43
getmişdir. Eroziya prosesinin intensivliyinə görə Muxtar Respublikanın ərazisi
respublikamızın ən ekoloji təhlükəli regionlarındandır. Naxçıvan MR-də
eroziyanın baş vermə səbəblərini onun inkişafını, intensivliyini öyrənmək və
buna müvafiq qabaqlayıcı tədbirlərin işlənib hazırlanması, torpaqların
eroziyadan mühafizəsi bu günün ən aktual məsələlərindəndir.
§2.1. Yamacların meylliyinin eroziya prosesinin inkişafına təsiri.
Eroziya prosesinin inkişafında relyefin rolu böyükdür. Eroziyanın
yayılmasında relyefin həlledici rol oynadığını Kozmenko (1949), Muratova
(1953), Məmmədov (1960) və başqa tədqiqatçılar qeyd edirlər.
V.V.Dokuçayevə görə isə “Relyef anormal, yuyulmuş, təkrar yuyulmuş
torpaqların formalaşmasında həlledici amildir”.
Torpaq əmələgəlmə və eroziya prosesinin inkişafında relyef ərazinin
dəniz səviyyəsindən yüksəkliyi, yamacların ekspozisiyası və səthin meylliliyi
kimi amillərlə səciyyələnir. Bu amillərdən yamacların baxarlılığı və ərazinin
dəniz səviyyəsindən yüksəkliyi eroziya və torpaq əmələgəlmə prosesinə
birbaşa, iqlim, hidroloji və təbii bitki örtüyü amilləri vasitəsilə dolayı yolla
təsir göstərir. Səthin meylliliyi isə əvvəlkilərdən fərqli olaraq eroziya
prosesini bilavasitə şərtləndirən göstəricidir. Eroziyanın inkişafı birbaşa səthin
meylliyi ilə bağlıdır. Belə ki, yamacların meylliyi artdıqca torpağın eroziyaya
uğrama dərəcəsi də artır. Eroziyanın əmələ gəlməsində və inkişafında səthi
meylliyin rolu müxtəlif tədqiqatçılar tərəfindən qeyd edilmişdir. Relyef
ünsürləri içərisində səthin meylliyinin eroziyanın inkişafı və yayılmasında
rolu xüsusi qeyd edilməlidir. N.B.Alekseyevin (1952) məlumatına görə səthin
meylliyi 3
0
-dən başlayaraq ləkələr şəklində də olsa yuyulmuş ərazilərə rast
gəlinir. 4-5
0
-dən sonra isə bu göstərici bütün sahəni əhatə edir. Azmeylli
yamaclarda torpaq örtüyü tədricən, gözlə görünməyəcək şəkildə eroziyaya
uğrayır.Maili düzənliklər dəniz səviyyəsindən 700-1200 m yüksəklikdə Araz
44
çayı vadisi boyunca uzanır. Ərazinin ümumi meylliliyi şimaldan-cənuba və
qərbdən şərqədir.Cənub-qərb və cənub-şərq istiqamətində qobulara rast
gəlinir.Bu qobular Araz və Arpaçayına qədər uzanır. Həmin zonanın
relyefinin formalaşmasına Naxçıvançay, Arpaçay, Şahbuz çay, Küküçay, Keçili
çay və başqaları böyük təsir göstərmişdir.
Yamacların meylliyi eroziya prosesini şərtləndirən amil kimi hər hansı
bir sahədə şərait yarandığı halda eroziya təhlükəsini artırır. Ümumiyyətlə, axın
ə
msalı ilə səthin meylliyi bir-biri ilə sıx bağlıdır. Bəzən belə bir fikir irəli
sürülür ki, səthin meylliyi praktik olaraq səthi axıma heç bir təsir göstərmir.
Ancaq unutmaq olmaz ki, bu fikir yalnız hədsiz dərəcədə sıx bitki örtüyünə
malik ərazilərdə qar sularına şamil edilə bilər. Yağışlar zamanı bütün hallarda
axım sürəti səthin meylliyindən asılıdır. Yamacların meylliyi nə qədər çox
olsa yağışlar zamanı bütün hallarda axım sürəti və dağıdıcılıq qabiliyyəti də
bir o qədər yüksək olar ki, bu da torpağın eroziyaya uğrama dərəcəsini
müəyyən edən əsas göstəricidir.
