23
şərqşünaslarından Fəridun Vəhmanın
birgə səyləri sayəsində
nəşr olunmuş həmin kitaba müqəddimədə müəlliflərin
qeydlərindən məlum olur ki, əsərin elmi-tənqidi mətni
məsnəvinin Hindistanın İndiya-Ofis, İngiltərənin Britaniya
muzeyində olan iki əlyazma nüsxəsi və Kopenhagen Dövlət
Kitabxanasındakı iberi (yəhudi) əlifbası ilə yazılmış
əlyazmaları əsasında hazırlanmışdır (100). Lakin bu müəlliflər
Salman Savəcinin «Cəmşid və Xurşid» poemasının iberi
əlifbası ilə İran yəhudilərinin ləhcəsində yazıldığını
söylədiklərindən (100) poemanın həmin dilə tərcümə
olunduğunu və ya orijinalın həmin əlifba ilə üzünün
köçürüldüyünü aydınlaşdıra bilmirik.
Bu isə şairin şah əsərinin
dünya xalqları ədəbiyyatında yayıldığını sübut edir.
1.2. Şairin ictimai-ədəbi mühiti
Salman Savəcinin yaşayıb-yaratdığı XIV əsr Yaxın Şərqdə,
o cümlədən Azərbaycanda bir çox ictimai, siyasi və tarixi
hadisələrin cərəyan etdiyi bir dövrdür.
Tarixi mənbələrin və tarixçilərin məlumatına əsasən
Salman Savəcinin yaşadığı dövrün qısa xarakteristikasına nəzər
yetirməklə şairin dünyagörüşünün hansı bir şəraitdə
formalaşdığını müxtəsər şəkildə söyləmək faydalı olardı.
Orta əsrlərdə yaranmış yazılı mənbələr xəbər verirlər ki,
XIII əsrin ikinci yarısında (1258-ci ildə) Çingiz xanın nəvəsi
Hülaki (1217-1265-ci illər) tərəfindən əsası qoyulan Hülakilər,
yaxud Elxanilər adlanan sülalə XIV əsrin əvvəllərində
zəifləməyə və tədricən parçalanmağa başlayırdı (2, 204).
Vəssaf, Rəşidəddin Fəzlullah, Məhəmməd Naxçıvani, Həm-
dullah Mustofi Qəzvini və onun oğlu Zeynəddin Hafiz Əbru,
Əbdürrəzzaq Səmərqəndi,
habelə bu dövrün bir çox
müəlliflərinin əsərlərindən göründüyü kimi, monqolların işğal
24
etdikləri ölkələrdə, o cümlədən Azərbaycanda dəhşətli feodal
zülmü hökm sürürdü (44, 322-327).
Qeyd etməliyik ki, XIV əsr Azərbaycan tarixinin bu
dövrünü ətraflı öyrənmək üçün Həmdullah Mustovfi
Qəzvininin (1281- ) «Zeyl-e tarix-e qozide» («Seçilmiş tarix»ə
əlavə) və onun oğlu Zeynəddin bin Həmdullah Qəzvininin
«Zeyl-e tarix-e qozide»
*
(«Seçilmiş tarix»ə əlavə) adlı olduqca
görkəmli və dəyərli əsərləri f.e.d., prof. M.D.Kazımov və t.e.d.
V.Z.Piriyevin gərgin zəhmət tələb edən giriş,
Azərbaycan və
rus dillərinə tərcümələri, müqəddimə, şərhlər və göstəriciləri ilə
1986-cı və 1990-cı illərdə «Elm» nəşriyyatında çapdan
buraxılmışdır.
Qızıl ordalılarla elxanilər arasında təqribən yüz il davam
edən müharibələr və feodal çəkişmələri nəticəsində Yaxın Şərq
ölkələrinin, eləcə də Azərbaycanın əhalisi tamamilə var-yoxdan
çıxmış, şəhərlər talanmış, qədim mədəniyyət abidələri yerlə-
yeksan olunmuş, əkin üçün yararlı münbit torpaqlar hərbi
əməliyyat meydanına çevrilmişdi (3, III c., 74).
Bütün bu yürüş
və müharibələrin ağırlığı xalq kütlələrinin üzərinə düşürdü. Bu
hadisələrin canlı şahidi olmuş məşhur tarixçi Rəşidəddin
Fəzlullah (1247-1318) – («Cameət-təvarix») («Tarixlər
toplusu») əsərində yazırdı ki, Bəlx, Şibirğan, Talakan, Mərv,
Herat, Ərdəbil, Gəncə, Bağdad, Mosul və s. kimi çoxlu əhali
yaşayan şəhərlərdə və ətraf vilayətlərdə istila zamanı monqollar
camaata işkəncə verir, qoşun keçən yerlərdə xalq bütünlüklə
qılıncdan keçirilir, torpaqlar isə istifadəsiz qalırdı (120, 556-
558).
Monqol zülmü Yaxın və Orta Şərq xalqlarının mədəni
inkişafını geriyə atmışdı (48, III c., 585), «bu əsarət nəinki
*
Щямдуллащ Гязвининин «Зейл-е тарих-е гозиде» ясяри цч щиссядян
ибарятдир вя ян гядим заманлардан 1392-ъи иля гядярки тарихи щади-
сялярин шярщини ящатя едир (М.Ф.)
25
əzirdi, hətta onun qurbanı olmuş xalqın
ruhunu təhqir və puç
edirdi» (48, III c., 198).
Monqol basqınları nəticəsində Azərbaycanın iqtisadi və
mədəni yüksəlişi prosesi dayandırıldı (2, 149).
