57
1. deoloji və qanunverici qaydalara əsasən bazarın inkişaf konsepsiyasının
hazırlanması, onun gerçəkləşmə proqramının təşkili və idarə edilməsi bazar
fəaliyyətinin inkişafı üçün zəruri aktların tərtibi və reallaşdırılması.
2. Maliyyə bazarında hökm sürən vəziyyətə dair gündəlik məlumatların ilkin
mənbələrdə toplanması (dövlət və şəxsi kanallardan istifadə etməklə qiymətli
kağızların satışına dair) və təhlilinin aparılması.
3. “Oyun qaydalarını” təyin etmək əməliyyat və qeydiyyat standartlarının
iştirakçıların tələblərinə uyğunlaşdırmaqla, onlardan istifadəni genişləndirmək.
4. Qiymətli kağızlar bazarında maliyyə sahibkarlığına və təhlükəsizliyinə
nəzarət yeni bazarlara girişin nəzarətdə saxlanması, qiymətli kağızların uçotu,
sərmayə qoyuluşuna maliyyə təşkilatları tərəfindən nəzarət, onların sağlam rəqabət
fəaliyyəti aparmaları üçün tədbirlərin görülməsi, etik və hüquqi normalara riayət
edilməməsi hallarında sanksiyaların tətbiq edilməsi.
5. Qiymətli kağızlar bazarının vəziyyəti haqqında məlumat bazasının
yaradılması, sərmayə sahibləri üçün məlumatların açıqlanmasının təmin edilməsi.
6. Sərmayədarların baş verə biləcək itkilərdən qorunma sisteminin
formalaşdırılması o, cümlədən sərmayələrin dövlət və qarışıq sığortalanma
formalarından istifadə.
7. Fond bazarında digər qeyri-dövlət pul formala-rının və maliyyə
vasitələrinin daxil olmasının qarşısının alınması yeni sikkələrin, qızıl külçələrinin,
müxtəlif valyutaların müdaxiləsinin qarşısının alınması.
8. Dövlət tərəfindən qiymətli kağızlarının həddin-dən artıq buraxılmasının
qarşısının alınması, dövlət vəsaitlərinin qeyri istehsal sahələrinə sərf olunan
xərclərin qarşısının alınması və s.
Azərbaycan Respublikasının son illərə qədər qiy-mətli kağızlar bazarının
fəaliyyətini tənzimləyən əsas aktları aşağıdakı kimi təsnifatlaşdırılır və onların
əsasında bazar iştrakçıları ilə münasibətlər qurulur və reallaşdırılır:
• Azərbaycan Respublikasının mülki kodeksi;
• “Bank fəaliyyəti” haqqında Azərbaycan Respublikasının qanunu;
• “Azərbaycan Respublikasının Mərkəzi Bankı” haqqında qanun;
58
• “Dövlət və bələdiyyə müəssisələrinin özəlləşdirilməsi” haqqında qanun;
• “Əmtəə
birjaları
və
birja
alqı-satqısı”
haqqında
Azərbaycan
Respublikasının qanunu;
• “Azərbaycan Respublikasının dövlət borcu” haqqında qanun;
• “Səhmdar cəmiyyətləri” haqqında Azərbaycan Respublikasının qanunu;
• “Qiymətli kağızlar bazarı” haqqında Azərbaycan Respublikasının qanunu;
• Prezidentin qiymətli kağızlar bazarının inkişafı haqqında sərəncamları;
• Azərbaycan
Respublikası hökumətinin cari qərarları və həyata
keçirilməsinə dair göstərişlər.
Hal-hazırda maliyyə bazarı iştirakçıların fəaliyyətinin müxtəlif istiqamətlərini
tənzimləyən çoxsaylı qərarlar və qanunverici sənədlər hökumətin strateji, iqtisadi
siyasətinin istiqamətinə uyğun tərtib edilir. Lakin mövcud olan sənədlər çox zaman
bir-birini tamamlamaq əvəzinə bir çox hallarda əlavədən çox, əksinə bir-birinə zidd
maddələrlə zəngin olurlar. Qiymətli kağızlar bazarının fəaliyyətində azad rəqabət
mexanizminə ciddi əməl olunması və ölkə prezidentinin sərəncamına əsasən dövlət
tərəfindən bir-birinə zidd olmayan qərar və qanunların qəbulunda başlıca məqsəd
bazar iştirakçıları arasında alqı-satqı prosesində razılaşma mexanizminin tələblərinə
dönmədən əməl olunması maliyyə əməliyyatlarında şəffaflığın təmin edilməsidir.
