7
I FƏS L. Maliyyə sabitliyinin təmin olunmasının nəzəri və
metodoloji əsaslari
1.1 Maliyyə sabitliyinin təmin olunmasının konseptual əsasları
Makromaliyyə sabitliyi dedikdə maliyyə sisteminin komponentlərinin sabit
fəaliyyəti başa düşülür. Maliyyə sisteminin mahiyyətinin isə daha yaxşı dərk
olunması üçün ilk öncə maliyyə terimini aydınlaşdırmaq lazım gəlir. Maliyyə
anlayışına verilən tərifləri ümumiləşdirərək belə demək olar ki, maliyyə - pul
fondlarının bölgüsü, yenidən bölgüsü və istifadəsi ilə əlaqədar yaranan münasibətlər
sistemidir. Maliyyə münasibətlərinin yaranması özünü həmişə pul vəsaitlərinin
hərəkəti şəklində təzahür edir. Pul yoxdursa, maliyyə münasibətləri də yoxdur, çünki,
bu münasibətlər aşkarlanmır və başqa cür ifadə oluna bilmir[31, səh 3]. Maliyyə pul
münasibətlərini ifadə etməsinə baxmayaraq, o heç də bütün pul münasibətlərini əhatə
etmir. Maliyyə münasibətlərinə nisbətən pul münasibətləri daha geniş anlayışdır.
Maliyyə iqtisadi bazisin elementidir və iqtisadi kateqoriya kimi çıxış edir.
Maliyyənin mahiyyətinin müəyyən olunması iqtisadçılar arasında böyük fikir ayrılığı
yaradır. Onların bəziləri maliyyənin bölgü kateqoriyası, digərləri istehsal
kateqoriyası, üçüncü qrup isə geniş təkrar istehsal kateqoriyası kimi qiymətləndirirlər.
Bildiyimiz kimi geniş təkrar istehsal 4 mərhələdən ibarətdir: istehsal – bölgü –
mübadilə – istehlak. Beləliklə maliyyəyə belə tərif verilir: Maliyyə pul fondlarının
yaradılması və istifadəsi ilə əlaqədar olan pul-bölgü münasibətlərinin məcmusu
adlanır.
Maliyyənin mahiyyəti onun funksiyalarında təzahür edir. qtisadi kateqoriya
kimi maliyyəyə 4 funksiya: bölüşdürücü və nəzarət, sabitləşdirici, allokasiya
funksiyaları xarakterikdir.
Maliyyənin bölüşdürücü funksiyası ÜDM-in, milli gəlirin bölüşdürülməsi və
yenidən bölüşdürülməsində öz əksini tapır. Maliyyənin nəzarət funksiyası bölgü
funksiyasından törəyir və hər şeydən əvvəl ümumi daxili məhsulun və milli gəlirin
8
pul fondlarına bölgüsü və onların öz məqsədlərinə xərclənməsi üzərində nəzarətdə öz
ə
ksini tapır. Maliyyənin nəzarət funksiyası 2 cür həyata keçirilir: birincisi, manatla
nəzarət vasitəsilə, ikincisi, maliyyə orqanlarının həyata keçirdikləri nəzarət vasitəsilə.
Sabitləşdirici funksiya makromaliyyə sabitliyinin dayanıqlı iqtisadi artımın
təmin edilməsinə yönəldilmiş məqsədlərin həyata keçirilməsindən ibarətdir.
Allokativ funksiya maliyyə resursları hesabına cəmiyyətdə daxili və xarici
təhlükəsizliyin, sosial sistemin müəyyən xidmətlərlə təmin edilməsidir.
