Əli Kərim
55
lələri daxil edilmişdir. Tofiq Hacıyev “Şeirində də, nəsrin-
də də psixoloq” adlı ön sözündə Əli Kərim yaradıcılığına
bir qədər də başqa aspektdən yanaşmış, müəllifin nəsr
əsərlərini təhlil edərək, sənətkarlıq xüsusiyyətlərindən söz
açmış, fikirlərini ümumi şəkildə oxucularla bölüşmüşdür.
Tofiq müəllim Əli Kərimə olan sonsuz sevgisini bütün
yazılarında olduğu kimi burada da səmimi fikir və
düşüncələri ilə, dəyərli fikirləri ilə bizə çatdırır. Məqalənin
sonunda yazır: ”Bu kitab Əlinin poetikası haqqındakı
təsəvvürümüzü bütövləşdirir. Aydın olur ki, onun sənət
karlığı və müasirliyi firtrətindəki şairlik vergisi ilə zəngin
bədii və elmi-fəlsəfi mütaliəsinin vəhdətidir. Bu kitab
təsdiqləyir ki, şeirin də olduğu kimi, Ə.Kərim nəsrində də,
hətta məqalələrində də psixoloqdur. Həmin bədii-psixoloji
yaradıcılıq ovqatı ilə Ə.Kərim oxucularının ürək yadda-
şına kövrək, ancaq bütöv və kamil bir sevgi bəxş edib bu
dünyadan köçmüşdür. 1981-ci ildə 50 illik yubileyi onsuz,
qədirbilən oxucularına məhəbbətlə baxan şəklinin iştirakı
ilə qeyd edilərkən, “Braziliya stadionu kimi dolu” salonda
bir daha bunun şahidi oldum. Ə.Kərim bu salonu dolu şeir
və nəsrdən, ssenari və dramlardan, ədəbi-tənqidi məqa-
lələrdən ibarət kamil və zəngin irsi ilə qazanmışdır”.
55
Biz hələ əvvəllərdə Əli Kərimin “Pillələr” romanın-
dan onu bir nasir kimi də tanımışdıq. Tələbə həyatından
bəhs edən, dövrün ictimai vəziyyətyətini dolğun əks etdi-
rən, sinifsiz cəmiyyətdə “siniflər” arasındakı fərqi diqqətə
çatdıran bu əsər yəqin ki, hamının yadındadır. Əli Kərim
Sona Xəyal
56
nəsrinin növbəti nümunəsi kimi eyni adlı kitaba daxil
edilmiş “Mavi nəğmənin sahilində” povesti də öz detalları
ilə diqqəti çəkir. Povestin “Ulduz” jurnalında çap olunmuş
variantını oxuyan Sabir Mustafa “Ədəbiyyat və incəsənət”
qəzetində çap etdirdiyi eyniadlı məqaləsində əsər haq-
qında dəyərli fikirlərini oxucularla belə bölüşür: ”Bizi
vaxtsız tərk etmiş istedadlı şairimiz Əli Kərimin “Mavi
nəğmənin sahilində” povestində müharibədə qurban get-
miş gəncliyin həyatından bir parça təsvir edilir. Əsərdə
bilavasitə cəbhəni görmürük. Hadisə müharibədən uzaqda,
rayon mərkəzlərindən birində cərəyan edir...
Əsər təmkinli, sakit bir üslubda yazılmışdır. Əli
Kərimin özünəməxsus şirin və şairanə təsvirləri bizu uzun
müddət həyəcanlandırır.
Müharibə illəri haqqında ədəbiyyatımızda çox ya-
zılmışdır. Bu, Əli Kərimə mane olmayıb. Yazıçı cəbhədən
uzaqda kiçik bir əyalət şəhərində yaşayan cavanları əsə-
rinə qəhrəman seçmiş, onların həyat və psixologiyasında
ictimai hadisələrin necə əks-səda doğurduğunu qələmə
almışdır. Bu da povesti oxunaqlı, maraqlı edən səbəblər-
dəndir”.
