Sona Xəyal
76
Başqasıdır müəllim!
Elmi, dərdi, sevinci
Onlar ilə bir bölən,
Onların adlarını
Adı tək əzbər bilən
Məhəmmədin nəvəsi,
Əlövsət oğlu Qara!
73
Burada bir müəllimdən danışan şair, əslində müha-
ribədə əsir düşən, sinəsi nömrəli bütün insanların taleyinə
acıyır. İnsanları bu hala salan müharibənin dəhşətlərinə
nifrət edir.
“Coğrafiya müəlliminin şəhadət barmağı haqqında
ballada”da daha bir dəhşətin şahidi oluruq. Müharibə gedir.
Torpaqlar alınır. Müəllim dərs keçir. Əlini xəritənin üstündə
gəzdirir, sərhədi göstərmək istəyir. Amma həmin anda hə-
min yerdə döyüş gedir. Müəllim bilmir ki, barmağını harada
gəzdirsin. Ordu geri çəkilir, osa dayanıb. Şair burada müəl-
limin barmağı altında dayanan böyük bir ölkənin taleyini
izləyir. Ona elə gəlir ki, müəllimin barmağı üstündən tanklar,
nallı çəkmələr keçir, lakin o barmaq düşmənin üstanə atılır.
Şeirin sonunda isə artıq müəllimin canlı coğrafiya dərsi
keçdiyinin şahidi oluruq. Şair şeiri belə bitirir:
Düşmən tərəfləri göstərən zaman
Həmin barmağını güllələr biçdi.
Bu gün dərs deyirdi, bozardı rəngi,
Əli Kərim
77
Onu çox yandırdı kəsilmiş qolu.
O dərdli barmağı yoxdur, göstərə,
Böyük bir ölkəni, keçdiyi yolu.
74
Burada bir müəllimin deyil, minlərlə qolunu, qıçını
itirmiş insanların ağrı-acısı var və şair bütün bunlara səbəb
olanları nifrət hissi ilə anır, bu acılara qəlbən yanır və bu
yaşantılardan şeir yaranır. Əli Kərim şeiri həmişə həqiqi
yaşantının nəticəsi kimi yaranıb. O nədən yazırsa-yazsın,
onu içindən keçirir, hissində, duyğusunsda yoğurub yapır.
“Alman əsir” şeirində şair daha təsirli bir lövhə yarat-
mışdır. Göyçaydan Mingəçevirə dəstə-dəstə əsirlər aparırlar.
Birdən bir mavi gözlü bir uşağı görüb dayanır. Şair burada
diqqəti bir təzada yönəldir. Dünənə qədər cəllad olan bir əsir,
mavi gözlü uşağı görərkən yadına yəqin ki, öz uşaqları düş-
müş və sanki ildırım vurmuş kimi yerindəcə donmuşdur. Onu
haraylayırlar, çağırırlar, amma o sanki eşitmir, uşaqdan ayrıla
bilmir. Diqqəti çəkən bir obraz var burada: ”Tökülürdü o
cəllad gözdən insan baxışı, mehribanlıq yağışı”. Dünən cəllad
kimi qantökən, bu günsə əsir olan alman hər şeydən əvvəl
insandır. Burada artıq şairin nifrəti almana qarşı deyildir. Bu
anda alman düşmən deyildir. Dünən düşmən olan bu gün bir
insandır, övladını anan bir atadır. Allah-təala insanı yaradanda
onun içində bilqüvvə şəklində bütün yaxşı və pis cəhətləri
yaratmışdır. Amma insan müəyyən anda onlardan hər hansını
istəsə felə çevirə bilir. Əli Kərim bu şeirdə həmin mənanı
açıqlamaq istəmişdir.
Sona Xəyal
78
Maraqlı şeirlərdən biri də “Bomba üstündə ev”dir.
Müharibə dövründə bir bomba partlamamış, təsadüfən
olduğu kimi torpağın altında qalıbmış. Sonralar onun
üstandə ev tikilmiş, bura ailələr köçmüş, yaşamış, burda
toy-nişan da olmuş, amma bomba partlamamışdır. Şair
burada bombanın illərlə insanları güddüyünü, onların hər
bir hərəkətini izlədiyini, partlamağa məqam gözlədiyini,
amma donub qaldığını və bir gün insanların qazıntı aparan
zaman onu tapıb, “onun dəmir içalatını ağzından çıxardı-
ğını” təsvir yolu ilə bizə danışır. Şeirin mövzusu maraq-
lıdır, amma burada şairin əsas məqsədi başqadır, şair onu
sonuncu cümlədə açıqlayır:
Bomba özüldə deyilmiş,
Yoxsa göstərərmiş özünü.
Qoruyaq
dünyamızın özülünü.
75
“Analar ağlar” adlı şeirdə daha mürəkkəb mənzərə
ilə qarşılaşırıq. Sapunqarada anaların gəlib göz yaşı tök-
düyü məkan var. Bu məkanda bayatılar, ağılar göz yaşında
yuyunar. Haçansa döyüş meydanı olan bu yerdə ümumi
bir məzarıstan var. Analar gəlib burada ağlar, amma bil-
məz ki, kimin meyidi üstündə ağlayır. Şair burada qəribə
lövhələr yaradır. Bir ana bəlkə də boş bir torpağı qucaq-
layıb fəğan edir. Şeirin sonunda isə Sapunqarada olan bu
məzarın tək olmadığını, dünyanın başqa yerlərində də bu
Əli Kərim
79
cür məzarların olduğunu diqqətə çatdırır:
Anam,
Sapunqarada ,
Bir də ki, görmədiyim
Neçə eldə, obada
Ağlar,
analar ağlar.
76
Burada bu günümüz yada düşür. Vətənimizin hər
rayonunda, hətta bəzi kəndlərində belə “Şəhidlər Xiyaba-
nı” saldıq. Amma işğal altında olan torpaqlarımızda neçə-
neçə irili-xırdalı adsız məzarıstanlar var...
Yaponiyadakı atom bombasının sınağından törənən
faciə bütün şairlərimizin qələmindən keçib. Sovet dövrün-
də yaşayıb-yaradan şairlərin hamısı bu mövzuya müraciət
edib. Amma Əli Kərimin “Xirosimada məktəbsiz uşaq”
adlı şeiri tamam başqa bir haraydır. Hamı bu faciədən
yazıb, onun dəhşətlərini təsvir edib, yaşantılarını qələmə
alıb. Amma Əli Kərimin şeirində sadəcə bir məktəbli uşaq
var, amma o uşaq məktəbsizdir. İllər keçir, bu qızın mək-
təbə getmək arzusu gerçəkləşə bilmir. Hər zəng səsini
eşidəndə onun xəyalı məktəbə uçur. Amma müəllim jur-
nalı açır, onun adını çəkmir. Şair bu dərdə ağlayır: ”Bu il
doğulan uşaq Gəlib onu keçəcək”. Sonda şairin maraqlı
obrazı və bir arzusu var:
Dostları ilə paylaş: |