Əli Kərim
43
“Poemalar”. Birinci bölümdə “Nəğmələrin yuvası”, “Lay-
lay”, “Qardaşın cavabı”, “Güclü qoca”, “Adam”, “Çinar
və gilənar”, “On bir yaşında”, “Suallar və cavablar”,
“Pişik”, “Gül”, “Ayaq izləri” və “Ulduzlar” adlı şeirlər
verilmişdir. “Poemalar”da isə “Uşaqların loğmanı”, “Paşa,
ulduzlar və uşaqlar”, “Komandamız”, “Dənizdə şəhər”,
“Qız və kəpənək”, “Qiymətlərin mübahisəsi”, “Tənbəl ayı
balası”, “Artist çəpiş balladası” adlı əsərlər verilmişdir.
Kitabdakı ilk şeirdən aydın olur ki, müəllifin uşaqlara
münasibəti necədir. Mən hələ bu vaxta kimi uşaqlara həsr
olunmuş “Poemalar” bölümü olan kitaba rast gəlməmiş-
dim. Adətən uşaqlara aid bütün mənzumələri elə şeirlər
sırasında verirlər. Amma bir qədər düşünəndə doğrudan da
bunlar poemaya daha çox yaxındır. Əli Kərimin elə uşaq
şeirləri də uşaqlara bir poemalıq söz deyə bilir. Şair
kitabdakı ilk şeirdə yazır:
Gecə düşür...
susur bütün nəğmələr,
susur şəhər.
Oğlum Paşa,
Oğlum Azər
deyirlər:
Nəğmələr harda yatır,
Yuvaları hardadır?
Deyirəm ki:-Ay Paşa,
Deyirəm ki:-Ay Azər,
Sona Xəyal
44
Sizin ürəyinizdə
gecələyir nəğmələr.
Bir azdan oğlum Paşa,
Bir azdan oğlum Azər
Sevindirərək məni
Yatırlar,
ürəklərinin başına qoyub
təmiz,
balaca əllərini.
43
Tofiq Mütəllibov “Azərbaycan gəncləri” qəzetin-
dəki “Şeirə dönmüş ömür” adlı resenziyasında əsərlərdən
sitatlar verir, təhlillər aparır və sənətkarlıq xüsusiyyət-
lərindən danışır. Yazı belə başlayır: ”Qarşımda bir kitab
var: ”Uşaqlar və ulduzlar”. Əli Kərim bu kitabını görə
bilmədi. Aramızdan vaxtsız getmiş istedadlı şairin təzə
məcmuəsi onun vəfatından sonra çap olunmuşdur.
Kitabı vərəqlədikcə, qulaqlarımda görkəmli sovet
yazıçısı A.Fadeyevin sözləri səslənir: ”Şairlər ölmürlər,
şeirlərə dönürlər, nəğmələrə dönürlər, ulduzlara dönürlər”.
Elə bil tərtibçilər kitaba ad seçərkən bunu nəzərə
alıblar.”Uşaqlar və ulduzlar”. Uşaqlar şairin boya-başa
çatmamış arzuları, ulduzlar isə parlaqlığını itirməyən
şeirləridir. Əli Kərim əsasən lirik şairdir. Lakin buna
baxmayaraq, o balaca dostlarını da unutmurdu. Şairin
sağlığında bu şeirlərin az bir qismi çap olunub. Qalan şeir
və poemalar nədənsə dərc edilməmişdir. Bəli, bu, şairin
Əli Kərim
45
təvazökarlığından irəli gəlir. Lakin kitabda toplanan
şeirləri nəzərdən keçirdikdə cəsarətlə demək olar ki, onlar
uşaq ədəbiyyatı üçün çox qiymətlidir. Bu şeirlər, quru
nəsihətçilikdən, didaktikadan uzaqdır, bu əsərlərdə balaca-
ların arzu və istəkləri təbii boyalarla, kiçik, yaddaqalan,
lakonik lövhələrlə əks etdirilir”.
44
“Lay-lay” adlı şeirdə şirin yalanlar var. Şair oğluna
lay-lay çalır, onu yatırtmaq üçün bu yalanları danışmağa
məcburdur. Ayın küsməsi, gedib qaranlıq yerdə yatması,
ulduzların çoxusunun səsdən yata bilməməsi, günəşin
inciyə bilməsi və bütün bunların olmaması üçün Paşanın
yatması gərəkdir. Burada yorğun oyuncaqların oyanması
da maraqlı obrazdır. Bu şeirdə ilıq bir nəfəs duyulur.
Burada folklordan gəlmə hərarət var: “Gecə oldu tən yarı,
Balaca, tunbul oğlum. Yorğun oyuncaqları, Oyatma, ay
gül oğlum.”
Əli Kərimin vəfatından sonra onun xatirəsinin
əbədiləşirilməsi üçün Göyçayda park salınmışdır. Sum-
qayıtda isə 1970-ci ildə Əli Kərimin adını daşıyan poeziya
klubu yaradılmışdır. “Ədəbiyyat və incəsənət” qəzetində
Ağəddin Əliyevin “Şair Əli Kərimlə görüş” adlı yazısı
bizə bu klub haqqında məlumat verir. Müəllif yazır: ”Bu
sərlövhə heç də səni şübhələndirməsin, əziz oxucu. Düz-
dür, fikirləşə bilərsən ki, necə yəni, şair Əli Kərimlə
görüş? Axı o... Bəli, u gün Sumqayıt poeziya həvəskarları
yenidən şair Əli Kərimlə “görüşdü”. Amma onun özü ilə
yox, divardan asılmış, bir az da canlı, gülümsər, iri portreti
Sona Xəyal
46
ilə. Şirin, dadlı şeirlərini dinlədilər. Yenə də öz ifasında
yox, onun qədirbilən, sənətini sevən, şeirlərini əzbər
söyləyən oxucularının, qələm dostlarının dilində.
Əli Kərim adına Sumqayıt Gənclik Poeziya Klubu
Səməd Vurğunun adını daşıyan küçədə yerləşir. Əli Kərim
şeiri Səməd Vurğun poeziyasından bəhrələnmiş, zaman-
zaman ucalmış, özü isə necə deyərlər şairin ilham
çeşməsindən su içmişdir...
Gənclik poeziya klubunun fəxri sədri, xalq şairi Rə-
sul Rza klubun bir illiyinə həsr edilmiş ədəbi-bədii gecəni
açıq elan edir. Sonra səmimi ürək söhbəti başlanır,— Əli
Kərim haqqında, şeir-sənət haqqında, onun adını daşıyan
gənclik poeziya klubu haqqında”.
45
***
Əli Kərimin növbəti kitabı “Səfərdən sonra” adlanır.
Kitab 1972-ci ildə Azərbaycan Dövlət nəşriyyatı tərəfin-
dən çapdan buraxılmışdır. Kitaba şairin şeirləri və poe-
maları daxil edilmişdir. Kitabın əvvəlində verilmiş kiçik
məlumat oxuculara kitab haqqında bilgi verir:”Azərnəşrin
oxuculara təqdim etdiyi “Səfərdən sonra” şeirlər kitabının
müəllifi–aramızdan vaxtsız getmiş istedadlı şair Əli Kərim
gözəl şeirləri, poemaları və bir çox maraqlı nəsr əsərlərilə
tanınır.
Əli Kərim poeziyasınnın müsbət keyfiyyətlərindən
biri, onun klassik şeirimizlə dərindən bağlılığıdır. Bu
kitaba şairin son illərdə yazdığı şeirlər və Polşanın azad-
Dostları ilə paylaş: |