35
Azərbaycan türklərindən ibarət olan Savə mahalının (şəhrista-
nının) mərkəzi şəhəridir (38, 147-150), (130, 139).
Savə şəhərinin özündə 110 min,
bütövlükdə mahalda isə
250 min nəfərə qədər əhali yaşayır. Savənin ətrafındakı Bayati-
Zərənd, Xaki-Əfşar, Bəydili, Cəfərabad və s. kəndlərin əhalisi
də Azərbaycan türkləridir.
1969-cu ildə Tehranda nəşr edilmiş «Dairətül-məaref ya
fərhəng-e daneş və honər» (90, 952) («Maarif ensiklopediyası
ya elm və incəsənət lüğəti») məcmuəsində Savə haqqında
məlumatda göstərilir ki, Savə mahalı Tehranın cənubunda
yerləşir və o, Nobəran, Zərənd, Xərqan və Cəfərabad
rayonlarından təşkil olunur. 1967-ci ildə siyahıyaalınmaya görə
Savə mahalının əhalisi 142,450 nəfər olmuş və hər km
2
-ə 14
nəfər düşürmüş. Məcmuədə qeyd edilir ki, Savənin bağlarında
nar daha çoxdur və narına görə Savə məşhurdur.
Tehran ilə
Savə arasındakı məsafə 219 km-dir (90, 952).
1887-ci ildə Beyrutda ərəb dilində nəşr olunmuş «Maarif
ensiklopediyası»nda (9-cu cild) Biters əl-Bistani Savə haqqında
yazısında Yaqut Həməviyə istinadən qeyd edir ki, Savə Rey və
Həmədan arasında gözəl bir şəhərdir. Onu Avə şəhərindən 30
fərsəx məsafə ayırır. Avənin əhalisi şiə, Savənin əhalisi isə
sünni şafeidir.
Zənnimizcə, Savə (yaxud Sava) adında Təbriz yaxınlığında
vaxtilə digər bir yaşayış məntəqəsinin də olduğunu ehtimal
etmək olar.
*
Salman Savəcinin müasiri, monqol dövrünün məşhur
tarixçisi, yazıçı və şair Həmdulla Mustovfi Qəzvini (1281/82-
1350) «Nüzhət ül-qülub» (1340) coğrafi kitabında yazırdı ki,
Savə şəhərinin cənnətə bənzər bağlarının ətirli meyvələri,
xüsusilə narı çox
məşhurdur, torpağı münbit, insanları gözəl
bənizlidir (136, vər. 141b). Yuxarıda adını çəkdiyimiz ərəb
*
Бу барядя сонракы гейдляря бах.
36
müəllifi Biters əl-Bistani isə Savənin gözəllərindən heç yerdə
olmadığını qeyd edirdi (126, 428).
Vəzir Rəşidəddin Fəzlullahın göstərişi ilə Qəzvin və
Zəncanın maliyyə işləri ilə məşğul olan Həmdulla Mustovfi
Qəzvini həm də Savənin tarixi və coğrafi mövqeyi barədə
məlumatında Savə şəhərini dördüncü iqlimə daxil etmiş
(136, vər. 141b) və onun bünövrəsinin Xacə Zahirəddin Əli
Savəci tərəfindən inşa olunduğunu göstərmişdir.
H.M.Qəzvini və orta əsrlərin digər müəllifləri hələ o
zamanlar Savə əhalisinin elm və ədəbiyyatı çox xoşladığını,
burada karvansarayların, mədrəsə,
xəstə-xana, böyük və
zəngin kitabxananın mövcudluğun-dan xəbər vermişlər (136,
vər. 141 b. – 142 a.).
Savənin dünya şöhrətli kitabxanası monqol istilası zamanı
məhv edilmişdir.
Savə şəhəri eyni zamanda ətraf region üçün bir mədəni
mərkəz rolunu da oynayırdı. Savə öz dövrünün bir çox
tanınmış adamları ilə də məşhur idi. O zamanlar Xorasan
vilayətinin hakimi Durmuş xanın vəziri Xacə Həbibullah Sa-
vəci, azərbaycan dilində «Hüsn və del» («Gözəllik və qəlb»)
məsnəvisinin müəllifi Səlahəddin Seyrəfi Savəci (135, 241),
Hülakilərin sonuncu hökmdarı Əbu Səidin (1316-1335) vəziri
Sədəddin Savəci, bir çox istedadlı şairləri və şəxsiyyətləri
göstərmək olar.
XVI əsrin məşhur tarixçisi Qiyasəddin Xandəmirin (vəfatı
1534/35-ci illər) «Həbib-üs siyər»ində (1522/23-cü illər)
verdiyi məlumat son dərəcə maraq doğurur. Müəllif göstərir ki,
Xacə Nəsirəddin Tusi (1201-1274)
də əslində Savəlidir, amma
Tusda anadan olub, orada boya-başa çatdığına görə Tusi kimi
tanınmış və məşhur olmuşdur (113, 105-107). İran
müəlliflərindən Əbdülhüseyn Nəvai də bu məlumatı
Q.Xandəmirin «Həbib-üs siyər»i əsasında tərtib etdiyi «Rical-e
Həbib-üs siyər» (1324-cü il şəmsi – 1909-cu il) kitabında
37
vermişdir (97, 7-9).
