7
yaratmış Azərbaycan şairlərinin ədəbi
irsinin türk bədii
düşüncəsinə bağlılığını, bu zəmində xüsusi bir məktəb kimi
formalaşdığını sübut etməyin düzgün yolu poetik sistem
fərdiliyini tədqiq etməkdir. Müxtəlif dillərdə mövcud olan
mənbələri təhlilə cəlb etməklə Salman Savəcinin Azərbaycan
şairi olduğunu dövriyəyə gətirməkdir.
8
I F Ə S İ L
SALMAN SAVƏCİ HAQQINDA
MÖVCUD OLAN MƏXƏZLƏR.
ŞAİRİN İCTİMAİ-ƏDƏBİ MÜHİTİ
VƏ HƏYATI
1.1. Salman Savəci ilkin qaynaq
və araşdırmalarda
Türk xalqlarının, ümumiyyətlə Yaxın Şərqin həyatında
mədəni rol oynayan Azərbaycan xalqı həmişə öz müstəqilliyi,
dövlətçiliyi, ərazi bütövlüyü uğrunda mübarizə aparmış, lakin
onun bu mübarizəsi hər hansı bir zamanın müqavimətinə rast
gəlmiş, böyük ədəbi simalar yadellilərin
hakim dövlət dilinin
qurbanları olmuş, bir parça çörək üçün, yaxud əsərlərinin geniş
yayılması xatirinə o dildə yazıb-yaratmağa məcbur olmuşlar.
Yaxın Şərq ədəbiyyatının inkişafında mənşəcə azər-
baycanlı olan sənətkarların şübhəsiz ki, böyük tarixi xidmətləri
olmuşdur. Ancaq çox təəssüf ki, onlar çox vaxt öz milli
ədəbiyyatımızdan
təcrid olunmuş, ədəbi irsi lazımi səviyyədə
araşdırılıb yayılmamışdır. Bu ədəbi simalar dərindən
öyrənilmədən milli ədəbiyyatımızın tarixi inkişaf təkamülü
haqqında aydın bir təsəvvür yaratmaq mümkün deyil.
Azərbaycan ədəbiyyatının ən parlaq simalarından
Əfzələddin Xaqani (1126-1199), Nizami Gəncəvi (1141-1209)
kimi şairlər bu ədəbiyyatın çiçəklənməsinə böyük xidmətlər
göstərmiş, onun ən dəyərli incilərini yaratmış, öz zəmanəsində
və sonralar da çoxlarına örnək olmuş, əksər sənətkarlar onların
şeir yaradıcılığından faydalanmış, şeirlərinə iqtibas və nəzirələr
yazmışlar. Nizami ədəbi
məktəbinə daxil olan belə
şəxsiyyətlərdən biri də XIV əsrin istedadlı Azərbaycan şairi
9
Salman Savəcidir.
Salman Savəcinin bədii irsinin öyrənilməsi Azərbaycan
ədəbiyyatında yeni bir ədəbi simanın tanıdılması, digər tərəfdən
də böyük Nizami ədəbi məktəbinin XIV əsrdəki
davamçılarından birini müəyyənləşdirmək cəhətdən faydalıdır.
«XIV əsrdə gur inkişaf yoluna qədəm qoyan Azərbaycan
intibah mədəniyyətinin (29, 183) daha bir görkəmli
nümayəndəsi kimi yetişməsində Nizami ədəbi irsinin Salman
Savəci yaradıcılığına güclü təsiri ol-muşdur».
Müstəqil Respublikamızda
xalq hakimiyyətinin
qələbəsindən sonra klassiklərimizin əsərlərinin tədqiqi, nəşri və
təbliği, onların mütərəqqi fikirlərinin şərh və izah edilib xalqa
çatdırılması üçün geniş şərait və im-kanlar yaradılır, böyük
əməli tədbirlər həyata keçirilir.
Dahi Azərbaycan şairi Nizami Gəncəvinin anadan
olmasının 850 illik yubileyinin keçirilməsi barədə Respublika
hökumətinin qərarı ümummilli və bəşəri əhəmiyyətə malikdir.