56
“Mavi nəğmənin sahilində” kitabının sonunda mə-
qalələr də verilmişdir. Əli Kərimin ən çox diqqətimi çəkən
məqaləsi “Azərbaycan gəncləri” qəzetinin 1969-cu il, 15
aprel tarixli sayında oxuduğum “İntellekt və poeziya”dır.
Müəllif yazını belə başlayır: ”İndiki mürəkkəb bir dövrdə
hər şair, xüsusən ədəbiyyata mübarək qədəmlər atan şair,
Əli Kərim
57
çox çətin problemlər qarşısında qalır. Bunu lazımınca dərk
edənlər, gələcəkdən də o yana bir gələcək görür, arxasın-
dakı zəngin keçmişi də götürüb irəli gedə bilir. Eynşteynin
bir sözü məni həmişə heyrətləndirir və ruhlandırır. Sual
veriləndə ki, “bu elmi zirvəyə çatmağın üçün sənə kim
daha çox kömək etmişdir”, o deyib:”Ostrovski”. Qəribədir,
alim yox, yazıçı.
Mən çox götür-qoydan sonra belə qərara gəldim ki,
bu böyük alimin sözlərində əsil səmimiyyət və elmi əsas
vardır. Bu, təkcə ədəbiyyatdan estetik zövq almaq məsə-
ləsi deyil. Istilik nəzəriyyəsinin kəşfi zamanı alimə təsir
eləyən böyük Ostrovski psixologizmindəki ruhi zəncir
reaksiyası; kompozisiya paralelləri və polifoniya olub. Bəs
biz elmin kəşflərindən nələr götürürük? Təəssüf ki,
bundan çox zaman az istifadə edirik. Bu, xüsusən tələm-
tələsik yaradıcılığa girişmiş cavanlara aiddir.
Elm təkcə formalizmlər cəngəlliyi, şeir – qafiyələr,
rədiflər, bəndlər, beytlər yığnağı deyil. Bu cür şeiri əlif-
banı bilən hər adam yaza bilər.
Iztirabdan, narahatlıqdan yoğrulmuş şeir başqa
şeydir, tamam başqa!
Intellektlə həyat birləşəndə, daha doğrusu, intellek-
tin həyati əsası olanda əsil şeir yarana bilər.
Elələri olur ki, elmi də var, savadı da, lakin yazıla-
rında möhkəm quraqlıq var. Mən bütün bunlarla dərs
demək istəmirəm:söylədiklərim bizi düşündürən məsələ-
lərdir, amma təkrar olunmasına çox ehtiyac var...”
57
Sona Xəyal
58
***
Azərnəşr 1991-ci ildə Əli Kərimin ikicildliyini çap-
dan buraxmışdır. Birinci cildə şairin şeir və poemalarından
nümunələr, ikinci cildə isə nəsr əsərləri daxil edilmişdir.
***
1999-cu ildə Yazıçılar Birliyinin “Yurd” nəşriyyatı
Əli Kərimin “Neyləyim, şeirlə dərd söyləyirəm” adlı
şeirlər kitabını çap etmişdir. Kitabın adı adsız bir şeirin bir
misrasından götürülmüşdür:
Şair ən balaca bir ölkə imiş;
Misra məhdudluğu, qafiyə səddi.
Qəm adlı möhtəşəm bir məmləkətin
Ora sığışmazmış hüdudu, həddi.
Neyləyim, şeirlə dərd söyləyirəm.
Qəmim azlıq edir elə bilirsən.
Şeirimlə azalmış dərdi görərək,
Yoxsa ki, dəryaca mənə gülürsən?
58
Kitabda Anarın geniş ön sözü verilmişdir. Ümu-
miyyətlə, Əli Kərim haqqında qısa yazmaq mümkün de-
yildir. Əlinə qələmi götürürsən, elə istəyirsən ki, fikrinni
yekunlaşdırasan, yeni bir fikir gəlir, fikir fikrə calanır, bir
də görürsən ki, düşündüyündən çox-çox böyük həcmə
gedib çıxmısan. Anarın “Əli Kərim təbəssümü”adlı bu
Dostları ilə paylaş: |