Hazırda qiymətli kağızlar bazarının dövlət tənzimləmə mexanizmi onu icra
edən mərkəzi və yerli təşkilatların qarşılıqlı əməkdaşlığı şəraitində aparılır. Dövlət
səviyyəsində qiymətli kağızlar bazarının tənzimlənməsində aşağıda göstərilən
qurumlar da iştirak edirlər.
1. Dövlət hakimiyyətini təmsil edən yuxarı maliy-yə-kredit təşkilatlarının, o
cümlədən:
a) Milli Məclis əsasən qiyməti kağızlar bazarını tənzimləyən qanunlar qəbul
edir ;
b) Prezident (sərəncamlar və tapşırıqlar verir);
59
c) Hökuməti təmsil edən qurumlar (adətən prezidentin sərəncamların yerinə
yetirilməsi mexanizmini müəyyən edir) öz səlahiyyətləri dairəsində bazara təsir
edir;
2. Qiymətli kağızlar bazarının bütün fəaliyyət sahələrini tənzimləyən yüksək
idarə etmə səlahiyyətli dövlət idarəetmə təşkilatları:
a) qiymətli kağızlar bazarının fəaliyyətinə nəzarətedici komissiya. Onlar
sahibkarlıq fəaliyyətinin aparılması üçün xüsusi icazə verir və reyestr xidmətinin
göstərilməsi ilə məşğul olurlar. qtisadi mühitdən asılı olaraq həmin qurumlar
lazım gəldikdə qiymətli kağızlar bazarında tənzimləyici və nəzarətedici səlahiyyət
və vəzifələrin icrasını öz üzərinə götürə bilər;
b) Azərbaycan Respublikası Maliyyə Nazirliyi qiymətli kağızların buraxılışını
həyata keçirən təsərrüfat subyektlərini qeydə alır, yerli özünüidarəetmə
təşkilatlarını fond birjalarını, sərmayə qoyuluşu şirkətlərini və fondların fəaliyyətə
başlaması üçün xüsusi icazə verir, dövlət tərəfindən qiymətli kağızların buraxılışını
və dinamikada dövriyyəsini tənzimləyir;
c) Azərbaycan Respublikası Mərkəzi Bankı kredit təşkilatları tərəfindən
qiymətli kağızlar buraxılışına nəzarət edir. Kredit əməliyyatlarını aparmaqla
qiymətli kağızların satışı və antiinhisar qaydalarını təyin edir və qiymətli kağızlar
bazarının iştirakçıları arasında etibarlı və geniş miqyaslı iqtisadi əlaqələr yaradır;
d) antiinhisar siyasət üzrə dövlət qurumları (anti-inhisar qaydalarını
müəyyənləşdirməklə onların icrasına nəzarəti həyata keçirir) bazar fəaliyyətini
tənzimləyir;
e) dövlət sığorta nəzarəti qiymətli kağızlar baza-rında sığorta şirkətlərinin
fəaliyyəti ilə risk səviyyəsini müəyyən etmək, onun icrasını daima nəzarətdə
saxlamaq işlərinə xidmət edir. Dövlət tənzimləyici təşkilatlarının əsas vəzifəsi
birbaşa qiymətli kağızlar bazarının idarə edilməsi qaydalarının və normalarının
təyin edilməsindən və onların icrasını həyata keçirməkdən ibarətdir. Bundan əlavə
dövlət qiymətli kağızlar bazarının tənzimlənməsi vergi dərəcələrinin tətbiqi yolu
ilə maliyyə sanksiyalarından istifadə etmək qaydalarına və digər iqtisadi
mexanizmlərinin təsir qüvvəsinə əsaslanırlar.
Dostları ilə paylaş: |