XIII-XIV
əsrlərdə ardı-arası
kəsilməyən feodal
müharibələri zamanı iqtisadi həyatın sarsılması xalqın mənəvi
həyatında böhranın yaranmasına səbəb oldu. Olmazın
məşəqqətləri ilə üzləşən xalq həyatdan üz döndərir, bədbin
əhval-ruhiyyəyə qapılırdı. Bu dövrdə Azərbaycan və Yaxın
Şərqin bir çox ölkələrində ictimai ədalətsizliklərdən narazılığın
müəyyən bir ifadəsi kimi yayılmış sufizm dünyagörüşü xalq
kütlələrinin mənəviyyatına nüfuz etməyə başlayırdı (52, 75);
sufizm ictimai fikirdə, xüsusilə şeir sahəsində geniş vüsət
almışdı. Şeyx Mahmud Şəbüstəri, Seyid Zülfüqar Şirvani,
Fəzlullah Nəimi, İmadəddin
Nəsimi və başqa şair və
mütəfəkkirlərin əsərlərində sufizm meyllərinin əks olunması da
məhz həmin şəraitin təsirindən irəli gəlirdi.
Yaxın Şərq ölkələrində yaranmış belə bir ağır siyasi-ictimai
vəziyyət xalq kütlələrinin mənəvi cəhətdən şikəst olmasına
səbəb olurdu. Feodal əsarətindən, 40 illik çəkişmələrdən yaxa
qurtarmaq istəyən əhali doğma yurdunu tərk edirdi.
Belələrindən o zamanlar əhali içərisində məşhur olan görkəmli
elm, mədəniyyət və ictimai xadimlər də var idi. Təbrizin
məşhur din xadimlərindən Şeyx Kücəci, səfəvilər sülaləsinin
banilərindən Sədrəddin Ərdəbili,
Qazi Məhyəddin Bərdəi və
başqaları vətənini tərk edənlər içərisində idilər. Təzkirəçi
Əbdürrəzzaq Səmərqəndi xəbər verir ki, Şeyx Kücəci Şiraza,
Xacə Sədrəddin Ərdəbili Gilana qaçmış, Məhyəddin Bərdəi isə
o zamanlar Qızıl Ordanın paytaxtı olan Saraya getmiş və ya
zorla aparılmışdı (125, 289). Əbdüllah Razinin «Tarix-e İran»
əsərində qeyd etdiyinə görə, Sultan Əbu Səidin (1316-1335)
ölümündən sonra quruluşca möhkəm olmayan elxanilər dövləti
bir neçə böyük əmirlər arasında parçalanmışdı (109, III c., 443).
26
Dövlətşah Səmərqəndinin məlumatına görə, Sultan Əbu Səidin
vəfatından sonra dövlətdən narazı olan əhali tərəfindən çoxlu
üsyanlar baş verdi və ölkədə asayiş və əmniyyət pozuldu.
Sultanın vəliəhdi olmadığından ətraf vilayətlərin əmirləri tac-
taxta sahib olmağa can atır, fitnəkarcasına
müstəqillikdən dəm
vururdular. Nəticədə ölkədə hərcmərclik yaranır, dövlət
parçalanırdı (73, 172).
Azərbaycanda Şeyx Həsən, Əmir Çoban və Şeyx Həsən
Cəlayir (Böyük Həsən) qiyam qaldırdılar. İraqda və fars
vilayətində Məhəmməd Müzəffər qələbə çaldı. Xorasanda isə
sərbədarlar hakimiyyəti ələ aldılar, tayfalar bir-birinə dinclik
vermirdilər, vilayət-vilayət, şəhərbəşəhər, kəndbəkənd camaat
arasında pərakəndəlik əmələ gəlmişdi (73, 172).
Əbu Səidin ölümü ilə elxanilərin sonuncu nümayən-
dələrinin süquta uğramaları arasında 20 ilə yaxın bir fasilədə
İranın müxtəlif guşələrində beş yeni
sülalə meydana gəlmişdi
(109, III c., 443). Belə sülalələrdən biri də Ağbuğa Cəlayirin
nəvəsi Əmir Hüseyn Buğanın oğlu Böyük Həsənin (1336-1356)
monqol mənşəli cəlayirilər sülaləsi idi (1336-1410).
Böyük Həsən Əbu Səid hakimiyyətinə varis olmaq üçün
yerli feodallar arasındakı ixtilaflara qoşuldu. O, Azərbaycanı,
sonra İraqı ələ keçirdi, Bağdad şəhərini paytaxt edərək (1340-cı
ildə) yeni müstəqil dövlət yaratdı (19, 13-58), (75, III c., 27).
Bu, o zaman İranın cənubunda meydana gəlmiş (paytaxtı Şiraz
şəhəri) Müzəffərilərdən (1313-1393) sonra ikinci qüdrətli
dövlət idi. İranın şimalı və cənubunda yaranmış bu iki qüdrətli
dövlət eyni zamanda ədəbiyyat sahəsində də rəqabət aparırdı
(56, III c., 96). Şimalda Təbriz, cənubda isə Şiraz istedadlı
şairləri özündə cəmləşdirirdi. Hülakilərın istilasından sonra
artıq XIV əsrdə iki yüz min əhalisi olan Təbriz iqtisadi
yüksəlişə qədəm qoymuşdu. Elxanilər zamanı Təbriz çox böyü-
müşdü: onun sahəsi 5-6 dəfə genişlənmişdi (3, III c., 72). Digər
tərəfdən Bağdad ədəbiyyat və mədəniyyətin mərkəzləşməsində