Naxçıvanın dağlıq zonasında eroziya prosesinin inkişafı yamacların
dikliyi ilə əlaqədar yerli eroziya bazisinin çox yüksək olması ilə izah
edilməlidir. Naxçıvan MR-də yerli eroziya bazisi 350 m-dən çoxdur. Naxçıvan
MR-in dağlıq zonasında səthi meyllik ümumi Muxtar Respublika ərazisinin
analoji göstəricisindən qat-qat çoxdur. Dağlıq zonanın müxtəlif hissələrində bu
göstərici dəyişir. Muxtar Respublikanın dağlıq zonasının Ordubad və Culfa
rayonları ərazisinə düşən Zəngəzur dağlarının yamacları meylli olması ilə
xarakterizə olunur.
Ümumiyyətlə meyllilik göstəriciləri artdıqca onun eroziyaya uğrama
dərəcəsi də artır. Meylliyi 5
0
-yə qədər olan ərazilərdə ciddi eroziya izləri
müşahidə edilmir. Burada meylliyin azlığı torpağın eroziyaya uğrama
təhlükəsinin demək olar ki, olmadığını deməyə əsas verir. Lakin istisna
hallarda leysan xarakterli yağışlar zamanı bu təhlükə xeyli reallaşa bilər.
Bitki örtüyünün çox sıx olduğu kip çimli dağ-çəmən və qəhvəyi dağ meşə
45
torpaqlarının yayıldığı ərazilərdə belə meylliyə malik yamaclarda eroziyanın
baş verməsi praktik olaraq mümkün deyil.
Meylliyi 10
0
-yə qədər olan yamaclarda əksər hallarda eroziya prosesi
inkişaf etməyib. Lakin bitki örtüyünün zəif inkişaf etdiyi yamaclarda eroziya
intensivləşir. Meylliyi 10
0
-yə qədər olan sahələrdə Şahbuz rayonu ərazisində
Batabat yaylası bütünlükdə, Salvartı dağının cənub-qərb yamacı, Gömrü
kəndinin şimal-şərq hissəsi, Ordubad rayonu ərazisində Tilyək-Göygöl sahəsi,
Babək rayonu ərazisində Yuxarı Buzqov, Günnüt, eyni zamanda Yuxarı
Remeşen kəndləri rayonundakı ərazilər daxildir. Bu ərazilərin ümumi sahəsi
23718,75 ha olub ümumi dağlıq zonanın 8,25 %-ni təşkil edir. Bu ərazilərdə
təbii eroziya təhlükəsi ciddi olmasa da, antropogen amilin təsiri ilə bu
təhlükə reallaşır.Meylliyi 10
0
-dən aşağı, bitki örtüyünün sıxlığı 20-25% olan
yamaclarda eroziya təhlükəsi ehtimal olunan torpaqların sahəsi 6,8% olduğu
halda, meylliyi 10-20
0
-də bitki örtüyünün sıxlığı 40-45% olan sahələrdə
13,7%, 20-30
0
-də 24,6% meylliyi 30
0
-dən çox olan yamaclarda isə 54,9%
olmuşdur.
Meylliyi 10-15 dərəcə arası olan ərazilərə dağlıq zonanın əsasən dağ
yamacları, baş suayrıcı yaxın çökək sahələr və çay dərələri daxildir. Bu
ə
razilər Gömrü-Batabat sahəsini, Gilançay hövzəsinin yuxarı hissəsini,
Göygöldən aşağıda yerləşən sahələri əhatə edir. Həmin ərazilər uzun
müddətdir ki, insanın təsərrüfat fəaliyyətinin təsirinə məruz qaldığından
eroziyaya qarşı davamlılığı azalıb. Xüsusilə yay otlaqları kimi istifadə olunan
torpaqlarda eroziya proseslərinə və onların izlərinə tez-tez rast gəlinir.
Torpağın səthi eroziyası ümumi fonda nəzərə çarpacaq dərəcədə geniş
ə
razidə yayılıb. Dağlıq zonada meylliyi 10-15
0
arasında olan ərazilər daha
geniş sahə tutur. Muxtar Respublika ərazisində bu göstərici 10,3 % olduğu
halda, Culfa və Ordubad rayonları ərazisində meylliyi 10-15
0
arası olan
sahələr rayonun ümumi ərazisinin müvafiq olaraq 26,2 % və 22,3 %-ni tutur.
Ş
ahbuz rayonu bu göstəriciyə görə orta mövqe tutsa da, Sədərək, Şərur və
Babək rayonlarında bu rəqəm xeyli aşağıdır.
Dostları ilə paylaş: |