40
siyasətinin əsas istiqamətləri barədə Azərbaycan Respublikasının Milli Məclisinə də
məlumat verir. Mərkəzi Bankın illik fəaliyyəti Azərbaycan Respublikasının
Prezidenti tərəfindən təyin edilmiş auditor tərəfindən yoxlanılır və maliyyə hesabatı
Prezidentə təqdim edilir. Mərkəzi Bankın illik hesabatı ictimaiyyətə də açıqlanır.
Belə ki, illik hesabat, o cümlədən audit yoxlamasından keçmiş maliyyə hesabatı hər il
kütləvi informasiya vasitələrində (Mərkəzi Bankın internet saytında) dərc etdirilir
Lakin onu qeyd etmək də lazımdır ki, bəzən hesabatların dərc olunması maliyyə
sistemində neqativ təsirlərə gətirib çıxarır. Bir sıra ölkələr maliyyə sabitliyi haqqında
hesabat çıxarmaqdan imtina ediblər. Bunun bir sıra səbəbləri ola bilər[78,səh.17].
Azərbaycanda maliyyə sahəsi üzrə qəbul edilən qanunlar ölkədə maliyyə
sabitliyini təmin olunmasında mühüm rol oynasa da qanunvericilik sisteminində
mövcud qüsurların aradan qaldırılması və daha da təkmilləşdirilməsi
məqsədəuyğundur.
41
II FƏS L. Müstəqil milli iqtisadiyyatın formalaşması və inkişafına
maliyyə sabitliyinin təsirinin qiymətləndirilməsi
2.1. Milli iqtisadiyyatın formalaşması və inkişafında maliyyə siyasətinin rolu
Makromaliyyə sabitliyinin təmin edilməsində bilavasitə çevik və məqsədyönlü
maliyyə siyasəti həlledici rol oynayır. qtisadi məqsədlərin mövcud imkanlara uyğun
seçilməsi iqtisadi sabitliyinin ən əsas prinsipi hesab oluna bilər. Çünki real resurs
təminatına uyğun gəlməyən iqtisadi məqsədlərin seçilməsi gələcəkdə nəinki sabitliyi
pozur, eləcə də sabitliyi təmin etmək imkanları məhdudlaşdırır.
Maliyyə siyasəti makromaliyyə sabitliyi ilə iqtisadi artımın qarşılıqlı əlaqəsinin
təmin edilməsinin əsas vasitəsidir.
Maliyyə siyasətini - dövlətin öz funksiyalarını həyata keçirmək üçün maliyyə
resurslarının səfərbər edilməsinə, onların məqsədəuyğun bölüşdürülməsi və səmərəli
istifadə edilməsinə yönəldilən xüsusi fəaliyyət sahəsi kimi nəzərdən keçirmək
lazımdır. Maliyyə siyasəti ictimai həyatın bütün tərəflərini, yəni həm iqtisadi, həm
sosial və həm də beynəlxalq münasibətləri əhatə edir.
Hər hansı bir iqtisadi sistemin nоrmal fəaliyyətinin təmin edilməsində dövlətin
rоlu əvəzsizdir[28,səh.28].
Dövlət həyata keçirilən maliyyə siyasətinin başlıca
subyektidir. O, perspektiv üçün maliyyə inkişafının əsas istiqamətlərinin
strategiyasını, qarşıdakı dövrə fəaliyyət taktikasını, iqtisadi məsələlərə nail olmağın
vasitə və yollarını müəyyən edir.
Maliyyə siyasəti iki yerə ayrılır: maliyyə strategiyası; maliyyə taktikası.
Maliyyə strategiyası - uzunmüddətli perspektivə hesablanan və bir qayda olaraq
iri miqyaslı məsələlərin həllini nəzərdə tutan maliyyə siyasətinin uzunmüddətli
xəttidir.
Maliyyə taktikası - maliyyə strategiyasının ən mühüm sahələrində qarşıya çıxan
maliyyə məsələlərinin həlli metodlarıdır. Maliyyə strategiyası nisbi sabit olduğu
halda maliyyə taktikası çevik olmalıdır. Maliyyə siyasətinin strategiya və taktikası
42
qarşılıqlı surətdə əlaqədardır. Maliyyə strategiyasının nisbətən sabitliyi üçün maliyyə
taktikası möhkəmliyi ilə fərqlənməlidir.
Respublikada maliyyə sabitliyi sahəsində işlər əsasən 1994-cü ilin sоnundan
başlanmışdır. Maliyyə siyasətində 1995-ci ildən başlayaraq perspektiv istiqamətlər
müəyyən edildi ki, burada da aşağıdakılar nəzərdə tutulmuşdur.
1. büdcə kəsirinin azaldılmasına nail olmaq;
2. vergiqoyma sistemini təkmilləşdirmək;
3. inflyasiyanın səviyyəsini azaltmaq;
4. ölkədə sənaye və kənd təsərrüfatı istehsalını canlandırmaq;
5. iqtisadiyyatın sabitləşdirilməsi üzrə tədbirlərdə bankların və digər kredit
idarələrinin rolunu artırmaq;
6. Kredit münasibətləri sistemini təkmilləşdirmək;
7. stehsal və qeyri - istehsal sferalarında dövlət tədbirlərini maliyyələşdirmək
üçün ölkənin maliyyə resurslarının xeyli hissəsini dövlətin əlində (dövlət büdcəsində)
təmərküzləşdirməkdirmək.
Makromaliyyə sabitliyinin təmin edilməsi üçün dövlətin həyata keçirdiyi
maliyyə siyasətinin əsas iki istiqamətini büdcə-vergi, pul-kredit siyasəti təşkil edir.
Büdcə-vergi siyasəti dövlətin maliyyə siyasətinin tərkib hissəsi olmaqla büdcə
formalaşması siyasətini ifadə edir və bir çox ədəbiyyatlarda fiskal siyasət adlanır.
Fiskal siyasət dedikdə, dövlət xərclərinin və vergitutmanın səviyyəsinin
dəyişdirilməsi istiqamətində dövlət orqanlarının həyata keçirdiyi tədbirlərin məcmusu
başa düşülür. Fiskal siyasətdən optimal nəticə əldə etmək üçün vergi dərəcələrinin
dəyişməsinin işgüzar aktivliyə, büdcə xərclərindəki dəyişikliklərin inflyasiya və faiz
dərəcələrinə, büdcə kəsirinin isə makroiqtisadi tarazlığa təsiri nəzərə alınmalıdır.
Fiskal siyasət iqtisadi tsikllərdən və monetar siyasətdən də asılıdır. Bu siyasətin
hazırlanmasına tələbat dövlət maliyyəsinin stabil iqtisadi inkişafın təmin edilməsində
mühüm rol oynadığı XX əsrin ikinci yarısında xüsusilə güclənməyə başlamışdır.
Azərbaycan Respublikasında büdcə siyasətinin həyata keçirilməsindən əsas
məqsəd ölkədə makroiqtisadi göstəricilərin sabit saxlanılmasını təmin etməklə,
Dostları ilə paylaş: |