48
növbədə onunla izah edilməlidir ki, Şahbuz rayonu ərazisində bitki örtüyü
yaxşı inkişaf edib. Burada eroziyaya uğramış torpaqlar rayonun ümumi
ə
razisinin 28-29 %ni təşkil edir. Müvafiq olaraq Şərur rayonunun dağlıq
hissəsində quraq iqlimlə əlaqədar bitki örtüyündən kasad ərazilərdə eroziya
prosesi geniş yayılaraq rayonun ərazisinin 80 %-dən çoxunu tutur. Ordubad
və Culfa rayonlarında bitki örtüyü Şahbuza nisbətən zəif inkişaf etdiyindən
burada torpaqların 56,2-55,4 % eroziyanın təsirinə məruz qalıb. Burada
eroziyanın sürətli inkişafını səciyyələndirən əsas amillərdən biri də relyefin
kəskin parçalanması ilə əlaqədardır, dik yamacların üstünlük təşkil
etməsidir[31].
Muxtar Respublikanın dağlıq zonasında yamaclarda eroziyanın inkişafı
həmin ərazilərdə yayılmış torpaq tiplərindən asılı olaraq dəyişir. Çimli dağ-
çəmən torpaqlarının əsas hissəsi meylliyi 20
0
-dən çox olan yamaclarda
yayılıb. Bozqırlaşmış dağ-çəmən torpaqları isə əsasən 10-20
0
arası meylliyə
malik yamaclarda inkişaf edib. Birinci halda yamacların dik olmasına
baxmayaraq torpaqlar eroziyanın təsirinə az məruz qalır. Bu onunla izah
olunur ki, çimli dağ-çəmən torpaqlarının bozqırlaşmış yarımtəpələrə nisbətən
eroziyaya qarşı davamlılığı yüksəkdir.
Torpaqların eroziyaya uğraması və eroziyanın müxtəlif formalarının
inkişafı ayrı-ayrı dağ massivləri və inzibati rayonlar üzrə yerli
xüsusiyyətlərdən asılı olaraq dəyişir. Muxtar Respublikanın dağlıq zonasında
eroziyanın inkişafına nəzər salanda görürük ki, ayrı-ayrı inzibati rayonlarda
yamacların meylliyi, hidrotermik və botaniki amillərlə əlaqədar eroziyanın
inkişafı müxtəlifdir.
§2.2. Eroziya prosesinin ərazinin bitki örtüyünə təsiri.
Dağlıq ərazilərdə torpaq əmələgəlmə prosesində bitki örtüyü müstəsna
rol oynayır. Yüksək dağlıq zonada çəmən bitkiləri torpağı yuyulma və
dağılmadan mühafizə etməklə, böyük miqdarda üzvi maddələrin toplanması və
49
su hopdurma qabiliyyətinə malikdir. Bitki örtüyü seyrək olan sahələrdə isə
səthi axın artmaqla torpağın eroziyaya uğraması sürətlənir. Eyni zamanda
eroziya prosesi də ərazinin bitki örtüyünə, onun inkişafına və məhsuldarlığına
öz təsirini göstərir. Bu məsələ müasir dövrdə eroziya prosesi və onun ekoloji
nəticələri nöqteyi nəzərdən çox aktualdır.Dağlıq zonalarda bitki örtüyünün
sıxlığını artırmaq, torpağın ekoloji vəziyyətini yaxşılaşdırmaq üçün dünyanın
bəzi ölkələrində süni suvarma tətbiq edilir.
Eroziya prosesi təkcə bitki örtüyünün məhsuldarlığına deyil, eyni
zamanda onun botaniki tərkibinə də öz mənfi təsirini göstərir. Belə ki,
yumşaq çimli dağ-çəmən torpaqlarında ot örtüyünün məhsuldarlığı 1 ha-da
1720 kq olduğu halda şiddətli dərəcədə eroziyaya uğramış növlərdə bu
göstərici xeyli azalaraq 820 kq olmuşdur. Analoji azalma Böyük Qafqazın
eroziyaya məruz qalmış torpaqlarında da qeyd olunur.
Eroziya prosesi inkişaf etdikcə torpaqda yaşıl kütlənin miqdarı azalır.
