7
Pul yığımlarının yenidən bölgüsü mexanizmlərindən biri olmaqla qiymətli
kağızlar bazarı iqtisadiyyatın digər sferaları ilə sıx əlaqədə fəaliyyət göstərərək,
kapitalın sərbəst pul resurslarına malik sahələrdən inkişafını maliyyələşdirməkdən
ötrü imkanlarından daha geniş maliyyələşməyə ehtiyac duyan sahələrə axınını
təmin edir. Qiymətli kağızları sonradan, əlverişli şərait yarandıqda mənfəətli satışın
mümkünlüyü investorları qiymətli kağızları almağa və bu yolla kapitalı ona ehtiyac
duyan müəssisələrə verməyə sövq edir. Buna görə də qiymətli kağızlar bazarının
rolu iqtisadiyyata müvəqqəti sərbəst pul vəsaitlərini cəlb etməkdən ibarətdir.
Qiymətli kağızlar bazarının iqtisadi rolu onun fəaliyyətinin məqsəd və
vəzifələrində, həmçinin onun funksiyalarında təzahür edir.
Qiymətli kağızlar bazarının zəruriliyini müəyyən edən başlıca məqsədi
sərbəst maliyyə resurslarını səfərbər etmək və onların bazarın iştirakçılarının
qiymətli kağızlarla keçirdiyi müxtəlif əməliyyatlar vasitəsilə yenidən bölgüsünü
təmin etməkdən ibarətdir. Bu məqsədə nail olunması qiymətli kağızlar bazarının
vəzifələrini müəyyən edir. Bunlara aşağıdakılar aiddir:
konkret investisiyaların edilməsi üçün müvəqqəti sərbəst maliyyə
vəsaitlərinin səfərbər edilməsi;
dünya
standartlarına
cavab
verən
bazar
infrastrukturunun
formalaşması;
qiymətli kağızların ikinci bazarının inkişaf etdirilməsi;
mülkiyyət münasibətlərinin transformasiyası;
bazar mexanizminin və idarəetmə sisteminin təkmilləşdirilməsi;
dövlət tənzimlənməsi əsasında fond kapitalı üzərində real nəzarətin
təmin edilməsi;
investisiya riskinin azaldılması;
portfel strategiyasının formalaşdırılması;
qiymətqoymanın inkişaf etdirilməsi;
perspektiv inkişaf istiqamətlərinin proqnozlaşdırılması.
8
Göstərilən vəzifələrin icrası qiymətli kağızlar bazarının konkret funksiyaları
yerinə yetirməsi ilə əlaqədardır. Hər bir funksiyanın isə konkret məzmunu
mövcuddur. Bu funksiyalara aşağıdakıları aid etmək olar:
- yenidənbölgü funksiyası pul vəsaitlərinin (kapitalın) qiymətli kağızların
tədavülü vasitəsilə müəssisələr, əhali və dövlət arasında, sahələr və regionlar
arasında yenidən bölgüsünü ifadə edir. Məsələn, mərkəzi hökumətin, yerli
idarəetmə orqanlarının büdcə kəsirinin dövlət və bələdiyyə qiymətli kağızlarının
buraxılması və yerləşdirilməsi vasitəsilə maliyyələşdirməsi zamanı müəssisələr və
əhalinin sərbəst maliyyə resurslarının dövlətin xeyrinə yenidən bölgüsü baş verir.
- maliyyə risklərinin sığortalanması funksiyası. Bu funksiya törəmə qiymətli
kağızların, yəni fyüçers və opsionların və s. meydana gəlməsi nəticəsində mümkün
olmuşdur. Bu funksiyanın vasitəsilə (qiymətli kağızların likvidliyinin idarə
olunmasının ünsürlərini tətbiq etməklə) kapitalın qorunub saxlanılması və
artırılması təmin edilir.
- tənzimləmə funksiyası isə cəmiyyətdə cərəyan edən müxtəlif proseslərin
konkret fond əməliyyatları vasitəsilə tənzimlənməsi ilə bağlıdır. Məsələn, qiymətli
kağızlarla əməliyyatların keçirilməsi vasitəsilə tədavüldəki pul kütləsinin həcmi
tənzimlənir. Bu tənzimlənmə funksiyasının makroiqtisadi tərəfidir. Eyni zamanda,
göstərilən funksiyanın mikroiqtisadi tərəfi də mövcuddur, yəni fond bazarı ticarət
qaydalarının, iştirakçıları arasındakı mübahisələrin həll edilməsi qaydalarını
yaradır, nəzarət və idarəetmə orqanlarını müəyyənləşdirir və s.
- uçot funksiyası. Bu funksiya bazarda tədavül edən bütün növ qiymətli
kağızların xüsusi siyahılarda, yəni reyestrlərdə məcburi qeydiyyatında, qiymətli
kağızlar bazarı iştirakçılarının qeydiyyatında, həmçinin alqı-satqı, girov, trast,
konvertasiya və b. müqavilərlə rəsmiləşdirilmiş fond əməliyyatlarının
qeydiyyatında təzahür edir.
- uçot funksiyasından qiymətli kağızlar bazarının informasiya funksiyası
irəli gəlir, yəni bazar ticarət obyektləri və subyektləri haqqında informasiyanı
yaradır və iştirakçılara çatdırır.
9
- nəzarət funksiyası – bazar iştirakçıları tərəfindən qanunvericiliyə əməl
olunmasına nəzarətin həyata keçirilməsini nəzərdə tutur.
- tələblə təklifin tarazlaşdırılması funksiyası fond bazarında qiymətli
kağızlarla əməliyyatlar vasitəsilə tələblə təklif arasında tarazlığın təmin olunması
deməkdir. Bununla da, bazar qiymətlərinin formalaşması, onların dinamikası üçün
şərait yaranır.
- həvəsləndirmə funksiyası. Bu funksiyanın mahiyyəti hüquqi və fiziki
şəxsləri qiymətli kağızlar bazarının iştirakçısı olmağa sövq etməkdən (məsələn,
müəssisənin idarə olunmasında iştirak hüququ, gəlir əldə etmək hüququ, kapitalın
yığılması imkanı yaxud əmlaka sahib olmaq hüququnu verməklə) ibarətdir.
- kommersiya funksiyası. Hər bir digər bazarda olduğu kimi, qiymətli
kağızlar bazarı da əməliyyatların keçirilməsindən mənfəətin əldə olunması və onun
maksimumlaşdırılması üçün şərait yaradır.
lk iki funksiya qiymətli kağızlar bazarının spesifik, özünəməxsus
funksiyalarına aid etmək olar. Qalan funksiyaları isə ümumi funksiyaları kimi
səciyyələndirmək olar.
Qiymətli kağızlar bazarının köməkçi funksiyaları da mövcuddur ki, bunlar
qiymətli kağızların özəlləşmədə, antiböhran idarəetməsində, iqtisadiyyatın
restrukturizasiyasında, pul tədavülünün sabitləşdirilməsində, antiinflyasiya
siyasətində tətbiqi ilə əlaqədardır.
1.2.
Qiymə
tli kağ
ızlar bazarının tə
snifatı və
strukturu
Qiymətli kağızlar bazarını, onun strukturunun müxtəlif nöqteyi-nəzərlərdən
təqdim olunması mümkünlüyündən asılı olaraq müxtəlif əlamətlər üzrə
təsnifləşdirmək olar.
Qiymətli kağızların buraxılışı mərhələsi və tədavülü baxımından qiymətli
kağızlar bazarı ilkin və təkrar bazara bölünür.