11
Gəncəvinin «Xosrov və Şirin» əsərinin təsiri altında yazdığı
«Cəmşid və Xurşid» poeması barədə fikir
yürütməklə, əslində
Nizami Gəncəvi ədəbi məktəbinin Yaxın Şərq xalqları
ədəbiyyatı tarixində daha bir layiqli davamçısı haqqında ilk
dəfə olaraq ətraflı məlumat verməyə səy göstərəcəyik.
Azərbaycan ədəbiyyatının tanınmış klassiklərindən biri
olan Salman Savəci (1300-1377) bədii-estetik fikir tariximizdə
özünəməxsus mövqeyi ilə seçilərək, zəmanəsinin uğurlarını
şeirə gətirmiş, zaman, dünya və insan haqqında yeni düşün-
cələrini ifadə etmişdir. Onun zəngin yaradıcılıq irsi, rəngarəng
bədii lirikası, «Fərağnamə» (1361-ci il) və «Cəmşid və Xurşid»
(1363-cü il) adı ilə məşhur poemaları Yaxın və Orta Şərq
xalqları arasında şöhrət qazanmış, XIV-XV yüzilliklər epik və
lirik şeirin inkişafına güclü təsir göstərmişdir.
Məlumdur ki, bütün zamanlarda olduğu kimi,
orta əsrlərdə
də hər bir sənətkar, əsasən, öz fitri istedadının imkanları
dairəsində əldə edə bildiyi yüksək sənət nailiyyətləri əsasında
ucalsa da, onu özündən əvvəlki zəngin ədəbi irsin ümumi
inkişafı prosesindən təcrid etmək mümkün deyildir.
Salman Savəci yaradıcılığının formalaşmasında onun öz
sələflərinin də təsiri ayrıca bir tədqiqat mövzusudur. Bu
baxımdan Qətran Təbrizi, Əfzələddin Xaqani, Nizami Gəncəvi,
Marağeyi Əvhədi və b. Şairlərin mütərəqqi fikirlərinin, yüksək
bəşəri hisslərinin, saf, səmimi lirik duyğularının
Salman Savəci
yaradıcılığına müsbət təsiri ayrıca qeyd edilməlidir.
Məlumdur ki, Salman Savəcinin qüdrətli sələfləri olduğu
kimi, qüdrətli müasirləri də olmuşdur. Şairin yaşayıb-yaratdığı
dövrdə lirik şeir ustası Əmir Xosrov Dəhləvi (1252-1325) və
Xacu Kirmaninin (vəfatı 1352-53-cü illər) məsnəvidə, Hafiz
Şirazi (1300-1390) lirik şeirdə böyük müvəfəqiyyətlər əldə
etmişlər. Elmi araşdırmalardan belə qənaətə gəlirik ki, Salman
Savəcinin ədəbi irsi də öz dövründə və sonralar şeir və
ədəbiyyat biliciləri tərəfindən yüksək qiymətləndirilmiş, lakin
12
farsdilli ədəbiyyat tarixinin son əsrlərdəki bəzi təəssübkeş
araşdırıcıları şairin mənşəcə azərbaycanlı olduğunu bilərək,
bəlkə də qəsdən onun mövqeyini və yüksək istedadını
qiymətləndirmək və təbliğ etməyə soyuqqanlı yanaşmışlar.
Lakin bütün bunlara baxmayaraq S.Savəcinin həm
sağlığında, həm də vəfatından
sonra yaranan orta əsrlərin
qaynaqlarında onun istedadına yüksək qiymət verilmiş,
görkəmli bir şair kimi yad edilmişdir. İmadəddin Nəsimi
(1369-1417), Bədr Şirvani (1387-1450), Hamidi (XV əsr),
Məhəmməd Füzuli (1494-1556), Vəhşi Bafqi (vəfatı 1591)
və digər azərbaycanlı şairlərin bədii yaradıcılığında Salman
lirikasının açıq təsirinin duyulması təsadüfi deyil.
*
Qeyd etməliyik ki, Salman Savəcinin sənətkarlığı,
yaradıcılıq məharəti öz dövründən başlayaraq məşhur
təzkirəçilər, ədəbi ənənələrinin pərəstişkarları olan Yaxın
Şərqin bir çox görkəmli şairləri tərəfindən yük-sək
qiymətləndirilmişdir. Bir sıra şairlər yeri gəldikcə bədii
əsərlərində onun adını çəkmiş, şeirlərindən
təzmin etmiş,
təzkirəçilər həyatından, yaradıcılığından müxtəlif mənbə və
məxəzlərdə bəhs etmiş, fikir söyləmişlər.
S.Savəcinin həyatı, müasirləri və bədii irsi barədə ilkin
məlumata XV əsrin məşhur təzkirəçisi Dövlətşah
Səmərqəndinin «Təzkirətüş-şüəra»sında (1487-ci ildə
tamamlanmışdır) rast gəlirik. Təzkirə müəllifi, şübhəsiz ki,
S.Savəci yaradıcılığı ilə yaxından tanış olduğundan onu «böyük
şairlərdən» hesab etmiş, «şeir və şairlikdə öz dövrünün başçısı»
adlandırmışdır (73, 286).
S.Savəci ilə Dövlətşah Səmərqəndinin yaşadıqları dövr
yaxın olduğundan, təzkirə müəllifinin şair haqqında verdiyi
məlumat xüsusi qiymətə malikdir.
Buna görə də Salman
haqqında sonralar fikir söyləyən müəlliflər Dövlətşahın əsərinə
*
Мянбяляр сонракы сящифялярдя верилмишдир.