Milli iqtisadiyyatın maliyyə sabitliyinin təmin edilməsinin bəzi prinsipləri
vardır. Bu prinsipləri müəyyən etmədən maliyyə sabitliyini təmin etmək olmur. Bazar
iqtisadiyyatı şəraitində makromaliyyə sabitliyinin təmin edilməsinin əsas prinsipləri
bunlardır: bazar iqtisadiyyatına uyğun maliyyə sisteminin düzgün mexanizminin
qurulması, iqtisadi məqsədlərin seçilməsi, maliyyə sisteminin dövlət tənzimlənməsi,
vahid qanunvericilik bazasının olması, dövlət maliyyəsinin iqtisadiyyatda yerinin və
rolunun müəyyənləşdirilməsi, xarici ticarətin liberallaşması, xarici ticarətin dövlət
tənzimlənməsi, dövlətin iqtisadiyyata müdaxiləsində büdcə-vergi və pul-kredit
alətlərindən səmərəli istifadə olunması və s. Həmçinin onu qeyd etmək lazımdır ki,
düzgün maliyyə siyasəti və xarici iqtisadi siyasət nəticəsində ölkədə qiymət
sabitliyinə, valyuta sabitliyinə, büdcə tarazlığına, qismən tədiyə balansında tarazlığa,
ixrac-idxal tarazlığına, pul tədavülündə tarazlığa, pul və maliyyə bazarında, həmçinin
bütün bazarlarda ümumi tarazlığa nail olmaqla nəticədə makromaliyyə sabitliyini
təmin etmək olar.
Maliyyə sabitliyi ilə bağlı praktik tövsiyələr hazırlanması üçün həm bütövlükdə
maliyyə sisteminin, həm də onun ayrı-ayrı elementlərinin müxtəlif aspektlərinin
öyrənilməsini tələb olunur.
Məlum olduğu kimi maliyyə mürəkkəb struktura malik bir sistemdir. “Sistem”
hər bir hissəsi bütövlüyün xarakteristikasına öz töhfəsini verən və qarşılıqlı əlaqəli
hissələrdən ibarət müəyyən bir parçadır[31, səh.32]. Maliyyə sistemi maliyyə
bazarları, maliyyə qurumları və ödəniş sistemləri kimi bir sıra tərkib hissədən
9
ibarətdir. Maliyyə sabitliyi maliyyə sisteminin vəziyyətini əks etdirir ki, bu da
aşağıdakı xüsusiyyətləri daşıyır:
-maliyyə sistemi öz funksiyalarını lazımı qaydada yerinə yetirməli;
-maliyyə sistemi daxili və xarici şoklara qarşı dayanıqlı olmalı;
-öz funksiyalarını bərpa etmə xüsusiyyətinə malik olmalı.
Maliyyə sabitliyi anlayışının mahiyyətini aydınlaşdırmağa çalışan hər kəs bilir
ki, hələ də maliyyə sabitliyini ölçmək və eləcədə müxtəlif iqtisadi sistemlər üçün
siyasətlərin araşdırılmasını təmin edə biləcək hamı tərəfindən qəbul edilən bir model
və ya analitik sturuktur yoxdur[78, səh.3]. Bunun səbəbi isə pul və makroiqtisadi
sabitlik ilə müqayisədə maliyyə sabitliyi özünün ilkin mərhələsindədir. Maliyyə
sabitliyinin təhlili ödəniş vasitəsi və hesablaşma vahidi kimi qəbul edilmiş pul
iqtisadiyyatı çərçivəsində araşdırılmalıdır.
Makromaliyyə sabitliyi iqtisadi artıma təminat verən iqtisadi prosesdir.
Makromaliyyə sabitliyi iqtisadi inkişafa səmərəli təsir göstərməklə ölkənin ictimai
siyasi quruluşu və iqtisadi artımın obyektiv qanunauyğunluqları ilə müəyyən olunur.
Makromaliyyə sabitliyi təkcə maliyyə resurslarının deyil, həm də kredit
resurslarının istifadəsi zamanı meydana çıxan səmərəliliklə əlaqədardır.
Maliyyə sabitliyindəki inkişafı yalnız bir göstərici ilə xarakterizə etmək
mümkünsüzdür. Maliyyə sabitliyini ölçə biləcək müəyyən bir göstərici yoxdur. Bu,
maliyyə institutlarının sabitliyi, maliyyə bazarları və ödəniş sisteminin effektiv
fəaliyyəti kimi çoxtərəfli xüsusiyyətləri əks etdirir. Eləcə də real iqtisadi sektora təsir
edə biləcək amillər də nəzərə alınmalıdır.
Ölkənin maliyyə sabitliyini müəyyən edən əsas göstəricilər bunlardır:
• büdcə kəsirinin səviyyəsi;
• infliyasiya səviyyəsi;
• maliyyə axınlarının və hesablaşma münasibətlərinin normallaşması;
• bank sisteminin və milli valyutanın sabitliyi;
• əmanətçilərin maraqlarının qorunma səviyyəsi;
• ölkənin qızıl-valyuta ehtiyatı;
Dostları ilə paylaş: |