56
dayanıqlığının səviyyəsini qiymətləndirmək və müvafiq qərar qəbul etmək
mümkündür.
Müəssisənin maliyyə dayanıqlığının qiymətləndirilməsinin əsas
meyarlarından birini onun xərclərinin və ehtiyatlarının formalaşması
mənbələrinin onlardan çox olması və yaxud çatışmaması təşkil edir, onun
vəsaitlərinin əmələ gəlmə mənbələri ilə xərcləri və ehtiyatları arasındakı
fərqlə müəyyən olunur. (Misal)
Müəssisənin fəaliyyət ritmi və yüksək nəticələr əldə etməsi onun
dövriyyə vəsaitləri ilə təmin olunmasından bilavasitə asılıdır. Müəssisənin
debitor borclarının çox olması onun resurslarının müəssisədən kənar
yayındırılmasına və səmərəsiz istifadə olunmasına gətirib çıxarır. Dövriyyə
vəsaitlərinin tərkibinə həm maddi, həm də pul vəsaitləri daxil olunduğundan
onlardan səmərəli istifadə edilməsi müəssisənin maliyyə dayanıqlığına müsbət
təsir göstərir. Müəssisənin özünəməxsus dövriyyə vəsaitlərinin lazım
olduğundan çoxluq təşkil etməsi onun ehtiyatlarının həcminin azalması
hesabına baş verməsi müəssisənin maliyyə vəziyyətinin sabit olmasından
xəbər vermir. Müəssisə cari fəaliyyətini maliyyələşdirmək məqsədilə borc
vəsaitlərindən istifadə edə də, etməyə də bilər.
Ə
gər təhlil edilən müəssisənin dövriyyə vəsaitləri ehtiyatlarının
yaradılmasına sərf edilibsə, borc vəsaitlərindən istifadə olunubsa, onda
müəssisə böhranlı maliyyə vəziyyətində ola bilməz. Müəssisənin vaxtı keçmiş
kreditor borcunun olmaması onun müflisləşmiş müəssisə kateqoriyasına aid
edilməsinə imkan vermir.
Yuxarıda göstərilən mütləq maliyyə dayanıqlığı göstəricilərilə yanaşı
nisbi maliyyə dayanıqlığı
göstəricilərindən də istifadə olunur. Belə
göstəriciləri iki qrupa ayırmaq olar. I qrup müəssisənin dövriyyə vəsaitlərinin
vəziyyətini əks etdirən göstəriciləri birləşdirir. Onlara aşağıdakılar aid edilir:
- özünəməxsus vəsaitlərlə təmin olunma əmsalı;
- özünəməxsus vəsaitlərlə maddi ehtiyatların təmin olunma əmsalı;
- özünəməxsus vəsaitlərlə manevr etmə əmsalı.
57
II qrup əsas vəsaitlərin
vəziyyətini və maliyyə asılılığının olmaması
dərəcəsini əks etdirən göstəriciləri birləşdirir. Onlara aiddir:
- daimi aktivlər indeksi;
- borc vəsaitlərinin uzunmüddətli cəlb edilmə əmsalı;
- köhnəlmə əmsalı;
- əmlakın real dəyəri əmsalı;
- maliyyə asılılığı dərəcəsi;
- avtonomluq əmsalı;
- borc vəsaitlərinin özünəməxsus vəsaitlərə nisbəti əmsalı.
Bu əmsalların faktiki qiymətləri normativ qiymətləri ilə müqayisə
edilir, keçən hesabat dövrünün göstəriciləri ilə tutuşdurulur, analoji
müəssisənin göstəriciləri ilə müqayisə olunur. Beləliklə, müəssisənin real
maliyyə vəziyyəti, güclü və zəif cəhətləri müəyyənləşdirilir.