13
ilkin mənbələrdən biri kimi istinad etmişlər. Dövlətşahın
qeydlərindən aydın olur ki, o, Salman yaradıcılığına yaxından
bələd olmuş, əsərlərini maraqla mütaliə etmişdir. Biz bunu
müəllifin Ənvəri, Zülfüqar Şirvani, Əbdürrəzaq İsfəhani,
Siracəddin Qumru, Zəhir Fariyabi, Müzəffər Hərəvi, Übeyd
Zakani, Nasir Buxari və b. Yaxın və Orta Şərq şairlərinin
ədəbi irsindən bəhs edərkən müqayisə yolu ilə Salman
yaradıcılığına müraciət etməsində,
onun əsərlərindən yeri
gəldikcə misallar çəkməsində (73, 93, 146, 157, 164, 296, 304,
324-325, 449) və s. aydın görürük.
Böyük özbək şairi və ədibi Əmir Əlişir Nəvai (1441-1501)
1490-1491-ci ildə cığatay dilində qələmə aldığı «Məcalisün-
nəfayes» (114, 16, 45, 192) əsərində S.Savə-cinin adını
zəmanəsinin istedadlı şairləri sırasında çəkir, «Mühakimətül-
lüğəteyn» (65, 73) əsərində Nizami və Əmir Xosrov Dəhləvini
poemada, Salman Savəcini isə qəsidədə müqayisəolunmaz
sənət nümunəsi yaratdıq-larını göstərmişdir. Əhli Şirazi (1455-
1535-36) (45, 39) Ə.Nəvainin arzusu ilə S.Savəcinin «məsnu»
(süni, xaricdivan) qəsidəsinə üç bənzətmə yazmışdır. Ə.Nəvai
Salmanın «məsnu» qəsidələrinə ən çox cavablar yazan,
gözlərinin xəstə olmasına görə də «ikinci Salman» kimi
tanınmış Mövlana Arifi /vəfatı 1449-cu il/ (45, 25), Fəsih Rumi
və b. orta əsr şairlərinin S.Savəcinin uğurlu yaradıcılıq
üsulundan istifadə edərək, qəsidədə də Salmanın icad etdiyi
yeni yol ilə
*
getdiyini yüksək qiymətləndirmişdir (45, 34-36).
XVI əsr təzkirəçilərindən görkəmli alim Əhdi Bağdadinin
«Gülşən üş-şüəra» (7, 6), Əlaüddövlə Kami Qəzvininin
«Nəfayes əl-məaser» (111, vər.
*
82a-83a), Əmin Əhməd
Razinin «Həft iqlim» (1593-94-cü illər) (66, vər. 530a-530b),
*
Бурада «Гясидейи-мяснуи» (сцни гясидя) нязярдя тутлур. Бу барядя
бир даща сонра мялумат веряъяйик.
*
Гейд: Бундан сонра вяряг сюзц вяр. йазылаъагдыр.
14
Qulaməli xan Azadın «Xəzaneyi-amirə» (1761-62-ci illər)
(112, 254). Şirəli xan Ludinin «Təzkireyi mirat ül-xəyal» (80,
53-55), Lütfəli bəy Azərin «Atəşkədeyi-Azər» (1760-1779)
(64, 223-226), Rzaqulu xan Hidayətin «Məcmə ül-füsəha»
(1867-68) (96, II c.,19) təzkirələrində S.Savəcinin həyatı və
əsərləri barədə qısa məlumat verilir.
Azərbaycan dilində ilk təzkirə müəllifi Əhdi Bağdadi
İraqda yaşayan Azərbaycan türkləri haqqında
məlumat vermiş,
Bağdad ədəbi mühiti, xüsusilə də M.Füzuli haqqında dəyərli
fikirlər irəli sürmüş, Salman Savəcini də Yaxın Şərqdə sevilə-
sevilə oxunan lirik şairlərdən biri saymışdır. Əhdi Bağdadi
Füzuli haqqında qeydlərində yazırdı ki, onun üç dildə yazdığı
Azər-baycan, ərəb, farsca qəsidələri Xacə Salmanın qəsidə-ləri
kimi fəsahətli (səlis) olub, şeir biliciləri tərəfindən sevilmişdir
(7, 6).
Məhəmməd Füzulinin qəsidə janrında Salman Savəci qədər
hünər göstərərək, onun səviyyəsinə ucala
bildiyini qeyd edən
Əhdi Bağdadi Salman yaradıcılığı haqqında orijinal bir fikir
irəli sürmüşdür.
XIX əsr müəlliflərindən Bəhmən Mirzə «Təzki-reyi-
Məhəmməd Şahi» (70, vər. 75b) əsərində, XV-XIX əsr
tarixçilərindən Mirxand Xavəndşahın (1433-1498),
«Rövzətüs-Səfa» (129, IV c.,990-1002), Qiyasəddin
Xandəmirin (1475-1535) «Həbibüs-siyər» (113, III-IV c,
803-804), Yəhya Qəzvininin «Lübbüt-təvarix» (137, vər. 95-
97-98, 104-105), Qazi Əhməd Qəffarinin «Nigarıstan» (68, vər.
240b-249a, 261, 264, 290-296), həmin müəllifin «Tarixe-cahan
ara») (122, vər.164a), Əbdi bəy Şirazinin «Təkmilətül-əxbar»
(107, vər. 206a-211a), Şərəf xan Bidlisinin «Şərəfnamə»
(102, 33-64) və s. əsərlərdə də Salman Savəcidən bəhs
açılmışdır.
«Lətayef ət-təvayef» əsərinin müəllifi Fəxrəddin Əli
Səfinin (vəfatı 1532-33) Salman haqqında məlumatı yuxarıda