dağıdıcı təsirinə məruz qala bilir.
Bozqır dağ-çəmən torpaqları morfoloji xüsusiyyətlərinə görə çim qatının
nisbətən maddələrdən tamamilə yuyulması və karbonatlı illivial qatın
olmaması ilə səciyyələnir. Bu torpaqlar mexaniki tərkibinə görə əsasən
gillicəli olub, fiziki gilin miqdarı 46,1-28,5 % arasında dəyişir.
42
II Fəsil.Naxçıvan MR-in dağlıq zonasında eroziya prosesinin
inkiş afı və onun yaratdığ ı ekoloji nə ticə lə r
Torpağın eroziyası (latın sözü olub, erosio-yeyilmə deməkdir ) – onun
yuxarı məhsuldar qatının dağılması və süxurların küləklə sovrulması (külək
eroziyası), yaxud su ilə yuyulmasıdır. Eroziya prosesinə sənaye eroziyasını,
hərbi eroziya, otlaq eroziyası, irriqasiya və s. aiddir. Lakin bizim ölkədə və
dünyada əsas eroziya su və külək eroziyası sayılır [19].
Naxçıvan MR-in dağlıq zonası eroziyanın inkişafı üçün ən əlverişli
ə
razilərdən biridir. Burada su eroziyasının bütün növlərinin inkişafı üçün real
şə
rait var. Ərazinin relyef xüsusiyyətləri, seyrək bitki örtüyü, iqlim amilləri və
insanın təsərrüfat fəaliyyəti eroziyanın inkişafını sürətləndirir. Eroziya
nəticəsində torpağın özünün təbii-ekoloji mühiti pisləşməklə yanaşı onun
məhsuldarlığı da xeyli azalır.
Azərbaycan eroziyanın intensiv vüsət aldığı ölkələrdəndir. Ölkəmizin
təbii ekoloji, relyef-iqlim şəraiti su və külək eroziyasının inkişafına zəmin
yaradır. Respublikamızda eroziyanın intensiv getdiyi regionlar Böyük və Kiçik
Qafqaz dağlarının yamaclarıdır. Bu regionlar içərisində eroziyanın inkişafına
görə Naxçıvan Muxtar Respublikasının dağlıq zonası xüsusi yer tutur.
Naxçıvan MR-də eroziya prosesinin inkişafı məsələləri ilə S.A.Zaxarov,
S.Q.Məhərrəmov, V.V.Akimtsev, M.Ə.Salayev, H.Ə.Əliyev, Q.F.Əliyev və s.
tədqiqatçılar məşğul olublar. Bitki örtüyünün daha zəngin sistemə malik
olmasında atmosfer və biosfer arasında çox tərəfli əlaqə yaradılmasında
meşələrin əvəzedilməz əhəmiyyəti vardır. Naxçıvan ərazisində demək olar ki,
meşələr yox dərəcəsindədir.
Naxçıvan Muxtar Respublikası torpaq eroziyasının təsirinə ən çox
məruz qalmış regiondur. Burada su eroziyasının inkişafı üçün əlverişli təbii
şə
rait var. Seyrək bitki örtüyü, mürəkkəb relyef, rəngarəng iqlim göstəriciləri
və antropogen faktorun təsiri şəraitində eroziya prosesi çox intensiv
Dostları ilə paylaş: |