Bu prosesin inkişafını sürətləndirən başlıca faktor dağ-çəmən torpaqlarının
yay otlağı kimi intensiv və nizamsız istifadəsidir. Burada otarmanın
müddətinə, vaxtına və həcminə əməl edilməməsi bitki örtüyündə ciddi
pozuntular törədir. Belə ki, ot bitkilərinin erkən və gec toxumlama dövründə
mal-qaranın otlaq sahəsinə buraxılması bitki örtüyünün seyrəkləşməsinə və
növ müxtəlifliyinin azalmasına səbəb olur. Bu proses nəticəsində 20-ci əsrin
ortaları ilə müqayisədə on min hektarlarla çox qiymətli yay otlaqları kimi
istifadə olunan torpaq sahələri eroziya prosesinin müxtəlif formalarının
təsirinə məruz qalıb. Eroziya prosesinin təsiri ilə son 30-40 ildə 20 min ha-
dan çox torpaq sahəsi faktiki olaraq yararsız hala düşmüşdür. Belə sahələrdə
torpaqda yaşıl kütlənin miqdarı xeyli azalaraq hər hektara 100-200 kq-dan
artıq olmur.
Bu proseslərin inkişafına görə Muxtar Respublikanın dağlıq zonası
Azərbaycanda ekoloji təhlükəli obyektlərdən hesab olunmalıdır. Yay otlaqları
kimi istifadə olunan torpaqlarda bitki örtüyünün tərkibi təkcə torpaqda gedən
fiziki-kimyəvi və bioloji prosesin təsiri altında deyil, eyni zamanda otlaq
50
rejiminin müxtəlifliyindən də asılı olaraq dəyişir.Muxtar Respublikanın dağlıq
zonasında kənd təsərrüfatının qeyri-düzgün təşkili, o cümlədən sistemsiz və
uzun müddətli otarma, suvarmanın səmərəsizliyi, meyllik, baxarlıq və başqa
relyef ünsürlərinin torpağa ciddi təsiri vardır. Muxtar Respublikanın təbii-
ekoloji şəraiti eroziya ehtimalını artıran əsas bazadır. Təkcə yay otlaqlarını
götürsək onu qeyd etmək lazımdır ki, burada birinci kateqoriyaya aid yay
otlağı yoxdur. Otarmanın miqdarı isə normadan 10-15 dəfə, bəzi hallarda isə
daha çoxdur.
Ə
n yüksək məhsuldarlıq eroziyaya uğramamış növlərdən alınmışdır.
Eroziya prosesinin təsirinə müxtəlif dərəcədə məruz qalmış torpaqlarda bitki
örtüyü kəskin azalmışdır. Yalnız zəif dərəcədə eroziyaya uğramış növlərdə bu
göstərici nəzərə çarpmayacaq dərəcədədir. Belə ki, yuyulmamış, ot örtüyü
pozulmamış sahələrdə 1 hektar sahədə bitkilərin miqdarı (məhsuldarlığı) 1750
kq, olduğu halda, orta dərəcədə yuyulmuş növlərdə 880 kq/ha və 50,3 % ,
ş
iddətli dərəcədə eroziyaya uğramış torpaqlarda isə 180 kq/ha və 89,7 %
azalmışdır. Bu isə ilk növbədə otlaq və biçənəklərdən düzgün istifadə
edilməməsi ilə izah olunmalıdır. Qeyd olunanlardan belə bir nəticəyə gəlmək
olar ki, eroziya prosesinin inkişafı nəticəsində əsasən yay otlaqları altında
istifadə olunan Muxtar Respublikanın dağlıq zonasında bitki örtüyünün
məhsuldarlığı xeyli azalır ki, bu da kənd təsərrüfatında böyük payı olan
heyvandarlığın inkişafı üçün ciddi problemlər yaradır. Bu problemin qarşısını
almaq üçün dağlıq zona torpaqlarında yay otlaqlarının kateqoriyalara
ayrılması və hər kateqoriyaya uyğun otarma normasının tətbiq edilməsi
aktual məsələlərdəndir. Bu tədbir ilk növbədə torpaqda eroziya prosesinin
qarşısının alınmasına, bitki örtüyünün inkişafına və növ müxtəlifliyinin
yaxşılaşmasına kömək edir.
Analoji azalma Naxçıvan Muxtar Respublikasının dağ-meşə və dağ-
kserofit bitkilərin inkişaf etdiyi ərazilərdə də müşahidə olunur. Dağ
kserofitlərinin inkişaf etdiyi ərazilər eroziya prosesinin təsirinə daha çox
məruz qalır.
Dostları ilə paylaş: |