Böyük Nizaminin dünya ədəbiyyatında xüsusi mövqeyə
malik sənətkarlığının, onun qabaqcıl ideya-larının, Yaxın və
Orta Şərq xalqlarının mədəniyyət tarixində ədəbi məktəb
yaratmış ecazkar təsir qüvvəsinə malik
söz sənətinin
öyrənilməsi və tədqiqi Azərbaycan şərqşünaslıq elminin həmişə
diqqət mərkəzində dayan-mışdır.
Nizami əsərlərinin tədqiqi, təbliği, nəşri işinə ömrünün
uzun illərini sərf etmiş professor M.Əliza-dənin qeyd etdiyi
kimi, «Nizaminin misilsiz əsərləri, onun qabaqcıl ideyaları
böyük sürətlə Yaxın və Orta Şərqə yayılaraq, bir çox xalqların
ədəbiyyatının inkişafına müsbət təsir göstərmiş və bu ecazkar
təsir öz qüvvəsini əsrlər boyu saxlamışdır» (1, 106).
Nizami ədəbi irsi və onun davamçıları barədə dünya
nizamişünaslığına qiymətli hədiyyələr bəxş etmiş görkəmli
şərqşünas alimlərdən Y.Bertels, H.Araslı, M.Əlizadə, R.Əliyev,
Q.Əliyev, Azadə R., habelə nizamişünas alimlərdən Ə.Səfərli,
10
X.Yusifli, M.Kazımov və b. elmi-tədqiqat əsərləri
öz elmi-
nəzəri səviy-yəsi ilə seçilir.
Adlarını çəkdiyimiz müəlliflərin böyük mütəfəkkir şair
haqqında söylədikləri fikirlər nizamişünaslıqda xüsusi
əhəmiyyət kəsb etmiş, eyni zamanda şairin ədəbi məktəbinin
sonrakı davamçılarının həyat və yaradıcı-lıqlarının
öyrənilməsində böyük rol oynamışdır.
Nizami ədəbi məktəbinin davamçıları olan Yaxın və Orta
Şərq şairlərinin dahi sənətkarın yalnız qələmə aldığı
mövzulardan, onun səpk və üslubundan,
bədii quruluş və ifadə
vasitələrindən istifadə etməklə öz orijinal ədəbi simalarını
parlatmış, bu məktəbin əzəmətini və təsir dairəsini
genişləndirmişlər. Nizami ədəbi məktəbinin ümumdünya
əhəmiyyəti bir də ondadır ki, şairin yaratdığı məktəb dünya
ədəbiyyatına yeni və mütərəqqi ideyalar gətirmişdir. Ona görə
də Nizami ədəbi məktəbinin davamçılarından bəhs edərkən ilk
növbədə Nizaminin Yaxın Şərq ədəbiyyatna gətirdiyi
mütərəqqi ideyaların xələflərinin əsərlərində davam və
inkişafını izləmək çox zəruri və məqsədəuyğundur.
«Xəmsə»dən gələn intibah ideya və fikirlərin, ümumbəşəri
bədii və fəlsəfi kəlamların Yaxın və Orta Şərq ədəbiyyatında öz
inikasını tapması, hər şeydən öncə Nizami
təsiri ilə izah oluna
bilər.
*
Bu baxımdan Salman Savəci yaradıcılığı da öz ideya-
bədii məzmunu ilə fərqlənir, yeni məna daşımaqdadır.
Nizami Gəncəvinin Salman Savəciyə təsirini tədqiq etməyi
qarşımıza məqsəd qoymasaq da, yeri gəldikcə bu barədə öz
mülahizələrimizi irəli sürməyi məqsədəuyğun sayırıq. Burada
tədqiqatçıların kifayət qədər
öyrənmədiyi Salman Savəcinin
həyat və yaradıcılığı, epik əsərləri, xüsusilə onun Nizami
*
ХЫВ-ХВЫ ясрлярдя фарсдилли ядябиййатда нязирячилик яняняляри
барядя бах: М.Д.Кязимов. «Хафт пейкар» Низами и традиция назире в
персоязычной литературе XIV-XVI вв. Баку: Элм, 1987, 204 с.