1. Özünəməxsus vasitələrlə təmin olunma əmsalı müəssisənin dövriyyə
aktivlərinin hansı hissəsinin özünəməxsus vasitələr hesabına maliyyələşdirilməsini
göstərir. Bu əmsalın qiyməti 0,1-dən çox olduqda bu hal normal sayılır. Onun
qiymətini tapmaq üçün müəssisənin özünəməxsus dövriyyə vəsaitlərini döv-
riyyə aktivlərinin dəyərinə bölmək lazımdır. 2. Özünəməxsus kapitalla (vasitələrlə)
manevr etmə k ə msalı
müəssisənin özünəməxsus dövriyyə vasitələrinin hansı
hissəsinin sərbəst şəkildə manevr etmək üçün mobil formada olduğunu
göstərir. Onun qiymətini toplamaq üçün müəssisənin özünəməxsus dövriyyə
vəsaitlərini özünəməxsus kapitalın həcminə bölmək lazımdır. Bu əmsalın
qiymətinin vahidə bərabər olması, yəni müəssisənin cari aktivlərinin
özünəməxsus kapital hesabına təmin etməsi qeyri - sabit kreditləşdirmə
mühitində maliyyə vəziyyətinin dayanıqlığının zəmanətidir. Əmsalın qiymətinin
yüksək olması müəssisənin maliyyə vəziyyətinin yaxşı olduğunu xarakterizə
edir. Bəzən əmsalın 0,4-0,6 qiymətlərini optimal kimi qəbul edirlər. 3. Daimi
aktivlə r
inkdeksi
müəssisənin
özünəməxsus
vəsaitlərinin
ə
mələgəlmə
mənbələrində əsas və dövriyyədən kənar aktivlərinin payını göstərir. Onun
qiymətini tapmaq üçün dövriyyədən kənar aktivlərin dəyərini müəssisənin
58
özünəməxsus kapitalına bölmək lazımdır. 4. Borc vəsaitlərinin uzunmüddətli
cə lb edilmə si ə msalını
tapmaq üçün uzunmüddətli passivlərin dəyərini
müəssisənin cari öhdəçilikləri ilə özünəməxsus kapitalın cəminə bölmək
lazımdır. Bu əmsal istehsal istehsal proseslərinin yeniləşdirilməsi və
genişləndirilməsi məqsədilə borc vəsaitlərindən müəssisənin nə dərəcədə
intensiv istifadə etdiyini göstərir. 5. Avtonomluq, maliyyə asılılığının olmaması,
kapitallaş dırma və yaxud özünə mə xsus kapitalların konsentrasiya ə msalı
müəssisənin özünəməxsus kapitalının balansın yekununa bölünməsi yolu ilə
tapılır. Bu göstərici müəssisənin maliyyə vəziyyətini xarakterizə edən əsas
ə
msallardan biri olmaqla müəssisənin borc vəsaitlərindən asılı olmadığını,
kreditləşdirmə ilə əlaqədar maliyyə riskinin nə dərəcədə olduğunu göstərir. O,
müəssisənin öz kapitalının balansın ümumi yekunda xüsusi çəkişini əks etdirir.
Avtonomluq əmsalının minimal qiymətinin 0,5-dən yüksək olması qəbul
edilmişdir. Bu şərtin ödənməsi müəssisənin borc vəsaitlərinin öz vasitələri ilə
ödəmə qabiliyyətinə malik olduğunu göstərir. Onun qiymətinin yüksək olması
müəssisənin maliyyə dayanıqlığının yüksək olmasını əks etdirir. ABŞ-da və
Qərb ölkələrində əmsalın 0,6-dan çox olması norma kimi qəbul olunmuşdur.
6. Borc vəsaitlərinin özünəməxsus vəsaitlərə nisbəti əmsalı və yaxud özünə-
mə xsus və saitlə rlə müqayisə də borc ə msalı
müəssisənin fəaliyyətinin hansı
hissəsinin kreditorlar tərəfindən maliyyələşdirildiyini göstərir. Başqa sözlə,
müəssisənin bir manatlıq öz vəsaitinin payına nə qədər borc vəsaiti düşdü-
yünü əks etdirir. Bu göstəricidən istifadə edərək müəssisənin borc və yaxud
özünəməxsus vəsaitlərinin çox olduğunu müəyyən edirlər. Əmsalın ən böyük
qiyməti (vahidə bərabər olması) müəssisənin aktivlərinin yarısından çoxunun
borc vəsaitləri hesabına formalaşdığını əks etdirir və xoşagəlməz hal kimi
qiymətləndirilir.
Yuxarıda göstərilən mütləq göstəricilərə əlavə olaraq müəssisənin
maliyyə dayanıqlığını əks etdirən bir sıra göstəricilərin dinamikasını da təhlil
etmək məqsədəuyğundur. Belə göstəricilərdən istifadə edərək tədqiqat dövründə
müəssisənin maliyyə vəziyyətində baş verən müsbət və yaxud mənfi
Dostları ilə paylaş: |