Salmanın əsərlərindən aydın olur ki, o, dövrünün
mükəmməl təhsil görmüş şəxsiyyətlərindən biri kimi çox ciddi
mütaliə sayəsində qədim və orta əsr elmlərini, xüsusilə ərəb,
fars, Orta Asiya xalqlarının mədəniy-yətini, Yaxın
və Orta Şərq
tarixini, fəlsəfə və s. dərindən öyrənmiş, musiqi və şahmat
oyununun incəliklərinə yiyələnmişdir (85, 67, 267, 285, 290).
Təbiidir ki, Salman Savəci kimi istedadlı şairlər o zamanlar
zəminsiz yarana bilməzdi. Müasir ədəbiyyat-şünasların qeyd
etdikləri kimi, bu qisim şairlərin meydana gəlməsində mövcud
dövrün ictimai və mədəni mühiti başlıca rol oynayırdı.
Yaradıcılığından məlum olduğuna görə, o, kənd həyatı, məişəti,
türk xalqlarının adətləri və ənənələri ilə, şifahi xalq ədəbiyyatı,
qəhrəmanlıq və məhəbbət dastanları ilə yaxından tanış
olmuşdur. Bu isə şairin yaradıcılığının çoxcəhətli olmasına
əsaslı təsir göstərmişdir.
Salmanın fikrinin və dünyagörüşünün inkişafında şübhəsiz
ki, o zamankı qaynar Təbriz mühitinin oyna-dığı təsirli rolu da
nəzərdən qaçırmaq olmaz.
Yaxın
və Orta Şərq, eləcə də Orta Asiya və Rusiyaya
böyük karvan yollarını birləşdirən Təbriz şəhərinin
Hülakilərin paytaxtı olduqdan sonra daha sürətlə inkişaf
etməsi buraya istedadlı sənətkarlar, xəttatlar, şairlər və s. top-
layırdı ki, bu da insanlar arasında ədəbi, həm də mədəni
əlaqələrin artıb inkişaf etməsinə səbəb olurdu. Burada
Rudəkidən tutmuş Hafizə qədərki Şərqin əzəmətli söz
ustalarının ədəbi irsi öyrənilir, yunan və Şərq fəlsəfəinə maraq
daha da artırdı. Xüsusilə şifahi xalq ədəbiyyatının təsirilə
yazan şairlər meydana çıxır, XI-XII əsrlərdən
baş-layan
Azərbaycan intibahının və ədəbiyyatda Nizami ənənələrinin
qüvvətli təsiri altında yeni-yeni bədii əsərlər yaranırdı.
Belə bir dövrdə ilk yaradıcılığa qədəm qoyan Salman
Savəci o zamankı elmin müxtəlif sahələrinə yiyələnir,
38
dövrünün görkəmli sənət əsərlərinə bələd olurdu.
Şairin əsərlərindən göründüyü kimi, o, ən böyük
nailiyyətləri xəttatlıq və münazirə (şeirləşmə, mü-bahisə)
sənətində əldə edə bilmiş, qədim və orta əsrlər Yaxın Şərq
xalqlarının tarixi və ədəbiyyat aləminin nailiyyətlərinə
yiyələnmişdir.
Əsərlərinin tədqiqindən aydın olur ki, Salman qədim yunan
fəlsəfəsi, xüsusilə Əflatunun (eramızdan əvvəl 427-347)
fəlsəfəsi ilə yaxından tanış olmuş, orta əsrin Şərq fəlsəfəsinin,
humanitar elmlərinin incəlik-lərinə bələd olmuş, sələflərindən
Firdovsi, Sənai, Ünsüri, Ənvəri, Əfzələddin Xaqani,
Nizami
Gəncəvi, Ömər Xəyyam, Kəmaləddin İsmayıl, Zülfüqar
Şirvani, Zəhirəddin Faryabi, Sədi Şirazi və b. ədəbi-bədii irsini
ciddi mütaliə etmiş, onların yaradıcılığından bəhrələnmiş,
əsərlərində bəzilərini təzmin etmiş, bir qisminə isə cavablar
yazmışdır.
XIII-XIV əsrlərdə Azərbaycanda iqtisadiyyatın sarsılması
nəticəsində insanların mənəvi həyatında böhranlar yaranır,
sufizm dünyagörüşü bir fəlsəfi təlim kimi şeir və ədəbiyyatda
da yayılırdı. Lakin Salman yaradıcılığında
ictimai fəlakət
pərdələnməmişdir. Salman həqqi – Allahı dərk etmiş, dini
mövzuda qəsidələr də yazmışdır.
S.Savəci yaşadığı orta əsrlər şəraitinin mövcud
dünyagörüşü baxımından çıxış edərək bəzən insanlara öz
nicatını, dirçəlişini Qəzalinin təlimlərindən, İbn Sinanın
«Qanun» və «Şəfa» kitablarından deyil, məhz haqq-taalanın
rəhmətindən axtarmağı, ona ümid bəsləməyi lazım bilirdi (85,
344).
Salman Savəci dini-fəlsəfi qəsidələrində bəzən də İbn Sina
(980-1038), Əbu Hamid Əl-Qəzali (1059-1111) və b. Şərq
filosoflarının adlarını hörmətlə çəkir; sufizm təliminin təsiri
altında insanları humanizmə səsləyir (85, 343) bəzən də
cahilliyin, savadsızlığın əlacını «Qanun» və «Şəfa» («Tibb»)